Tinatin Lomtadze Legal

16/08/2026

💼 ციკლიდან: იურიდიული პრაქტიკა ბიზნესში

🚀 თემა: პარტნიორები ბიზნესში (ნაწილი 4)

👉აქ ნახავთ: პარტნიორის გარიცხვა კომპანიიდან - საფუძვლები და გზები 🚪

----
👥 პარტნიორთა ურთიერთობებს განვიხილავ შპს-ს (შეზღუდული პასუხისმგებლობის საზოგადოება) მაგალითზე.

🤝 ვცდილობ, სასაუბრო ენაზე გადმოვცე კანონში მოცემული პარტნიორული ურთიერთობების შინაარსი, რაც გააადვილებს მის აღქმას და გამოყენებას პრაქტიკაში.

⚠️სტატია არის საავტორო და გთხოვთ, გაითვალისწინოთ მისი გავრცელების შემთხვევაში
----


დგება მომენტი, როდესაც პარტნიორების გზები იყოფა და ამას კანონი არეგულირებს პარტნიორის გასვლის ან გარიცხვის პროცესით.


🔷 როდის შეიძლება პარტნიორის გარიცხვა?

↘️შესაძლებელია, ერთ-ერთმა პარტნიორმა განზრახ ან ბრალის გარეშე იმგვარი ქმედებები განახორციელოს, რაც მნიშვნელოვან ზიანს მიაყენებს კომპანიას ან მისი დარჩენა საზიანო იქნება ბიზნესისთვის.
- ესეთი შეიძლება იყოს: მესამე პირებთან აღებული პასუხისმგებლობების ჩაგდება, ფულადი თანხმების არასწორი განკარგვა, მავნე საჯარო განცხადებების გაკეთება და სხვა. .

- იქ, სადაც დაცულია პარტნიორის უფლება გავიდეს კომპანიიდან, ასევე დაცული უნდა იყოს საზოგადოების უფლებაც რომ დაიზღვიოს თავი პარტნიორის მავნე გავლენებისგან.

- ამიტომ, ერთობას შეუძლია დააყენოს ამგვარი პარტნიორის გარიცხვის საკითხი.
⚠️ აუცილებელი პირობა: პარტნიორს მანამდე წერილობით უნდა მიეცეს გაფრთხილება.

🔷 ვინ იღებს გადაწყვეტილებას გარიცხვაზე?

↘️დამბრალებელიც და შემფასებელიც ერთი და იგივე პირი ანუ ერთობა რომ არ იყოს, საჭიროა მესამე, დამოუკიდებელი მხარის ჩართულობა და ეს არის სასამართლო.

↘️ სასამართლოში სარჩელის შეტანის გადაწყვეტილების მიღებაში ვერ იღებს მონაწილეობას გარიცხვის კანდიდატი პარტნიორი.

↘️ იქ სადაც ორი პარტნიორია, გადაწყვეტილებას იღებს მხოლოდ მეორე პარტნიორი.

🔷 აუნაზღაურდება თუ არა გარიცხულ პარტნიორს წილის ღირებულება?

- კანონი არ ტოვებს გარიცხულ პარტნიორს დაუცველად და ავალდებულებს დანარჩენ პარნტიორებს რომ განსაზღვრონ გარიცხული პარტნიორის წილის სამართლიანი ღირებულება და აუნაზღაურონ მას. 💸


🔷 შეჯამება:
პარტნიორობას, ისევე როგორც ყველა ურთიერთობას, სჭირდება კეთილსინდისიერება, მუდმივი ჩართულობა, ზრუნვა, კომპრომისი და სხვა..
პარტნიორის ნებისმიერი გაუაზრებელი ან განზრახ დამაზიანებელი ქმედება იწვევს უკუქმედებას დანარჩენი პარტნიორების მხრიდან და ამის საშუალებას კანონი მათ სრულად აძლევს.

👉 🤔 თქვენი გამოცდილებით ან ჩემს მიერ გაზიარებული ინფორმაციიდან
- რამეს ხომ არ დაამატებდით ან მოაკლებდით პარტნიორებს შორის ურთიერთობებს, რაზეც კანონმდებლებს არ უფიქრიათ. ?

