Mepa Legal Service

29/07/2026

📢 იცოდით, რომ ორსულ ქალს სამედიცინო გამოკვლევების ჩატარების დროს შრომის ანაზღაურება უნარჩუნდება?

საქართველოს შრომის კანონმდებლობის მიხედვით, თუ ორსულ ქალს სამედიცინო გამოკვლევის ჩატარება სამუშაო საათებში უწევს:

✅ დამსაქმებელი ვალდებულია მისცეს დამატებითი დრო გამოკვლევის ჩასატარებლად;

✅ გამოკვლევის გამო გაცდენილი სამუშაო საათები საპატიოდ ჩაითვლება;

✅ შესაბამისი სამედიცინო დოკუმენტაციის წარდგენის შემთხვევაში, შრომის ანაზღაურება სრულად შეუნარჩუნდება.

🤰 ორსულობის პერიოდში ექიმთან ვიზიტი თქვენი კანონით დაცული უფლებაა და ის არ უნდა გახდეს ხელფასის შემცირების საფუძველი.

📌 იცოდეთ თქვენი უფლებები!

#შრომისკოდექსი #ორსულობისუფლებები #შრომისუფლება #დასაქმებული #ქალისუფლებები

23/04/2026

📣თუ თქვენ ან თქვენი ოჯახის წევრი ეკუთვნით მოწყვლად ჯგუფს და გაქვთ შრომითი სამართლებრივი პრობლემა — მზად ვარ დაგეხმაროთ უფასოდ.

ვთავაზობთ უფასო შრომით სამართლებრივ კონსულტაციებსა და დოკუმენტების შედგენას შემდეგ ჯგუფებს:

• მარტოხელა დედებს
• მრავალშვილიან დედებს
• ორსული ქალებსა და დეკრეტში მყოფ დედებს
• ექთნებს
• სანიტრებს
• პედაგოგებს და საბავშვო ბაღის აღმზრდელებს
• შშმ პირებსა და მათ მშობლებს
• ხანდაზმულებს
• სოციალურად დაუცველ პირებს
• ძალადობის მსხვერპლ ქალებს
• იძულებით გადაადგილებულ პირებს (დევნილები)
• დაბალშემოსავლიან დასაქმებულებს

დაგეხმარებით ისეთ საკითხებში, როგორიცაა:
შრომითი უფლებების დარღვევა, უკანონო გათავისუფლება, ხელფასის დავა, შვებულება, დეკრეტული, განცხადებებისა და საჩივრების შედგენა და სხვა.

თუ გჭირდებათ მხარდაჭერა — მოგვწერეთ პირად შეტყობინებაში.

ხშირად ერთი სწორი დოკუმენტი და სწორად ფორმულირებული მოთხოვნა წყვეტს პრობლემას.

21/04/2026

ოჯახის წევრების საალიმენტო მოვალეობანი

21/03/2026

ორსულობის, მშობიარობისა და ბავშვის მოვლის, ასევე ახალშობილის შვილად აყვანის გამო დახმარების გაცემის/შვებულების ანაზღაურების საფუძველს წარმოადგენს:

ა) დასაქმებულზე/საჯარო მოსამსახურეზე შევსებული საავადმყოფო ფურცელი;
ბ) საქართველოს ორგანული კანონის „საქართველოს შრომის კოდექსი“ 37-ე მუხლის მე-3 და მე-4 პუნქტებით გათვალისწინებულ შემთხვევებში ბავშვის დაბადების
მოწმობა და შესაბამისი დაწესებულების (დამსაქმებელის) მიერ გაცემული ცნობა მეორე მშობლის მიერ ორსულობისა და მშობიარობის გამო ანაზღაურებადი შვებულების,
ბავშვის მოვლის გამო ანაზღაურებადი შვებულების გამოყენებული დღეების რაოდენობის შესახებ;
გ) „საჯარო სამსახურის შესახებ“ საქართველოს კანონის 64-ე მუხლის მე-6 პუნქტით გათვალისწინებულ შემთხვევაში, ბავშვის დაბადების მოწმობა და შესაბამისი
დაწესებულების მიერ გაცემული ცნობა ბავშვის დედის მიერ ანაზღაურებადი შვებულების გამოყენებული დღეების რაოდენობის შესახებ;
დ) ახალშობილის შვილად აყვანის შემთხვევაში კანონიერ ძალაში შესული სასამართლო გადაწყვეტილება.
2. დასაქმებულისათვის დახმარების მიღების უზრუნველსაყოფად დამსაქმებელი ვალდებულია სააგენტოს ტერიტორიულ ერთეულში წარადგინოს შემდეგი დოკუმენტები:
ა) წერილობითი მიმართვა სააგენტოს სახელზე;
ბ) ორსულობისა და მშობიარობის გამო შვებულების შემთხვევაში-საავადმყოფო ფურცელი (დედნის დაკარგვის შემთხვევაში, მისი დუბლიკატი);
გ) საქართველოს ორგანული კანონის „საქართველოს შრომის კოდექსი“ 37-ე მუხლის მე-3 და მე-4 პუნქტებით გათვალისწინებულ შემთხვევებში ბავშვის დაბადების
მოწმობა და შესაბამისი დაწესებულების მიერ გაცემული ცნობა მეორე მშობლის მიერ ორსულობისა და მშობიარობის გამო ანაზღაურებადი შვებულების, ბავშვის მოვლის გამო ანაზღაურებადი შვებულების გამოყენებული დღეების რაოდენობის შესახებ;
დ) შვილად აყვანის შემთხვევაში, კანონიერ ძალაში შესული სასამართლო გადაწყვეტილება და შესაბამისი დაწესებულების მიერ გაცემული ცნობა მეორე მშობლის
მიერ ახალშობილის შვილად აყვანის გამო ანაზღაურებადი შვებულების გამოყენებული
დღეების რაოდენობის შესახებ (დედნის დაკარგვის შემთხვევაში, მისი დუბლიკატი);

