IPOA

01/06/2026

IPOA ევროპული ოჯახის SCAPR-ის წევრი გახდა!

ემოციური დღეა ჩვენთვის.

ვხვდებით ჩვენს წარმომადგენლებს, რომელთა ძალისხმევითა და პროფესიონალიზმით შესაძლებელი გახდა SCAPR-ში გაწევრიანება. ვამაყობთ ამ მნიშვნელოვანი მიღწევით და მადლობას ვუხდით თითოეულ მათგანს გაწეული შრომისა და ღირსეული წარმომადგენლობისთვის! 🇬🇪🤍

გილოცავთ ❣️

01/06/2026

დასრულდა SCAPR-ის 51-ე გენერალური ასამბლეა კრაკოვში.
სამი დღის განმავლობაში 50 ქვეყნისა და ტერიტორიის 140-ზე მეტი მონაწილე შეიკრიბა, რათა გაეზიარებინათ გამოცდილება, გაეძლიერებინათ თანამშრომლობა და განეხილათ ის მნიშვნელოვანი ცვლილებები, რომლებიც ამჟამად კოლექტიური მართვის სფეროს განსაზღვრავს.

ხელოვნური ინტელექტის, კერძო კოპირების, მმართველობის საკითხების, საერთაშორისო მონაცემთა გაცვლისა და შემსრულებელთა იდენტიფიკაციის სისტემების შესახებ დისკუსიებმა კიდევ ერთხელ წარმოაჩინა, თუ რამდენად მჭიდროდ არის ერთმანეთთან დაკავშირებული შემსრულებელთა უფლებების კოლექტიური მართვის სისტემები მთელ მსოფლიოში.

წლევანდელი ასამბლეა ასევე მნიშვნელოვანი მოვლენების აღნიშვნის შესაძლებლობა გახდა SCAPR-ის საზოგადოებისთვის. ვირტუალური ჩანაწერების მონაცემთა ბაზის (Virtual Recording Database – ) 10 წლის იუბილესთან დაკავშირებით, SCAPR-მა დააჯილდოვა 15 კოლეგა, რომლებმაც გადამწყვეტი როლი შეასრულეს ამ ბაზის შექმნაში და საფუძველი ჩაუყარეს იმას, რაც დღეს ორგანიზაციის ერთ-ერთ ყველაზე მნიშვნელოვან საერთო რესურსს წარმოადგენს.

ასამბლეის მონაწილეებმა ასევე განსაკუთრებული პატივი მიაგეს ტილო გერლახს, აღიარეს მისი ოც წელზე მეტი ხნის თავდადებული საქმიანობა SCAPR-ის საბჭოში და მნიშვნელოვანი წვლილი ორგანიზაციის განვითარებაში.

ოფიციალური შეხვედრების მიღმა, კვირა გამოირჩეოდა არაერთი არაფორმალური საუბრით, ახალი პროფესიული კავშირებითა და ღირებული გამოცდილების გაზიარებით SCAPR-ის საერთაშორისო ქსელის წევრებსა და პარტნიორებს შორის, რაც კიდევ უფრო აძლიერებს იმ თანამშრომლობის სულისკვეთებას, რომელიც ორგანიზაციის ერთ-ერთი მთავარი ღირებულებაა.

გულითად მადლობას ვუხდით ჩვენს მასპინძელ ორგანიზაციას — Związek Artystów Wykonawców STOART — თბილი მასპინძლობისა და კრაკოვში მთელი კვირის განმავლობაში შესანიშნავი ორგანიზებისთვის.

📸 ქვემოთ იხილეთ კვირის რამდენიმე გამორჩეული მომენტი.


https://www.linkedin.com/feed/update/urn:li:activity:7467201055655849984

27/05/2026

🚀 IPOA ევროპული ოჯახის SCAPR-ის წევრი გახდა.

სიხარულით გაცნობებთ, რომ IPOA გაწევრიანდა SCAPR-ში, საერთაშორისო ქოლგა ორგანიზაციაში, რომელიც აერთიანებს მსოფლიოს მასშტაბით მოქმედ შემსრულებელთა უფლებების კოლექტიური მართვის ორგანიზაციებს.