✨ჩემი ფორმულა მარტივია: ჩემი გამოცდილება და თქვენი საჭიროებები - მიზანი, რომელსაც ერთად ვაღწევთ. 🚀

14/08/2026

💼 ციკლიდან: იურიდიული პრაქტიკა ბიზნესში
🚀 თემა: პარტნიორები ბიზნესში (ნაწილი 3)
⚠️სტატია არის საავტორო და გთხოვთ, გაითვალისწინოთ მისი გავრცელების შემთხვევაში

--------
👉აქ ნახავთ: პირადი სურვილით პარტნიორის კომპანიიდან გასვლის საფუძვლები და გზები 🚪

👥 პარტნიორთა ურთიერთობებს განვიხილავ შპს-ს (შეზღუდული პასუხისმგებლობის საზოგადოება) მაგალითზე.
🤝 ვცდილობ, სასაუბრო ენაზე გადმოვცე კანონში მოცემული პარტნიორული ურთიერთობების შინაარსი, რაც გააადვილებს მის აღქმას და გამოყენებას პრაქტიკაში.

-------

დგება მომენტი, როდესაც პარტნიორების გზები იყოფა და ამას კანონი არეგულირებს პარტნიორის გასვლის ან გარიცხვის პროცესით.

🔷 კომპანიიდან გასვლის შინაარსი
- პარტნიორის გასვლა არ არის უბრალოდ „გადავიფიქრე“ „აღარ მინდა“ გადაწყვეტილება. მას მოსდევს როგორც პროცედურული საკითხები ისე კითხვის ქვეშ აყენებს ერთობის საქმიანობის გაგრძელებას და ფინანსურ მდგომარეობას.



🔷 გასვლის მნიშვნელოვანი საფუძვლები:

↘️ პარტნიორის ინტერესების „მნიშვნელოვანი“ დარღვევა:
- პარტნიორის ინტერესები შესაძლოა შიგადაშიგ დაზიანდეს, რაც მეტ-ნაკლებად ნორმალურია და მოლაპარაკებების გზით გამოსწორებას ექვემდებარება. მაგრამ არსებობს ისეთებიც, რაც აზრს უკარგავს შემდგომ პარტნიორობას:
- მაგალითად, ვერ იღებს დათქმულ მოგებას, ვერ იღებს მონაწილეობას გადაწყვეტილებებში, იცვლება გეზი და სხვა.

↘️კომპანიის საქმიანობის საგნის მნიშვნელოვანი ცვლილება.
- თუ პარტნიორი იწყებს საქმეს რომელიც იცის, გამოსდის, მისი ინტერესი გააჩნია და იკრებს თანამოაზრეებს, ლოგიკურია, რომ საქმის შინაარსის რადიკალური ცვლილება, მნიშვნელოვანი პრობლემაა და შესაბამისად უნდა ჰქონდეს უფლება -მოერგოს ახალ გარემოს ან დატოვოს იგი.

↘️ დივიდენდის არ-განაწილება 3 წელი ზედიზედ .
- თუ პარტნიორები არ ანაწილებენ მოგებას, მიუხედავად ფინანსური შესაძლებლობისა, ეს შეიძლება ნიშნავდეს, რომ პარტნიორებს დაავიწყდათ პირველადი შეთანხმება, ან იმას, რომ პარტნიორების ერთმა ჯგუფმა გადაწყვიტა თანხების მობილიზება გააკეთოს გეგმების გამო რასაც არ უთანხმებს ყველა პარტნიორს.
- ფაქტია, პარტნიორს რომელსაც გააჩნია ფულადი ინტერესი მის მიერ შექმნილ საზოგადოებაში, უფლება აქვს დაიკმაყოფილოს ის და თუ ამის შესაძლებლობა არ აქვს - გავიდეს საზოგადოებიდან .

↘️ გადაწყვეტილება დამატებით შენატანებზე.
- იმ ერთობაში, სადაც პარტნიორები თანაბარი უფლებრივი მდგომარეობით მონაწილეობენ, პარტნიორთა მაჟორიტარი ჯგუფის გადაწყვეტილება- საზოგადოებაში დამატებითი თანხების პირადი სახსრებიდან მოზიდვაზე- სავალდებულო ხდება ყველა პარტნიორისთვის. თუ რომელიმე ამისთვის მზად არ არის, ან არ თვლის საჭიროდ, უნდა ჰქონდეს არჩევანი დატოვოს კომპანია.


🔷სად მიდის გასული პარტნიორის წილი ?

↘️ გადაეცემა საზოგადოებას
↘️ ნაწილდება დანარჩენ პარტნიორებზე თანაბრად
↘️ უქმდება

🔷უნაზღაურდება თუ არა წილის ღირებულება გასულ პარტნიორს? 💸

- გამსვლელი პარტნიორის წილის ოდენობა უნდა შეფასდეს
↘️ პარტნიორთა შეთანხმებით
↘️ დამოუკიდებელი აუდიტორის მიერ
↘️ სასამართლოს მიერ
და მიეცეს გასულ პარტნიორს ღირებულების დადგენიდან 15 დღეში.

👉 შეჯამება:
ჯანსაღი პარტნიორობა ნიშნავს არა მხოლოდ ერთად დაწყებას, არამედ ცივილიზებულად და სამართლიანად დაშორების უფლების და მექანიზმების ცოდნასაც.

