https://www.facebook.com/107667947748325/

ადვოკატი თინათინ კვინიკაძე/Lawyer Tinatin Kvinikadze, დავით აღმაშენებლის გამზირი N95, Tbilisi (2026)

26/03/2026

✅⚖️კიდევ ერთი გამარჯვებით დასრულებული საქმე...
გაცნობებთ, რომ საქართველოს უზენაესმა სასამართლომ ნაწილობრივ დააკმაყოფილა ჩვენს მიერ წარდგენილი საკასაციო საჩივარი დელიქტური სამართლებრივი ურთიერთობიდან გამომდინარე სამოქალაქო დავაზე (საჩივრის ფასი: 22 000 ლარი).

✅️⚖️უზენაესმა სასამართლომ გააუქმა 2023 წლის 28 თებერვლის გადაწყვეტილება და საქმე ხელახლა განსახილველად დაუბრუნა იმავე სასამართლოს. საკასაციო სასამართლოს განჩინება არის საბოლოო და არ ექვემდებარება გასაჩივრებას.
საქმის ზეპირი განხილვისას აპელანტის პოზიცია სასამართლოს წინაშე წარმოდგენილი იქნა სრულყოფილად, არგუმენტირებულად და სამართლებრივად დასაბუთებულად, რაც აისახა საბოლოო შედეგზეც.

✅️⚖️ნიშანდობლივია, რომ სასამართლომ არ ცნო ჩემი დაცვის ქვეშ მყოფი პირი დელინკვენტად და დაადგინა, რომ მას არ ჩაუდენია სამოქალაქო სამართალდარღვევა. საქმეში წარმოდგენილი მტკიცებულებებით დადასტურდა, რომ მან სრულად შეასრულა მოქმედი ნორმატიული აქტებით გათვალისწინებული ყველა საჭირო ღონისძიება მოსალოდნელი ზიანის თავიდან ასაცილებლად, მათ შორის — პასუხისმგებელი ორგანოების ჩართულობით განახორციელა შესაბამისი პრევენციული და პროფილაქტიკური მოქმედებები.

ამასთან, აღნიშნული საქმე თავისი შინაარსით წარმოადგენს მნიშვნელოვან პრეცედენტულ დავას, რომელიც ხელს შეუწყობს მსგავსი კატეგორიის საქმეებზე სწორი და თანმიმდევრული სასამართლო პრაქტიკის ჩამოყალიბებას.

✅️⚖️ეს შედეგი ჩემთვის არის არა მხოლოდ ერთი წარმატებული საქმე, არამედ მრავალი წლის შრომის, პროფესიული განვითარების და ცოდნაში ჩადებული რესურსის ღირსეული რეალიზაცია.
როცა სიმართლე შენს მხარესაა — საქმის სამართლიანი განხილვის პირობებში, საბოლოო სიტყვა მაინც სიმართლეს ეკუთვნის.
⚖️🕊

29/11/2024

✅️⚖️მე, როგორც ამ ქვეყნის რიგითი ადვოკატი მხარს ვუჭერ კანონის უზენაესობას, მართლმსაჯულების სისტემის დამოუკიდებლობას, კონსტიტუციის 78-ე მუხლით გარანტირებულად დაცულ, ევროინტეგრაციაზე ორიენტირებულ ქვეყნის საგარეო პოლიტიკურ კურსს და სახელმწიფოს მმართველობის დემოკრატიულ მოდელს.

