იურიდიული კომპანია ნექსუსი / Nexus Law Firm

03/11/2025

🔴 შეგახსენებთ, რომ 2025 წლის ქონების გადასახადის დეკლარაციის წარდგენის ვადა დღეს, 3 ნოემბერს იწურება, გადასახადი კი გადახდილი უნდა იქნეს არაუგვიანეს 17 ნოემბრისა.

ℹ️ ვრცლად ამ საკითხთან დაკავშირებით იხ. 👇

ქონების გადასახადი ადგილობრივი გადასახადია, რომლის გადახდის ვალდებულება ეკისრებათ როგორც საქართველოს რეზიდე....

03/07/2025

გიზიარებთ სტატიას "შრომითი მიგრაციის შესახებ“ საქართველოს კანონში შეტანილ უახლეს ცვლილებებზე, რომლებიც განსაზღვრავს უცხოელთა მიერ საქართველოს ტერიტორიაზე შრომითი საქმიანობის განსახორციელებლად „შრომითი საქმიანობის უფლების“ მოპოვების ვალდებულებასა და თანმდევ რეგულაციებს 👇

დამატებითი ინფორმაციისთვის მოგვწერეთ 📩

ქვემოთ ვისაუბრებთ „შრომითი მიგრაციის შესახებ“ საქართველოს კანონში შეტანილ უახლეს ცვლილებებზე, რომლებიც განსა...

20/03/2025

🆕მეწარმე სუბიექტების ხელახალი რეგისტრაციის ვადა 2026 წლის 1 აპრილამდე გახანგრძლივდა.

👉ვრცლად იხ. https://nexuslawblog.com/2025/01/31/saregistracio-monacemebis-shesabamisobashi-moyvana/

01/03/2025

📢 შეგახსენებთ, რომ კომპანიების ხელახალი რეგისტრაციის ბოლო ვადა 2025 წლის 31 მარტს იწურება!

📌 მეწარმე სუბიექტები, რომლებმაც სახელმწიფო რეგისტრაცია 2022 წლის 1 იანვრამდე გაიარეს, ვალდებული არიან, 2025 წლის 1 აპრილამდე უზრუნველყონ თავიანთი სარეგისტრაციო მონაცემების „მეწარმეთა შესახებ“ ახალ კანონთან შესაბამისობაში მოყვანა.

‼ წინააღმდეგ შემთხვევაში მარეგისტრირებელი ორგანო მიიღებს გადაწყვეტილებას საწამოს რეგისტრაციის შეჩერების შესახებ, ხოლო აღნიშნული ვალდებულების 2026 წლის 1 აპრილამდე შეუსრულებლობის შემთხვევაში – საწარმოს რეგისტრაციის გაუქმების შესახებ.

ℹ️ ვრცლად ამ საკითხთან დაკავშირებით იხ. 👇

2022 წლის 1 იანვრიდან ქვეყანაში „მეწარმეთა შესახებ“ ახალი კანონი ამოქმედდა, რომლის საფუძველზე ახლებურად იქნა მოწე....

30/12/2024

🆕„საჯარო სამსახურის შესახებ“ კანონის ახალი რედაქცია ძალაშია.

👉ახალი კანონის საფუძველზე, საჯარო დაწესებულებაში ჩატარებული რეორგანიზაციის შედეგად სამსახურიდან გათავისუფლებულ მოხელეებს მთელი რიგი უფლებები შეეზღუდათ, მათ შორის, მათ აღარ გააჩნიათ სასამართლოს მეშვეობით დარღვეულ უფლებებში სრულად აღდგენის შესაძლებლობა. უფრო კონკრეტულად:

📌კანონში ცვლილებების შეტანამდე, რეორგანიზაციის გამო შტატის შემცირებისას მოხელე ექვემდებარებოდა მობილობის წესით იმავე ან სხვა საჯარო დაწესებულებაში მისი თანამდებობის ტოლფას თანამდებობაზე გადაყვანას, ხოლო ასეთი თანამდებობის არარსებობისას – დაბალ თანამდებობაზე დანიშვნას.