12/08/2026

❗ დირექტორებო, მენეჯერებო, გაყიდვების და შესყიდვების გუნდის წევრებო - გთავაზობთ:

👩‍🏫პრაქტიკულ და გამოყენებით მასტერკლასებს

- „ხელშეკრულებები არაიურისტებისთვის, ადგილობრივი და უცხოური ბაზრების ჭრილში".

განსაკუთრებით გამოადგება მათ, ვისაც იურისტი ყოველდღიურად არ ემსახურებათ.

-----
🔴 25 წლის პრაქტიკულმა გამოცდილებამ მომცა საშუალება დამენახა და გამეანალიზებინა ის პროცესები და გამოწვევები, რასაც კომპანიები ყოველდღიურად აწყდებიან შესყიდვებისა და გაყიდვების პროცესში.

მე, როგორც მათი სამართლებრივი დამხმარე და მხარდამჭერი, აქტიურად ვიყავი ჩართული შიდა პროცედურების შექმნასა და დანერგვაში, რაც უზრუნველყოფდა:
🔻ხელშეკრულებების ფორმირების პროცესის გამარტივებას
🔻ხელმოწერის უსაფრთხოებას კომპანიის ხელმძღვანელი პირებისთვის.

ყველა გამოცდილება შევაჯამე და შევქმენი
რეალურად გამოსაყენებელი ინტერაქტიული ვორქშოფები -
🔺დირექტორების
🔺მენეჯერების
🔺გაყიდვების და შესყიდვების გუნდებისთვის
რომლებიც არ არიან იურისტები, მაგრამ ყოველდღე მუშაობენ ხელშეკრულებებთან.

ჩემი მასტერკლასები არ არის იურიდიული ლექცია - ეს არის მარტივი და რეალური მაგალითებით აგებული ინტერაქციული შეხვედრა პრაქტიკული სავარჯიშოებით, სადაც გაიგებთ:

🔺 როგორ ამოიცნოთ ფინანსური და სამართლებრივი რისკები ხელშეკრულების გაფორმებისას
🔺როგორ მოიქცეთ, როცა იურისტი არ გემსახურებათ
🔺 როგორ მოახდინოთ ხელშეკრულების გაფორმება უსაფრთხოდ , სწრაფად და მარტივად.

📋 ბონუსი - მონაწილეები მიიღებენ ჩეკ-ლისტებს ყველა საკავნძო და გამოსაყენებელი მინიშნებებით, მათი ყოველდღიური საქმიანობისთვის.

❗ თუ თქვენი საქმიანობა უკავშირდება :
- გაყიდვებს ან შესყიდვებს

🚀და გსურთ, გააძლიეროთ თქვენი პროფესიული უსაფრთხოება და ცოდნა, იურიდიული სიღრმეების გარეშე - მაგრამ რეალური სარგებელით,
მაშინ ეს მასტერკლასები თქვენთვისაა!

📩 შემეხმიანეთ და ერთად შევქმნათ სწორედ თქვენზე მორგებული პროცესი, რომელიც მუშაობს.

-----

✨ ჩემი ფორმულა მარტივია: თქვენი საჭიროებები და ჩემი გამოცდილება - მიზანი, რომელსაც ერთად ვაღწევთ.

10/08/2026

💼 ციკლიდან: იურიდილი პრაქტიკა ბიზნესში

🚀 თემა: პარტნიორები ბიზნესში (ნაწილი 2)

⚠️სტატია არის საავტორო და გთხოვთ, გაითვალისწინოთ მისი გავრცელების შემთხვევაში

-------
👉აქ ნახავთ: პარტნიორთა საერთო კრება

👥 პარტნიორთა ურთიერთობებს განვიხილავ შპს-ს (შეზღუდული პასუხისმგებლობის საზოგადოება) მაგალითზე.

🤝 ვცდილობ, სასაუბრო ენაზე გადმოვცე კანონში მოცემული პარტნიორული ურთიერთობების შინაარსი, რაც გააადვილებს მის აღქმას და გამოყენებას პრაქტიკაში.

-------
🔹 რა არის საერთო კრება? 🏛️

- კომპანიის მართვა არ არის ქაოსური პროცესი. ფუნდამენტური საკითხები, მხოლოდ და მხოლოდ პარტნიორების შეთანხმებითა და კენჭისყრით წყდება.

- საკითხებზე მსჯელობისთვის პარტნიორები აწყობენ საერთო კრებას.

🔹რამდენი პარტნიორი აკომპლექტებს კრებას?

