ადვოკატთა პროფესიული კორპორაცია - Lawyers Professional Corporation

15/10/2025

მოგესალმებით ადვოკატებო, ძვირფასო კოლეგებო!

2005 წლიდან ვარ ადვოკატი და ამ წლების განმავლობაში ჩემი მთავარი მიზანი, ადამიანის უფლებების დაცვა და სამართლიანობის აღდგენაა.

ჩემი 20-წლიანი აქტიური საადვოკატო საქმიანობის შემდეგ, ჩემს გუნდთან ერთად გადავწყვიტე, მონაწილეობა მივიღო ადვოკატთა ასოციაციის თავმჯდომარის არჩევნებში.

ჩვენთვის ამ ნაბიჯის გადადგმის მთავარი მოტივაცია, ჩვენს პროფესიაში არსებული გამოწვევები და სისტემური პრობლემებია, რომლებიც ადვოკატთა საზოგადოების სრულფასოვან განვითარებას აფერხებს, კერძოდ:

• ფინანსების გაუმჭვირვალობა და არამიზნობრივი ხარჯვა;
• ასოციაციის სტრუქტურული დანაყოფების ფორმალური ხასიათი, რომლებიც სრულად ემორჩილება მმართველ მცირერიცხოვან გუნდს და არ ფუნქციონირებს ადვოკატთა ინტერესების შესაბამისად;
• ასოციაციაში ე.წ. „პრივილეგირებული ადვოკატების“ წრის არსებობა, რომლებიც სარგებლობენ უპირატესობებით;
• წლების განმავლობაში ადვოკატის პროფესიული საქმიანობა არ გაუმჯობესებულა.

მე და ჩემი გუნდი გთავაზობთ რეალურ სამოქმედო გეგმას, რომელიც ემსახურება ადვოკატთა პროფესიის გაძლიერებას, პროფესიული უფლებების დაცვასა და თანამედროვე სამუშაო გარემოს შექმნას. ჩვენ მზად ვართ, ერთად გადავლახოთ ყველა ის ბარიერი, რომელიც ხელს უშლის ადვოკატთა კორპუსის სწრაფ განვითარებას.

ჩემს გუნდთან ერთად გთავაზობთ:

▫️ პროფესიული საქმიანობის გამარტივება და ტექნოლოგიური განვითარება:

• ელექტრონული სისტემის შექმნა, რომელიც დაუყოვნებლივ ასახავს პირის დაკავების, გამოძიების ან სასამართლო პროცესზე გადაყვანის შესახებ ინფორმაციას;
• ელექტრონული პორტალი, რომლის მეშვეობითაც ადვოკატებს ექნებათ წვდომა ბრალდებულების/მსჯავრდებულების პენიტენციურ დაწესებულებებში გადაადგილების, მათ შორის, კლინიკაში ან/და სხვა დაწესებულებაში გადაყვანის შესახებ;
• ადვოკატის ვიზიტის დაჯავშნის სისტემის გავრცელება ყველა პენიტენციურ დაწესებულებაში;
• ვიდეოჩართვის სისტემის დანერგვა ადვოკატსა და პენიტენციურ დაწესებულებაში მყოფ პირს შორის;
• უფასო ელექტრონული პორტალის გაფართოება პირველი ინსტანციის ყველა სასამართლოში, აპელაციისა და საკასაციო ინსტანციებში;
• ,,საკანონმდებლო მაცნე“-ზე უფასო წვდომა ყველა ადვოკატისთვის;
• უწყვეტი განათლების რეფორმა - პრაქტიკაზე ორიენტირებული ტრენინგ-მოდულების დახვეწა და გაუმჯობესება.

