https://www.facebook.com/102547172759741/

ადვოკატი / შენი უფლებადამცველი A Lawyer / A Human Rights Defender, Luarsab Andronikashvili Street 1a, Tbilisi (2026)

13/06/2025

როგორ მიიღება საქართველოს მოქალაქეობა?!

📍 საქართველოს მოქალაქეობა მოიპოვება დაბადებით ან ნატურალიზაციით.

📍 საქართველოს მოქალაქეობას დაბადებით მოიპოვებს:

👉 პირი, რომლის დაბადების მომენტისათვის მისი ერთ-ერთი მშობელი საქართველოს მოქალაქეა;
👉 საქართველოს ტერიტორიაზე ექსტრაკორპორული განაყოფიერების შედეგად (სუროგაციით) დაბადებული პირი, თუ მისი არცერთი მშობლის მოქალაქეობის ქვეყანა მას საკუთარ მოქალაქედ არ მიიჩნევს;
👉 საქართველოში სტატუსის მქონე მოქალაქეობის არმქონე პირთა შვილი, რომელიც საქართველოს ტერიტორიაზე დაიბადა;
👉 საქართველოს ტერიტორიაზე დაბადებული პირი, რომლის ერთ-ერთი მშობელი საქართველოში სტატუსის მქონე მოქალაქეობის არმქონე პირია, ხოლო მეორე მშობელი უცნობია.

📍 ნატურალიზაცია ხორციელდება საქართველოს პრეზიდენტის მიერ საქართველოს მოქალაქეობის მინიჭებით.

📍 ნატურალიზაციის სახეებია:

👉 საქართველოს მოქალაქეობის ჩვეულებრივი წესით მინიჭება;
👉 საქართველოს მოქალაქეობის გამარტივებული წესით მინიჭება;
👉 საქართველოს მოქალაქეობის საგამონაკლისო წესით მინიჭება;
👉 საქართველოს მოქალაქეობის აღდგენის წესით მინიჭება.

✅ საქართველო მფარველობს თავის მოქალაქეს განურჩევლად მისი ადგილსამყოფლისა.

✅ მოქალაქეობის ჩამორთმევა დაუშვებელია.

✅საქართველოდან საქართველოს მოქალაქის გაძევება დაუშვებელია.

✅ საქართველოს მოქალაქის სხვა სახელმწიფოსათვის გადაცემა დაუშვებელია, გარდა საერთაშორისო ხელშეკრულებით გათვალისწინებული შემთხვევებისა.

დამატებითი ინფორმაცია იხილეთ კომენტარებში 👇

08/05/2023

კიდევ ერთი დასტური იმისა, რომ არ უნდა დანებდე და იბრძოლო სიმართლისთვის!!! 💪
👇
საქართველოს უზენაესმა სასამართლომ 2023 წლის 24 აპრილს დაუშვებლად ცნო პროკურორის საკასაციო საჩივარი, შესაბამისად, ძალაში დარჩა თბილისის სააპელაციო სასამართლოს სისხლის სამართლის საქმეთა პალატის 2022 წლის 9 დეკემბრის 👉გამამართლებელი განაჩენი👈

საქმე მდგომარეობდა შემდეგში:
➡️ გამართლებულ გ.შ-ს ბრალად ედებოდა სისხლის სამართლის კოდექსის 126 პრიმა მუხლის პირველი ნაწილით და 11პრიმა, 151 მუხლის მე-2 ნაწილის "დ" ქვეპუნქტით გათვალისწინებული დანაშაულების ჩადენა;

⚠️ პირველი ინსტანციის სასამართლომ გ. შ დამნაშავედ ცნო;

✅ უკანონო და დაუსაბუთებელი გამამტყუნებელი განაჩენი რასაკვირველია გავასაჩივრეთ სააპელაციო სასამართლოში;
✅ თბილისის სააპელაციო სასამართლომ დააკმაყოფილა ჩვენი, დაცვის მხარის სააპელაციო საჩივარი და გააუქმა პირველი ინსტანციის უკანონო და დაუსაბუთებელი გამამტყუნებელი განაჩენი;

✅ გ.შ ცნობილი იქნა უდანაშაულოდ და გამართლდა ყველა წარდგენილ ბრალდებაში;

➡️ სააპელაციო სასამართლოს გამამართლებელი განაჩენი ბრალდების მხარემ გაასაჩივრა საქართველოს უზენაეს სასამართლოში;
➡️ უზენაესმა სასამართლომ პროკურორის საკასაციო საჩივარი დაუშვებლად ცნო;
➡️ შესაბამისად, ძალაში დარჩა თბილისის სააპელაციო სასამართლოს სისხლის სამართლის საქმეთა პალატის გამამართლებელი განაჩენი.