- საერთო კრება გულისხმობს ყველა პარტნიორის თანაბარ უფლებას მონაწილეობა მიიღოს კომპანიისთვის მნიშვნელოვან საკითხებზე მსჯელობასა და გადაწყვეტილებების მიღებაში.

- ამ პრინციპიდან გამომდინარე, თითქოს ლოგიკური უნდა იყოს რომ პარტნიორთა კრება მხოლოდ მაშინ ჩაითვალოს ლეგიტიმურად, ანუ მაშინ ჰქონდეს უფლება რომ მიიღოს გადაწყვეტილებები თუ მასში უკლებლივ ყველა პარტნიორი ,
ანუ შეკრებილია ხმათა 100% მონაწილეობს, რაც საშუალებს მისცემს, მათ შორის, მცირე მეწილეს (მინორიტარ პარტნიორს) ჰქონდეს საერთო კრებაში მონაწილეობის უპირობო გარანტია.

- მაგრამ, ხშირად პრაქტიკაში ძნელია ამის შესრულება . ამიტომ პარტნიორები მცირე დათმობაზე უნდა წავიდნენ და თქვან რომ პარტნიორთა კრება მაინც იქნება ლეგიტიმური თუკი მასში 60%-80% წილის მქონე პარტნიორები მიიღებენ მონაწილეობას.

- ამით პარტნიორი იცავს უფრო მაღალ ინტერესს - ერთობის ინტერესს, როდესაც კომპანია ვერ იღებს გადაწყვეტილებას და ჩიხში შედის იმის გამო რომ ერთ-ერთი პარტნიორი ვერ ახერხებს კრებაზე დასწრებას.

- ანალოგიური პრინციპი ვრცელდება გადაწყვეტილებების მიღებისას. კენჭის ყრის დროს ასევე მოძებნილი უნდა იყოს ბალანსი მინორიტარი პარტნიორის ინტერესსა და ერთობის მაღალ ინტერესს შორის.

🔹 რაზე მსჯელობს საერთო კრება:

📊 ფინანსები: ფინანსური ანგარიშის დამტკიცება, ქონების განაწილება და დირექტორის მუშაობის შეფასება.

👤 მართვა: დირექტორის დანიშვნა, გათავისუფლება, მასთან ხელშეკრულების გაფორმება და სამეთვალყურეო საბჭოს შექმნა.

⚖️ დავები: დირექტორის/პარტნიორის წინააღმდეგ სასამართლო პროცესის წამოწყება.

📜 სტრუქტურა: წესდებაში ცვლილება, რეორგანიზაცია, კომპანიის დაშლა ან პარტნიორის გასვლა/გარიცხვა.

👉 შეჯამება:
პარტნიორთა საერთო კრება განსაზღვრავს და ადგენს კომპანიის ბედს და სტრატეგიულ ჩარჩოს, აკეთებს დელეგირებებს და ირჩევს ისეთ ლიდერს / დირექტორს რომელიც ყოველდღიური პრაქტიკული ჩართულობით მიიყვანს კომპანიას დასახულ მიზნამდე.
------------------

✨ჩემი ფორმულა მარტივია: ჩემი გამოცდილება და თქვენი საჭიროებები - მიზანი, რომელსაც ერთად ვაღწევთ. 🚀

07/08/2026

📇ბიზნესის რეგისტრაცია-ცხოვრების ხედვა და სტრატეგიული მექანიზმი
💼პრაქტიკული იურიდიული რჩევები ბიზნესს

07/08/2026

ახალი პროფესიული გამოწვევა და დიდი პასუხისმგებლობა! 📚✨

მოხარული ვარ, რომ მიწვეული ლექტორის რანგში შევუერთდი მთავარი ბუღალტრების გადასამზადებელ კურსს, Leano Academy - ლინო აკადემია სადაც მსმენელებს კორპორატიულ და შრომის სამართალს გავუზიარებ.

პირველ რიგში, უდიდესი მადლობა სალომეს Salome Odisharia ამ ნდობისთვის, მხარდაჭერისთვი და იმ შესაძლებლობისთვის, რომ ჩემი დაგროვილი მრავალწლიანი პრაქტიკა მომავალ მთავარ ბუღალტრებს გავუზიარო.

ცალკე აღნიშვნის ღირსია თავად ეს საავტორო კურსი, რომელიც უკვე წლებია, უმაღლეს სტანდარტსა და უდიდეს ნდობას ინარჩუნებს ქართულ ბაზარზე. განსაკუთრებით დასაფასებელია, როცა ასეთი მასშტაბისა და რეპუტაციის პროექტში განდობენ კორპორატიული და შრომითი სამართლის მიმართულებას. 🤝

მთავარი ბუღალტრის როლი თანამედროვე ბიზნესში დიდი ხანია გასცდა მხოლოდ ციფრებსა და ანგარიშგებას - დღეს ეს პოზიცია კომპანიის იურიდიულ უსაფრთხოებასა და სწორ მართვასთან პირდაპირ კავშირშია.

