ადვოკატი კახაბერ გოგოლაძე

27/05/2026

ადვოკატი, რომელიც ერთი ხელით თან რეჟიმის მხარდამჭერი ხარ (რეჟიმის კანდიდატის მხარდაჭერასაც ვგულისხმობ) და მეორე ხელით, გორში მომხდარ ამბავს გმობ, ეს ან ავადმყოფობაა ან უნამუსობა.

სხვა არაფერია აქ სამტკიცებელი.

16/10/2025

რა არის გამჭოლი პასუხისმგებლობა ???

პასუხისმგებლობის ეს სახე კორპორატიული სამართლის ერთ ერთი ნაწილია და ის არაპირდაპირ არეგულირებს სამეწარმეო სუბიექტების და მათში მონაწილე პირების კეთილსინდისიერი ქმედებების საკითხებს, კერძოდ ძირეულად აწესრიგებს პარტნიორის პირადი პასუხისმგებლობის წესებს, რომლებიც გამომდინარეობს იმ დოქტრინიდან, რომელსაც სამეწარმეო სამართლში „კორპორატიული საფარველის გაჭოლვის“ ან სხვაგვარად, „გამჭოლი პასუხისმგებლობის“ დოქტრინად განიხილება.

„გამჭოლი პასუხისმგებლობის“ გამოყენების საფუძვლები პირველად განმარტებულ იქნა ამერიკის შეერთებული შტატების სასამართლოების მიერ. ამ განმარტების მიხედვით, გამჭოლი პასუხისმგებლობა გამოიყენება, როდესაც პარტნიორის მხრიდან ადგილი აქვს მოტყუებას, შეცდომაში შეყვანას ან მართლსაწინააღმდეგო მოქმედებას (fraud, misrepresentation, illegality). მოგვიანებით, სამოსამართლო სამართალი განევრცო აღნიშნულ თემაზე და გამჭოლი პასუხისმგებლობის გამოყენების საფუძვლად მიიჩნია ისეთი შემთხვევები, როცა კომპანია წარმოადგენს პატნიორის ხელში „ინსტრუმენტს“, პარტნიორის „ფიქციას“.

გამჭოლი პასუხისმგებლობის გამოყენების ერთ-ერთი ფართოდ გავრცელებული საფუძველია საზოგადოების „არაადექვატური კაპიტალიზაცია“. არაადეკვატურ კაპიტალიზაციაში იგულისხმება ის შემთხვევა, როცა კომპანიის კაპიტალი ძალიან მცირე ან შეუსაბამოა იმ კომპანიის საქმიანობის სახისათვის და იმ რისკების დასაზღვევად, რომელსაც საზოგადოების ბიზნესსაქმიანობა წარმოშობს.

გამჭოლი პასუხისმგებლობის კიდევ ერთი მნიშვნელოვანი ელემენტია „კორპორაციული ფორმალობების დაუცველობა“. ამ ელემენტის დარღვევაა როცა არ ხდება დირექტორებისა და პარტნიორების კრებების მოწვევა და/ან ჩატარება, როცა პარტნიორებისა და დირექტორების მმართველობითი და წარმომადგენლობითი უფლებამოსილებები არ არის ნათლად გამიჯნული, როცა ხდება პარტნიორებისა და საზოგადოების ქონების აღრევა, როცა საზოგადოების სახსრები გამოიყენება პარტნიორთა პირადი მიზნებისათვის, ხოლო პირადი ხარჯები მიიჩნევა კომპანიის ხარჯებად ბუღალტრული ანგარიშგების წესების დარღვევით, ან როცა არ ხდება სათანადო ბუღალტრული და ფინანსური ანგარიშგება და შესაბამისი დოკუმენტაციის წარმოება.

როგორც უკვე აღინიშნა, „მეწარმეთა შესახებ“ საქართველოს კანონი საზოგადოების პარტნიორთა გამჭოლ პასუხისმგებლობას ითვალისწინებს და ამასთან ერთად ქართულ სასამართლოებში უკვე დადგენილია შესაბამისი ერთგვაროვანი პრაკტიკაც. ასე, რომ მეწარმესუბიექტების პარტნიორი ან დირექტორი პირები თეორიულად შესაძლებელია გახდნენ ამ უკანასკნელი სუბიექტის/ების მიე აღებული ვალდებულებების პირადი პასუხისმგებელი პირები.