ე) დასაქმებულის პირადობის დამადასტურებელი დოკუმენტის ასლი;

ვ) დაფინანსების განაცხადი (დანართი №3) 2 ეგზემპლარად, რომელიც დამოწმებული უნდა იყოს დამსაქმებლის ბეჭდით (ასეთის არსებობის შემთხვევაში),
აგრეთვე ხელმძღვანელისა და ბუღალტრის ელმოწერებით;

ზ) საბანკო დაწესებულების მიერ გაცემული დოკუმენტი დასაქმებულის პირადი საბანკო ანგარიშის შესახებ.

3. წარმოდგენილი დოკუმენტებისა და მასში ასახული ინფორმაციის სისწორეზე პასუხისმგებლობა ეკისრება წარმომდგენ დამსაქმებელს.

07/03/2026

რა უნდა ვიცოდეთ ბინის გაქირავების დროს?

ბინის გაქირავების დროს უნდა გავითვალისწინოთ შემდეგი:

1. ქირავნობის ხელშეკრულება დამქირავებელსა და გამქირავებელს შორის უნდა დაიდოს წერილობით, სამომავლო გაუგებრობისა და პრობლემების თავიდან ასაცილებლად;

2. გაითვალისწინეთ, რომ შაბლონური ტიპის ხელშეკრულება ყოველთვის ვერ მოერგება ყველა შემთხვევას.
ამიტომ უმჯობესია ხელშეკრულება იყოს პროფესიონალურად შედგენილი, რომელიც კონკრეტულ შემთხვევაზე იქნება მორგებული;

3. ხელშეკრულებაში აუცილებელია იყოს აღნიშნული კომუნალურების გადახდის ვალდებულება, თუ მხარეები შეთანხმდებიან ამის თაობაზე;

4. ფიზიკური პირი მიერ ბინის გაქირავებით მიღებული შემოსავალი იბეგრება 5 %-ით;

5. ხელშეკრულებაში უნდა იყოს მითითება უძრავი ქონების მოვლა/შენახვის ვალდებულების შესახებ და ფაქტის კონსტატაციის მიზნით მოხდეს ბინის დამქირავებლის გადაცემის მომენტისთვის ბინის/სახლის ფაქტობრივი მდგომარეობის დაფიქსირება და მიღება-ჩაბარების აქტის გაფორმება;

6. უმჯობესია ქირის თანხის გადახდა დამქირავებელმა განახორციელოს საბანკო ანგარიშსწორების გზით, ვიდრე "ქეშად", სამომავლო გაუგებრობის თავიდან ასაცილებლად;
თანხის ხელზე ("ქეშად") გადაცემის შემთხვევაში მიღება- ჩაბარების აქტი.

7. საქმის სასამართლოში გაჭიანურების თავიდან აცილების მიზნით უმჯობესია ხელშეკრულებაში მიეთითოს დაუყოვნებლივ აღსრულების პუნქტი

22/02/2026

MEPA Legal Service გთავაზობთ პროფესიონალურ იურიდიულ მომსახურებას შემდეგი მიმართულებებით:

📌შრომითი დავები (გათავისუფლება, ხელფასი, კომპენსაცია);

📌მიწის და უძრავი ქონების დავები (საკუთრების უფლება, რეგისტრაცია);

📌თანხის დაკისრება და ვალის ამოღება;

📌ქონებრივი დავები;

📌სახელშეკრულებო დავები და სხვა სამოქალაქო დავები.

🤝ჩვენი მომსახურება ეფუძნება საქმის მოგებაზე დაფუძნებულ ჰონორარს – ანაზღაურება გადაიხდება მხოლოდ საქმის წარმატებით დასრულების შემთხვევაში.

დაგვიკავშირდით კონსულტაციისთვის.