ღრმად ვარ დარწმუნებული, რომ ჩვენი მსმენელები ამ კურსიდან წაიღებენ ყველაზე პრაქტიკულ, გამოყენებად ცოდნას და პასუხებს თანამედროვე საგადასახადო, საბაჟო თუ სამართლებრივ გამოწვევებზე. 💡🚀

წარმატებები ჩვენს მსმენელებს!

🚀 დამხმარე ბუღალტრიდან მთავარ ბუღალტრამდე — 6 თვეში!
წლებია ბუღალტერიაში მუშაობ, მაგრამ ჯერ კიდევ არ გყოფნის თავდაჯერება, რომ მთავარი ბუღალტრის პოზიცია დაიკავო ან დამოუკიდებლად მართო კომპანიის სრული ბუღალტერია?
📌 სწორედ ამისთვის შევქმენით „მთავარი ბუღალტრის 6-თვიანი პრაქტიკული კურსი მსს ფასს-ის მიხედვით“.
❗ეს არ არის თეორიული ლექციების კურსი!
მთელი 6 თვის განმავლობაში იმუშავებ ერთი კონკრეტული კომპანიის 2 წლის რეალურ სამეურნეო ოპერაციებზე, შეასრულებ ბუღალტრულ გატარებებს, მოამზადებ დეკლარაციებს და საბოლოოდ ნულიდან ააწყობ ფინანსურ ანგარიშგებას.

🎯 კურსი განკუთვნილია მათთვის, ვინც:
✅ მუშაობს დამხმარე ბუღალტრად;
✅ სურს კარიერული წინსვლა და მთავარი ბუღალტრის პოზიციაზე გადასვლა;
✅ უნდა, რომ პრაქტიკაში ისწავლოს და არა მხოლოდ თეორია.

📌 კურსის გასავლელად აუცილებელია:
✔ საგადასახადო კოდექსის საბაზისო ცოდნა;
✔ ბუღალტრული აღრიცხვის საბაზისო ცოდნა;
✔ Excel-ის საბაზისო ცოდნა.

📅 კურსის დეტალები

📍 დაწყება: 7 ოქტომბერი
📅 დღეები: ოთხშაბათი, პარასკევი
🕖 დრო: 19:00 – 22:00
🏢 მისამართი: ვაჟა-ფშაველას გამზ. 45, რუსთავი 2-ის ბიზნეს შენობა, XI სართული

💻 ონლაინ დასწრება შესაძლებელია მხოლოდ რეგიონებში მცხოვრები მსმენელებისთვის.

💰 კურსის სრული ღირებულება: 1,800 ლარი.

✔ შესაძლებელია ეტაპობრივი გადახდა.

🎁 ერთიანად გადახდის შემთხვევაში მოქმედებს 10%-იანი ფასდაკლება.

📚 კურსის განმავლობაში მსმენელები მიიღებენ სასწავლო მასალებს (ბეჭდურ და ელექტრონულ ფორმატში), ისწავლიან კომფორტულ სასწავლო გარემოში, ხოლო კურსის წარმატებით დასრულების შემდეგ მიიღებენ ორენოვან სერტიფიკატს, რომელიც გაიცემა საბოლოო ტესტირების საფუძველზე.

👩‍🏫 ტრენერები

🔴 სალომე ოდიშარია – მთავარი ტრენერი, სრული კურსის ავტორი; ბრიტანეთის ნაფიც სერტიფიცირებულ ბუღალტერთა ასოციაციის (ACCA) წევრი; სერტიფიცირებული ბუღალტერი; ეკონომიკის მეცნიერებათა დოქტორი.

🔴 ნინო ოგნაძე – შემოსავლების სამსახურის საბაჟო დეპარტამენტის საბაჟო მეთოდოლოგიის სამმართველოს მთავარი მებაჟე-ოფიცერი.

🔴 თინათინ ლომთაძე – კორპორატიული იურისტი, 25-წლიანი გამოცდილებით; პრაქტიკული საგანმანათლებლო პროგრამების ავტორი ბიზნეს-ლიდერებისთვის. კურსზე განიხილავს შრომის კოდექსსა და „მეწარმეთა შესახებ“ კანონს.

💼 თუ შენი მიზანია აღარ იყო მხოლოდ დამხმარე ბუღალტერი და გახდე სპეციალისტი, რომელსაც შეუძლია დამოუკიდებლად მართოს კომპანიის სრული ბუღალტერია — ეს კურსი სწორედ შენთვისაა.

