07/01/2023
‼ ბოლო პერიოდში განვითარებული მოვლენების ფონზე, საქართველოს საზღვარი ათეულობით ათასმა უცხო ქვეყნის მოქალაქემ გადმოკვეთა, რაც პირდაპირ აისახა საცხოვრებელი სახლების ქირავნობის რიცხვის ზრდაზე.
‼ იმისათვის, რომ მესაკუთრემ ქირავნობასთან დაკავშირებულ ურთიერთობასთან მიმართებაში ყოველგვარი შესაძლო რისკი თავიდან აირიდოს, მნიშვნელოვანია გავითვალისწინოთ შემდეგი:
🔵 აუცილებლად გავაფორმოთ ქირავნობის ხელშეკრულება წერილობითი სახით;
🔵 ხელშეკრულების პირობებში განისაზღვროს პასუხისმგებლობის ზომა პირგასამტეხლოს სახით;
🔵 ხელშეკრულებით განისაზღვროს დამქირავლების მხრიდან წინსწრებით სულ მცირე 2 კალენდარული თვის ქირის თანხის გადახდის ვალდებულება;
🔵 ხელშეკრულებით განისაზღვროს დამქირავებლის მხრიდან საგარანტიო თანხის გადახდის ვალდებულება ხელშეკრულების ხელმოწერის დღეს. აღნიშნულით მესაკუთრეს ექნება შესაძლებლობა, შემდგომში შესაძლო დარღვევების არსებობის შემთხვევაში, განახორციელოს თანხის დაქვითვა (მოცემული პირობის მითითება უნდა მოხდეს ხელშეკრულებაში);
🔵 ხელშეკრულებაში უნდა მიეთითოს ინფორმაცია იმის თაობაზე, რომ დამქირავებელს აქვს ვალდებულება მოახდინოს კომუნალური გადასახადების და სხვა სახის ხარჯების (ასეთის არსებობის შემთხვევაში) დროულად გადახდა.
‼ გასათვალისწინებელია ის ფაქტიც, რომ კონკრეტულ პირთან ქირავნობის ხელშეკრულების გაფორმებამდე, აუცილებელია მოვახდინოთ შესაძლო რისკების განსაზღვრა, რადგან არსებული პრაქტიკიდან გამომდინარე, მოცემული ურთიერთობიდან წარმოშობილი დავების განხილვა უმეტესწილად წლობით გრძელდება.
💼 NG & Partners საადვოკატო ოფისი გთავაზობთ მაღალკვალიფიციურ იურიდიულ მომსახურებას, რომელიც დაგეხმარებათ ეფექტურად დაიცვათ თქვენი უფლებები და წინასწარ შეძლოთ არსებული რისკების თავიდან აცილება.
დაგვიკავშირდი სასურველ დროს
☎ +995 574 40 88 40
ან მოგვწერე პირად შეტყობინებებში