✅️⚖️ქვეყნის ძირითადი კანონის თანახმად, საქართველო სამართლებრივი სახელმწიფოა, რაც ცალსახად გამორიცხავს სუვერენის თვითნებურ მანიპულაციებს საჯარო მმართველობის ძირითად სტრატეგიულ მოქმედებებში.
‼️იქ, სადაც სახელმწიფო ხელისუფლების განხორციელებისას კონსტიტუციითა და კანონით დადგენილი ფარგლების დარღვევის ტენდეციებია, ავტორიტარული რეჟიმის დამყარებისკენ მიდრეკილება სიცხადეს იძენს და საქართველოს ბრძოლით მოპოვებულ სუვერენიტეტს გამოუსწორებელი საფრთხის წინაშე აყენებს. დროა, არსებული რეალობის როგორც ობიექტური, ისტორიულ-პოლიტიკური, ასევე სახელმწიფოებრივი ანალიზი და მკაფიოდ, ღიად გამოხატული პოზიციის შეუქცევადი დაცვა საყოველთაო კეთილდღეობის დამკვიდრების მიზნით კრიტიკული ფაზიდან გამოსასვლელად.
‼️ სიტყვის, გამოხატვის, შეკრების თავისუფლება კონვენციალური უფლებაა, დაუშვებელია ძალადობა განსხვავებული აზრის ქონის გამო და დემონსტრანტების მიმართ არაპროპორციული ძალის გამოყენება.

🇬🇪🕊🏳 მშვიდობა, წინსვლა, ერთიანობა და გამარჯვება საქართველოს!

10/09/2024

სისხლის სამართლის საქმის განხილვის სხდომა წარმატებით დასრულდა.
მხარეებს შორის გაფორმდა საპროცესო შეთანხმება ბრალდებულისათვის მისაღები პირობებით და ბრალდებული გათავისუფლდა პატიმრობიდან. განაჩენით დანიშნული სასჯელი ჩაეთვალა პირობითად.
ბრალდებული პირი თავისუფალია და დაუბრუნდა ოჯახს.

23/04/2024

✅⚖️საჯარო მოხელეების საყურადღებოდ მინდა განვაცხადო, რომ 29 აპრილს დაანონსებულ სახალხო შეკრებასთან დაკავშირებით, საჯარო მოსამსახურის აქციებში მონაწილეობა არის "საჯარო სამსახურის შესახებ" კანონის მე-15 და 68-ე მუხლების დარღვევა და პოლიტიკური ნეიტრალიტეტის პრინციპის უარყოფა.

✅⚖️ნორმათა განმარტება "საჯარო სამსახურის შესახებ კანონიდან:

მუხლი 15. პოლიტიკური ნეიტრალიტეტი

საჯარო მოსამსახურეს უფლება არა აქვს, თავისი სამსახურებრივი მდგომარეობა პარტიული (პოლიტიკური) მიზნებისათვის ან/და ინტერესებისათვის გამოიყენოს. საჯარო მოსამსახურეს ასევე უფლება არა აქვს, სამუშაო საათებში ან სამსახურებრივი უფლებამოსილების განხორციელებისას მონაწილეობა მიიღოს აგიტაციასა და წინასაარჩევნო კამპანიაში. საჯარო მოსამსახურეს ეკრძალება რომელიმე პოლიტიკური პარტიის, საარჩევნო სუბიექტის, საარჩევნო სუბიექტობის კანდიდატის მხარდასაჭერი ან საწინააღმდეგო აგიტაციისა და კამპანიის პროცესში ადმინისტრაციული რესურსის გამოყენება.

მუხლი 68. მოხელის პოლიტიკური უფლებები

მოხელე სამსახურებრივ უფლებამოსილებას ახორციელებს პოლიტიკური ნეიტრალიტეტის პრინციპის დაცვით, რომელიც გულისხმობს მის ვალდებულებას, სამუშაო საათებში თავი შეიკავოს პოლიტიკური აქტივობისაგან საჯარო სამსახურის მიუკერძოებლობის პრინციპის დაცვის უზრუნველსაყოფად.

მუხლი 3. ტერმინთა განმარტება

ამ კანონში გამოყენებულ ტერმინებს აქვს შემდეგი მნიშვნელობა:

ა) სახელმწიფო სამსახური – საქართველოს სახელმწიფო და ავტონომიური რესპუბლიკების იმ ორგანოებში (დაწესებულებებში) არჩევით ან დანიშვნით თანამდებობაზე საქმიანობა, რომლებიც საქართველოს კანონმდებლობის საფუძველზე ახორციელებენ საკანონმდებლო, აღმასრულებელ და სასამართლო ხელისუფლებას, სახელმწიფო ზედამხედველობასა და კონტროლს, სახელმწიფო თავდაცვას, აგრეთვე სპეციალური კანონმდებლობის საფუძველზე შექმნილ დამოუკიდებელ ორგანოში საქმიანობა;