📌ამასთან, მოხელის სამსახურიდან განთავისუფლების უკანონოდ ცნობის შედეგი იყო პირის სრული უფლებრივი რესტიტუცია. აღნიშნული იმაში გამოიხატებოდა, რომ საჯარო დაწესებულება ვალდებული იყო, უკანონოდ (მაგალითად, ფორმალური რეორგანიზაციის ჩატარების შედეგად) დათხოვნილი მოხელე აღედგინა იმავე პოზიციაზე, ასეთის არარსებობისას – ტოლფას პოზიციაზე იმავე საჯარო დაწესებულებაში, ხოლო აღნიშნულის შეუძლებლობისას – სხვა საჯარო დაწესებულებაში არსებულ ტოლფას პოზიციაზე.

📌ახალი კანონის თანახმად, უკანონო რეორგანიზაციის შედეგად დაზარალებული მოხელე ასეთი უფლებებით ვეღარ ისარგებლებს – მასზე აღარ ვრცელდება მობილობის მექანიზმი; ამასთან, სასამართლოს მიერ მოხელის სარჩელის სრულად დაკმაყოფილების მიუხედავად იგი სამსახურში ვერ აღდგება, არამედ მიეცემა განაცდური ხელფასი, კომპენსაცია 3 თვის ხელფასის ოდენობით და ჩაირიცხება მოხელეთა რეზერვში.

👇ვრცლად საჯარო სამსახურის რეორგანიზაციასთან დაკავშირებულ შრომით საკითხებზე იხ. ჩვენს ბლოგში.

წინამდებარე სტატიაში მიმოხილულია საჯარო დაწესებულების რეორგანიზაციასთან, ლიკვიდაციასა და შერწყმასთან დაკავ.....

18/11/2024

❓იცოდით, რომ კანონით მკაცრად განსაზღვრულ შემთხვევებში საჩუქრის გამცემს (მჩუქებელს) შეუძლია საჩუქრის მიმღებს (დასაჩუქრებულს) მოსთხოვოს გაჩუქებული ქონების უკან დაბრუნება? კერძოდ, საქართველოს სამოქალაქო კოდექსის მიხედვით:

📌1) ჩუქება შეიძლება გაუქმდეს, თუ დასაჩუქრებული „მძიმე შეურაცხყოფას“ მიაყენებს ან „დიდ უმადურობას“ გამოიჩენს მჩუქებლის ან მისი ახლო ნათესავის მიმართ. ამ შემთხვევაში ჩუქება შეიძლება გაუქმდეს 1 წლის განმავლობაში მას შემდეგ, რაც მჩუქებელი შეიტყობს დასაჩუქრებულის მხრიდან დიდი უმადურობის გამოვლენის ან მძიმე შეურაცხყოფის მიყენების ფაქტის შესახებ. ჩუქების გაუქმება შესაძლებელია მჩუქებლის მიერ დასაჩუქრებულისთვის შესაბამისი შეტყობინების გაკეთებით. დავის სასამართლოში განხილვის შემთხვევაში სასამართლო კონკრეტულ საზოგადოებაში არსებული წეს-ჩვეულებებისა და დამკვიდრებული მოსაზრებების გათვალისწინებით განსაზღვრავს, იჩენდა თუ არა დასაჩუქრებული დიდ უმადურობას მჩუქებლის მიმართ, ან იყო თუ არა მისი ქმედება მძიმე ფორმის შეურაცხყოფა. მაგალითად, მხოლოდ ის გარემოება, რომ დასაჩუქრებულს არ სურს მჩუქებელთან ურთიერთობა და თუნდაც სატელეფონო საუბარი, მძიმე შეურაცხყოფად და დიდ უმადურობად ვერ შეფასდება.