SCAPR (Societies’ Council for the Collective Management of Performers’ Rights) არის არაკომერციული ქოლგა ორგანიზაცია, რომელიც ხელს უწყობს მონაცემთა ეფექტურ გაცვლასა და შემსრულებელთა ანაზღაურების გამჭვირვალე და შეუფერხებელ გადაცემას ქვეყნებს შორის.

SCAPR-ში გაწევრიანება IPOA-სთვის მნიშვნელოვანი ნაბიჯია საერთაშორისო თანამშრომლობის გაძლიერებისა და ქართველი ხელოვანების უფლებების დაცვის მიმართულებით.

26/05/2026

IPOA- გილოცავთ დამოუკიდებლობის დღეს! ❤️

05/05/2026

ინტელექტუალური საკუთრების მსოფლიო ორგანიზაციის (WIPO) გადამღები ჯგუფი საქართველოში იმყოფებოდა, რათა პირადად გაცნობოდა ქართველ მუსიკოსებსა და საავტორო უფლებათა დაცვის სფეროს საქართველოში.

👇 გიზიარებთ World Intellectual Property Organization-ის მიერ მომზადებულ ვიდეორგოლს

2 likes. "From Artist to Advocate: How Dato Evgenidze Is Championing Musicians’ Rights in Georgia"

30/04/2026

IPOA-ს წარმომადგენლები თბილისში დიზაინის დაცვის შესახებ საერთაშორისო კონფერენციას დაესწრნენ:

“ ძალიან მნიშვნელოვანია ჩვენთვის, როგორც უცხოელი პარტნიორების გამოცდილების გაზიარება და პრაქტიკულ თემებზე საუბარი… დიდი იმედი მაქვს ხშირად იქნება მსგავსი კონფერენციები, რაც ძალიან წაადგება ჩვენს სფეროს და კონკრეტულად საავტორო უფლებებს საქართველოში.”- თამარ გვარიშვილი, IPOA-ს გამგეობის თავმჯდომარე.

29/04/2026

IPOA-ს წარმომადგენლები თბილისში დიზაინის დაცვის შესახებ საერთაშორისო კონფერენციას დაესწრნენ.

დიზაინის როლი თანამედროვე ეკონომიკაში - ინტელექტუალური საკუთრების მსოფლიო ორგანიზაციისა და საქპატენტის ორგანიზებით, თბილისში დიზაინის დაცვის შესახებ საერთაშორისო კონფერენცია გაიმართა, რომელშიც მონაწილეობა მიიღეს მაღალი რანგის სტუმრებმა WIPO-დან, საქართველოს მთავრობისა და კერძო სექტორის წარმომადგენლებმა, ასევე ცნობილმა ქართველმა და უცხოელმა დიზაინერებმა.

22/04/2026

ევროპის საპატენტო უწყების (EPO) პრეზიდენტის, ანტონიო კამპინოსის ოფიციალური ვიზიტის ფარგლებში გამართულ საერთაშორისო კონფერენციას IPOA-ს წარმომადგენლები დაესწრნენ.

კონფერენცია "კვლევებიდან შედეგებამდე: პატენტების როლი ტექნოლოგიების გადაცემაში“ 2026 წლის 20 აპრილს, საქპატენტის ორგანიზებით ჩატარდა.

ღონისძიებაზე განხილული იყო ინტელექტუალური საკუთრების, განსაკუთრებით პატენტების, როლი ინოვაციების განვითარებასა და ტექნოლოგიების კომერციალიზაციაში. ასევე ყურადღება გამახვილდა საერთაშორისო თანამშრომლობის მნიშვნელობასა და ცოდნის ეკონომიკურ ღირებულებად გარდაქმნის პროცესებზე.

IPOA-ს წარმომადგენლების მონაწილეობა აღნიშნულ კონფერენციაში კიდევ ერთხელ ხაზს უსვამს ასოციაციის ჩართულობას ინტელექტუალური საკუთრების სფეროში მიმდინარე მნიშვნელოვან საერთაშორისო პროცესებში და მის მზაობას, ხელი შეუწყოს სფეროს განვითარებას საქართველოში.

12/04/2026

მართლმადიდებელი სამყარო მაცხოვრის აღდგომის ბრწყინველე დღესასწაულს აღნიშნავს

ქრისტე აღსდგა, ჭეშმარიტად აღსდგა!

09/04/2026

მადლობა თავისუფლებისთვის! 🇬🇪