GA Law Office • გიორგი ასლამაზიშვილის საადვოკატო ოფისი

03/07/2026

მორიგი სარჩელი დაკმაყოფილდა ⤵️

▪️ სამშენებლო კომპანია შპს “ირბისს” დაეკისრა მოსარჩელე ნ.ა-ს სასარგებლოდ პირგასამტეხლო 40500 აშშ დოლარის ექვივალენტის ლარში- 109 609,2 ლარის 0,03%-ის ოდენობით ყოველი ვადაგადაცილებული დღისთვის 2023 წლის 06 აგვისტოდან გადაწყვეტილების აღსრულებამდე.

▪️ სამშენებლო კომპანია შპს “ირბისს” მოსარჩელე ნ.ა-ს სასარგებლოდ დაეკისრა მიუღებელი შემოსავლის სახით 2023 წლის 06 აგვისტოდან ყოველთვიური 1768 (ათას შვიდას სამოცდარვა) ლარის ოდენობით გადახდა გადაწყვეტილების აღსრულების მომენტისთვის არსებული მდგომარეობით. (გარდა 6 თვიანი სარემონტო დროის)

▪️ სამშენებლო კომპანია შპს “ირბისს” დაეკისრა საადვოკატო მომსახურების ხარჯის ანაზღაურება მოსარჩელე ნ.ა-ს სასარგებლოდ 3000 ლარის ოდენობით.

▪️ სამშენებლო კომპანია შპს “ირბისს” დაეკისრა მოსარჩელე ნ.ა-ს სასარგებლოდ მოსარჩელის მიერ გადახდილი სახელმწიფო ბაჟის 2250 ლარის ოდენობით ანაზღაურება.

🔻 თბილისის საქალაქო სასამართლოს სამოქალაქო საქმეთა კოლეგიის მოსამართლე- ლილი ტყემალაძე.

01/07/2026

▪️ მორიგი წარმატებული საქმე თბილისის სააპელაციო სასამართლოში.

▪️თბილისის სააპელაციო სასამართლოს სამოქალაქო საქმეთა პალატამ არ გაიზიარა აპელანტის პოზიცია და უცვლელად დატოვა თბილისის საქალაქო სასამართლოს სამოქალაქო საქმეთა კოლეგიის, 2025 წლის 22 აპრილის გადაწყვეტილება, რომლითაც ჩემი მარწმუნებლის სარჩელი სრულად დაკმაყოფილდა, შესაბამისად:

🔻გ.პ-ს, უკანონო მფლობელობიდან გამოთხოვილ იქნეს უძრავი ქონება მდრებარე ქალაქ თბილისში და გამოთავისუფლებულ მდგომარეობაში გადაეცეს მოსარჩელე ვ.ფ-ს.

🔻 თბილისის სააპელაციო სასამართლომ, ასევე, არ გაიზიარა გ.პ-ს მიერ ახალი სარჩელით სასამართლოსადმი მიმართვის ფაქტი და არ დააკმაყოფილა საქმის წარმოების შეჩერების შუამდგომლობა.

03/06/2026

▪️ საქართველოს იუსტიციის სასწავლო ცენტრი -TCJ-ში GA Law Office-ის დამფუძნებელმა იურისტმა, ტრენერმა გიორგი ასლამაზიშვილმა ჩაატარა ტრენინგი თემაზე - „დისციპლინური წარმოება და სასამართლო პრაქტიკა“.

▪️ ტრენინგის ფარგლებში განხილულ იქნა დისციპლინური წარმოების არსი, მიზნები, დისციპლინური სახდელების სახეები, მათი გამოყენების სამართლებრივი საფუძვლები, მტკიცებულებების მოპოვების პროცედურები, პროპორციულობის სტანდარტი და შრომითი ხელშეკრულების შეწყვეტასთან დაკავშირებული სასამართლო პრაქტიკა.

▪️ საკითხები განხილულ იქნა საქართველოს შრომის კოდექსისა და მოქმედი სასამართლო პრაქტიკის საფუძველზე.

📌 ტრენინგის სრული ჩანაწერის ბმულებს კომენტარებში გაგიზიარებთ.

Enjoy the videos and music that you love, upload original content and share it all with friends, family and the world on YouTube.

23/04/2026

▪️ ადვოკატის თანაშემწის პოზიციაზე სტაჟირების პროგრამა წარმატებით დასრულდა. ეს პერიოდი თანაშემწეებისთვის იყო არა მხოლოდ თეორიული ცოდნის პრაქტიკაში გარდასახვის ეტაპი, არამედ სამართლებრივი აზროვნების ფორმირების უდიდესი პროცესი.

▪️ გვჯერა, რომ მიღებული პრაქტიკული გამოცდილება დაეხმარებათ დამოუკიდებლად განახორციელონ პრაქტიკული საქმიანობა საერთო სასამართლოებში.

AM Law Office • ასლამაზიშვილი მეზურნიშვილის საადვოკატო ოფისი - გისურვებთ წარმატებებს პროფესიულ საქმიანობაში.

#სტაჟირება #იურიდიულიდასაქმება #ადვოკატი

10/04/2026

▪️2026 წლის 5 აპრილს ევროპის იურისტ სტუდენტთა ასოციაციის (ELSA Tbilisi), ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტისა (თსუ იურიდიული ფაკულტეტი • TSU Faculty of Law) და თბილისის სახელმწიფო უნივერსიტეტის იურიდიული ფაკულტეტის სტუდენტური თვითმმართველობის (თსუ-ს იურიდიული ფაკულტეტის სტუდენტური თვითმმართველობა) თანამშრომლობის ფარგლებში, იურიდიული დასაქმების ფორუმი გაიმართა, რომელშიც ჩვენი კომპანიაც მონაწილეობდა.

