კავკასუს ლეგალ სერვისი • Caucasus Legal Service

  • Home
  • Georgia
  • Tbilisi
  • კავკასუს ლეგალ სერვისი • Caucasus Legal Service

კავკასუს ლეგალ სერვისი • Caucasus Legal Service "კავკასუს ლეგალ სერვისი" წარმოადგენს მაღალკვალიფიციური ადვოკატებისგან დაკომპლექტებულ გუნდს

ჩვენი პროფესიონალი ადვოკატები უზრუნველყოფენ თქვენი ინტერესების დაცვას სამოქალაქო, ადმინისტრაციულ და სისხლის სამართლის საქმეებზე.

ჩვენ დავიცავთ თქვენ უფლებებს საერთო სასამართლოებში, ადმინისტრაციულ და საგამოძიებო ორგანოებთან ურთიერთობაში, არბიტრაჟსა და მედიაციის პროცესში.

ჩვენ ადვოკატებს გამოარჩევთ მაღალკვალიფიციურობა, პროფესიონალიზმი, ერთგულება და მრავალფეროვანი სამუშაო გამოცდილება.

ოფისი მდე

ბარეობს მოსახერხებელ ადგილას. სტუმრობისას კი დაგხვდებათ მეგობრული და თქვენ საუკეთესო ინტერესებზე მორგებული გარემო.

🏛️ 📖 ჩვენი ადვოკატების მონაწილეობით დასრულდა სამოქალაქო საქმის განხილვა მცხეთის რაიონულ სასამართლოში. ▪️დავა შეეხებოდა ს...
17/06/2026

🏛️ 📖 ჩვენი ადვოკატების მონაწილეობით დასრულდა სამოქალაქო საქმის განხილვა მცხეთის რაიონულ სასამართლოში.

▪️დავა შეეხებოდა საგზაო სამუშაოების ფარგლებში გაწეულ მომსახურებას, რომლის სანაცვლო ანაზღაურების გაღებაზე მოპასუხე კომპანია წლების განმავლობაში უარს ამბობდა.

▪️ჩვენი ადვოკატების ჩართულობით მომზადდა შესაბამისი სარჩელი და წარედგინა სასამართლოს. სარჩელის უზრუნველყოფის მიზნით ყადაღა დაედო ძვირადღირებულ საგზაო-სამშენებლო ტექნიკას.

▪️დავის მიმდინარეობისას, მოპასუხემ სადავო გახადა, როგორც გაწეული მომსახურების მოცულობა, ასევე შეთანხმებული ფასი. განსაკუთრებული სირთულე შექმნა მხარეთა შორის წერილობითი ხელშეკრულების არ არსებობამ, რის გამოც საჭირო გახდა არაერთი სხვა მტკიცებულების მოძიება და წარდგენა. სასამართლოში დაიკითხნენ მოწმეებიც.

▪️მცხეთის რაიონულმა სასამართლომ გაიზიარა ჩვენი მოსაზრებები საქმესთან დაკავშირებით და წარდგენილი სარჩელი სრულად დააკმაყოფილა. მოპასუხეს დაეკისრა 55 000 ლარზე მეტი ოდენობით თანხის გადახდა. ✔️

შეგახსენებთ, რომ შპს „კავკასუს ლეგალ სერვისი“ აერთიანებს მაღალკვალიფიციურ და გამოცდილ ადვოკატთა გუნდს. ჩვენი მიზანია, ერთგულად, კეთილსინდისიერად და კვალიფიციურად გაგიწიოთ საჭირო სამართლებრივი დახმარება დაინტერესებულ პირებს.

ჩვენი გუნდი გილოცავთ საქართველოს დამოუკიდებლობის დღეს! 🇬🇪
26/05/2026

ჩვენი გუნდი გილოცავთ საქართველოს დამოუკიდებლობის დღეს! 🇬🇪

იურიდიული კომპანია "კავკასუს ლეგალ სერვისი" 4 წლის გახდა! ყველაფერი კი 2022 წელს დაიწყო იდეით, გამოცდილ ადვოკატებს ერთია...
14/05/2026

იურიდიული კომპანია "კავკასუს ლეგალ სერვისი" 4 წლის გახდა!