▫️ პროფესიული განვითარება და საერთაშორისო თანამშრომლობა:

• საერთაშორისო ავტორიტეტულ საექსპერტო დაწესებულებებთან მემორანდუმის გაფორმება ექსპერტიზის დასკვნების შედგენისა და საჭიროების შემთხვევაში, ექსპერტის პროცესზე მოწვევის თაობაზე;
• მსოფლიოს წამყვან ადვოკატთა ასოციაციებთან მემორანდუმის გაფორმება ადვოკატებისთვის უახლესი და საუკეთესო პრაქტიკის გაზიარების, გაცვლითი პროგრამებისა და სტაჟირებების ხელშეწყობის მიზნით;
• პრივილეგიების აღმოფხვრა — საერთაშორისო ვიზიტებსა და ქვეყნის შიგნით დაორგანიზებულ ნებისმიერ ღონისძიებაზე წამსვლელ ადვოკატთა კონკურსის წესით შერჩევა.

▫️ უფლებების დაცვა და სოციალური გარანტიები:

• ადვოკატთა ასოციაციაში 24/7-ზე მომუშავე ცხელი ხაზის შექმნა, რომელიც ორიენტირებული იქნება ადვოკატის პროფესიულ საჭიროებებსა და უფლებების დაცვაზე;
• დაზღვევის სრული პაკეტი ადვოკატთა ასოციაციის ხარჯით;
• სახელმწიფო პენსია;
• ადვოკატის სტაჟის გათვალისწინებით იარაღის ტარების უფლება;
• სწრაფი რეაგირების ჯგუფის შექმნა, რომელიც იმუშავებს ადვოკატის უფლებების დაცვაზე.

▫️ ფინანსური და სამართლებრივი რეფორმები:

• ადვოკატის დაბეგვრის წესის შემცირება;
• სამოქალაქო საქმეებში ადვოკატის ჰონორარის მინიმალური ზღვარის – 4%-ის გაზრდა 10%-მდე;
• საზოგადოებრივი ადვოკატის ჩამოცილება იმ საქმეებიდან, რომლებზეც უკვე მუშაობენ კერძო ადვოკატები;
• საჯარო სასამართლო სხდომებზე მედია საშუალებების დაბრუნება;
• თბილისსა და რეგიონებში სამუშაო ინფრასტრუქტურის შექმნა, ასოციაციის მიერ ოფისების შეძენა/აშენება და მათი ინვენტარით მოწყობა, სადაც ადვოკატებს უფასოდ შეეძლებათ მუშაობა და კლიენტებთან შეხვედრა;
• სისტემურ საკანონმდებლო ცვლილებებზე მომუშავე სამუშაო ჯგუფის შექმნა.

გვჯერა, რომ ადვოკატის პროფესია ღირსებასა და პასუხისმგებლობაზე დგას. ჩვენი მიზანია, ადვოკატთა ასოციაცია იქცეს სივრცედ, სადაც თითოეულ ადვოკატს ექნება განვითარების თანაბარი შესაძლებლობა, დაცული იქნება პროფესიული ღირსება და გაძლიერდება კორპუსის სოლიდარობა.

გახდით ამ ცვლილებების ნაწილი!
ერთად შევძლებთ მეტს!

საარჩევნო პროგრამა სრულად იხილეთ 🔗https://kntn.ly/628f6b7b

06/06/2024

05/05/2024

გვინდა „უცხოური გავლენის გამჭვირვალობის შესახებ" კანონის პროექტს გამოვეხმაუროთ და სამართლებრივად გავაანალიზოთ თუ რა საფრთხეების მატარებელია.

„უცხოური გავლენის გამჭვირვალობის შესახებ" კანონის პროექტი უსაზღვრო თავისუფლებას ანიჭებს სახელმწიფოს.

ამ კანონის პროექტის მე-8 მუხლის მიხედვით სახელმწიფოს შეუძლია შევიდეს შესამოწმებლად ნებისმიერ ორგანიზაციაში ორი საფუძვლით:

> იუსტიციის სამინისტროს გადაწყვეტილებით;
> იუსტიციის სამინისტროში ვინმეს მიერ შეტანილი განაცხადით, რომელიც მიანიშნებს რომ კონკრეტული ორგანიზაცია საეჭვოა;

ეს ორი საფუძველი იმდენად აბსტრაქტულია, რომ ამ საფუძვლის რაიმე ფორმით შემოწმება ფიზიკურად შეუძლებელია.