📌2) თუ ჩუქების შემდეგ მჩუქებელი მძიმე მდგომარეობაში აღმოჩნდა და არ შეუძლია საკუთარი თავის ან მის კმაყოფაზე მყოფი პირების რჩენა, მას უფლება აქვს დასაჩუქრებულს მოსთხოვოს გაჩუქებული ნივთი, თუ ა) ეს ნივთი რეალურად არსებობს და ბ) მისი დაბრუნება დასაჩუქრებულს არ ჩააყენებს მძიმე მდგომარეობაში. ამასთან, გაჩუქებული ნივთის გამოთხოვა არ შეიძლება, თუ მჩუქებელმა განზრახ ან უხეში გაუფრთხილებლობით ჩაიგდო თავი მძიმე მდგომარეობაში. აღნიშნული საფუძვლით ჩუქების გაუქმების მოთხოვნაზე ვრცელდება ხანდაზმულობის საერთო 10-წლიანი ვადა, ე.ი. ჩუქების გაუქმების მოთხოვნა ხანდაზმულად იქნება მიჩნეული, თუკი ნაჩუქარი ნივთის გადაცემიდან გასულია 10 წელი. მაგალითად, თუ ერთადერთი საცხოვრებელი სახლის გაჩუქების შედეგად მჩუქებელი, უხეშად რომ ითქვას, ქუჩაში დარჩა, მას შეუძლია ხელშეკრულების გაუქმება მოითხოვოს. ამასთან, საბანკო ვალდებულებების არსებობა ცალკე აღებული არ ნიშნავს პირის ყოფის მკვეთრ გაუარესებას და ეს ფაქტი სხვა გარემოებებთან ერთობლობაში უნდა მიანიშნებდეს მჩუქებლის მძიმე მდგომარეობაში ყოფნის ფაქტს.

📌3) ჩუქება დაუშვებელია (ე.ი. ბათილია), თუ ქონების გაჩუქება საარსებო წყაროს უსპობს მჩუქებელს ან მის კმაყოფაზე მყოფ პირებს. ამრიგად, ქონების გაჩუქების შეზღუდვა დაიშვება მხოლოდ იმ შემთხვევაში, თუ ეს ქონება არის მჩუქებლის ან მის კმაყოფაზე მყოფი პირების „საარსებო წყარო“, ანუ ამ ქონების მეშვეობით მჩუქებელი შემოსავალს უნდა იღებდეს და გაჩუქების შემდეგ აღარ უნდა რჩებოდეს შემოსავლის სხვა წყარო, რომელიც მისი აუცილებელი მოთხოვნების დაკმაყოფილებას უზრუნველყოფს. საცხოვრებელი სახლის გაჩუქება, თავისთავად, არ გულისხმობს საარსებო წყაროს მოსპობას. ჩუქების ბათილად ცნობა შესაძლოა მოთხოვნილ იქნეს ხანდაზმულობის საერთო 10-წლიანი ვადაში. აღნიშნული მოთხოვნის უფლება გააჩნიათ აგრეთვე მჩუქებლის კმაყოფაზე მყოფ პირებს (მაგ. არასრულწლოვან შვილებს).

☎️✉️ამ და სხვა სამართლებრივ საკითხებთან დაკავშირებით ხარისხიანი და ხელმისაწვდომი იურიდიული მომსახურების მისაღებად დაგვირეკეთ ან მოგვწერეთ დღესვე.