✅ საკასაციო სასამართლომ გაიზიარა სააპელაციო სასამართლოს გადაწყვეტილება და აღნიშნა, რომ საქმეზე ბრალდების მხარის მიერ წარდგენილი მტკიცებულებები არ იყო საკმარისი გონივრულ ეჭვს მიღმა სტანდარტით გამამტყუნებელი განაჩენის გამოსატანად.

⚠️ საქმეზე, თავის დროზე არაეფექტურმა გამოძიებამ მიგვიყვანა იმ შედეგამდე, რომ პირველი ინსტანციის სასამართლოს მიერ უდანაშაულო ადამიანი მიეცა პასუხისგებაში, გამართლებულმა გ.შ-მ 2 დღე გაატარა წინასწარი დაკავების იზოლატორში, ხოლო 1 დღე გლდანის N8 სასჯელაღსრულების დაწესებულებაში.

✅საბოლოოდ ბრძოლამ შედეგი გამოიღო, გ.შ გამართლდა, დღეის მდგომარეობით კი ვამზადებთ სარჩელს გ.შ-სთვის მიყენებული მატერიალური და მორალური ზიანის ანაზღაურების მოთხოვნით ⚖️💪

#ადვოკატი #შენიუფლებადამცველი #გამამართლებელიგანაჩენი
#იბრძოლესამართლიანობისთვის

22/04/2023

გირაო ➡️ აღკვეთის ღონისძიების ერთ-ერთი სახე

📌 გირაო არის ფულადი თანხა ან უძრავი ქონება;
📌 გირაოს სახით ფულადი თანხა აღსრულების ეროვნული ბიუროს სადეპოზიტო ანგარიშზე შეაქვს ბრალდებულს ან მისი სახელით ან მის სასარგებლოდ სხვა პირს სასამართლოსათვის მიცემული წერილობითი ვალდებულებით ბრალდებულის სათანადო ქცევისა და გამომძიებელთან, პროკურორთან, სასამართლოში დროულად გამოცხადების უზრუნველყოფის თაობაზე;
📌 გირაოს თანხის ოდენობის განსაზღვრის შემდეგ ბრალდებულს, მისი სახელით ან მის სასარგებლოდ სხვა პირს შეუძლია გირაოს თანხის ნაცვლად შეიტანოს ფულადი თანხის ეკვივალენტური უძრავი ქონება;
📌 ფულადი თანხის ნაცვლად შეტანილ უძრავ ქონებას ედება ყადაღა;
📌 გირაოს თანხის ოდენობა განისაზღვრება ჩადენილი დანაშაულის სიმძიმისა და ბრალდებულის ქონებრივი შესაძლებლობის გათვალისწინებით;

❌ გირაოს თანხა არ შეიძლება იყოს 1 000 ლარზე ნაკლები;

📌 გირაოს მიღების შესახებ დგება ოქმი, რომლის ერთი ასლი გადაეცემა გირაოს შემტანს;

📌 ბრალდებულს ან მის სასარგებლოდ გირაოს შემტანს განაჩენის აღსრულებიდან 1 თვის ვადაში სრულად დაუბრუნდება გირაოს სახით შეტანილი ფულადი თანხა (გირაოს შეტანის დროს არსებული კურსის გათვალისწინებით) და უძრავი ქონება, თუ ბრალდებული ზუსტად და კეთილსინდისიერად ასრულებდა ნაკისრ ვალდებულებას და მის მიმართ შერჩეული აღკვეთის ღონისძიება არ შეცვლილა უფრო მკაცრი აღკვეთის ღონისძიებით;
📌 გირაოს შემტანს გირაოს თანხა დაუბრუნდება საქმის განმხილველი სასამართლოს ან პროკურორის გადაწყვეტილების საქართველოს იუსტიციის სამინისტროს მმართველობის სფეროში შემავალ საჯარო სამართლის იურიდიულ პირში – აღსრულების ეროვნულ ბიუროში წარდგენის გზით;