ბ) სახელმწიფო მოსამსახურე – პირი, რომელსაც სახელმწიფო სამსახურში არჩევითი ან დანიშვნითი თანამდებობა უკავია და რომლის უფლებამოსილება განისაზღვრება საქართველოს კონსტიტუციის ან/და შესაბამისი საკანონმდებლო აქტის საფუძველზე; ამ პირის პირველი მოადგილე/მოადგილე; ამ კანონის მე-4 მუხლის პირველი პუნქტის „კ“ ქვეპუნქტით გათვალისწინებული პირი;

გ) საჯარო სამსახური – სახელმწიფო სამსახურში საქმიანობა (გარდა ამ კანონის მე-4 მუხლის პირველი პუნქტით განსაზღვრული პირების მიერ განხორციელებული საქმიანობისა), მუნიციპალიტეტის ორგანოებში (დაწესებულებებში) საქმიანობა, საჯარო სამართლის იურიდიულ პირებში საქმიანობა (გარდა კულტურულ, საგანმანათლებლო, სამეცნიერო, კვლევით, სასპორტო და რელიგიურ, წევრობაზე დაფუძნებულ და ამ კანონითა და „საჯარო სამართლის იურიდიული პირის შესახებ“ საქართველოს კანონით განსაზღვრული კატეგორიის საჯარო სამართლის იურიდიულ პირებში საქმიანობისა). საჯარო სამსახურად ითვლება აგრეთვე საქართველოს პრეზიდენტის ადმინისტრაციაში, საქართველოს პრემიერ-მინისტრისა და საქართველოს მთავრობის სათათბირო ორგანოების აპარატებში, საქართველოს ეროვნული ბანკის აპარატში, სახელმწიფო აუდიტის სამსახურის აპარატში, საქართველოს იუსტიციის უმაღლესი საბჭოს აპარატში, საქართველოს სახალხო დამცველის აპარატში, საქართველოს ბიზნესომბუდსმენის აპარატში, სპეციალურ საგამოძიებო სამსახურში, პერსონალურ მონაცემთა დაცვის სამსახურში, საქართველოს ცენტრალური საარჩევნო კომისიის აპარატში, აფხაზეთისა და აჭარის ავტონომიური რესპუბლიკების უმაღლესი საარჩევნო კომისიების აპარატებში, სახელმწიფო რწმუნებულის ადმინისტრაციაში საქმიანობა;

დ) საჯარო მოსამსახურე – პროფესიული საჯარო მოხელე/საჯარო მოხელე/მოხელე, ადმინისტრაციული ხელშეკრულებით დასაქმებული პირი, შრომითი ხელშეკრულებით დასაქმებული პირი;

🔴საქართველოს კონსტიტუციის მე-4 პუნქტში წარმოდგენილი ნორმის მიხედვით:
1. საქართველო არის სამართლებრივი სახელმწიფო.

2. სახელმწიფო ცნობს და იცავს ადამიანის საყოველთაოდ აღიარებულ უფლებებსა და თავისუფლებებს, როგორც წარუვალ და უზენაეს ადამიანურ ღირებულებებს. ხელისუფლების განხორციელებისას ხალხი და სახელმწიფო შეზღუდული არიან ამ უფლებებითა და თავისუფლებებით, როგორც უშუალოდ მოქმედი სამართლით. კონსტიტუცია არ უარყოფს ადამიანის საყოველთაოდ აღიარებულ უფლებებსა და თავისუფლებებს, რომლებიც აქ არ არის მოხსენიებული, მაგრამ თავისთავად გამომდინარეობს კონსტიტუციის პრინციპებიდან.