გისურვებთ წარმატებებს,
დამატებითი კონსულტაციისთვის მოგვმართეთ შეტყობინებით!!!

29/08/2025

ვუსამძიმრებ ნანას ოჯახს 😔
პატივისცემით

თბილისის საქალაქო სასამართლოს ვებგვერდი

29/08/2025

29/06/2025

ნასამართლობა, მისი გაქარწყლებისა და მოხსნის სამართლებრივი რეგულაციები

მსჯავრდებული ნასამართლევად ითვლება გამამტყუნებელი განაჩენის კანონიერ ძალაში შესვლის დღიდან ნასამართლობის გაქარწყლების ან მოხსნის მომენტამდე. ნასამართლობა მხედველობაში მიიღება სისხლისსამართლებრივი პასუხისმგებლობის, დანაშაულის კვალიფიკაციისა და სისხლისსამართლებრივი ზემოქმედების ღონისძიების საკითხის გადაწყვეტისას.

საქართველოს სისხლის სამართლის კოდექსით დაწესებულია ნასამართლობის გაქარწყლების სხვადასხვა ვადა, რაც პირდაპირ კავშირშია შეფარდებული სასჯელის სახესთან და პირის მიერ ჩადენილი დანაშაულის კატეგორიასთან (სიმძიმესთან).

საყურადღებოა:

ნაკლებად მძიმეა ისეთი განზრახი ან გაუფრთხილებლობითი დანაშაული, რომლის ჩადენისთვის საქართველოს სისხლის სამართლის კოდექსით გათვალისწინებული მაქსიმალური სასჯელი არ აღემატება ხუთი წლით თავისუფლების აღკვეთას;

მძიმეა ისეთი განზრახი დანაშაული, რომლის ჩადენისთვის საქართველოს სისხლის სამართლის კოდექსით გათვალისწინებული მაქსიმალური სასჯელი არ აღემატება ათი წლით თავისუფლების აღკვეთას, აგრეთვე გაუფრთხილებლობითი დანაშაული, რომლის ჩადენისათვის საქართველოს სისხლის სამართლის კოდექსით სასჯელის სახით გათვალისწინებულია თავისუფლების აღკვეთა ხუთ წელზე მეტი ვადით;

განსაკუთრებით მძიმეა ისეთი განზრახი დანაშაული, რომლის ჩადენისთვის საქართველოს სისხლის სამართლის კოდექსით გათვალისწინებულია სასჯელი 10 წელზე მეტი ვადით ან უვადო თავისუფლების აღკვეთა.
სრულწლოვანი პირის შემთხვევაში ნასამართლობა გაქარწყლებულად ითვლება
• პირობით მსჯავრდების შემთხვევაში - გამოსაცდელი ვადის გასვლის შემდეგ;
• თავისუფლების აღკვეთაზე უფრო მსუბუქი სასჯელით მსჯავრდების შემთხვევაში -
სასჯელის მოხდიდან 1 წლის შემდეგ;
• ნაკლებად მძიმე დანაშაულისათვის თავისუფლების აღკვეთის შემთხვევაში -
სასჯელის მოხდიდან 3 წლის შემდეგ;
• მძიმე დანაშაულისათვის თავისუფლების აღკვეთის შემთხვევაში - სასჯელის
მოხდიდან 6 წლის შემდეგ;
• განსაკუთრებით მძიმე დანაშაულისათვის თავისუფლების აღკვეთის შემთხვევაში -
სასჯელის მოხდიდან 8 წლის შემდეგ.

ნასამართლობის გაქარწყლებასთან დაკავშირებით, საქართველოს სისხლის სამართლის კოდექსით დაწესებულია განსხვავებული ნორმები არასრულწლოვნებთან მიმართებაში.

07/03/2025

ხანდაზმული იპოთეკის ან ხანდაზმული გადაწყვეტილების აღსრულების შეწყვეტა!!!!

