19/05/2026
🤝 Diaspora Hub Georgia მზად არის დაგეხმაროთ საქართველოს პასპორტის აღების პროცედურებში და თქვენი სურვილის შემთხვევაში, იყოს თქვენი წარმომადგენელი.
⭕️ რა გზით არის შესაძლებელი სხვა ქვეყნიდან საქართველოს პასპორტის აღება?
✅ დისტანციურად, თუ ამ დრომდე ერთხელ მაინც გაქვთ მიღებული ბიომეტრიული პასპორტი;
✅ მინდობილი პირის დახმარებით, სანოტარო წესით გაცემული მინდობილობის საფუძველზე, თუ ბოლო პასპორტის გაცემიდან არ არის გასული 12 წელი.
⭕️ რა პროცედურების გავლაა საჭირო დისტანციურად პასპორტის ასაღებად?
1️⃣ გადაიღეთ ბიომრტრიული ფოტოსურათი;
2️⃣ შედით სახელმწიფო სერვისების განვითარების სააგენტოს ვებგვერდზე;
3️⃣ შეავსეთ ელექტრონული განცხადება და ატვირთეთ თქვენი ბიომეტრიული ფოტოსურათი;
4️⃣ რეგისტრაციისას გადაიხადეთ პასპორტის გაცემის მომსახურების საფასური;
5️⃣ რეგისტრაციის შემდეგ იმეილზე მოგივათ შეტყობინება, ასევე ლინკი, რომლის საშუალებით უნდა დაუკავშირდეთ ვიდეოზარით სახელმწიფო სერვისების განვითარების სააგენტოს. ვიდეოზარისთვის დაგჭირდებათ: ვებკამერა, ყურსასმენი, მიკროფონი;
6️⃣ ვიდეოზარის დროს განხორციელდება თქვენი ნების დაფიქსირება პასპორტის აღების შესახებ და მოხდება თქვენი ვინაობის იდენტიფიცირება. ვიდეოზარი იწერება;
7️⃣ შეგიძლიათ თქვენი განცხადების სტატუსი შეამოწმოთ პერიოდულად;
8️⃣ პასპორტი შეგიძლიათ მიიღოთ ფოსტით ან დაასახელოთ დოკუმენტის გატანაზე უფლებამოსილი პირი. დოკუმენტი შეგიძლიათ ასევე გაიტანოთ პირადად სახელმწიფო სერვისების განვითარების სააგენტოს თქვენთვის სასურველი ტერიტორიული სამსახურიდან.
⭕️ რა ვადაში გაიცემა პასპორტი და
რამდენია საფასური?
✅ დისტანციურად საქართველოს პასპორტი გაიცემა 2 სამუშაო დღეში და მისი საფასურია 300 ლარი;
✅ თუ მინდობილი პირის საშუალებით ხდება პასპორტის აღება, მომსახურების საფასური დამოკიდებულია დღეების რაოდენობაზე: მე-10 სამუშაო დღეს - 150 ლარი, მე-5 სამუშაო დღეს - 180 ლარი, მე-3 სამუშაო დღეს - 225 ლარი, მე-2 სამუშაო დღეს - 300 ლარი.
⭕️ რამდენია პასპორტის საზღვარგარეთ ფოსტით გამოგზავნის საფასური?
საფოსტო მომსახურების ვადა და საფასური განსხვავდება საფოსტო კომპანიებსა და ქვეყნების მიხედვით.
ელექტრონული განცხადების შევსებისას ავტომატურად იანგარიშება საფოსტო კომპანიის მომსახურების ტარიფი და ვადა.
❌ თუ თქვენზე არასდროს გაცემულა ბიომეტრიული პასპორტი, ასეთ შემთხვევაში საჭიროა პირადად გამოცხადება სახელმწიფო სერვისების განვითარების სააგენტოში ან შესაბამის ქვეყანაში არსებულ საქართველოს საკონსულოში.
👉🏻 კითხვებისა და დახმარების საჭიროების შემთხვევაში დაგვიკავშირდით - Diaspora Hub Georgia -📞 WhatsApp/Viber/Signal: +995 599 72 58 68
#ემიგრატნებისდისტანციურიმომსახურება