ყველაფერი კი 2022 წელს დაიწყო იდეით, გამოცდილ ადვოკატებს ერთიანი ძალებით შეგვეთავაზებინა მაღალი დონის იურიდიული სერვისი ფიზიკური და იურიდიული პირებისთვის.

იუბილესთან დაკავშირებით, გუნდის გადაწყვეტილებით 2026 წლის 15 მაისიდან ერთი კვირის განმავლობაში იურიდიული კონსულტაცია სამოქალაქო, ადმინისტრაციული და სისხლის სამართლის მიმართულებით უფასო იქნება.

ჩვენმა დაცვის ქვეშ მყოფმა პირმა შეიძინა ბინა ქალაქ თბილისში, რომელიც იყო სხვადასხვა სესხის უზრუნველსაყოფად გამოყენებული....
15/12/2025

ჩვენმა დაცვის ქვეშ მყოფმა პირმა შეიძინა ბინა ქალაქ თბილისში, რომელიც იყო სხვადასხვა სესხის უზრუნველსაყოფად გამოყენებული. რეალიზაციისას მოხდა ვალდებულებების გასტუმრება და ყველა იპოთეკა მოიხსნა. 🏢

მოულოდნელად, ერთ-ერთმა საბანკო დაწესებულებამ მიმართა სასამართლოს, მიუთითა რომ ბინის თავდაპირველ მესაკუთრეს არაუზრუნველყოფილი სესხიც ჰქონდა, რომლის გასტუმრებაც არ მომხდარა, ნასყიდობის ხელშეკრულება კი სავარაუდოდ დადებული იყო მოჩვენებითად იმ განზრახვის გარეშე რომ მას რეალური სამართლებრივი შედეგები მოჰყოლოდა. სარჩელის დაკმაყოფილების შემთხვევაში ჩვენ კლიენტს ბინაზე საკუთრების უფლება გაუუქმდებოდა და მოხდებოდა მისი აუქციონზე რეალიზება თავდაპირველი მესაკუთრის არაუზრუნველყოფილი სესხის დასაფარად.

საქმეში ჩვენი ადვოკატის ჩართვის შემდეგ გადაიდგა არაერთი საპროცესო მოქმედება. მომზადდა შესაგებელი, რომლითაც განხორციელდა სარჩელში მითითებულ ფაქტობრივ გარემოებებზე კვალიფიციური შედავება. სასამართლოს წარედგინა სხვადასხვა ორგანოდან მოპოვებული მტკიცებულებებიც, რომელიც ადასტურებდა გარიგების ნამდვილობას, დაიკითხა მოწმეც.
საქმეში არსებული მტკიცებულებების გაცნობის და მხარეთა ახსნა-განმარტებების მოსმენის შემდეგ სასამართლო მივიდა დასკვნამდე, რომ სარჩელი ჩვენი დაცვის ქვეშ მყოფი პირის მიმართ უსაფუძვლო იყო და არ დაკმაყოფილდა. მეორეს მხრივ დაკმაყოფილდა შუამდგომლობა და საბანკო დაწესებულებას დაეკისრა საადვოკატო, სანოტარო და საფოსტო მომსახურებისთვის ჩვენი კლიენტის მიერ გაწეული ხარჯების სრული ანაზღაურება.

„კავკასუს ლეგალ სერვისის“ ადვოკატები მომავალშიც მზად არიან გაგიწიონ კვალიფიციური სამართლებრივი დახმარება და უზრუნველყონ თქვენი უფლებების სათანადოდ დაცვა.🔔
📞კონსულტაციისთვის დაგვიკავშირდით: 555 22 27 13; 551 99 64 35;

ჩვენი იურიდიული ფირმის ადვოკატების მონაწილეობით ბოლო 1 კვირის განმავლობაში 3 სხვადასხვა საქმე დასრულდა წარმატებით. 🗂️🗂️🗂...
03/12/2025