20/09/2024

For Georgian, please scroll down👇
Familiarize yourself with the procedures required to successfully register a trademark in Georgia!
⚖️Under the Law of Georgia on Trademarks, a trademark application must be submitted to the registration authority, National Intellectual Property Center “Sakpatenti” and include the following information:
a) a request for trademark registration;
b) the full name (title) and legal address of the applicant;
c) an image of the mark (must be well-defined and not exceed 6 cm by 6 cm);
d) a listing of goods for which the registration of the trademark is requested;
e) the identity and address of a representative (if any).
🔷An application must pass two separate but interrelated stages: the examination of formal requirements and the substantive examination.
👉The first stage focuses on investigating the compliance of the application and attached materials with legal requirements. As a rule, this procedure takes 1 month, unless the applicant requests expedited services.
👉At the second stage, Sakpatenti will determine whether there exists an absolute ground (e.g., when the symbol is descriptive of the goods for which registration is requested) or a relative ground (e.g., when the symbol is identical to a trademark that enjoys an earlier priority date) for denying the application. The substantive examination must be concluded within 6 months, unless the applicant requests expedited services.
✅If the applicant successfully passes both stages, Sakpatenti will publish the application data in its Official Bulletin of Industrial Property. Any interested party may challenge Sakpatenti’s favorable decision within 3 months after the publication of application data.
⭕An adverse decision may be appealed by the applicant by filing a complaint with Sakpatenti’s Chamber of Appeals within 3 months after such decision is made.
👉The validity period of the trademark registration is 10 years.
☎️✉️Contact us today for quality and affordable legal assistance with trademarks and other types of Intellectual Property!
შეიტყვეთ, თუ რა პროცედურების გავლა არის საჭირო საქართველოში სავაჭრო ნიშნის დასარეგისტრირებლად👇
⚖️„სასაქონლო ნიშნების შესახებ“ საქართველოს კანონის თანახმად, სასაქონლო ნიშნის რეგისტრაციისთვის საჭიროა ორი დამოუკიდებელი, თუმცა ურთიერთდაკავშრებული ეტაპის გავლა: ფორმალური მოთხოვნების ექსპერტიზა და არსობრივი ექსპერტიზა.
👉ფორმალური მოთხოვნების ექსპერტიზა გულისხმობს თქვენი განაცხადისა და თანდართული დოკუმენტაციის კანონმდებლობის მოთხოვნებთან შესაბამისობის შემოწმებას. ზოგადი წესის თანახმად, ფორმალური ექსპერტიზა ტარდება განაცხადის შეტანიდან 1 თვის ვადაში, თუ განმცხადებელი არ მოითხოვს სასაქონლო ნიშნის დაჩქარებული წესით რეგისტრაციას.
👉არსობრივი ექსპერტიზის დროს კი მოწმდება, არსებობს თუ არა წარმოდგენილი სიმბოლოს რეგისტრაციაზე უარის თქმის აბსოლუტური (მაგ. სიმბოლო აღწერილობითია შესაბამისი საქონლის მიმართ) ან შედარებითი (მაგ. სიმბოლო უფრო ადრინდელი პრიორიტეტის მქონე ნიშნის იდენტურია) საფუძვლები. არსობრივი ექსპერტიზა ტარდება ფორმალური ექსპერტიზის დასრულებიდან 6 თვეში, თუ განმცხადებელი არ მოითხოვს დაჩქარებულ რეგისტრაციას.
✅აღნიშნული ორი ეტაპის წარმატებით გადალახვის შემთხვევაში, განაცხადის მასალები ქვეყნდება საქპატენტის ოფიციალურ ბიულეტენში. ნებისმიერ დაინტერესებულ პირს შეუძლია გაასაჩივროს საქპატენტის დადებითი გადაწყვეტილება განაცხადის მასალები გამოქვეყნებიდან 3 თვის ვადაში.
⭕რეგისტრაციაზე გამოტანილი უარყოფითი გადაწყვეტილება შეიძლება გასაჩივრდეს განმცხადებლის მიერ საქპატენტის სააპელაციო პალატაში გადაწყვეტილების გამოტანიდან 3 თვის ვადაში.
👉რეგისტრაციის მოქმედების ვადა შეადგენს 10 წელს.
☎️✉️სასაქონლო ნიშნებთან და ინტელექტუალური საკუთრების სხვა ობიექტებთან დაკავშირებით ხარისხიანი და ხელმისაწვდომი სამართლებრივი მომსახურების მისაღებად დაგვირეკეთ ან მოგვწერეთ დღესვე.