📩 ადგილები შეზღუდულია, ახლავე გაიარე რეგისტრაცია
https://docs.google.com/forms/d/1dxQRnI11XetT7nTY8Zsu4d0T5n4KYxCgE1ppLOI_E64/edit

31/07/2026

💼 ციკლიდან: იურიდიული პრაქტიკა ბიზნესში

🚀 ბიზნესსუბიექტი - იურიდიული აბსტრაქცია თუ ცხოვრების ხედვა და სტრატეგიული მექანიზმი? 🤔

⚠️სტატია არის საავტორო და გთხოვთ, გაითვალისწინოთ მისი გავრცელების შემთხვევაში

👉აქ ნახავთ: სინამდვილეში რა ბონუსები აქვს კომპანიის დაფუძნებაზე ზრუნვას .

✔️ როცა ბიზნესის კეთების იდეის განხორციელებას იწყებ, გაგიგია, რომ უბრალოდ რაიმე კომპანია უნდა დააფუძნო.

მაგრამ, ბევრს არ ესმის, სინამდვილეში რა არის ეს კომპანია -ანუ სამართლებრივ ენაზე რომ ვთქვათ, "იურიდიული პირი".

ალბათ, ეს არის ვირტუალურI ბიუროკრატიული ერთეული, რომელიც ეკონომიკურ სისტემაში უბრალოდ იმისთვის უნდა არსებობდეს, რომ შენი საქმიანობიდან მიღებული სარგებელის ნაწილი რაიმე გზით მოხვდეს სახელმწიფო ბიუჯეტში? 🏛️

ანუ, მოკლედ რომ ვთქვათ, იურიდიული პირის დარეგისტრირება სჭირდება სახელმწიფოს და არა - თქვენ.

ასე ბევრს გგონიათ, ხომ?

რა იქნება თუკი თანამედროვე ფსიქოლოგიური ტერმინის გამოყენებით აგიხსნით, რომ იურიდიული პირის დარეგისტრირებაზე ფიქრიც კი, სინამდვილეში უკვე მნიშვნელოვან თვითრეფლექსიას გვაძლევს? 🧠

კერძოდ ვახდენთ: მიზნის გააზრებას, ღირებულებების დადგენასა და დაფიქსირებას, მათთან მისასვლელი გზების მოფიქრებას, ამ გზების ორგანიზებასა და ნაბიჯების რითმის შერჩევას.

როგორ? 👇

როდესაც იმაზე ვიწყებ დაფიქრებას - შპს დავაფუძნო, ინდ. მეწარმე, სააქციო საზოგადოება, კოოპერატივი თუ სხვა იურიდიული პირი-ვიწყებ იმის გააზრებას, თუ რას ვაპირებ სინამდვილეში:
🔹 მარტო ვაპირებ იდეების გენერირებასა და შედეგზე გასვლას, თუ მჭირდება თანამოაზრე და დამხმარე?
🔹 თუ დამხმარე მჭირდება, როგორი დამხმარე?
🔹 რა შემიძლია მე და რა შეუძლია სხვას?
🔹 რა როლი მექნება მე და რა როლი — სხვას?
🔹 ვის მეტი პასუხისმგებლობა ექნება და ვინ რა შრომას აიღებს საკუთარ თავზე?
🔹 რა გვაკლია და რისი დამატება ღირს?

ამ პროცესში ყალიბდება ნამდვილი ხედვა, ნაწილდება როლები და როდესაც ადამიანები სამეწარმეო რეესტრში იურიდიული პირის დასარეგისტრირებლად მიდიან, მათ უკვე იციან:

🏗️ ფორმალურ ბრენდს არეგისტრირებენ, თუ მათი ერთობლივი საქმიანობის საძირკველში პირველ მონოლითს დებენ.

🪟 ვფიქრობ, რომ ბიზნესში, ხშირად, ხედვა უფრო მნიშვნელოვანია - ვიდრე მისი კეთება.

✨ჩემი ფორმულა მარტივია: ჩემი გამოცდილება და თქვენი საჭიროებები - მიზანი, რომელსაც ერთად ვაღწევთ. 🚀

Send a message to learn more

29/07/2026

🤫NDA გაუთქმელობის /კინფიდენციალურობის შეთანხმება
💼რა ჭირდება ბიზნესს
👩‍💼პრაქტიკული იურიდიული რჩევები

27/07/2026

ციკლიდან: "იურიდიული პრაქტიკა ბიზნესში". 💼

📄 "NDA-მოლაპარაკებების გაფორმება"

NDA ანუ გაუთქმელობის/კონფიდენციალურობის შეთანხმება ფორმდება მხარეებს შორის წინასწარ, ვიდრე პოტენციური გამყიდველი/სერვისის მიმწოდებელი და მყიდველი/მიმღები გააფორმებენ ხელშეკრულებას ნასყიდობაზე/მიწოდებაზე.