როგორც მოგეხსენებათ, საქართველოს სამოქალაქო კანონმდებლობით გათვალისწინებულია უამრავი ქონებრივი და პირადი ხასიათის სამართლებრივი ურთიერთობები. ყველა რეგურირებულ ურთიერთობას გააჩნია, როგორც მათი წარმოშობის საფუძვლები, ასევე ნებაყოფლობით და უძულებით შესრულების ღონისძიებების განმსაზღვრელი ნორმები, ამასთან მათი დასრულების ან შეწყვეტის მარეგულირებელი ნორმები. ამ სახეობებიდან ერთ-ერთი ფართოდ გავრცელებული ურთიერთობაა, სესხის და იპოთეკის ხელშეკრულებიდან წარმოშიბილი ვალდებულებები. განვიხილოთ ამ უკანასკნელი ურთიერთობის შეწყვეტის თეორია და პრაქტიკის განხორციელება, ხანდაზმული მოთხოვნის შემთხვევაში.
საქართველოს სამოქალაქო კოდექსის 129-ე მუხლის თანახმად, სახელშეკრულებო მოთხოვნების ხანდაზმულობის ვადა შეადგენს 3 სამ წელს, ხოლო უძრავ ნივთებთან დაკავშირებული სახელშეკრულებო მოთხოვნებისა - 6 ექვს წელს. ხანდაზმულობის საკითხის სწორი შეფასებისათვის გადამწყვეტი მნიშვნელობა ენიჭება მოთხოვნის იძულებით რეალიზაციის ვადის დენის დასაწყისის სწორად განსაზღვრას. სამოქალაქო კოდექსის 130-ე მუხლის თანახმად, ხანდაზმულობა იწყება მოთხოვნის წარმოშობის მომენტიდან. მოთხოვნის წარმოშობის მომენტად ჩაითვლება დრო, როცა პირმა შეიტყო ან უნდა შეეტყო უფლების დარღვევის შესახებ. ამდენად, სასარჩელო ხანდაზმულობის ვადის დენის დაწყება დაკავშირებულია სუბიექტურ ფაქტორთან, იმ მომენტთან, როცა დაზარალებულმა შეიტყო ან ობიექტურად უნდა შეეტყო თავისი უფლების დარღვევის შესახებ, ამასთან, ივარაუდება, რომ მან დარღვევის განხორცილებისთანავე შეიტყო აღნიშნულის შესახებ. თუკი მხარეებმა ხელშეკრულების შესრულების ვადა განსაზღვრეს, ხანდაზმულობის ვადის ათვლა სწორედ ამ მომენტიდან უნდა დაიწყოს.
საქართველოს სამოქალაქო კოდექსის 144-ე მუხლის პირველი ნაწილის თანახმად, ხანდაზმულობის ვადის გასვლის შემდეგ ვალდებული პირი უფლებამოსილია უარი თქვას მოქმედების შესრულებაზე. კანონით დადგენილია ვადა, რომლის განმავლობაშიც პირს, რომლის უფლებაც დაირღვა, შეუძლია მოითხოვოს თავისი უფლების იძულებით განხორციელება ან დაცვა. ხანდაზმულობის ვადის გასვლის შემდეგ ვალდებული პირი უფლებამოსილია უარი თქვას მოქმედების შესრულებაზე. ხანდაზმულობის ინსტიტუტის სპეციფიურობა იმაში მდგომარეობს, რომ დადგენილი ვადის გასვლის შემდეგ მოთხოვნის უფლება ობიექტურად არსებობს, თუმცა იძულების წესით იგი განუხორციელებელია. ანუ, ამ უფლების რეალიზაცია სრული მოცულობით დამოკიდებული ხდება მოვალის ნება-სურვილზე, ვინაიდან საქართველოს სამოქალაქო კოდექსის 144-ე მუხლის პირველი ნაწილი უფლებას ანიჭებს ვალდებულ პირს უარი თქვას შესრულებაზე.
აღსანიშნავია, რომ იპოთეკა სანივთო-სამართლებრივი გარიგებაა, იგი მიეკუთვნება სანივთო უზრუნველყოფის საშუალებას და მისი თავისებურება მდგომარეობს იმაში, რომ გარანტირებულს ხდის ვალდებულების შესრულებას მოვალის მხრიდან დარღვევის შემთხვევაში. იპოთეკის არსი და დანიშნულება არსებული ვალდებულების უზრუნველყოფაა და მის გარეშე არ არსებობს. ამავე დროს იპოთეკა არის ერთგვარი საშუალება, რომელიც თავისი ბუნებით უზრუნველყოფილი ვალდებულების იძულების წესით აღსრულებას უზრუნველყოფს. ამდენად იპოთეკა აქცესორული უფლებაა და სამოქალაქო კოდექსის 153-ე მუხლის პირველი ნაწილის შესაბამისად, იგი არ წარმოიშობა და არც შეიძლება არსებობდეს ძირითადი უფლების გარეშე, ხოლო სამოქალაქო კოდექსის 145-ე მუხლით გათვალისწინებული ნორმის დანაწესიდან გამომდინარე იპოთეკაზე ვრცელდება სამოქალაქო კოდექსით იმ მოთხოვნებისათვის დადგენილი ხანდაზმულობის ვადა, რომლის შესრულების უზრუნველყოფასაც იგი ემსახურება.
ყოველივე ზემოთქმულის გათვალისწინებით, იმ შემთხვევაში თუ მოთხოვნა ან გადაწყვეტილების აღსრულება ხანდაზმულია, მოვალეს უფლე აქვს აღიაროს ან უარი თქვას მოქმედების შესრულებაზე. ყოველ შემთხვევაში ამ უფლების რეალიზაცია სრული მოცულობით დამოკიდებული ხდება მოვალის ნება-სურვილზე და მოვალის მხრივ, მოქმედების შესრულებაზე უარის განაცხადის შემთხვევაში, ნივთზე რეგისტრირებული იპოთეკის უფლების შეწყვეტის და შესაბამისი ჩანაწერის გაუქმების შესახებ გადაწყვეტილებას, საერთო სასამართლო იღებს.