⚠️ გაითვალისწინეთ! 👇
➡️ თუ ბრალდებულმა, რომლის მიმართაც აღკვეთის ღონისძიებად შერჩეულია გირაო, დაარღვია ამ ღონისძიების გამოყენების პირობა ან კანონი, პროკურორის შუამდგომლობის საფუძველზე სასამართლოს განჩინებით გირაო შეიცვლება უფრო მკაცრი აღკვეთის ღონისძიებით და გირაოს სახით შეტანილი ფულადი თანხა გადაირიცხება სახელმწიფო ბიუჯეტში, ხოლო უძრავი ქონება გირაოს სახით შეფარდებული ფულადი თანხის ამოღების მიზნით, აღსასრულებლად მიიქცევა.

#ადვოკატი
#შენიუფლებადამცველი 💼
⚖️

06/04/2023

რა არის დამცავი ორდერი ⬇️

➡️დამცავი ორდერი გამოიცემა დროებითი ღონისძიების სახით, ქალთა მიმართ ძალადობის ან/და ოჯახში ძალადობის ფაქტზე ოპერატიული რეაგირებისათვის;
➡️დამცავ ორდერს გამოსცემს სასამართლო უფლებამოსილი პირის მიმართვის საფუძველზე მსხვერპლის დაცვისა და მოძალადის გარკვეული მოქმედებების შეზღუდვის უზრუნველსაყოფად;
➡️განცხადება დამცავი ორდერის გამოცემის მოთხოვნის თაობაზე განიხილება პირველი ინსტანციის სასამართლოში მსხვერპლის საცხოვრებელი ადგილის მიხედვით;
➡️განცხადება დამცავი ორდერის გამოცემის თაობაზე წარდგენილი უნდა იყოს წერილობითი ფორმით.

📍 დამცავი ორდერის გამოცემის თაობაზე განცხადება უნდა შეიცავდეს: ⬇️

✅ განცხადების შემტანი პირის სახელს, გვარს;
✅ განცხადების შემტანი პირის საცხოვრებელი ადგილის მისამართს;
✅ მოძალადის საცხოვრებელი ან/და სამუშაო ადგილის მისამართსა და ტელეფონის (მათ შორის, მობილურის) ნომერს, ასეთის არსებობის შემთხვევაში;
✅ ქალთა მიმართ ძალადობის ან/და ოჯახში ძალადობის ფაქტის აღწერას;
✅ ცნობებს მოძალადისა და მსხვერპლის, მათი ურთიერთკავშირის შესახებ;
✅ მტკიცებულებათა ჩამონათვალს;
✅დამცავი ორდერის გამოცემის მოთხოვნას;
✅მსხვერპლის ან დამცავი ორდერის გამოცემის მოთხოვნის უფლების მქონე სხვა პირის ხელმოწერას.

➡️ სასამართლო განცხადებას რეგისტრაციიდან 10 დღის ვადაში განიხილავს და იღებს გადაწყვეტილებას დამცავი ორდერის გამოცემის, გაუქმების, მოქმედების ვადის გაგრძელების ან გამოცემაზე უარის თქმის შესახებ.

➡️ პირველი ინსტანციის სასამართლოს მიერ მიღებული გადაწყვეტილება შეიძლება გასაჩივრდეს სააპელაციო სასამართლოში, მხარისათვის დასაბუთებული გადაწყვეტილების ჩაბარებიდან 👉3 დღის ვადაში👈

⚠️ სააპელაციო სასამართლოს გადაწყვეტილება საბოლოოა და არ საჩივრდება.