ამ კანონპროექტის მიხედვით სახელმწიფოს შეუძლია შემოწმება ჩაატაროს წელიწადში ორჯერ, ხოლო შემოწმება შეიძლება მოიცავდეს იმ ზომებს, რასაც სამინისტრო ჩათვლის საჭიროდ: ოფისიდან წაღება საოფისე ტექნიკის; თანამშრომლების პირადი ტექნიკის, მობილურების და ა.შ. ასევე საგანგაშოა ისიც, რომ შემოწმებას შეიძლება დაექვემდებაროს პირადი ინფორმაცია, თანამშრომლების მიმოწერები, ხოლო მედიის შემთხვევაში – წყაროები, მამხილებლის მონაცემები და სხვა სენსიტიური და სრულიად კონფიდენციალური ინფორმაცია. შესაბამისად, სახელმწიფო შეძლებს სრულიად დაუსაბუთებლად შეაფერხოს და შეაჩეროს სხვადასხვა ორგანიზაციის საქმიანობა ნებისმიერ დროს, მათ შორის არჩევნების პერიოდშიც.

> ამ კანონის მიზნებისთვის უცხოური ძალის ინტერესების გამტარებელი ორგანიზაციად მიიჩნევა ორგანიზაცია, რომელსაც უცხოეთიდან ერიცხება თანხები და არა იმით რეალურად ატარებს ეს ორგანიზაცია უცხოეთის ინტერესებს საქართველოს საწინააღმდეგოდ თუ არა.

> კანონპროექტის მე-9 მუხლი აწესებს პასუხისმგებლობას, რაც მოიცავს ორგანიზაციის ადმინისტრაციულ სამართალდამრღვევად ცნობას, თუმცა როგორც რუსეთის მაგალითზე მოხდა, შეიძლება ვივარაუდოთ, რომ ნებისმიერ დროს შეიძლება დაემატოს სისხლის სამართლის პასუხისმგებლობაც.

14/03/2024

➡️ “ადვოკატთა პროფესიული კორპორაციას”-ს ადვოკატების ძალისხმევით ბრალდებული "მ.ჭ" თბილისის საქალაქო სასამართლომ უდანაშაულოდ ცნო საქართველოს სისხლის სამართლის კოდექსის 126-ე პრიმა მუხლის მე-2 ნაწილის "ბ" ქვეპუნქტით გათვალისწინებულ ქმედებაში. ჩვენს მიერ ჩატარებული გამოძიებითა და მოპოვებული მტკიცებულებების საფუძველზე ბრალდებული სრულად გამართლდა წარდგენილ ბრალდებაში.

მოცემულ საქმეში შეფასდა შემაკავებელი ორდერის მნიშვნელობა სისხლის სამართლის საქმეში, დაზარალებულის წინასწარი დაპირება/დამუქრება ციხეში გაშვებით და ცრუ დასმენის მიზანი ოჯახში ჩადენილ დანაშაულში.

19/04/2023

➡️ “ადვოკატთა პროფესიული კორპორაციას”-ს ადვოკატების ძალისხმევით ბრალდებული "ა.ა." რუსთავის საქალაქო სასამართლომ უდანაშაულოდ ცნო საქართველოს სისხლის სამართლის კოდექსის 11 პრიმა 118-ე მუხლის მე-3 ნაწილით ( ჯანმრთელობის განზრახ ნაკლებად მძიმე დაზიანება, 2022 წლის 25 იანვრის რედაქცია), რომელიც ითვალისწინებდა 5-8 წლამდე თავისუფლების აღკვეთას. ბრალდებული "ა.ა" ასევე უდანაშაულოდ იქნა ცნობილი საქართველოს სისხლის სამართლის კოდექსის 126-ე პრიმა მუხლის მე-2 ნაწილის "ბ" ქვეპუნქტით გათვალისწინებულ ქმედებებში. ჩვენს მიერ ჩატარებული გამოძიებითა და მოპოვებული მტკიცებულებების საფუძველზე ბრალდებული სრულად გამართლდა წარდგენილ ბრალდებებში.