09/12/2024

გასული დღეების განმავლობაში ბევრი უსიამოვნო, სამწუხარო და საშიში პრეცედენტის შემცველი ფაქტები მოხდა ჩვენს ქვეყანაში!..

განსაკუთრებით საშიშია ის ქმედებები, რაც განხორციელდა საპატრულო პოლიციის დეპარტამენტის მხრიდან. ყველასათვის უკვე ცნობილია და მტკიცებას არ საჭიროებს ის უამრავი ფაქტი, რომელთა ერთობლიობითაც უდავოდ დასტურდება პატრულ-ინსპექტორების მხრიდან აშკარა და უშუალო დანაშაულის ფაქტებზე არ რეაგირება და ამ ფაქტების ვითომდა შეუმჩნევლობა.

აქ საშიში ისარის, რომ როდესაც თავად სამართალდამცავია დამნაშავე, მან მოქალაქეს როგორ უნდა მოთხოვოს სამართლის დაცვა ან დამორჩილება. არ ყოფილა მსგავსი არც შემთხვევა და არც პრეცედენტი მსოფლიო ისტორიაში.
დაუბრუნდეთ პატრულ-ინსპექტორების ქმედებებს და მივცეთ მათ სამართლებრივი შეფასება. რა არის და რა შეიძლება იყოს ეს ქმედებები?

