24/01/2024
📢 პერსონალურ მონაცემთა დაცვის სამსახური ახალი კანონით გათვალისწინებულ ცვლილებებთან დაკავშირებით, ნებისმიერ დაინტერესებულ პირს, მათ შორის კერძო და საჯარო უწყების წარმომადგენლებს, ყოველ პარასკევს, სამსახურის ოფისში, ინდივიდუალური კონსულტაციების ახალ ფორმატს სთავაზობს.
🔔 ნებისმიერ მსურველს, საშუალება ეძლევა ,,პერსონალურ მონაცემთა დაცვის შესახებ ახალ კანონთან’’ დაკავშირებით კონსულტაციები სამსახურის წარმომადგენლებისგან პირისპირი შეხვედრების ფარგლებში მიიღოს.
🗓️ დაინტერესებულმა პირებმა, შეხვედრის ჩასანიშნად, რეგისტრაცია უნდა გაიარონ მითითებულ ბმულზე. გთხოვთ, გაითვალისწინოთ, რომ ყოველი მიმდინარე კვირის პარასკევისთვის რეგისტრაცია შესაძლებელია არაუგვიანეს ოთხშაბათი დღისა.
👉[email protected]/bookings/" rel="ugc" target="_blank">https://outlook.office365.com/owa/calendar/[email protected]/bookings/
🤝 პერსონალურ მონაცემთა დაცვის სამსახურის წარმომადგენლები დარეგისტრირებულ პირებს 30 წუთის განმავლობაში ახალ კანონთან დაკავშირებით მათთვის სასურველ თემატიკაზე ამომწურავ ინფორმაციას მიაწვდიან და კონკრეტულ ქეისებს განიხილავენ.
📍 მომდევნო თვეების განმავლობაში კონსულტაციები გაიმართება პერსონალურ მონაცემთა დაცვის სამსახურის ოფისში. (მისამართი: თბილისი, ვაჩნაძის ქ. #7)
📄 „პერსონალურ მონაცემთა დაცვის შესახებ” ახალი კანონი საქართველოს პარლამენტმა უკვე მიიღო, მასში გათვალისწინებული ვალდებულებებისა და სიახლეების უმრავლესობა ძალაში 2024 წლის 1 მარტიდან შევა.