#შენიუფლებადამცველი ⚖️
💼

22/03/2023

როგორ უნდა მოიქცე თუ დაგაკავეს❓
იცოდე შენი უფლებები❗️ ⚖️

📍 დაკავების მომენტში დაუყოვნებლივ, თქვენთვის გასაგებ ენაზე უნდა გეცნობოთ, საქართველოს სისხლის სამართლის კოდექსით გათვალისწინებული რომელი დანაშაულის ჩადენაში გედებათ ბრალი;
📍 უნდა გადმოგეცეთ დაკავების ოქმის ასლი;
📍 დაკავების მომენტში დაუყოვნებლივ უნდა გეცნობოთ, რომ თქვენ გაქვთ უფლება გყავდეთ ადვოკატი;
📍 გამოიყენოთ დუმილისა და კითხვებზე პასუხის გაცემისაგან თავის შეკავების უფლება;
📍 უფლება, არ დაიბრალოთ დანაშაული, რომ ყველაფერი, რასაც იტყვით, შესაძლებელია თქვენს წინააღმდეგ იქნეს გამოყენებული;
📍 თქვენ უფლება გაქვთ შესაბამის დაწესებულებაში მიყვანისთანავე მიიღოთ უფასო სამედიცინო შემოწმება და მიიღოთ შესაბამისი წერილობითი დასკვნა;

❌ არ მიიღოთ მონაწილეობა საგამოძიებო მოქმედებებში ადვოკატის გარეშე ⬇️
❌ არ ხართ ვალდებული მისცეთ პოლიციის თანამშრომლებს თქვენი სხეულიდან ნიმუშის აღების უფლება;

✅ ნიმუშის აღება შესაძლებელია მხოლოდ მოსამართლის განჩინების საფუძველზე;
⚠️ გამონაკლისია მხოლოდ გადაუდებელი აუცილებლობის შემთხვევა, რა დროსაც ნიმუშის აღების დაწყებიდან 12 საათის განმავლობაში პროკურორმა ნიმუშის აღების შესახებ უნდა შეატყობინოს სასამართლოს გამოძიების ადგილის მიხედვით ან სასამართლოს, რომლის სამოქმედო ტერიტორიაზედაც ჩატარდა საპროცესო მოქმედება;

თუ დაირღვა თქვენი უფლებები აუცილებლად მოახდინეთ სათანადო რეაგირება ✅⚖️

21/03/2023

🟢 განქორწინება
🟢 მეუღლეთა საერთო ქონების გაყოფა

🔹 ქორწინების შეწყვეტის ერთ-ერთი საფუძველი არის განქორწინება.

📍 როგორც წესი, განქორწინება ხდება სამოქალაქო აქტების რეგისტრაციის ორგანოში, თუმცა, თუ მეუღლეებს შორის არსებობს დავა, განქორწინება ხდება სასამართლო წესით;
📍 მეუღლეების ან ერთ-ერთი მათგანის თხოვნით, სასამართლო ვალდებულია განქორწინების საქმის გადაწყვეტასთან ერთად განიხილოს იმ ქონების გაყოფის საკითხი, რომელიც წარმოადგენს მეუღლეთა თანასაკუთრებას;
📍 მეუღლეთა მიერ ქორწინების განმავლობაში შეძენილი ქონება წარმოადგენს მათ საერთო ქონებას (თანასაკუთრებას), თუ მათ შორის საქორწინო ხელშეკრულებით სხვა რამ არ არის დადგენილი;
📍 ქონებაზე მეუღლეთა თანასაკუთრების უფლება წარმოიშობა მაშინაც, თუ ერთ-ერთი მათგანი ეწეოდა საოჯახო საქმიანობას, უვლიდა შვილებს ან სხვა საპატიო მიზეზის გამო არ ჰქონია დამოუკიდებელი შემოსავალი;
📍 თანასაკუთრებაში არსებულ ქონებაზე მეუღლეებს აქვთ თანაბარი უფლებები. ამ ქონების ფლობა, სარგებლობა და განკარგვა ხორციელდება ურთიერთშეთანხმებით;

🔹თითოეული მეუღლის ინდივიდუალურ საკუთრებას წარმოადგენს: 👇

✅ ქონება, რომელიც თითოეულ მათგანს ეკუთვნოდა დაქორწინებამდე;
✅ ქონება, რომელიც ქორწინების განმავლობაში მიღებულია მემკვიდრეობით ან ჩუქებით.

⚠️ თუმცა, გაითვალისწინეთ, თითოეული მეუღლის ქონება შეიძლება ჩაითვალოს მეუღლეთა თანასაკუთრებად, თუ დადგინდება, რომ ქორწინების განმავლობაში გაწეული ხარჯების შედეგად ამ ქონების ღირებულება მნიშვნელოვნად გადიდდა (გადაგეგმარება, მშენებლობის დასრულება, გადაკეთება და სხვა).
👆 მოცემული წესი არ გამოიყენება, თუ საქორწინო ხელშეკრულებით სხვა რამ იქნება გათვალისწინებული.