▪️თბილისში მოქმედი ყველა აკრედიტებული უნივერსიტეტის სამართლის სტუდენტისა და ახალგაზრდა იურისტისთვის, ჩვენი კომპანიის მხრიდან შეთავაზებული იყო თანაშემწის პოზიციაზე სტაჟირების პრაქტიკული კურსი.

▪️ფორმუმის მიმდინარეობას უძღვებოდნენ - ჩვენი ოფისის სამოქალაქო/ადმინისტრაციული სამართლის მიმართულებით დასაქმებული ადვოკატის თანაშემწეები, რომლებიც კომპანიის საქმიანობის სპეციფიკისა და თანაშემწის პოზიციაზე დამტკიცების პროცედურულ საკითხებზე უწევდნენ კონსულტაციებს პოტენციურ კანდიდატებს.

▪️ფორუმის დასასრულს, ჩვენს კომპანიაში დასაქმების სურვილი გამოხატა 42-მა კანდიდატმა, რომლებიც ჩაერთვებიან კომპანიის მიერ გამოცხადებულ კონკურსში, თანაშემწის პოზიციაზე ვაკანტური ადგილის დასაკავებლად.

🔻განსაკუთრებული მადლობა ჩვენი კომპანიის თანაშემწეებს გაწეული შრომისათვის.

#დასაქმება #იურიდიულიდასაქმება #სამართალი #დასაქმებისფორუმი

01/03/2026

🔻გთავაზობთ სამართლის სპეციალისტის, გიორგი ასლამაზიშვილის სამართლებრივ შეფასებას ბიზნესმენ ნიაზ ხალვაშის საქმეზე - სასამართლოს მიდგომა საკმაოდ საშიშია ჩვენი პროფესიისთვის და საქართველოს უზენაესი სასამართლოს ადმინისტრაციულ საქმეთა პალატამ მთლიანად უგულებელყო კეთილსინდისიერი შემძენის ინსტიტუტი იძულებითი აღსრულების შედეგად აუქციონის შედეგების გაუქმებით.

▪️მნიშვნელოვანი შეხვედრა გაიმართა სასამართლო გადაწყვეტილებების საზოგადოებრივი კონტროლის სადისკუსიო ფორმატის ფარგლებში, სადაც ჩვენი კომპანიის იურისტი და აღმასრულებელი დირექტორი გიორგი ასლამაზიშვილი მიწვეული იყო სამართლის სპეციალისტის სტატუსით.

▪️ინიციატივის ფარგლებში იურიდიული წრის წარმომადგენლებმა შეაფასეს საქართველოს უზენაესი სასამართლოს 2022 წლის 14 ივლისის გადაწყვეტილება (№ ბს-3-(კ-21) , რომელიც შეეხება ერთ-ერთი ბიზნესმენის მიმართ TBC ბანკის მონაწილეობითთ დაკარგულ 6 მილიონიან ქონებასა და საწარმოს იძულებითი აუქციონის გზით რეალიზაციას ქ.ბათუმში.

12/02/2026

▪️თბილისის საქალაქო სასამართლოს სამოქალაქო საქმეთა კოლეგიის მოსამართლე ხათუნა კაკაბაძემ, სრულებით გაიზიარა ჩვენი, მოსარჩელე მხარის, პოზიცია და სს.იმედი ელს დააკისრა 22000 ლარის ანაზღაურება სიცოცხლისა და ჯანმრთელობის დაზღვევის ხელშეკრულებიდან გამომდინარე.

22/01/2026

▪️თბილისის საქალაქო სასამართლოს სამოქალაქო საქმეთა კოლეგიის მოსამართლემ, ე.ტ.-მ, სრულებით გაიზიარა ჩვენი, მოპასუხე მხარის, პოზიცია და არ დააკმაყოფილა საკრედიტო ხელშეკრულებიდან გამომდინარე თანხის დაკისრების მოთხოვნა.

▪️ხანდაზმულად იცნო მოთხოვნა 20130 ლარის ოდენობით.

13/12/2025

▪️ თბილისის საქალაქო სასამართლოს სისხლის საქმეთა კოლეგიის მოსამართლე ლევან გელოვანმა არ დააკმაყოფილა პროკურორის შუამდგომლობა აღკვეთი ღონისძიების სახით პატიმრობის გამოყენების თაობაზე.

▪️სრულიად გაიზიარა დაცვის მხარის პოზიცია და ჩვენი დაცვის ქვეშ მყოფი გ.ჯ სხდომათა დარბაზიდან დაუყოვნებლივ გათავისუფლდა აღკვეთი ღონისძიების სახით გირაოს შეფარდებით.

🔻 პროკურატურა გვედავება სისხლის სამართლის კოდექსის 236-ე მუხლის მე-3 ნაწილით გათვალისწინებულ ქმედებას , კერძოდ, ცეცხლსასროლი იარაღის, საბრძოლო მასალის, ფეთქებადი ნივთიერების ან ასაფეთქებელი მოწყობილობის მართლსაწინააღმდეგო შეძენა ან შენახვას. აღნიშნული ქმედება ისჯება თავისუფლების აღკვეთით ვადით სამიდან ექვს წლამდე ვადით.