15/03/2024

ჩვენს სტატიაში გაეცნობით :

📌რაში მდგომარეობს ხანდაზმულობის ინსტიტუტის არსი?
📌რას შეადგენს, საიდან აითვლება და როგორც გამოიანგარიშება სასესხო ურთიერთობებიდან წარმოშობილი მოთხოვნების ხანდაზმულობის ვადა?
📌რა გარემოებები განაპირობებს ვადის დენის თავიდან დაწყებას?
📌რა ეფექტი აქვს ხანდაზმულობის ამოწურვას დამატებით მოთხოვნებზე?
📌 რამდენი ხნის განმავლობაში ფიქსირდება ხანდაზმული მოთხოვნა საკრედიტო საინფორმაციო ბიუროს მონაცემთა ბაზაში?

❓კონსულტაციისთვის მოგვწერეთ პირად შეტყობინებებში ✅ჩვენ მალე დაგიკავშირდებით🙌

https://wp.me/pbPyqX-6V

07/12/2021

მიჰყევით ბმულს და გაეცანით forbes.ge- ზე განთავსებულ მიხეილ კუპატაძის სტატიას - საქართველოში სააღსრულებო რეფორმასთან დაკავშირებით:

საქართველოს ტერიტორიაზე სააღსრულებო მოქმედებათა განხორციელების მარეგულირებელ ცენტრალურ სამართლებრივ აქტს „...

19/10/2021

📢 შეგახსენებთ, რომ სტაციონარულ სამკურნალო დაწესებულებებში, საკარანტინე სივრცეებსა და თვითიზოლაციაში მყოფი ამომრჩევლები მუნიციპალიტეტის ორგანოთა 2021 წლის 2 ოქტომბრის არჩევნების მეორე ტურში მონაწილეობის მიღებას გადასატანი საარჩევნო ყუთების მეშვეობით შეძლებენ.
👉 სტაციონარებსა და საკარანტინე/საიზოლაციო სივრცეებში მყოფი პირები არჩევნების მეორე ტურში მონაწილეობენ, თუ მათი რეგისტრირებული მისამართი და ფაქტობრივი ადგილსამყოფელი ერთი და იმავე მუნიციპალიტეტის ადმინისტრაციულ საზღვრებში მდებარეობს.
⭕️ თვითიზოლაციაში მყოფმა ამომრჩეველმა გადასატანი საარჩევნო ყუთის სიაში მოსახვედრად სატელეფონო განცხადებით უნდა მიმართოს ცესკოს სატელეფონო/საინფორმაციო ცენტრს (+995 32 251-00-51; შიდა ნომერი „0”), 2021 წლის 23 ოქტომბრიდან 25 ოქტომბრის ჩათვლით, 10:00 საათიდან 22:00 საათამდე. წინააღმდეგ შემთხვევაში თვითიზოლაციაში მყოფი პირი არ შეიყვანება გადასატანი საარჩევნო ყუთის სიაში და, შესაბამისად, ვერ მიიღებს მონაწილეობას თვითმმართველობის არჩევნების მეორე ტურში.
🗳 გადასატანი საარჩევნო ყუთის მეშვეობით კენჭისყრის პროცედურა დაიწყება 30 ოქტომბრის 8 საათიდან და დასრულდება 20 საათზე.

13/09/2021

📣 მნიშვნელოვანი ცვლილებები საქართველოს ადმინისტრაციულ სამართალდარღვევათა კოდექსში:

🔷 სატრანსპორტო საშუალების ალკოჰოლური სიმთვრალის მდგომარეობაში მართვა, თუ მძღოლის სისხლში ეთანოლის შემცველობა:

0,3-დან 0,7 (ჩათვლით) პრომილემდეა, გამოიწვევს მართვის უფლების 6 თვით შეჩერებას;

0,7 პრომილეზე მეტია, გამოიწვევს მართვის უფლების 1 წლით შეჩერებას.

ალკოჰოლური სიმთვრალის დასადგენად შემოწმებისათვის თავის არიდება გამოიწვევს მართვის უფლების 1 წლით შეჩერებას.