20/03/2023

როგორ მოვიქცეთ როცა გამოკითხვაზე გვიბარებენ ⁉️

☑️ ნებისმიერი პირი, რომელიც შესაძლოა ფლობდეს საქმისათვის მნიშვნელოვან ინფორმაციას, ნებაყოფლობით შეიძლება გამოკითხულ იქნეს მხარეთა მიერ;
❌ დაუშვებელია, გამოსაკითხი პირი აიძულონ, წარმოადგინოს მტკიცებულება ან გასცეს ინფორმაცია;

📍 გახსოვდეთ! გამოკითხვა არის ნებაყოფლობითი;
📍 არ გასცეთ ინფორმაცია საკუთარი თავის ან/და ახლო ნათესავის წინააღმდეგ;
📍 თქვენ უფლება გაქვთ, საკუთარი ხარჯით ისარგებლოთ ადვოკატის მომსახურებით;
📍 გამოკითხვის ჩამტარებელი მხარე ვალდებულია წერილობით გაგაფრთხილოთ ცრუ დასმენისათვის და ცრუ ინფორმაციის მიწოდებისათვის მოსალოდნელი სისხლისსამართლებრივი პასუხისმგებლობის შესახებ;

‼️ გაითვალისწინეთ! თუ თქვენ უარს განაცხადებთ გამოკითხვაზე, შესაძლოა დაგიბარონ მაგისტრატ მოსამართლესთან, სადაც ჩვენების მიცემა სავალდებულოა და ამ ვალდებულების შეუსრულებლობა გამოსაკითხი პირის სისხლისსამართლებრივ პასუხისმგებლობას გამოიწვევს.

🔹გჭირდება სამართლებრივი დახმარება?
🔹ჩვენ დავიცავთ თქვენს უფლებებს☑️⚖️

დაგვიკავშირდით 👇
📞 598235050 568565050
📧[email protected]
📩ან მოგვწერეთ პირად შეტყობინებაში

გამოცდილი ადვოკატთა გუნდი გაგიწევთ კვალიფიციურ იურიდიულ მომსახურებას ⚖️💼

19/03/2023

🔴 ნასამართლობა
🔴 ნასამართლობის გაქარწყლება და მოხსნა

📍 მსჯავრდებული ნასამართლევად ითვლება გამამტყუნებელი განაჩენის კანონიერ ძალაში შესვლის დღიდან ნასამართლობის გაქარწყლების ან მოხსნის მომენტამდე;

რა ვადაში გაქარწყლდება ნასამართლობა❓
👇
✅პირობით მსჯავრდებულის ნასამართლობა გაქარწყლდება – გამოსაცდელი ვადის გასვლის შემდეგ;
✅ თავისუფლების აღკვეთაზე უფრო მსუბუქი სასჯელით მსჯავრდებულის – სასჯელის მოხდიდან ერთი წლის შემდეგ;
✅ ნაკლებად მძიმე დანაშაულისათვის თავისუფლების აღკვეთით მსჯავრდებულის – სასჯელის მოხდიდან სამი წლის შემდეგ;
✅ მძიმე დანაშაულისათვის თავისუფლების აღკვეთით მსჯავრდებულის – სასჯელის მოხდიდან ექვსი წლის შემდეგ;
✅განსაკუთრებით მძიმე დანაშაულისათვის თავისუფლების აღკვეთით მსჯავრდებულის – სასჯელის მოხდიდან რვა წლის შემდეგ.

📍 თუ სასჯელის მოხდის შემდეგ მსჯავრდებული კარგად იქცევა, მაშინ მისი თხოვნით სასამართლოს შეუძლია მოუხსნას მას ნასამართლობა ნასამართლობის გაქარწყლების ვადის გასვლამდე

როგორ ხდება ნასამართლობის მოხსნა❓
👇
✅ ნასამართლობის მოხსნის საკითხს სასჯელმოხდილი პირის შუამდგომლობით განიხილავს გადაწყვეტილების მიმღები ან სასჯელმოხდილი პირის მუდმივი საცხოვრებელი ადგილის მიხედვით, შესაბამისი პირველი ინსტანციის სასამართლო;
✅ ნასამართლობის მოხსნაზე უარის თქმის შემთხვევაში შუამდგომლობის ხელახლა დაყენება შეიძლება მხოლოდ 3 თვის შემდეგ.

