კაიკაციშვილი & ადვოკატები / Kaikatsishvili & Barristers

27/05/2020

✔„ILO“ მიერ COVID-19-თან დაკავშირებით გაცემული რეკომენდაციები

❞2020 წლის 23 მარტს, შრომის საერთაშორისო ორგანიზაციამ (შემდგომში - „ILO“), რომლის წევრიც საქართველოა, გამოაქვეყნდა პანდემიის შედეგებთან მიმართებით, შრომით-სამართლებრივი ურთიერთობების მოწესრიგებისთვის აუცილებელი რეკომენდაციების დოკუმენტი, რომელიც, თავის მხრივ, ეფუძნება „ILO“-ს წარსულში მიღებული არაერთი ნორმატიული შინაარსის მქონე დოკუმენტის გამოყენების მნიშვნელობას. რეკომენდაციები თანაბრად იცავს, როგორც დასაქმებულის, ასევე დამსაქმებლის ინტერესებს. კერძოდ, „ILO“ წევრ ქვეყნებს პრობლემათა გადაჭრის ოპტიმალურ, მაგრამ იმავდროულად კომპლექსური გზებისკენ მოუწოდებს. „ILO“-ს მნიშვნელოვანი რეკომენდაციები შემდეგნაირად გამოიყურება❞.

სრულად ►

საკითხი იმის შესახებ, რომ ახალი კორონა ვირუსის გავრცელების პერიოდში ერთ-ერთი ყველაზე აქტუალური თემას შრომით-სა.....

08/05/2020

✔დიპლომატიური იმუნიტეტი - კონგო ბელგიის წინააღმდეგ და ჰააგის ტრიბუნალის გადაწყვეტილება

❞განმცხადებელი აღნიშნავდა რომ ბელგიის სამეფომ დაარღვია გაერთიანებული ერების ორგანიზაციის წესდების მეორე მუხლი, რომელიც განსაზღვრადა სახელმწიფოთა იურისდიქციასა და სხვა სახელმწიფოთა სუვერენიტეტის პატივისცემის ფუძემდებლურ პრინციპებს. აგრეთვე, მათი მტკიცებით, დარღვეული იყო 1961 წლის 18 აპრილის ვენიც კონვენცია დიპლომატიური ურთიერთობების შესახებ, რადგანაც ამავე კონვენციის 41-ე მუხლის მეორე პარაგრაფი განსაზღვრავდა, რომ იმ დიპლომატიური იმუნიტეტის არსებობის წესს, რომელიც სუვერენული სახელმწიფოს საგარეო საქმეთა მინისტრს ჰქონა. კანონმდებლობით დადგენილი წესით მოხდა ბელგიის სახელმწიფოს ინფორმირება აღნიშნულ განცხადებასთან დაკავშირებით, ისევე, როგორც ad hoc წესით, მათ მიერ კონკრეტული მოსამართლეების დანიშვნა. მხარეებს დაევალათ მემორანდუმისა და კონტრმემორანდუმის წარმოდგენა, რომელიც შეეხებოდა სასამართლოს იურისდიქციას, სარჩელის დასაშვებობისა და საქმის კონკრეტულ გარემოებებს, საქმის არსის დასადგენად❞.

სრულად ►

ბელგიის გამომძიებელმა მოსამართლემ 2000 წლის 11 აპრილს დაუსწრებლად გამოიტანეა გადაწყვეტილება იმდროინდელი კონგოს დ...

02/11/2019

✔KB-ის წარმომადგენლობით, თბილისის საქალაქო სასამართლოს სამოქალაქო საქმეთა კოლეგიამ დააკმაყოფილა შუამდგომლობა და გამოიყენა სარჩელის უზრუნველყოფის ღონისძიება, რომლითაც ყოფილ მოსამართლეს და მოქმედ ადვოკატს აეკრძალა ქ. თბილისში, საკუთრებაში არსებული 96.55 კვ.მ ფართის გასხვისება და იპოთეკით დატვირთვა. KB, ეთიკის პრინციპებიდან გამომდინარე, ბუნებრივია, არ მიუთითებს მოპასუხე მხარის ვინაობას და შემოიფარგლება მხოლოდ დავის მოკლე ისტორიით. თბილისის საქალაქო სასამართლოში საქმეზე მოსამზადებელი სხდომა 2019 წლის 13 ნოემბერს გაიმართება.