სისხლის სამართლის კოდექსის მიხედვით, ამ გარემოებების კვალიფიცირებისას ასევე შესაძლებელია ვისაუბროთ უკანონო ბრძანების შესრულებასა და გულგრილობაზე!.. “სისხლისსამართლებრივი პასუხისმგებლობა არ დაეკისრება იმას, ვინც სავალდებულო ბრძანების ან განკარგულების შესრულებისას დააზიანა სამართლებრივი სიკეთე. ასეთი ზიანისათვის სისხლისსამართლებრივი პასუხისმგებლობა დაეკისრება იმას, ვინც მართლსაწინააღმდეგო ბრძანება ან განკარგულება გასცა. თუმცა არსებობს ამავე მუხლის მე-2 პუნტი, რომლის მიხედვით წინასწარი შეცნობით დანაშაულებრივი ბრძანების ან განკარგულების შესრულებისათვის პირს სისხლისსამართლებრივი პასუხისმგებლობა დაეკისრება საერთო წესით, თუ არ არსებობს ბრალის გამომრიცხველი სხვა გარემოება.
ამასთან სამსახურებრივი გულგრილობა გულისხმობს მოხელის ან მასთან გათანაბრებული პირის მიერ თავისი სამსახურებრივი მოვალეობის შეუსრულებლობა ან არაჯეროვნად შესრულება მისდამი დაუდევარი დამოკიდებულების გამო, რამაც ფიზიკური ან იურიდიული პირის უფლების, საზოგადოების ან სახელმწიფოს კანონიერი ინტერესების არსებითი დარღვევა გამოიწვია“.

04/12/2024

ავარია

კიდევ ერთი მოგებული სასამართლო, შსს - საპატრულო პოლიციის დეპარტამენტის წინააღმდეგ.

საქმე ეხებოდა ავტოსაგზაო შემთხვევას, რომლის დროსაც საპატრულო პოლიციის პატრულ-ინსპექტორმა ადგილზე სათანადოდ არ შეისწავლა შემთხვევის გამომწვევი ფაქტობრივი გარემოებები, უკანონოდ გაამტყუნა მოქალაქე და დაადანაშაულა ის ავტომანქანის მართვის დროს დაუდევრობაში. მოქალაქეს ასევე ემუქრებოდა, სადაზღვევო კომპანიის წინაშე ფინანსული ვალდებულების შესრულებაც.

სასამართლომ მიიჩნია, რომ ადმინისტრაციულ სამართალდარღვევათა კოდექსის შესაბამისი მუხლით გათვალისწინებული ადმინისტრაციულ სამართალდარღვევის კვალიფიკაცია მოითხოვს ნორმათშემფარდებელი ადმინისტრაციული ორგანოების, ასევე კონკრეტული მოხელე-პოლიციელების მხრიდან მთელ რიგ პროცედურული მოქმედებების ადეკვატურ შესრულებას, სპეციალური ადმინისტრაციული წარმოების ჩატარებას საქმეზე ფაქტობრივი გარემოებების სრულყოფილად გამოკვლევა-დადგენის გზით და კანონშესაბამის კვალიფიკაციას.

ასევე სასამართლომ გამორიცხა, ადმინისტრაციულ წარმოებაში მხარეებს შორის (მოქალაქეები და საპატრულო პოლიციის პატრულ-ინსპექტორი) მტკიცების ტვირთის თანაბრად გადანაწილების ვალდებულება.

სასამართლოში საქმე დასრულდა მოქალაქოს სასარგებლოდ.

21/11/2024

ცრუმაგიერ პირად აღიარება

მნიშვნელოვანია იცოდეთ, რომ საგადასახადო კოდექსის 246 მუხლის შესაბამისად, საგადასახადო ორგანოს უფლება აქვს, პირი მიიჩნიოს გადასახადის გადამხდელის ცრუმაგიერ პირად, თუ ეს პირი გამოიყენება მოსალოდნელი ან არსებული საგადასახადო დავალიანების გადახდევინების უზრუნველყოფის ღონისძიებისათვის თავის არიდების მიზნებისთვის.
აღსანიშნავია, რომ ცრუმაგიერ პირად აღიარება ხდება მხოლოდ სასამართლოს მიერ.