⚖️💼

17/03/2023

რა უნდა იცოდეთ თანხის გასესხების დროს ⁉️ 💸

📍 სამოქალაქო კოდექსის მიხედვით სესხის ხელშეკრულება შეიძლება დაიდოს ზეპირი ან წერილობითი სახით;
📍 ეს მხარეთა ნება-სურვილზეა დამოკიდებული;
📍 პრაქტიკაში, ხშირად, მხარეები დებენ ზეპირი სახის სესხის ხელშეკრულებას, რომელიც მთლიანად ნდობასა და მსესხებლის კეთილსინდისიერებაზეა დამოკიდებული;
📍 გამსესხებელი ბრმად ენდობა მსესხებელს, რომელიც ძირითად შემთხვევაში მისი ნათესავი, მეგობარი ან უბრალოდ ნაცნობია;
⚠️ საბოლოოდ კი, როცა გამსესხებელი რეალური პრობლემის წინაშე აღმოჩნდება, მას ხელთ არ აქვს არანაირი მტკიცებულება, რათა დაამტკიცოს სიმართლე;

❌ საქმე იმაშია, რომ ზეპირი სახის სესხის ხელშეკრულების არსებობის დროს გამსესხებელი ვერ ადასტურებს სესხის გაცემის ფაქტს. სესხის გაცემის ფაქტის დასადასტურებლად მხოლოდ მოწმეთა ჩვენებები არ არის საკმარისი. მტკიცებულების არარსებობის გამო კი სასამართლო უარს ეუბნება გამსესხებელს სარჩელის დაკმაყოფილებაზე.

✅ რომ არ აღმოჩნდეთ მსგავს სიტუაციაში, თავიდანვე გამოიჩინეთ სიფრთხილე და თანხის გასესხების დროს, მსესხებელთან აუცილებლად გააფორმეთ წერილობითი სახის სესხის ხელშეკრულება;
✅ საჭიროების შემთხვევაში, სესხის წერილობითი ხელშეკრულების სახით, თქვენ ხელთ გექნებათ თანხის გასესხების უტყუარი მტკიცებულება.

15/03/2023

მოწმის უფლება-მოვალეობანი ⚖️

მოწმეს უფლება აქვს: 👇

✅ იცოდეს, რა საქმის გამოა გამოძახებული;
✅ თუ არ იცის ან სათანადოდ არ იცის სისხლის სამართლის პროცესის ენა ან აქვს შესაძლებლობის იმგვარი შეზღუდვა, რომელიც ჟესტური ენის გარეშე მასთან კომუნიკაციას გამორიცხავს, ჩვენება მისცეს მშობლიურ ან მისთვის სასურველ სხვა ენაზე და ისარგებლოს თარჯიმნის მომსახურებით სახელმწიფოს ხარჯზე;
✅გაეცნოს მისი მონაწილეობით ჩატარებული საგამოძიებო მოქმედების ოქმს, მოითხოვოს მასში შენიშვნების, დამატებებისა და ცვლილებების შეტანა;
✅არ მისცეს ჩვენება, რომელიც დანაშაულის ჩადენაში ამხელს მას ან მის ახლო ნათესავს;
✅ მონაწილეობა მიიღოს საგამოძიებო მოქმედების ჩატარებაში;
✅მოითხოვოს დაცვის სპეციალური ღონისძიების გამოყენება.

მოწმე ვალდებულია: 👇

❗️ გამოცხადდეს სასამართლოს გამოძახებით;
❗️ უპასუხოს დასმულ შეკითხვებს;
❗️ არ გაამჟღავნოს საქმესთან დაკავშირებით მისთვის ცნობილი გარემოებები, თუ იგი ამის შესახებ გააფრთხილა სასამართლომ;
❗️ დაიცვას წესრიგი საქმის სასამართლო განხილვის დროს;
❗️ სხდომის თავმჯდომარის ნებართვის გარეშე არ დატოვოს სასამართლო სხდომის დარბაზი.