მართვის უფლების ვადამდე აღდგენის მიზნით საქმის განმხილველი ორგანოსთვის მიმართვის უფლება წარმოიშობა შეჩერების ვადის არანაკლებ ნახევრის (შესაბამისად, 3 ან 6 თვის) გასვლის შემდეგ.

იმ პირის მიერ, რომელსაც დადებული აქვს ზემოაღნიშნულიდან რომელიმე ადმინისტრაციული სახდელი, სატრანსპორტო საშუალების მართვის უფლების შეჩერების პერიოდში სატრანსპორტო საშუალების ალკოჰოლური სიმთვრალის მდგომარეობაში მართვა გამოიწვევს დაჯარიმებას 2 000 ლარით, ადმინისტრაციულ პატიმრობას 5-დან 15 დღემდე ვადით და მართვის უფლების შეჩერების ვადის 1 წლით გაზრდას.

რომელიმე ზემოაღნიშნული ადმინისტრაციული სამართალდარღვევის ჩადენასთან ერთად სატრანსპორტო საშუალების, ტვირთის, გზის, საგზაო ან სხვა ნაგებობის, სხვა ქონების ან ადამიანის ჯანმრთელობის მსუბუქი დაზიანება გამოიწვევს დაჯარიმებას 2 000 ლარის ოდენობით და მართვის უფლების შეჩერებას 3 წლით.

🔷 სატრანსპორტო საშუალების მართვა ალკოჰოლური სიმთვრალის მდგომარეობაში, როდესაც მძღოლს არ აქვს სატრანსპორტო საშუალების მართვის უფლება ან მართვის უფლება შეჩერებული აქვს სხვა დარღვევის ჩადენისთვის, გამოიწვევს დაჯარიმებას 2 000 ლარის ოდენობით.

სატრანსპორტო საშუალების ალკოჰოლური სიმთვრალის მდგომარეობაში მართვა იმ პირის მიერ, რომელსაც:

დადებული აქვს ადმინისტრაციული სახდელი სატრანსპორტო საშუალების ალკოჰოლური სიმთვრალის მდგომარეობაში მართვის უფლების გარეშე მართვისათვის, გამოიწვევს დაჯარიმებას 3 000 ლარით და ადმინისტრაციულ პატიმრობას 10-დან 15 დღემდე;

დადებული აქვს ადმინისტრაციული სახდელი სხვა დარღვევის ჩადენის საფუძვლით მართვის უფლების შეჩერების პერიოდში სატრანსპორტო საშუალების ალკოჰოლური სიმთვრალის მდგომარეობაში მართვისათვის, გამოიწვევს დაჯარიმებას 3 000 ლარით, ადმინისტრაციულ პატიმრობას 10-დან 15 დღემდე ვადით და მართვის უფლების შეჩერების ვადის 1 წლით გაზრდას.

რომელიმე ზემოაღნიშნული ადმინისტრაციული სამართალდარღვევის ჩადენასთან ერთად სატრანსპორტო საშუალების, ტვირთის, გზის, საგზაო ან სხვა ნაგებობის, სხვა ქონების ან ადამიანის ჯანმრთელობის მსუბუქი დაზიანება, როდესაც მძღოლს:

არ აქვს სატრანსპორტო საშუალების მართვის უფლება, გამოიწვევს დაჯარიმებას 3 000 ლარით და ადმინისტრაციულ პატიმრობას 10-დან 15 დღემდე;

მართვის უფლება შეჩერებული აქვს სხვა დარღვევისათვის, გამოიწვევს დაჯარიმებას 3 000 ლარით, ადმინისტრაციულ პატიმრობას 10-დან 15 დღემდე ვადით და მართვის უფლების შეჩერების ვადის 3 წლით გახანგრძლივებას.

🔷 სატრანსპორტო საშუალების სამართავად გადაცემა წინასწარი შეცნობით:

ალკოჰოლური სიმთვრალის მდგომარეობაში მყოფი პირისთვის დაჯარიმდება 1 500 ლარის ოდენობით;

ნარკოტიკული ან ფსიქოტროპული სიმთვრალის მდგომარეობაში მყოფი პირისათვის დაჯარიმდება 2 000 ლარის ოდენობით.