ჩვენი იურიდიული ფირმის ადვოკატების მონაწილეობით ბოლო 1 კვირის განმავლობაში 3 სხვადასხვა საქმე დასრულდა წარმატებით. 🗂️🗂️🗂️
📂1. ჩვენი იურისტი თბილისის საქალაქო სასამართლოში წარმოადგენდა პირის ინტერესებს, რომელსაც მის წინაშე არსებული ვალდებულების აღსრულების მიზნით ნოტარიუსის სააღსრულებო ფურცლის საფუძველზე საქმისწარმოება ჰქონდა დაწყებული აღსრულების ეროვნულ ბიუროში.
მოვალემ სავარაუდოდ ვალდებულების შესრულებისგან თავის არიდების მიზნით მიმართა თბილისის საქალაქო სასამართლოს და მოითხოვა სააღსრულებო ფურცელში ცვლილებების შეტანა, იმ მოტივით რომ თითქოს მას უკვე შესრულებული ჰქონდა ვალდებულების ნაწილი. ჩვენი ადვოკატის მიერ სასამართლოში წარდგენილ იქნა რელევანტური არგუმენტები და მტკიცებულებები, რომლითაც დადასტურდა მარწმუნებლის პოზიციის სისწორე. თბილისის საქალაქო სასამართლომ არ დააკმაყოფილა მოვალის სარჩელი, რითაც უარი ითქვა სააღსრულებო ფურცელში ცვლილებების შეტანაზე.
📂2. ჩვენი ადვოკატი თბილისის სააპელაციო სასამართლოში წარმოადგენდა კლიენტის ინტერესებს საჯარო რეესტრის ეროვნული სააგენტოს წინააღმდეგ დავაში. თბილისის სააპელაციო სასამართლოს მიერ ძალაში დარჩა პირველი ინსტანციის სასამართლოს გადაწყვეტილება, რომლითაც საჯარო რეესტრის ეროვნული სააგენტოს მიერ მიღებული გადაწყვეტილებები ბათილად იქნა ცნობილი.
დავა შეეხებოდა ქალაქ თბილისის მუნიციპალიტეტის საზღვრებში, ე.წ მუხიანის აგარაკებზე მდებარე მიწის ნაკვეთზე საკუთრების უფლების მოპოვებას მებაღის წიგნაკის გამოყენებით. საჯარო რეესტრმა მრავალწლიანი განხილვის შემდეგ მიიჩნია, რომ უფლების დამდგენი დოკუმენტი ვერ აკმაყოფილებდა კანონის მოთხოვნებს, შესაბამისმა გამგეობამ კი რესურსის არარსებობის გამო უარი თქვა თავისი უფლებამოსილების განხორციელებაზე. სადავოდ გამხდარი რეესტრის გადაწყვეტილებით საკუთრების უფლებას მოქალაქე წარდგენილ მებაღის წიგნზე დაყრდნობით ვერ მოიპოვებდა.
📂3. ჩვენი ადვოკატი სასამართლოში იცავდა ბებიის ინტერესებს, რომელსაც სარჩელით მოთხოვნილი ქონდა არასრულწლოვან შვილიშვილებთან ურთიერთობის წესის განსაზღვრა.
ჩვენი ადვოკატის მონაწილეობით მოხდა ორივე მხარის ინტერესებზე მაქსიმალურად მორგებული მორიგების გაფორმება, რითაც თავიდან იქნა აცილებული მრავალწლიანი სასამართლო განხილვები და თანმდევი პრობლემები.
„კავკასუს ლეგალ სერვისის“ ადვოკატები მომავალშიც მზად არიან გაგიწიონ კვალიფიციური სამართლებრივი დახმარება და უზრუნველყონ თქვენი უფლებების სათანადოდ დაცვა.🔔
📞კონსულტაციისთვის დაგვიკავშირდით: 555 22 27 13; 551 99 64 35;

🔹მოგვმართა პირმა, რომელსაც უარი ეთქვა დაბა მანგლისში მიწის ნაკვეთის და მასზე განთავსებული შენობა-ნაგებობის აღიარების წეს...
31/10/2025