პრაქტიკა

საერთო სასამართლოები მიუთითებენ, რომ გადასახადის გადამხდელის მიერ სხვა პირისათვის ქონების გადაცემის დროს, საქართველოს საგადასახადო კოდექსის ჭრილში განხილვისას, არსებითია დადგინდეს მხარეთა რეალური ნება, გარიგების დადების მიზანი, რამდენად მოხდა ქონების გადაცემა ან მომსახურების გაწევა შესაბამისი გონივრული შემხვედრი დაკმაყოფილებით, მხარეთა ურთიერთკავშირი, უნდა განისაზღვროს გადაცემის მომენტი, რამდენად ქმნის იგი გონივრულ ეჭვს, რომ გადაცემა მოხდა სამომავლოდ უზრუნველყოფის ღონისძიების გამოყენებისაგან თავის არიდების მიზნით და სხვა. ამრიგად, გამოკვლეული უნდა იქნას როგორც გადასახადის გადამხდელისა და სავარაუდო ცრუმაგიერი პირის ურთიერთობა, ისე კონკრეტული ოპერაციის განხორციელების საფუძვლები და წინაპირობები. სასამართლოები მიუთითებენ, რომ ქონების გადაცემის, ასევე, ქონების სხვა პირზე გასხვისების შესაძლებლობა გათვალისწინებულია მოქმედი კანონმდებლობით, შესაბამისად, პირი უფლებამოსილია, რომ მოახდინოს კანონმდებლობით გათვალისწინებული გარიგების დადება, თუმცაღა ცრუმაგიერ პირებად დადგენისათვის მნიშვნელოვანია სწორედ ის ფაქტი, რომ ამგვარი გარიგება ხდება არა იმ მიზნებით, რასაც კანონმდებლობა ითვალისწინებს, არამედ საგადასახადო ვალდებულების უზრუნველყოფის ღონისძიების გამოყენებისაგან თავის აცილებისათვის ქონების გარიდების მიზნით, რაც საბოლოოდ საგადასახადო ვალდებულების შესრულებას აღუსრულებელს ხდის.
საერთო სასამართლოების მოსაზრებით, სამართლებრივი რეგულაციის მსგავს პიროებებში, პირთა მიერ განხორციელებული ოპერაციის მიზანი უნდა იქნეს უტყუარად დადგენილი, ეჭვს არ უნდა იწვევდეს გადამხდელთა ქმედება ემსახურება რიგით საფინანსო-სამეურნეო საქმიანობას თუ გადასახადებისგან თავის არიდებას. ვარაუდის საფუძველზე სასამართლომ დაუშვებლად უნდა მიიჩნიოს პირთა ცრუმაგიერად ცნობა, რამაც შედეგობრივად შესაძლებელია გამოიწვიოს პირთა კონსტიტუციური უფლებების ხელყოფა.
აქვე უნდა აღინიშნოს, რომ საგადასახადო კოდექსის ზამოაღნიშნული რედაქცია მოქმედებს 2019 წლის ივნისიდან, ხოლო მანამდე ეს უკანასკნელი წარმოდგენილი იყო სხვა რედაქციით.

13/11/2024

საქართველოს პრეზიდენტის არჩევის წესი

საქართველოს პრეზიდენტს 5 წლის ვადით დებატების გარეშე ღია კენჭისყრით ირჩევს საარჩევნო კოლეგია. ერთი და იგივე პირი საქართველოს პრეზიდენტად შეიძლება აირჩეს მხოლოდ ორჯერ.

საარჩევნო კოლეგიის შემადგენლობაში შედის 300 წევრი, მათ შორის საქართველოს პარლამენტის და აფხაზეთისა და აჭარის ავტონომიური რესპუბლიკების უმაღლესი წარმომადგენლობითი ორგანოების ყველა წევრი. საარჩევნო კოლეგიის სხვა წევრებს საქართველოს ცენტრალური საარჩევნო კომისიის მიერ ორგანული კანონის საფუძველზე განსაზღვრული კვოტების შესაბამისად, ადგილობრივი თვითმმართველობის წარმომადგენლობითი ორგანოების შემადგენლობიდან ასახელებენ შესაბამისი პოლიტიკური პარტიები. კვოტები განისაზღვრება პროპორციული გეოგრაფიული წარმომადგენლობის პრინციპის დაცვითა და ადგილობრივი თვითმმართველობის პროპორციული წესით ჩატარებული არჩევნების შედეგების პროპორციის მიხედვით. საარჩევნო კოლეგიის შემადგენლობას ამტკიცებს საქართველოს ცენტრალური საარჩევნო კომისია.

Send a message to learn more