პატივისცემით,
MEPA Legal Service

10/02/2026

#შრომის უფლებები #შრომის კოდექსი #შშმ პირი

შეზღუდული შესაძლებლობის მქონე პირის კანონიერ წარმომადგენელს ან მხარდამჭერს უფლება აქვს:

-დასვენების დღეების გარდა, თვეში ერთხელ ისარგებლოს დამატებითი ანაზღაურებადი დასვენების დღით

ან

დამსაქმებელს შეუთანხმოს შრომის შინაგანაწესით გათვალისწინებულისგან განსხვავებული სამუშაო დრო.

🎯გამოგვიწერეთ და გაეცანით საინტერესო სიახლეებს Mepa Legal Service ✅

09/02/2026

მეუღლეთა ურთიერთრჩენის მოვალეობა

მეუღლეები მოვალენი არიან მატერიალურად დაეხმარონ ერთმანეთს. ასეთ დახმარებაზე უარის თქმისას ან/და სარჩოს მიცემის შესახებ მეუღლეთა შორის შეთანხმების არარსებობისას სასამართლო წესით სარჩოს მიღების უფლება აქვთ:

ა) შრომისუუნარო მეუღლეს, რომელიც მატერიალურ დახმარებას საჭიროებს;

ბ) ცოლს ორსულობის პერიოდში და ბავშვის დაბადებიდან სამი წლის განმავლობაში.

შრომისუუნარო მეუღლე, რომელსაც დახმარება სჭირდება მეუღლისაგან, სარჩოს მიღების უფლებას ინარჩუნებს განქორწინების შემდეგაც, თუ იგი შრომისუუნარო გახდა განქორწინებამდე, ან ერთი წლის განმავლობაში განქორწინების დღიდან.

Send a message to learn more

09/01/2026

👩‍⚖️ ქალთა მემკვიდრეობის უფლება – რას ამბობს კანონი?

მემკვიდრეობა არის გარდაცვლილი პირის (მამკვიდრებლის) ქონებრივი უფლებებისა და მოვალეობების მემკვიდრეებზე გადასვლა. მემკვიდრეობის უფლება დაცულია საქართველოს კონსტიტუციით (მე-19 მუხლი) და დეტალურად რეგულირდება სამოქალაქო კოდექსით.

📌 პრაქტიკაში მემკვიდრეობის საკითხი ხშირად სამართლებრივ ჩარჩოებს სცილდება და კულტურულ-ტრადიციული შეხედულებებით განისაზღვრება, რაც ხშირ შემთხვევაში ქალთა უფლებების შეზღუდვას იწვევს.
➡️ მნიშვნელოვანია ვიცოდეთ: კანონი არ განასხვავებს ქალ და კაც მემკვიდრეებს შორის.

⚖️ მემკვიდრეობა შეიძლება განისაზღვროს:

კანონით

ანდერძით

ან ორივე ერთად

📍 კანონით მემკვიდრეობა მოქმედებს მაშინ, როდესაც ანდერძი არ არსებობს, ბათილია ან სრულად არ მოიცავს ქონებას.
არსებობს 5 რიგის მემკვიდრე, სადაც წინა რიგის თუნდაც ერთი პირის არსებობა გამორიცხავს მომდევნო რიგს.

👨‍👩‍👧‍👦 პირველი რიგის მემკვიდრეები არიან:
შვილები, მშობლები, მეუღლე, შვილიშვილები (განსაზღვრულ შემთხვევებში).
➡️ ისინი თანაბარ წილს იღებენ.
❗ გენდერული განსხვავება კანონისთვის სრულიად მიუღებელია.

მაგალითად:
თუ გარდაცვლილს ჰყავს ქალიშვილი და ვაჟიშვილი, ისინი ქონებას თანაბრად მიიღებენ.

📝 ანდერძი და სავალდებულო წილი
მამკვიდრებელს ანდერძით შეუძლია თავად განსაზღვროს მემკვიდრეთა წრე, თუმცა:
კანონი იცნობს სავალდებულო წილის ცნებას.

➡️ სავალდებულო წილის მიღების უფლება აქვს:

შვილს

მშობელს

მეუღლეს

❗ თუნდაც ანდერძში ქალიშვილი არ იყოს მოხსენიებული, მას მაინც ეკუთვნის იმ წილის ნახევარი, რასაც კანონით მიიღებდა.

📌 მაგალითი:
თუ მშობელს ჰყავს ქალიშვილი და ვაჟიშვილი და ანდერძით მთელ ქონებას ვაჟს უტოვებს,
➡️ ქალიშვილს მაინც აქვს 25%-ის მიღების უფლება.

ან თუ ანდერძით ვაჟს რჩება 90%, ქალიშვილს – 10%,
➡️ ქალიშვილს შეუძლია მოითხოვოს სავალდებულო 25%.

⚖️ იცოდეთ თქვენი უფლება – კანონი თქვენს მხარესაა.

📞 კონსულტაციისთვის მოგვმართეთ – ჩვენთან კონსულტაცია უფასოა