🔹მოგვმართა პირმა, რომელსაც უარი ეთქვა დაბა მანგლისში მიწის ნაკვეთის და მასზე განთავსებული შენობა-ნაგებობის აღიარების წესით რეგისტრაციაზე. ზედდება ფიქსირდებოდა როგორც სახელმწიფოს მიერ რეგისტრირებულ მიწის ნაკვეთთან, ასევე მეზობლის მიერ სარეგისტრაციოდ წარდგენილ აზომვით ნახაზთან.
🔹აღსანიშნავია, რომ რეესტრმა უარი თქვა ადმინისტრაციული საჩივრის განხილვაზეც. მიზეზად კი მიუთითა იმ გარემოებაზე, რომ საჩივარი წარდგენილი არ იყო მარეგისტრირებელი ორგანოს ვებ-გვერდზე აქტის გამოქვეყნებიდან 1 თვის ვადაში.
🔹თეთრიწყაროს რაიონულ სასამართლოს ჩვენმა ადვოკატმა წარუდგინა სამართლებრივი არგუმენტები, თუ რატომ არ იყო მარეგისტრირებელი ორგანოს გადაწყვეტილება მართებული. კონკრეტულ შემთხვევაში საქმეზე ადმინისტრაციული წარმოება გრძელდებოდა წლები და დამოკიდებული იყო პარალელურად მიმდინარე წარმოებაზე. ამ პირობებში უზენაესი სასამართლოს პრაქტის მიხედვით „დაუშვებელია ადმინისტრაციულ ორგანოს გასაჩივრების ვადის ათვლისათვის მხედველობაში მიეღო გასაჩივრებული აქტის მარეგისტრირებელი ორგანოს ვებგვერდზე გამოქვეყნების თარიღი, ვინაიდან დაინტერესებული მხარე არ არის ვალდებული უსასრულოდ ამოწმოს იგი“.

✔️სასამართლომ ნაწილობრივ დააკმაყოფილა სარჩელი და საჯარო რეესტრის ეროვნულ სააგენტოს ადმინისტრაციული საჩივრის განხილვა დაევალა.

„კავკასუს ლეგალ სერვისის“ ადვოკატები მომავალშიც მზად არიან გაგიწიონ კვალიფიციური სამართლებრივი დახმარება და უზრუნველყონ თქვენი უფლებების სათანადოდ დაცვა.
📞 კონსულტაციისთვის დაგვიკავშირდით: 555 22 27 13; 551 99 64 35;

Ჩვენი დაცვის ქვეშ მყოფი სრულად გამართლდა წარდგენილ ბრალდებაში."Კავკასუს ლეგალ სერვისის" ადვოკატები განაგრძობენ სისხლის ს...
30/09/2025

Ჩვენი დაცვის ქვეშ მყოფი სრულად გამართლდა წარდგენილ ბრალდებაში.

"Კავკასუს ლეგალ სერვისის" ადვოკატები განაგრძობენ სისხლის სამართლის საქმეებზე პირთა წარმომადგენლობას.

ამჯერად ადვოკატები იცავდნენ ბრალდებულის ინტერესებს, რომელსაც პროკურატურა უსაფუძვლოდ ედავებოდა სისხლის სამართლის კოდექსის 151 პრიმა მუხლით გათვალისწინებული დანაშაულის ჩადენას.

Ჩვენი ადვოკატები საქმეში ბრალის წარდგენის დღიდან ჩაერთნენ. Გამოძიების ეტაპზე დაცვის მხარის მიერ განხორციელდა შესაბამისი მტკიცებულებების მოპოვება, ხოლო საქმის არსებითი განხილვის ფარგლებში სასამართლოს წარედგინა დასაბუთებული და არგუმენტირებული პოზიცია ბრალდებულის უდანაშაულობასთან დაკავშირებით, რაც გაზიარებულ იქნა სასამართლოს მიერ.