სრულად ►

KB-ის წარმომადგენლობით, თბილისის საქალაქო სასამართლოს სამოქალაქო საქმეთა კოლეგიამ დააკმაყოფილა შუამდგომლობა დ....

02/11/2019

✔KB-ის წარმოებაშია სამემკვიდრეო სამართლის სფეროდან მნიშვნელოვანი საქმე, რომელიც, თავისი ფაქტობრივი და სამართლებრივი გარემოებების გათვალისწინებით, განეკუთვნება რთული კატეგორიის დავების შემადგენელს და იძენს პრაქტიკული მნიშვნელობის დანიშნულებას. საქმე საქართველოს უზენაესი სასამართლოს წარმოებაშია და საბოლოო გადაწყვეტილება მიღებული არ არის. მტკიცდება, რომ სადავო პერიოდში, შეუძლებელი იყო, პირს გამოეხატა იურიდიული ნება, მოეხდინა თავისუფალი გადაადგილება და გაეკეთებინა განაცხადი სამკვიდროს ქონების მიღებაზე. შესაბამისად, არსებობს სამართლებრივი წინაპირობა და იურიდიული საფუძვლები, საქმე ხელახალი განხილვისთვის დაუბრუნდეს თბილისის სააპელაციო სასამართლოს, რომელიც ექსპერტიზის დასკვნის საფუძველზე, შეაფასებს სადავო გარემოებებს, ვინაიდან საქმეზე ამგვარი შედეგი, სააპელაციო პალატის საპროცესო ვალდებულოების შეუსრულებლობით დადგა.
დღეს მოსარჩელე 76 წლისაა და KB-ს წარმომადგენლებმა არაერთხელ მიმართეს სასამართლოს სწრაფი მართლმსაჯულების განხორციელების მიზნით. მხარეს აქვს სრული მოლოდინი, რომ საქართველოს უზენაესი სასამართლო მიიღებს კანონიერ და სწორ გადაწყვეტილებას, დაკმაყოფილდება მხარის მოთხოვნები და პირი აღდგენა კანონიერ ინტერესებში.

სრულად ►

KB-ის წარმოებაშია სამემკვიდრეო სამართლის სფეროდან მნიშვნელოვანი საქმე, რომელიც, თავისი ფაქტობრივი და სამართლებ.....

12/10/2019

✔KB -ს იურიდიული დახმარების აღმოჩენის მიზნით მომართა 88 წლის ქალბატონმა, რომელმაც აღნიშნა, რომ 1992 წლის 3 აპრილის პრივატიზაციის ხელშეკრულების საფუძველზე, ფლობდა 30.00 კვ.მ ფართობის ერთადერთ საცხოვრებელ სახლს ქ. თბილისში. ქალბატონი არ ყოფილა დაოჯახებული, ხოლო დისშვილის მხრიდან მიიღო დაპირება, რომ უზრუნველყოფდა დამხმარე ქალბატონით, საკვებით, ჯანმრთელობის მდგომარეობასთან დაკავშირებული ხარჯებით, სანაცვლოდ კი საცხოვრებელი სახლი სიცოცხლეშივე დაეთმო. 2019 წლის ივლისში, სატელეფონო კომუნიკაციის შედეგად, დეიდამ დისშვილისგან მიიღო ინფორმაცია, რომ შესაძლოა, საცხოვრებელი სახლი დაგროვილი ვალების გამო, გასხვისებულიყო და დეიდას საცხოვრებლად მეზობელთან გადასვლა მოუწევდა (!) რაც სრული სტრესი აღმოჩნდა ხანდაზმული ქალბატონისთვის. იურისტებმა 2019 წლის 30 სექტემბერს სარჩელით მიმართეს სასამართლოს. 30 სექტემბრის განჩინებით, დააკმაყოფილა მოთხოვნა ქონების გასხვისებისა და იპოთეკით დატვირთვის აკრძალვის შესახებ. სასამართლომ მიიღო განჩინება საქმეზე საბოლოო გადაწყვეტილების მიღებამდე, მოსარჩელისთვის სახელმწიფო ბაჟის გადახდის გადავადების თაობაზე.

