17/08/2026
📌გურამ დადიანიძის საქმე — მნიშვნელოვანი ახალი ეტაპი
როგორც გურამ დადიანიძის დედის ინტერესების დამცველი, მინდა საზოგადოებას მივაწოდო ინფორმაცია საქმის მიმდინარეობასთან დაკავშირებით.
გურამ დადიანიძის გაუჩინარებიდან 12 წელი გავიდა. ამ დროის განმავლობაში ოჯახისთვის ყველაზე მთავარი კითხვა კვლავ პასუხგაუცემელია — რა მოხდა გურამ დადიანიძის გაუჩინარების ღამეს?
სამწუხაროდ, გურამ დადიანიძის გაუჩინარების ფაქტზე გამოძიება 2014 წლის ივნისში არ დაწყებულა. გამოძიება აღნიშნულ საქმეზე მხოლოდ 2017 წელს დაიწყო.
გამოძიების დაწყების სამი წლით დაგვიანება, ბუნებრივია, აჩენს მნიშვნელოვან კითხვებს და შესაძლოა, გავლენა იქონია იმ მტკიცებულებების დროულად მოპოვებასა და შენარჩუნებაზე, რომელთაც საქმისთვის არსებითი მნიშვნელობა შეიძლება ჰქონოდა.
ბოლო პერიოდში საქმეზე მნიშვნელოვანი საგამოძიებო მოქმედებები განხორციელდა.
ჩატარდა სამძებრო სამუშაოები რის შედეგადაც მეწყერის ვერსია გამოირიცხა.
შემოწმდა, მათ შორის, ჭაც სადაც საქმისთვის მნიშვნელივანი არაფერი არ აღმოჩენილა.
გამოძიება გრძელდება და მიმდინარეობს სხვა შესაძლო ვერსიების გადამოწმება.
ამასთან, საქმის მასალებში კვლავ რჩება არაერთი მნიშვნელოვანი საკითხი, მათ შორის მოწმეთა ჩვენებებს შორის არსებული წინააღმდეგობები, რომელთა სრულად, ობიექტურად და საფუძვლიანად გადამოწმება აუცილებელია.
ჩვენ არ ვასახელებთ დამნაშავეს მტკიცებულებების გარეშე და არ ვაკეთებთ წინასწარ დასკვნებს. ჩვენი მოთხოვნა მხოლოდ ერთია — დადგინდეს სიმართლე და გაირკვეს, რა მოხდა გურამ დადიანიძის გაუჩინარების დღეს.