„კავკასუს ლეგალ სერვისის“ ადვოკატები მომავალშიც მზად არიან გაგიწიონ კვალიფიციური სამართლებრივი დახმარება და უზრუნველყონ თქვენი უფლებების სათანადოდ დაცვა სამოქალაქო, ადმინისტრაციულ და სისხლის სამართლის საქმეებზე.

კონსულტაციისთვის დაგვიკავშირდით: 555 22 27 13; 551 99 64 35;

ჩვენი ფირმის ადვოკატი იცავდა პირს, რომლის დაზღვეული ავტომობილიც დაუდგენელ ვითარებაში სახლთან მდგარი დაზიანდა. ზიანის მიმ...
07/08/2025

ჩვენი ფირმის ადვოკატი იცავდა პირს, რომლის დაზღვეული ავტომობილიც დაუდგენელ ვითარებაში სახლთან მდგარი დაზიანდა. ზიანის მიმყენებელი პირის პოვნა ვერ მოხერხდა ვერც სამართალდამცავი ორგანოების მიერ. სადაზღვევო კომპანიამ მიმართვის პასუხად უარი განაცხადა ზიანის ოდენობის დადგენასა და შემთხვევის ანაზღაურებაზე. საჩივრის პასუხად კი მიუთითა, რომ მზღვეველის მოსაზრებით სადაზღვევო შემთხვევის შესახებ დამზღვევის მიერ არ იყო მიწოდებული ნამდვილი ინფორმაცია, რაც მათ ვალდებულებას თანხის გადახდაზე გამორიცხავდა.

მომართვის საფუძველზე ჩვენმა ადვოკატმა დეტალურად შეისწავლა მომხდარი. მტკიცებულებათა შეგროვების მიზნით ჩატარდა ორი სახის ექსპერტიზა, დადგინდა როგორც ზიანის ოდენობა, ასევე სადაზღვევო შემთხვევის შესაბამისობა კომპანიისთვის მიწოდებულ ინფორმაციასთან და წარედგინა სასამართლოს. მზღვეველის მიერ ასევე ჩატარდა ალტერნატიული ექსპერტიზა, რომლის დასკვნაც ჩვენი მოსაზრებებით არ იყო საქმის გარემოებათა ყოველმხრივი შესწავლის შედეგად მიღებული.

საქმეზე 2025 წლის 06 აგვისტოს გამოცხადდა გადაწყვეტილება. თბილისის საქალაქო სასამართლომ ჩვენი ადვოკატის მიერ წარდგენილი სარჩელი სრულად დააკმაყოფილა. კომპანიას დაეკისრა როგორც სადაზღვევო შემთხვევის სრული ანაზღაურება, ასევე სასამართლო და სასამართლოსგარეშე ხარჯების გადახდა.

„კავკასუს ლეგალ სერვისის“ ადვოკატები მომავალშიც მზად არიან გაგიწიონ კვალიფიციური სამართლებრივი დახმარება და უზრუნველყონ თქვენი უფლებების სათანადოდ დაცვა.

📞 კონსულტაციისთვის დაგვიკავშირდით: 555 22 27 13; 551 99 64 35;

🔷გაეროს განვითარების პროგრამისა (UNDP) და გერმანიის მთავრობის მხარდაჭერით ადვოკატთა ასოციაციის წარმომადგენლებისთვის სიღრ...
31/07/2025

🔷გაეროს განვითარების პროგრამისა (UNDP) და გერმანიის მთავრობის მხარდაჭერით ადვოკატთა ასოციაციის წარმომადგენლებისთვის სიღრმისეული სასწავლო მოდული შემუშავდა და ტრენერთა ტრენინგი ჩატარდა თემაზე - ჯანსაღ გარემოზე ცხოვრების უფლება და გარემოსდაცვით მართლმსაჯულებაზე ხელმისაწვდომობა.

🔹ტრენინგი მოიცავდა ისეთ თემებს, როგორებიცაა: სამმაგი პლანეტარული კრიზისი; გარემოსდაცვითი სამართლის არსი; გარემოსდაცვითი რეგულირების მნიშვნელობა; სამოქალაქო სამართალწარმოება გარემოსდაცვით საკითხებზე და სხვა.
🔹ტრენინგს უძღვებოდა ექსპერტი: ანა ბერიძე.