13/02/2023

საქართველოს პარლამენტმა 2021 წლის 02 აგვისტოს მიიღო ახალი კანონი „მეწარმეთა შესახებ“, რომლითაც განისაზღვრა მეწარმე სუბიექტების სარეგისტრაციო დოკუმენტაციის შევსების, მომზადების, ფორმირებისა და რეგისტრაციის განსხვავებული წესები, მათ შორის განისაზღვრა სარეგისტრაციო მონაცემების ცვლილების საბოლოო ვადა.
კერძოდ, 2022 წლის 01 იანვრამდე რეგისტრირებული ყველა კომპანია ვალდებულია 2024 წლის 01 იანვრამდე უზრუნველყოს სარეგისტრაციო მონაცემების ახალი კანონის მოთხოვნებთან შესაბამისობა.

წინააღმდეგ შემთხვევაში მარეგისტრირებელი ორგანო მეწარმეს სარეგისტრაციო მონაცემების ახალი კანონის მოთხოვნებთან შესაბამისობის უზრუნველსაყოფად განუსაზღვრავს დამატებით, 3-თვიან ვადას, რომელიც აითვლება ადრესატისთვის შესაბამისი გადაწყვეტილების კანონით დადგენილი წესით გაცნობის დღიდან. აღნიშნულ ვადაში ხარვეზის აღმოუფხვრელობის შემთხვევაში შესაბამისი სამეწარმეო საზოგადოებისა და სამეწარმეო საზოგადოების ფილიალის რეგისტრაცია გაუქმებულად მიიჩნევა.


✅იურიდიული კომპანია ადვოკატთა პროფესიული კორპორაცია გთავაზობთ:

🔖სადამფუძნებლო შეთანხმების მომზადება
🔖წესდების მომზადება და პარტნიორთა უფლება-მოვალეობების განსაზღვრა
🔖დირექტორებთან დასადები სასამსახურო ხელშეკრულების მომზადება და მათი უფლება-მოვალეობების განსაზღვრა
🔖სარეგისტრაციო პროცესში წარმომადგენლობა (დამატებითი შეთანხმების შემთხვევაში).

📞კონსულტაციისათვის დაგვიკავშირდით:
მობ.: +995 558 21 64 34
+995 568 65 23 56

ელ. ფოსტა: [email protected]

იურიდიული კომპანია ადვოკატთა პროფესიული კორპორაცია

👇👇👇
Legal Company Lawyers Professional Corporation offers entrepreneurial legal entities the preparation and arrangement of complete founding/registration documentation.
📌Do you want registration of new company?
📌Was your company registered before January 1, 2022, and since then have you not made any changes to the registration documents?
✅Then Following post if for you:
On August 2, 2021, the Parliament of Georgia adopted a new law "On Entrepreneurs", which differently established the rules for filling out, preparing, forming and registering the registration documentation of entrepreneurial entities.
In addition, the law defined the final deadline for the change of registration data. In particular, all companies registered before January 01, 2022 are obliged to ensure compliance of registration data with the requirements of the new law until January 01, 2024.

Otherwise, the registering authority will set an additional 3-month period for the entrepreneur to ensure compliance of the registration data with the requirements of the new law, which will be counted from the date of notification of the relevant decision to the addressee in the manner prescribed by law.
In the case of elimination of the defect within the mentioned period, the registration of the relevant entrepreneurial society and the branch of the entrepreneurial society is considered cancelled.

✅Legal company Lawyers Professional Corporation offers:

🔖Preparation of the founding agreement;
🔖Preparation of the charter and determination of the rights and duties of the partners;
🔖Preparation of employment contract with directors and determination of their rights and duties;
🔖Representation in the registration process (in case of additional agreement).