🔷 მოპედის ალკოჰოლური სიმთვრალის მდგომარეობაში მართვა ან ალკოჰოლური სიმთვრალის დასადგენად შემოწმებისთვის თავის არიდება გამოიწვევს დაჯარიმებას 500 ლარის ოდენობით.

მოპედის ნარკოტიკული ან ფსიქოტროპული სიმთვრალის მდგომარეობაში მართვა ან ნარკოტიკული/ფსიქოტროპული სიმთვრალის დასადგენად შემოწმებისთვის თავის არიდება გამოიწვევს დაჯარიმებას 1 500 ლარის ოდენობით.

🔷 ახალი კანონი ამოქმედდება გამოქვეყნებიდან (09/09/2021) მე-60 დღეს.

ვრცლად კოდექსში განხორციელებული საკანონმდებლო ცვლილებების შესახებ იხილეთ

1. მე-16 მუხლის 11 ნაწილი ჩამოყალიბდეს შემდეგი რედაქციით:

28/08/2021

📌 COVID-19-ით ინფიცირების/გავრცელების პრევენციის გამო საავადმყოფოებში, საკარანტინე სივრცეებსა და თვითიზოლაციაში მყოფი ამომრჩევლები 2021 წლის 2 ოქტომბრის თვითმმართველობის არჩევნებში მონაწილეობას გადასატანი საარჩევნო ყუთების მეშვეობით მიიღებენ.
‼️ თვითიზოლაციაში მყოფმა ამომრჩეველმა გადასატანი საარჩევნო ყუთის სიაში მოსახვედრად სატელეფონო განცხადებით უნდა მიმართოს ცესკოს სატელეფონო/საინფორმაციო ცენტრს (+995 32 251-00-51; შიდა ნომერი „0”), 2021 წლის 25 სექტემბრიდან 2021 წლის 27 სექტემბრის ჩათვლით, 10:00 საათიდან 22:00 საათამდე. წინააღმდეგ შემთხვევაში თვითიზოლაციაში მყოფი პირი გადასატანი საარჩევნო ყუთის სიაში არ შეიყვანება და, შესაბამისად, ვერ შეძლებს თვითმმართველობის არჩევნებში მონაწილეობის მიღებას.
👉 ამომრჩეველთა მიერ გადასატანი საარჩევნო ყუთის მეშვეობით საარჩევნო უფლების ჯეროვნად რეალიზებას უზრუნველყოფენ ცესკოს მიერ შექმნილი სპეციალური ჯგუფების წევრები. საგულისხმოა, რომ ხმის მიცემის პროცესის ყველა ეტაპზე სპეცჯგუფის წევრების მიერ მკაცრად უნდა იქნეს დაცული ცესკოს შესაბამისი დადგენილებით განსაზღვრული სანიტარიულ-ჰიგიენური მოთხოვნები (პირბადისა და ინდივიდუალური დაცვის სხვა საშუალებების სავალდებულო გამოყენება, უსაფრთხო დისტანციის (1,5-2 მეტრი) შენარჩუნება, შეხებადი ზედაპირების სადეზინფექციო ხსნარით დამუშავება და სხვა). სპეცჯგუფის წევრებსა და მეთვალყურეებს ეკრძალებათ ამომრჩევლის ბინაში/ნომერში შესვლა. ამომრჩეველი ვალდებულია დროებით მოიხსნას პირბადე მხოლოდ მასზე საარჩევნო ბიულეტენის გაცემისას.
🗳 გადასატანი საარჩევნო ყუთის მეშვეობით კენჭისყრის პროცედურა დაიწყება 2021 წლის 2 ოქტომბრის 8 საათიდან და დასრულდება 20 საათზე.
🔷 წყარო:

2. ამ მუხლის პირველი პუნქტით განსაზღვრული საარჩევნო უბნების საუბნო საარჩევნო კომისიების ფუნქციების განხორციელ....