სრულად ►

KB -ს იურიდიული დახმარების აღმოჩენის მიზნით მომართა 88 წლის ქალბატონმა, რომელმაც აღნიშნა, რომ 1992 წლის 3 აპრილის პრივა....

23/09/2019

✔კოდექსი ითვალისწინებს ყველა იმ პირის სპეციალიზება/გადამზადებას, ვინც ბავშვის უფლებების დაცვის კუთხით მიმდინარე პროცესებში იქნება ჩართული სასამართლოში, ადმინისტრაციულ ორგანოში თუ სხვა სახის დაწესებულებაში. პროფესიონალთა სპეციალიზაციის ინსტიტუციური სისტემა მოიცავს ბავშვთან და ბავშვთა საკითხებზე მომუშავე ადვოკატების, პროკურორების, პოლიციელების, მოსამართლეების, მედიატორების, სოციალური მუშაკების, ფსიქოლოგების და სხვა სპეციალისტების შერჩევის, მოსამზადებელი და განგრძობადი სწავლების, პროფესიული განვითარებისა და კარიერული წინსვლის, საქმიანობისხარისხის კონტროლის და ეთიკური სტანდარტების უზრუნველყოფას.

სრულად ► http://kbarristers.ge/ge/news/index/124

15/06/2019

✔KB-ს იურიდიული კონსულტაციის მიღების მიზნით, მომართა მოქალაქემ, რომელმაც აღნიშნა, რომ დასაქმებული გახლდათ ერთ-ერთ სტამბაში ექაუნთ მენეჯერის პოზიციაზე. კომპანიამ მუშაკთან შრომით-სამართლებრივი ურთიერთობის დასრულება, გამოსაცდელი ვადის დარსულების საფუძვლით, დაასრულა. მუშაკის გადმოცემით, მას შემდეგ, რაც კომპანიასთან სოციალური ქსელის მეშვეობით განახორციელა მიმოწერა და მოითხოვა კუთვნილი, ბოლო აპრილის თვის სახელფასო ანაზღაურების გადახდა, „დამსაქმებელმა“ აღნიშნული ვალდებულა შეასრულა, თუმცა მისივე განმარტებით, კომპანია არ უზრუნველყოფს დარჩენილი შრომითი ანაზღაურების გაცემა, კერძოდ, 1375 ლარის გადახდა, რაც გამომდინარეობდა აუნაზღაურებელი ბონუსის სისტემიდან და დავალიანება „დასაქმებულის“ მიმართ არსებობდა 2019 წლის თებერვალი, მარტი და აპრილის თვის გადაუხდელი თანხების მოცულობით.

სრულად ►

KB-ს იურიდიული კონსულტაციის მიღების მიზნით, მომართა მოქალაქემ, რომელმაც აღნიშნა, რომ დასაქმებული გახლდათ ერთ-ერთ ....