🔹რაზე თანხმდებიან მხარეები?

🚹 პოტენციური მყიდველი/მიმღები მხარე პირდება გამყიდველს/მიმწოდებელს რომ ნებისმიერი ინფორმაცია, დოკუმენტაცია, კომერციული საიდუმლოება, არამატერიალური საკუთრება(მაგ. სასაქონლო ნიშანი, გამოგონება) რომელიც მისთვის ხდება ცნობილი ან/და ხელმისაწვდომი წინასწარი მოლაპარაკებების პროცესში და რისი გავრცელება (გათქმა) შესაძლებელია არ შედიოდეს გამყიდველის/მიმწოდებლის ინტერესებში, ან არ იყოს მისი სურვილი, პოტენციურმა მყიდველმა/მიმღებმა არ გადასცეს მესამე პირს, არ გამოიყენოს საკუთარი მიზნებისთვის ან/და არ გამოაქვეყნოს საჯაროდ.

გაუკვირდება ადამიანს - ეს ხომ ისედაც ასეა და რა საჭიროა ამის დაფიქსირებაო.

↘️🛄
წარმოიდგინეთ ადამიანი ან კომპანია, რომელმაც საკუთარი ბიზნესის შენებისთვის დახარჯა წლების დრო და ენერგია, და ახლა შვილივით გამოზრდილი საქმე უნდა გადასცეს უცხო პირს.
თანაც, ასეთი უცხო პირი არის არა ერთი, არამედ მრავალი. ეს ადამიანი/კომპანია არჩევს იქამდე, ვიდრე იმათგან საუკეთესოს არ შეარჩევს.

↙️ 🛄
შევხედოთ მეორე მხარის გადმოსახედიდან:
-არც ის იყიდის არაფერს, თუ კარგად არ შეისწავლა მისი ბუნება, შინაარსი და მომგებიანობის პოტენციალი, რასაც ზედმიწევნით აკეთებს კიდეც.

👤გამყიდველი-რომელიც ვალდებულია მისი შვილითვით ნალოლიავები საქმის დეტალების შესახებ ყველა პოტენციურ მყიდველს ესაუბროს, ნებით თუ უნებლიედ გასცემს ყველა ინფორმაციას, რამაც დროთა მანძილზე მისთვის მატერიალური თუ არამატერიალური ღირებულება შეიძინა.

🔏ბევრი დაინტერესებული კლიენტიდან ძნელია ზუსტად მიხვდე რომელი მათგანი არის საქმიანი და პასუხისმგებლიანი. პირველივე ეტაპზე პასუხისმგებლობებზე ყურადღების გამახვილება კარგად აჩვენებს მეორე მხარის ბუნებას იმის მიხედვით თანხმდება თუ არა კონფიდენციალურობის შეთანხმების გაფორმებას.

მგონი ახლა უკვე აღარ უნდა დაგრჩეთ კითხვა, რატომ აქვს ადამიანს ან კომპანიას სურვილი მისი ნაფიქრ-ნამოღვაწარის შესახებ ინფორმაცია იყოს კონფიდენციალური და მეორე მხარეს პირდაპირ დაავალოს რომ არ გამოიყენოს არც საკუთარი და არც საჯარო მიზნებისთვის იქამდე, ვიდრე არ გააფორმებენ საბოლოო ხელშეკრულებას და თუ ვერ შეთანხმდებიან მაშინ მინიმუმ 10 ,15 და ა.შ. წლით.

➡️როგორც ყველა შეთანხმებას, NDA-ს შესრულებასაც სჭირდება გარანტია რაც მასში საკმაოდ მსხვილი საჯარიმო სანქციების გათვალისწინებას გულისხმობს. (შესაძლებელია სწორედ ეს უკანასკნელი აშინებდეს მეორე მხარეს ამ დოკუმენტზე დაფიქრებისას).

🔷შეჯამების სახით კი ვიტყვი, რომ მოლაპარაკებების პროცესში, ხშირად, გაუთქმელობის/კონფიდენციალობის შეთანხმება უფრო მნიშვნელოვანი დოკუმენტი შეიძლება აღმოჩნდეს ბიზნესისთვის ვიდრე თავად მოლაპარაკება და მისი შედეგი.