🔷ტრენინგში მონაწილეობდა ჩვენი კომპანიის დამფუძნებელი პარტნიორი და ადვოკატი გიორგი ანთაძე. მას გარემოსდაცვითი მიმართულებით არაერთ პრეცედენტულ და გახმაურებულ საქმეში აქვს მონაწილეობა მიღებული.

სამართლებრივი დავის წარმატებით დასრულება მხოლოდ მის მოგებას არ გულისხმობს, საქმის სპეციფიკიდან და ფაქტობრივი გარემოებებ...
20/06/2025

სამართლებრივი დავის წარმატებით დასრულება მხოლოდ მის მოგებას არ გულისხმობს, საქმის სპეციფიკიდან და ფაქტობრივი გარემოებებიდან გამომდინარე, ხშირად მორიგებითა თუ საპროცესო შეთანხმების გაფორმებით საქმის დასრულება მხარისთვის ოპტიმალური შედეგის დადგომის ყველაზე ეფექტური გზაა. მხარეთა მორიგებით/საპროცესო შეთანხმების გაფორმებით შესაძლებელია დროისა და ხარჯების დაზოგვა, ასევე არახელსაყრელი შედეგით საქმის დასრულების რისკების ეფექტურად დაზღვევა.

ჩვენი ადვოკატები, კლიენტის ინტერესების გათვალისწინებითა და საქმის სპეციფიკიდან გამომდინარე, მთელ რიგ საქმეებს მხარეთა შეთანხმებით ასრულებენ, იქნება ეს სამოქალაქო სამართლის საქმეების შემთხვევაში მორიგება, თუ სისხლის სამართლის საქმეების შემთხვევაში - საპროცესო შეთანხმების გაფორმება.

უკანასკნელ პერიოდში ჩვენი ადვოკატის მონაწილეობით ორი სისხლის სამართლის საქმე დასრულდა საპროცესო შეთანხმებით, ხოლო ერთი სამოქალაქო სამართლის საქმე - მორიგებით.

საპროცესო შეთანხმებების გაფორმების პირობებში ჩვენ კლიენტებს დაეკისრათ იმაზე მსუბუქი სასჯელები, ვიდრე ამას სისხლის სამართლის კოდექსი ითვალისწინებს, რითაც მათი სამართლებრივი მდგომარეობა მკვეთრად გაუმჯობესდა.

რაც შეეხება მორიგებით დასრულებულ სამოქალაქო სამართლის საქმეს, 2 წლიანი დავის შემდეგ, რომელიც უკავშირდებოდა მამობის დადგენას, სამკვიდრო მოწმობის ნაწილობრივ ბათილად ცნობას, ჩუქების ხელშეკრულების ბათილად ცნობასა და მესაკუთრედ ცნობას, მორიგების ფარგლებში მხარისთვის ოპტიმალური შედეგი იქნა უზრუნველყოფილი, კერძოდ აღიარებულ იქნა მამობა და ჩვენმა მარწმუნებლებმა სრულად მიიღო კუთვნილი სამკვიდრო ქონება.

„კავკასუს ლეგალ სერვისის“ ადვოკატები მომავალშიც მზად არიან გაგიწიონ კვალიფიციური სამართლებრივი დახმარება და უზრუნველყონ თქვენი უფლებების სათანადოდ დაცვა სამოქალაქო, ადმინისტრაციულ და სისხლის სამართლის საქმეებზე.✅

☎️კონსულტაციისთვის დაგვიკავშირდით: 555 22 27 13; 551 99 64 35; 557 11 04 77.

მის: ქ. თბილისი, პეკინის გამზირი №34, №309

Address

პეკინის ქუჩა N34, სართ 3
Tbilisi

Telephone

+995555222713

Website

Alerts

Be the first to know and let us send you an email when კავკასუს ლეგალ სერვისი • Caucasus Legal Service posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to კავკასუს ლეგალ სერვისი • Caucasus Legal Service:

Shortcuts

Share

Category