12/06/2019

✔2019 წლის 12 ივნისის თბილისის საქალაქო სასამართლოს სამოქალაქო საქმეთა კოლეგიის განჩინებით, ორი ბიზნესს კომპანიას შორის სახელშეკრულებო ურთიერთობებიდან წარმოშობილი სამართლებრივი დავა, მორიგებით დასრულდა. KB-ის წარმომადგენლები სასამართლოში მოსარჩელე მხარის ინტერესებს წარმოადგენდნენ, რომელიც ხელშეკრულებაში წარმოდგენილი იქნა „გამყიდველის“ მხარის სტატუსით. კომპანია დასთანხმდა 2019 წლის 30 ივნისის მდგომარეობით, მოსარჩელეს აუნაზღაუროს გადასახდელი თანხა - 3000 აშშ დოლარის ოდენობით. მასთან, მოპასუხე კომპანია დასთანხმდა მოსარჩელისთვის სასამართლო და სასამართლოს გარეშე ხარჯების ანაზღაურებას. სასამართლოს განჩინება მორიგების აქტის დამტკიცების შესახებ კანონიერ ძალაში შევიდა მხარეთა მიერ მასზე ხელმოწერის მომენტიდან. KB-ის სახელით, მოსარჩელის კანონიერი ინტერესები სასამართლოში კომპანიის იურისტმა, ნიკა გოგბერაშვილმა წარმოადგინა. საქმე მოსამართლე თინათინ ეცადაშვილმა განიხილა.

2019 წლის 12 ივნისის თბილისის საქალაქო სასამართლოს სამოქალაქო საქმეთა კოლეგიის განჩინებით, ორი ბიზნესს კომპანიას შ...

05/06/2019

#ესსაინტერესოა!

ქორწინების ჩამოყალიბების ისტორია

კლასიკური სახით ქორწინების გაჩენამდე, ოჯახური ურთიერთობები განისაზღვრებოდა თანაცხოვრებით გარკვეული მიზნებიდან გამომდინარე, როგორებიცაა საკვების მოპოვება, საკუთრების დაცვა და თავდასხმების მოგერიება.

ძველი რომის პერიოდისთვის, აღნიშნული თანაცხოვრება დაეფუძნა ურთიერთობების სურვილს, სიყვარულს და ეკონომიკურ სტაბილურობას. რომის იმპერიის შემდეგ, ქორწინება ევროპის სახელმწიფოებში სამოქალაქო ინსტიტუტის სახით იყო წარმოდგენილი, თუმცა დრო და დრო მან შეიძინა რელიგიური ცერემონიის ხასიათიც.

მე-12 საუკუნეში, რომის კათოლიკურმა ეკლესიამ ქორწინება დაადგინა, როგორც ღვთისგან ნაკარნახევი წმინდა ცერემონია. ამ პერიოდიდან კათოლიციზში ითვლებოდა, რომ ქორწინების ფაქტს წინ უძღვოდა ღვთის, მამაკაცისა და ქალის ნება. რეფორმაციის პერიოდში, აღნიშნული მოსაზრება დაყვანილი იქნა მხოლოდ ქალისა და მამაკაცის დამოუკიდებელ სურვილამდე.

ვიქტორიანულ ერაში (მე-19 საუკუნის მეორე ნახევარი), საზოგადოება უფრო მეტად გაიმიჯნა რელიგიური ცერემონიისგან და ქორწინება აღიქვა, როგორც მხოლოდ ქალისა და მამაკაცის პირადი გადაწყვეტილებების ნაწილი.

ამასთან, მოდერნულ ეპოქაში, სოციუმში წარმოიქმნა განქორწინების მოთხოვნები. ევროპის ისტორიისთვის, განქორწინება დამახასიათებელი შუა საუკუნეებში არ ყოფილა და კანონით მისი დაშვება მხოლოდ 1857 წელს მოხდა ბრიტანეთში, თუმცა განქორწინების შესაძლებლობა უფრო და უფრო მარტივდებოდა მომდევნო ათწლეულების საკანონმდებლო აქტებით.
ცივილიზებულ მსოფლიოში ქორწინება დღემდე თანაცხოვრების ყველაზე პოპულარულ საშუალებად ითვლება, თუმცა მისი დეფინიცია რიგ სახელმწიფოებში გადაიხედა. 2001 წელს, ნიდერლანდები იყო პირველი სახელმწიფო, სადაც ლეგალური გახდა ქორწინება ერთსქესიან წყვილებს შორის.