⚠️ კანონით დადგენილი წესით, მოწმე შეიძლება იძულებით მიიყვანონ სასამართლოში

11/03/2023

სამართლებრივი აქტების გასაჩივრების ვადები ⚖️

📍 პრაქტიკაში ხშირია შემთხვევა, როდესაც პიროვნება ფოსტის საშუალებით მიღებულ კორესპონდენციას არ ანიჭებს სათანადო ყურადღებას ❌ უყურადღებობის გამო კი უშვებს მიღებული სამართლებრივი დოკუმენტის გასაჩივრების ვადას;

📍 არასაპატიო მიზეზით გაშვებული ვადის აღდგენა შეუძლებელია ❗️

✅ ყოველთვის ყურადღებით წაიკითხეთ მიღებული დოკუმენტი, დოკუმენტის ბოლოში აუცილებლად წერია - თუ სად და რა ვადაში საჩივრდება იგი 🔍

📍 თუ თქვენთვის გაუგებარია მიღებული სამართლებრივი დოკუმენტის შინაარსი, აუცილებლად მიმართეთ ადვოკატს სამართლებრივი კონსულტაციისთვის ✅

23/02/2023

რას არის დაუსწრებელი გადაწყვეტილება❓

📍 სასამართლოს დაუსწრებელი გადაწყვეტილება გამოაქვს იმ შემთხვევაში, თუ დადგენილ ვადაში მოპასუხე მხარე არ წარადგენს პასუხს (შესაგებელს) და ეს გამოწვეულია არასაპატიო მიზეზით;

აგრეთვე 👇

📍 იმ შემთხვევაში, თუ სასამართლო სხდომაზე არ გამოცხადდება რომელიმე მხარე, თუმცა, მისთვის ცნობილი იყო სხდომის შესახებ, მეორე მხარე უფლებამოსილია მოითხოვოს დაუსწრებელი გადაწყვეტილების გამოტანა;

📍 თუ მოპასუხე მხარე მოითხოვს დაუსწრებელი გადაწყვეტილების გამოტანას, სასამართლო მიიღებს გადაწყვეტილებას მოპასუხის სასარგებლოდ - სარჩელის დაკმაყოფილებაზე უარის თქმის შესახებ;

📍 თუ მოპასუხე მხარე არ მოითხოვს დაუსწრებელი გადაწყვეტილების გამოტანას, მაშინ სასამართლო სარჩელს განუხილველად დატოვებს, ხოლო თუ მოპასუხე სარჩელის განუხილველად დატოვების წინააღმდეგია, სასამართლო გადადებს საქმის განხილვას. თუ მოსარჩელე მხარე ისევ არ გამოცხადდება განმეორებით სხდომაზე, სასამართლო გამოიტანს დაუსწრებელ გადაწყვეტილებას;

📍 იმ შემთხვევაში, თუ სხდომაზე არ გამოცხადდება მოპასუხე მხარე და მოსარჩელე მოითხოვს დაუსწრებელი გადაწყვეტილების გამოტანას, სასამართლო განიხილავს და თუ სარჩელში მითითებული გარემოებები იურიდიულად ამართლებს სასარჩელო მოთხოვნას სარჩელი დაკმაყოფილდება;

📍 იმ შემთხვევაში, თუ სარჩელში მითითებული გარემოებები იურიდიულად არ ამართლებს სასარჩელო მოთხოვნას, სასამართლო მიიღებს გადაწყვეტილებას სარჩელის დაკმაყოფილებაზე უარის თქმის შესახებ;

✅ დაუსწრებელი გადაწყვეტილების გასაჩივრება შესაძლებელია;

🔎დაუსწრებელი გადაწყვეტილება მისი გამოტანიდან 5 დღის განმავლობაში ეგზავნება გამოუცხადებელ მხარეს, რომელსაც შეუძლია გაასაჩივროს იგი გადაწყვეტილების ჩაბარებიდან 👉10 დღის ვადაში 👈

ადვოკატი / შენი უფლებადამცველი A Lawyer / A Human Rights Defender

13/06/2025

08/05/2023

22/04/2023

06/04/2023

22/03/2023

21/03/2023

20/03/2023

19/03/2023

17/03/2023

15/03/2023

11/03/2023

23/02/2023

Address

Telephone

Website

Alerts

Contact The Practice

Shortcuts

Share

Category