📞Contact us for consultation:
Tel.: +995 558216434
Tel.: +995 568 65 23 56

e-mail: [email protected]
Legal company Lawyers Professional Corporation

10/12/2022

🔸„დაკავების განჩინების გასაჩივრების აკრძალვის დაუშვებლობა“
ავტორი: თამარ სადრაძე;

📚📗 გამოქვეყნდა თსუ იურიდიული ფაკულტეტის ორენოვანი საერთაშორისო რეფერირებადი და რეცენზირებადი ,,სამართლის ჟურნალის" 2022 წლის #2 გამოცემა.

ელექტრონული გამოცემა იხილეთ ჟურნალის ოფიციალურ გვერდზე:

https://jlaw.tsu.ge/index.php/JLaw/issue/view/728/233

თსუ იურიდიული ფაკულტეტი • TSU Faculty of Law სამართლის ჟურნალი თბილისის სახელმწიფო უნივერსიტეტი • Tbilisi State University

თსუ გამომცემლობა

29/07/2022

🔸„სისხლის სამართლის საპროცესო უზრუნველყოფის ღონისძიების სახით ყადაღის გამოყენების პრობლემური საკითხები“ (გვ. 164)
ავტორი: თამარ სადრაძე;

📕 სამართლის ელექტრონულ ბიბლიოთეკას (სებ) დაემატა "ქეთევან მჭედლიშვილი-ჰედრიხის საიუბილეო კრებული - 60". კრებულში წარმოდგენილია ქართული და გერმანული იურიდიული მეცნიერების სხვადასხვა თაობის წარმომადგენელთა მიერ შესრულებული სამეცნიერო ნაშრომები.

საიუბილეო კრებული მოიცავს შემდეგ ნაშრომებს:

ქართული სტატიები

🔸„ქმედების თაღლითობად კვალიფიკაციის საკითხები“ (გვ. 20)
ავტორი: ნონა თოდუა;

🔸„პოლიციის პრევენციული და რეპრესიული ღონისძიებების გამიჯვნის პრობლემები“ (გვ. 64)
ავტორი: ირინა აქუბარდია;

🔸„სისხლის სამართალი, როგორც სოციალური წესრიგის დაცვის უკანასკნელი საშუალება (კონსტიტუციური და სისხლისსამართლებრივი ასპექტები)“ (გვ. 90)
ავტორი: მერაბ ტურავა;

🔸„ჩიკაგოს სკოლის კრიმინალურ სუბკულტურული კვლევების ფსიქოანთროპოლოგიური ასპექტები“ (გვ. 117)
ავტორი: მორის შალიკაშვილი

🔸„სისხლის სამართლის საპროცესო უზრუნველყოფის ღონისძიების სახით ყადაღის გამოყენების პრობლემური საკითხები“ (გვ. 164)
ავტორი: თამარ სადრაძე;

🔸„ადევნების შემადგენლობის სისხლისსამართლებრივი ასპექტები“ (გვ. 189)
ავტორი: დავით ბესტავაშვილი;

🔸„ქმედების მცირე მნიშვნელობა სისხლის სამართალში“ (გვ. 217)
ავტორი: გელა ტყეშელაშვილი;

🔸,,არასრულწლოვანთა მართლმსაჯულების ისტორიული ასპექტები საზღვარგარეთის ქვეყნებში და არსებული მოდელები" (გვ. 259)
ავტორი: თათია ქვრივიშვილი;

🔸„ფსიქიკური დარღვევების სიმულაციები სასამართლო ფსიქიატრიაში“ (გვ. 278)
ავტორი: ია ხახუბია;

🔸„მცდელობის საკითხი არაპირდაპირი განზრახვით ჩადენილ დანაშაულში“ (გვ. 304)
ავტორი: ზურაბ გოგშელიძე;

🔸„ევთანაზიის შედარებით-სამართლებრივი დახასიათება“ (გვ. 338)
ავტორი: გიორგი კაპანაძე;