შესაბამისად, როგორც ხელისუფლების, ასევე სახელისუფლებო ორგანოებში დასაქმებული პირები ვალდებულები არიან მათი საქმიანობა, საჯარო განცხადებები და აზრის გამოხატვის ფორმები არ მოდიოდეს აშკარა და არსებით წინააღმდეგობაში ქვეყნის ძირითად კანონთან, ორგანულ კანონებთან და სამართლებრივი აქტების იერარქიასთან..

13/04/2024

გერმანიის კანცლერის ოლაფ შოლცის განცხადება „უცხოური გავლენის გამჭვირვალობის შესახებ“ კანონზე:
წარმოგიდგენთ ორიგინალურ ტექსტს და მის ქართულ თარგმანს...
Ich finde, dass es wichtig ist, dass wir dann in dieser Situation aber auch immer über die Probleme sprechen. Deshalb will ich noch einmal sagen: Wir waren wie auch die gesamte Europäische Union kritisch im Hinblick auf das Gesetz in Bezug auf Organisationen mit ausländischem Einfluss und hatten, nachdem das gestoppt worden war, sehr gehofft, dass es nicht wieder zustande kommt. Nun gibt es ein neues Gesetzgebungsvorhaben, das in die gleiche Richtung geht. Unsere Kritik bleibt die gleiche wie das letzte Mal, und wir hoffen, dass auch dieses Gesetz nicht so beschlossen wird, sondern dass sich unverändert an den kritischen Äußerungen orientiert wird, die von uns und von anderen dazu gemacht worden sind. Wir glauben, dass es solche Gesetze nicht braucht.
ქართული თარგმანი: ვფიქრობ, მნიშვნელოვანია, რომ ამ სიტუაციაში ყოველთვის ვისაუბროთ პრობლემებზე. ამიტომაც მინდა კიდევ ერთხელ განვაცხადო: ჩვენ, ისევე როგორც მთელი ევროკავშირი, კრიტიკულად ვუყურებდით კანონს უცხოური გავლენების მქონე ორგანიზაციების შესახებ და მისი შეჩერების შემდეგ, დიდი იმედი გვქონდა, რომ ის აღარ იქნებოდა შემოღებული. ახლა არის ახალი საკანონმდებლო წინადადება, რომელიც იმავე მიმართულებით მიდის. ჩვენი კრიტიკა იგივე რჩება, რაც წინა ჯერზე და ვიმედოვნებთ, რომ ეს კანონი ასე არ მიიღება, არამედ ის შეუცვლელად იმ კრიტიკულ განცხადებებზე იქნება ორიენტირებული, რომელიც ჩვენგან და სხვებისგან ამასთან დაკავშირებით გაკეთდა. მიგვაჩნია, რომ ასეთი კანონები არ არის საჭირო.
ქართველი ჟურნალისტის შეკითხვაზე:
თქვენ ისაუბრეთ გამჭვირვალობის კანონზე და იმედი გამოთქვით, რომ საქართველო ამ ფორმით არ მიიღებს ამ კანონს, ბატონმა პრემიერმა თქვა, რომ ევროკომისიასაც აქვს იგივე სახის ინიციატივა ინიცირებული, ჩვენ ვიცით, რომ ევროპაშიც აქტუალურია ამ სფეროს რეგულაციები. ძალიან ბევრ ქვეყანას აქვს მიღებული იგივე ან მსგავსი. ჩვენთვის საინტერესოა ამ ფონზე, რატომ არიან შეშფოთებულები ჩვენი ევროპული პარტნიორები... თუ შეგიძლიათ გვითხრათ.... იგივე რეგულაციები, ან მსგავსი სფეროს რეგულაციები მოქმედებს ევროპაში და შეერთებულ შტატებში.
კანცლერის პასუხი:
BK Scholz: Die Europäische Union als solche hat keine solche Regelung. Es gibt eine Diskussion darüber, etwas zu machen, was in bestimmten Bereichen Transparenz herstellt, aber das ist eine andere Regelung und auch ein anderes Konzept als das, was hier diskutiert wird. Es ist auch nicht beschlossen worden, und das wird es möglicherweise auch nicht. Es hat einmal eine Regelung in Ungarn gegeben, die der Europäische Gerichtshof kassiert hat.
თარგმანი:
BK Scholz: ევროკავშირს, როგორც ასეთს, არ აქვს ასეთი რეგულაცია. არსებობს დისკუსია იმის თაობაზე, რომ რაღაც გაკეთდეს, რაც გარკვეულ სფეროებში გამჭვირვალობას ქმნის, მაგრამ ეს არის სხვა რეგულაცია და აგრეთვე, სხვა კონცეფცია, ვიდრე ის, რაც აქ განიხილება. ეს არ არის გადაწყვეტილი და, სავარაუდოდ, ეს არც გადაწყდება. ერთხელ უნგრეთში იყო რეგულაცია, რომელიც ევროპულმა სასამართლომ გააუქმა.

