ადვოკატი გვანცა ღვედაშვილი • Attorney Gvantsa Gvedashvili

29/07/2026

ადამიანები ადვოკატს მხოლოდ მაშინ მიმართავენ, როდესაც საქმე უკვე სასამართლოშია.

თუმცა სისხლის სამართლის საქმეში განსაკუთრებით მნიშვნელოვანი გადაწყვეტილებები ხშირად გაცილებით ადრე მიიღება - პირველივე გამოკითხვისას, საგამოძიებო მოქმედების დროს ან დაკავების მომენტში.

არასწორად ნათქვამმა სიტყვამ, გაუცნობიერებლად ხელმოწერილმა დოკუმენტმა ან საკუთარი უფლებების არცოდნამ შესაძლოა ადამიანის მდგომარეობა მნიშვნელოვნად გაართულოს.

დაკავების მომენტიდან პირს უნდა განემარტოს, რა დანაშაულის ჩადენაში ედება ბრალი, ასევე დუმილის, კითხვებზე პასუხისგან თავის შეკავებისა და ადვოკატის ყოლის უფლება.
დუმილის უფლების გამოყენება ბრალეულობის მტკიცებულებად ვერ შეფასდება.

ადვოკატის მონაწილეობა მხოლოდ სასამართლოში სიტყვით გამოსვლას არ ნიშნავს.

ეს არის:
- საკუთარი უფლებების ცოდნა;
- პროცესის სამართლებრივი შედეგების შეფასება;
- საგამოძიებო მოქმედებაში მონაწილეობა;
- დოკუმენტებისა და ოქმების სისწორის უზრუნველყოფა;
- დაცვის სტრატეგიის თავიდანვე განსაზღვრა.

რაც უფრო ადრე ერთვება ადვოკატი საქმეში, მით უფრო მეტი შესაძლებლობა არსებობს დაცვის სწორად დაგეგმვისთვის.

📩 კონსულტაციისთვის დამიკავშირდით.

28/07/2026

პოლიციიდან დაგირეკეს და განყოფილებაში გიბარებენ?

პოლიციიდან მიღებული ზარი ავტომატურად არ ნიშნავს, რომ ვალდებული ხართ დაუყოვნებლივ გამოცხადდეთ და კითხვებს უპასუხოთ.

სანამ განყოფილებაში მიხვალთ, გაარკვიეთ:

▪️ ვინ გიკავშირდებათ;
▪️ რომელი უწყებიდან გირეკავენ;
▪️ რა საკითხთან დაკავშრებით გიბარებენ;
▪️ რა სტატუსით გიბარებენ — მოწმის, დაზარალებულის თუ სხვა სტატუსით;

გახსოვდეთ: თქვენს მიერ ნათქვამმა ნებისმიერმა სიტყვამ შესაძლოა მოგვიანებით მნიშვნელობა შეიძინოს.

ამიტომ, განსაკუთრებით მაშინ, როდესაც საქმის გარემოებები თქვენთვის გაურკვეველია, ადვოკატთან წინასწარი კონსულტაცია მნიშვნელოვანია.

ნუ მიიღებთ ნაჩქარევ გადაწყვეტილებას მხოლოდ იმიტომ, რომ პოლიციიდან დაგირეკეს.

📩 სამართლებრივი დახმარებისთვის დამიკავშირდით

27/07/2026

თუ თქვენი უფლებები ირღვევა, ბრძოლას ყოველთვის აქვს მნიშვნელობა.

მე ვარ გვანცა ღვედაშვილი - სისხლის სამართლის ადვოკატი.

ვიცავ მოქალაქეთა უფლებებს გამოძიებისა და სასამართლო განხილვის ეტაპზე.

ჩემი საქმიანობა მოიცავს:

▪️ მოწმის, დაზარალებულის ბრალდებულის დაცვას;
▪️ საგამოძიებო ორგანოებში წარმომადგენლობას;
▪️ სასამართლოში ინტერესების/უფლებების დაცვას;
▪️ დაზარალებულის სამართლებრივ დახმარებას;
▪️ სისხლის სამართლის საქმეზე კონსულტაციას.

ამ გვერდზე იპოვით ინფორმაციას უფლებებზე, სამართლებრივ პროცესებსა და იმ შეცდომებზე, რომლებმაც შესაძლოა ადამიანის მდგომარეობა გაართულოს.

რთულ ვითარებაში სწორი და დროული გადაწყვეტილება განსაკუთრებით მნიშვნელოვანია.

"ჩვენ ყოველთვის ვირჩევთ ბრძოლას!"

📩 სამართლებრივი კონსულტაციისთვის დამიკავშირდით.

27/04/2026

კიდევ ერთი ადამიანი დაბრუნდა სახლში თავისუფალი!!!

დღეს მნიშვნელოვანი დღეა, სრულად შეწყდა გამოძიება, რომელიც დაიწყო 2 წლის წინ, 2024 წლის 27 აპრილს. ბრალდებული გათავისუფლდა პასუხისმგებლობისგან და კიდევ ერთი უდანაშაულო დაუბრუნა ოჯახს.

ადვოკატების თითოეული გადადგმული ნაბიჯი თუნდაც იმ ერთი თავისუფალი, უდანაშაულო ადამიანისთვის ღირს, რომელიც ოჯახს და შვილებს უბრუნდება, ყოველგვარი სასჯელის და პირობის გარეშე.

მე, თქვენთან ერთად, ყოველთვის ვირჩევ ბრძოლას და ამ ბრძოლას ყოველთვის აქვს აზრი!

16/04/2026

2026 წლის 8 აპრილს გაიმართა სისხლის სამართლის საქმეზე წინასასამართლო სხდომა, რომლის ფარგლებშიც პროკურატურის ვერსია, რომ თ.ჯ.-მ ჩაიდინა საქართველოს სისხლის სამართლის კოდექსის 260-1 და 2603-4 მუხლით გათვალისწინებული დანაშაულები ვერ დადასტურდება.

ბრძოლა ვიწყებთ ახლა!

საქმეზე 1-ლი არსებითი განხილვა დანიშნულია 2026 წლის 21 აპრილს, 11:00 საათზე.

16/04/2026

გაცნობებთ, რომ საქართველოს ადვოკატთა ასოციაციის აღმასრულებელი საბჭოს გადაწყვეტილებით ამირჩიეს ნაფიც მსაჯულთა კომიტეტის წევრად.
იმედი მაქვს ჩემს წილ წვლილს შევიტან ნაფიც მსაჯულთა სასამართლოს განვითარებაში.
მადლობა მოცემული შესაძლებლობისთვის და წარმატებები ჩვენ!

21/02/2026