🔸„უმოქმედობის მიზეზობრიობის საკანონმდებლო პრობლემატიკა მედიცინის სისხლის სამართალში“ (გვ. 369)
ავტორი: ანა კაპანაძე;

🔸„ჯანმრთელობა, როგორც ლიმიტირებულად დისპონირებადი სამართლებრივი სიკეთე და მისი განკარგვის უფლებამოსილების თავისებურებანი“ (გვ. 387)
ავტორი: თამარ ნინოშვილი;

🔸„სისხლისსამართლებრივი პასუხისმგებლობის საკითხი თვითმკვლელობაში თანამონაწილეობისათვის“ (გვ. 403)
ავტორი: დავით მაისურაძე;

🔸„თვითინკრიმინაციისგან დაცვის პრივილეგიის ფარგლები“ (გვ. 419)
ავტორი: ნინო მიქავა;

🔸„ნასამართლობა და მისი მნიშვნელობა“ (გვ. 437)
ავტორი: დავით ქანთარია;

გერმანულენოვანი სტატიები:

🔸„Korruptionsstrafbarkeit und politische Eliten - Wo liegt die Grenze zwischen strafbarer Korruption und strafloser Vetternwirtschaft?“ (გვ. 474)
ავტორი: Bernd Heinrich;

🔸„Die Corona-Pandemie an deutschen Hochschulen aus strafrechtlicher Sicht“ (გვ. 496)
ავტორი: Carsten Morgenroth;

🔸„Vier Perspektiven des (juristischen) Entscheidens“ (გვ. 516)
ავტორი: Martin Morlok;

🔸“Zum Begriff der „Sozialen Sicherheit“ (გვ. 543)
ავტორი: Nino Mtchedlishvili;

🔸„Gewalt im Jugendstrafvollzug – Ein Überblick über Ergebnisse des Kölner Forschungsprojekts“ (გვ. 560)
ავტორი: Frank Neubacher;

🔸„Die objektive Zurechnung des Erfolgs beim Fahrlässigkeitsdelikt und der Einwand des rechtmäßigen Alternativverhaltens“ (გვ. 575)
ავტორი: Martin Piazena;

🔸“Islamisches Strafrecht heute - Zum iranischen Strafgesetzbuch von 2013” (გვ. 597)
ავტორი: Silvia Tellenbach;

🔸„Das geplante deutsche Verbandssanktionengesetz“ (გვ. 616)
ავტორი: Martin Paul Waßmer.

კრებულის მოწოდებისთვის მადლობას ვუხდით ბატონ გიორგი ამირანაშვილს.

🌐 გამოცემის ელექტრონული ვერსია შეგიძლიათ იხილოთ ბმულზე:http://www.library.court.ge/upload/saiubileo-krebuli_qetevan-mchedlishvili-2021.indd.pdf

12/05/2022

07/03/2022

➡️ დღეს თბილისის საქალაქო სასამართლოში, წინასასამართლო სხდომაზე, მოსამართლემ დააკმაყოფილა “ადვოკატთა პროფესიული კორპორაციას”-ს ადვოკატის - თამარ სადრაძის შუამდგომლობა და ბრალდებული მ.ჩ., რომელსაც ბრალი ედება საქართველოს სისხლის სამართლის კოდექსის 177 - ე მუხლის მე-4 ნაწილის "გ" ქვეპუნქტით, (იმის მიერ, ვინც ორჯერ ან მეტჯერ იყო ნასამართლევი სხვისი ნივთის მართლსაწინააღმდეგო მისაკუთრებისათვის ან გამოძალვისათვის), რომელიც ითვალისწინებს უალტერნატივოდ თავისუფლების აღკვეთას ვადით ექვსი წლიდან ათ წლამდე, გააუქმა გამოყენებული აღკვეთის ღონისძიება პატიმრობა და ბრალდბეულის მიმართ გამოიყენა გირაო.