12/04/2024

"ქვეყანაში უნდა არსებობდეს კუნძული, სადაც მეფე და გლახაკი თანასწორი იქნება და ეს კუნძული სასამართლო უნდა იყოს, სადაც ასეთი კუნძული არ არსებობს, ის ქვეყანა... სახელმწიფო არ არის!"

30/03/2024

"დაცვის ამოცანა მძიმე საქმეა, მაგრამ ამასთან ღრმად ადამიანური. "
- ფ. პლევაკო

07/02/2024

📜 უდავოა, რომ ადამიანის საყოველთაოდ აღიარებული უფლებებისა და თავისუფლებების დაცვის მექანიზმების განმტკიცებით საზოგადოებრივი ცხოვრების ხარისხი მკვეთრად უმჯებესდება, სოციუმის მოთხოვნილებათა უზრუნველყოფას ისტორიულ-სამართლებრივ მემკვიდრეობაზე დაყრდნობით თანდათან პროგრესისკენ მიჰყავს ქვეყნის პოლიტიკურ-ეკონომიკურ-სოციალურ-სამართლებრივი გეზი..
📜 უნდა ითქვას, უსამართლობის დასაძლევად სამართლიანი ადვოკატის არჩევით, ადამიანები დაუცველობით გამოწვეულ ბარიერებს წარმატებით გადალახავენ უთანასწორო ძალთა დისბალანსში.
📜უფლებების შესახებ ინფორმირებულობა მრავალ ადამიანს აღუდგენს დარღვეულ სამართალს და დაუბრუნებს ჩამქრალ იმედს, შელახულ რეპუტაციას, ჩამორთმეულ ქონებას, საქვეყნოდ გათელილ ღირსების გრძნობას.
📜ჩემი სუბიექტური შეფასებით, ადვოკატის პროფესია ფიზიკურად და მორალურად გადარჩენის რწმენის ჩასახვაა უფლებადარღვეულ ადამიანთა სასოწარკვეთილ თვალებში..
📜 დიდი სიხარულია, როცა დახმარების სათხოვნელად მოსულ ადამიანებს ეიმედები და ღმერთკაცივით შენგან შველას ელიან, მაშინ გრძნობ შინაგანად, რომ ადამიანური ვალის მოხდა სამართლებრივ შეწევნაში გამოხატული, პროფესიულად ცხოვრების მუდმივ ღირებულ წესთან შეგითავსებია და ჩემთვის სწორედ ეს მდგომარეობაა თავისუფლების მოკრძალებული ჰიმნი..
📜ადვოკატი თინათინ კვინიკაძე,
მიგულეთ ხალხის სამსახურში და თქვენს უფლებათა უპირველეს დამცველად.
📞593 00 28 48
📧[email protected]

05/02/2024

📜სამართლიანი სამართლის დროება..

05/02/2024

🟧გთავაზობთ რუბრიკას:
📜აიმაღლე სამართლებრივი ცნობიერება ადვოკატ თინათინ კვინიკაძესთან ერთად..

ადვოკატი თინათინ კვინიკაძე/Lawyer Tinatin Kvinikadze

26/03/2026

29/11/2024

10/09/2024

23/04/2024

13/04/2024

12/04/2024

30/03/2024

07/02/2024

05/02/2024

05/02/2024

Address

Website

Alerts

Contact The Practice

Shortcuts

Share

Category