20/12/2025
საქართველოს ადვოკატთა ასოციაციის არჩევნების მეორე ტურის დაწყებამდე სულ რამდენიმე საათია დარჩენილი.
პირველ ტურში გამარჯვებულია ირაკლი ყანდაშვილი და მისი გუნდის სრული უმრავლესობით დაკომპლექტდა ასოციაციის მმართველი ორგანოები!
ზურაბ როსტიაშვილის & ციცინო ცხვედიანის საადვოკატო ბიურო საქართველოს ადვოკატთა ასოციაციის თავმჯდომარეობის კანდიდატ Irakli Kandashvili უჭერს მხარს.
ჩვენი არჩევანის და მხარდაჭერის მიზეზი ძალიან ნათელი და მარტივია, ეს არის ირაკლი ყანდაშვილის სიყვარული ჩვენი პროფესიისადმი, მისი 20 წლიანი საადვოკატო საქმიანობის გამოცდილება და არა მხოლოდ.
✅ირაკლი ყანდაშვილი არის ადვოკატთა ასოციაციის დიდი ოჯახის ერთობის გარანტი. მას მთელი თავისი საადვოკატო საქმიანობის განმავლობაში არასოდეს დაუყვია ადვოკატები რაიმე ნიშნით, ყოველთვის მხარში უდგას თითოეულ ადვოკატს.
✅ყოველთვის იდგა და დღესაც დგას გამოწვევების ეპიცენტრში, სადაც ადვოკატის პროფესია და მისი განვითარება საჭიროებს მხარდაჭერას.
✅ირაკლი ყანდაშვილის დიდი წვლილია ადვოკატთა ასოციაციის განვითარებაში, მისი მონაწილეობით და თაოსნობით განხორციელდა არაერთი მნიშვნელოვანი რეფორმა ადვოკატთა ასოციაციაში.
კერძოდ:
✅საკვალიფიკაციო გამოცდის ფორმატი (ელექტრონული გამოცდა), აღნიშნული რეფორმა იყო და არის ერთ-ერთი იმ რეფორმათაგანი, რამაც ადვოკატთა ასოციაციას შესაძლებლობა მისცა, ასოციაციაში გაეწევრიანებინა მებრძოლი და სამართლებრივი ინტელექტის მქონე ხალხი, ამ რეფორმას უკავშირდება ადვოკატთა ასოციაციის ერთიანი კორპუსის პოპულარიზაცია, რამაც დიდი წვლილი შეიტანა პროფესიის განვითარებაში და გაძლიერებაში;
✅ხელმძღვანელობდა პირველი ელექტრონულ საგამოცდო სისტემის შექმნას და მის პრაქტიკაში დანერგვას;
✅ აორგანიზებდა და მართავდა ადვოკატთა პროფესიულ ტრენინგებს;
✅აქტიურად მონაწილეობდა განგრძობადი იურიდიული განათლების სისტემის სრულყოფაში;
✅გერმანიის საერთაშორისო სამართლებრივი თანამშრომლობის ფონდთან (IRZ) თანამშრომლობით ახალგაზრდა ქართველ ადვოკატებს შესაძლებლობა მისცა ესარგებლათ გერმანიაში გაცვლითი პროგრამით;
✅საერთაშორისო ადვოკატთა ასოციაციასთან თანამშრომლობით დანერგა გაცვლითი პროგრამა 35 წლამდე ადვოკატებისთვის;
✅საქართველოს ადვოკატთა ასოციაციის წარმომადგენელი იყო აღმოსავლეთ ევროპის ქვეყნებში, სადაც ინერგებოდა საგანმანათლებლო პროგრამა და განგრძობადი განათლების სისტემა;
✅ქართველ ადვოკატებს შორის ირაკლი ყანდაშვილი მიწვეული იყო ერაყის რესპუბლიკაში, ამ ეგიდით ერაყელ კოლეგებს გააცნეს საქართველოს ადვოკატთა ასოციაციის წარმატებული რეფორმები, რითაც ერაყელ ადვოკატებს დაეხმარენ ახალი ინიციატივების დანერგვაში;
✅ერაყში და ავღანეთში კონკრეტული ეგიდით მონაწილეობა ადასტურებს, რომ ირაკლი ყანდაშვილი არამარტო საქართველოში, არამედ მის ფარგლებს გარეთ დახმარებას უწევდა და გვერდით ედგა დასავლური ცივილიზაციის სახელმწიფოებს დაენერგათ სხვა სახელმწიფოებში დასავლური და დემოკრატიული ინსტიტუცია ადვოკატთა ასოციაციის სახით.
✅ირაკლი ყანდაშვილი მონაწილეობდა საკონსტიტუციო კომისიაში, რომლის ფარგლებში კონსტიტუციურ უფლებად იქცა ადვოკატის უფლებების შეუფერხებელი განხორციელება, ხოლო თვითორგანიზების უფლება გარანტირებული გახდა.
✅იგი არის მედიატორთა ასოციაციის თავმჯდომარე, რომელიც თავისი მენეჯერული უნარებით ფეხზე დააყენა და განამტკიცა ინსტიტუციურად.
✅ირაკლი ყანდაშვილი არის ადვოკატთა ასოციაციის თავმჯდომარეობის ის კანდიდატი, რომელმაც თავისი მრავალწლიანი საქმიანობის მანძილზე დაუმტკიცა ყველას, რომ უყვარს თავისი პროფესია და განუხრელად ემსახურება ადვოკატთა საერთო პროფესიული ოჯახის განვითარებას, გაძლიერებას.
✅ამიტომ, შეუძლებელია დარჩეს კითხვის ნიშანი იმასთან დაკავშირებით, ირაკლი ყანდაშვილის ხელმძღვანელობით გაძლიერდება თუ არა ადვოკატთა ასოციაცია, მაშინ როდესაც ირაკლი ყანდაშვილმა გასული წლების მანძილზე არაერთი რეფორმით დაამახსოვრა ადვოკატებს თავი, იმ რეფორმებით, რომლითაც დღეს თითოეული ადვოკატი და სრულიად ადვოკატთა კორპუსი ამაყობს.
✅ცალსახად ვენდობით ირაკლი ყანდაშვილს, ის არის ადვოკატთა ასოციაციის თავმჯდომარეობის უალტერნატივო კანდიდატი.