✨ჩემი ფორმულა მარტივია:"თქვენი საჭიროებები და ჩემი გამოცდილება-მიზანი რომელსაც ერთად ვაღწევთ"🚀

24/07/2026

💼 ციკლიდან: იურიდიული პრაქტიკა ბიზნესში

"შიდა მოწესრიგება" 🚀 (ნაწილი - 4)

⚠️სტატია არის საავტორო და გთხოვთ, გაითვალისწინოთ მისი გავრცელების შემთხვევაში

👉აქ ნახავთ: პერსონალური მინაცემების დაცვა და შრომის უსაფრთხოება

↘️ ხშირად ბიზნესის მფლობელებს ჰგონიათ, რომ შიდა წესები, შრომის უსაფრთხოება თუ მონაცემთა დაცვა მხოლოდ დიდი კორპორაციების საქმეა. რეალურად, არსებობს სამართლებრივი მინიმუმი რომლებიც ბიზნესს პირველივე ეტაპზე სჭირდება, რათა თავიდან აიცილოს მოულოდნელი ჯარიმები და საქმიანობის შეფერხებები:

1. პერსონალური მონაცემების დაცვის ოფიცერი (DPO) 🔒

🔵 ვის ეხება: ოფიცრის დანიშვნა სავალდებულოა: სადაზღვევოების, ავიაკომპანიების, კომერციული ბანკების, მიკროსაფინანსოების, საკრედიტო ბიუროების, ელექტრონული კომუნიკაციის კომპანიების, აეროპორტებისა და სამედიცინო დაწესებულებებისთვის, აგრეთვე ყველასთვის, ვინც დიდი რაოდენობით სუბიექტების მონაცემებს (საქართველოს მოსახლეობის არანაკლებ 3 %-ისა, რომელიც გამოითვლება მოსახლეობის აღწერის ბოლო შედეგების მიხედვით) ამუშავებს ან მათ სისტემატურ და მასშტაბურ მონიტორინგს ახორციელებს.

🔵 რა უნდა გაითვალისწინოთ: თუნდაც თქვენს ბიზნესს ოფიცრის ყოლა პირდაპირ არ ევალებოდეს, მონაცემთა დამუშავების შიდა პოლიტიკა მაინც აუცილებელია.
🔶 კრიტიკულად მნიშვნელოვანია ოფისის შიგნით თანამშრომლებისა და სტუმრების მონაცემების დაცვის წესების შემუშავება. თუ ოფისში გაქვთ ვიდეომონიტორინგი, აუდიოჩაწერა ან ინახავთ თანამშრომელთა პირად დოკუმენტებს, კანონის მოთხოვნების უგულებელყოფა მძიმე ჯარიმებს იწვევს.

2. შრომის უსაფრთხოება და დამსაქმებლის ვალდებულებები 👷

🔵 სამართლებრივი რეალობა: სამუშაო სივრცეში შრომის უსაფრთხოების უზრუნველყოფა და ყველა ფინანსური ხარჯის გაღება (მატერიალური, სანიტარიულ-ჰიგიენური, ტექნიკური) სრულად დამსაქმებლის პასუხისმგებლობაა, რისთვისაც ხშირ შემთხვევებში უნდა გაიაროს აკრედიტებული სწავლება ან დაიქირავოს შესაბამისი სპეციალისტი.

🔵მომეტებული საფრთხის შემცველ, მძიმე, მავნე და საშიშპირობებიან სამუშაოებზე (მაგ. მშენებლობა, წარმოება) ასევე 20-ზე მეტი თანამშრომლის ყოლის შემთხვევაში კომპანიებს ევალებათ სერტიფიცირებული სპეციალისტ(ებ)ის ყოლა.

🔵რას მოიცავს შრომის უსაფრთხოება:
✔️დასაქმებულისა და სამუშაო სივრცეში მყოფი სხვა პირის უსაფრთხოებისა და ჯანმრთელობის დაცვა
✔️ფიზიკური, ქიმიური და ბიოლოგიური საფრთხის შემცველი ფაქტორების მუდმივი კონტროლი
✔️სამუშაო სივრცეში უბედური შემთხვევების, პროფესიული დაავადებების და საშიში შემთხვევების აღრიცხვა
✔️ტექნიკური აღჭურვილობის უსაფრთხოების მდგომარეობის რეგულარული კონტროლი და დოკუმენტირება;
✔️ინდივიდუალური დაცვის საშუალებების და სხვა დამცავი საშუალებების მოვლა-გასუფთავება, მათი სწორად გამოყენების კონტროლი და განახლება;
✔️დასაქმებულებისათვის სწავლების (ტრენინგების) და ინსტრუქტაჟის ჩატარება
✔️არ დაუშვას ორსულების, მეძუძური დედებისა და 18 წლამდე პირების დასაქმება მათთვის საზიანო ან რისკის შემცველ პოზიციებზე.

✨ჩემი ფორმულა მარტივია: ჩემი გამოცდილება და თქვენი საჭიროებები - მიზანი, რომელსაც ერთად ვაღწევთ. 🚀