09/01/2026
დღეს 4 ოქტომბრის 15 პრიან საქმეზე მორიგი სხდომა გაიმართა. გამოკვლეულ იქნა ვიდეო მტკიცებულებები რომელიც ბრალდების მხარეს თუ დავუჯერებთ ადასტურებს ბრალდებულთა მხრიდან შესაძლო დანაშაულის ჩადენას და დანაშაულის ჩადენის მცდელობას. რეალურად კი ბრალდების მხარის მიერ წარმოდგენილი მტკიცებულებები უფრო გამამართლებელია ვიდრე გამამტყუნებელი. რა თქმა უნდა წარმოდგენილი მტკიცებულებებით ვერ დადასტურდა ჩემი დაცვის ქვეშ მყოფი დავით სტურუას ან სხვა პირთა მხრიდან შესაძლო დანაშაულის ჩადენის ფაქტი და დანაშაულის ჩადენის მცდელობა. დავით სტურუასთან რამდენიმე წამიანი კადრი აქვს ბრალდების მხარეს სადაც ჩემი დაცვის ქვეშ მყოფი გამოხატავს პროტესტს რომელიც სრულად ჯდება შეკრების და გამოხატვის თავისუფლებაში და მისი მხრიდან არანაირ უკანონო ქმედებას არ აქვს ადგილი. კიდევ ერთხელ დადასტურდა ამ საქმის აბსურდულობა და ის ფაქტი რომ სისტემამ გადაწყვიტა ეს ადამიანები ქვეყნის სიყვარულისთვის დასაჯოს სამაგალითოდ. ორგანიზებულონაზე და ჯგუფურობაზე საუბარი აღარ მაქვს მაშინ როცა არცერთი ბრალდებული არ იცნობდა ერთმანეთს და არანაირ კომუნიკაციას, შეკავშირებულ, ერთობლივ და შეთანხმებულ მოქმედებას არ ჰქონია ადგილი მათი მხრიდან
