黃浚滔律師 Henry Wong Solicitor

黃浚滔律師 Henry Wong Solicitor Contact information, map and directions, contact form, opening hours, services, ratings, photos, videos and announcements from 黃浚滔律師 Henry Wong Solicitor, Legal Service, Nottingham.

黃律師為香港、英格蘭及威爾斯，蘇格蘭，北愛爾蘭及愛爾蘭律師。 黃律師精通廣東話，普通話，英語及日語。擅長家事法（尤其於離婚、財產分配及子女撫養權安排方面經驗豐富)，刑事訴訟，民事訴訟及國際法(人權及刑事)，醫療法，兒童法，移民法(包括難民申請、定居及入籍申請、工作簽證申請等)及商業及合約事宜。

黃律師現為Hong Kong Professionals CIC ，Descendants of Victoria City 及密宗道場菩提心創辦人。

多謝 今日嘅安排。同時多謝會計師 Oscar 同 Charles 今日負責稅務講座嘅部份，執到咁正好敬業，我要學習下。另外多謝亞洲行nottingham 捐出嘅食品。 #星期日工作 #感覺自己真係好勤力 #人係需要工作的 #我真係好鍾意...
07/06/2026

多謝 今日嘅安排。
同時多謝會計師 Oscar 同 Charles 今日負責稅務講座嘅部份，執到咁正好敬業，我要學習下。
另外多謝亞洲行nottingham 捐出嘅食品。

#星期日工作
#感覺自己真係好勤力
#人係需要工作的

#我真係好鍾意返工

意料之外地竟然警察有回覆, 叫到冇理由唔配合。可能有人話大家都係香港人，相煎何太急。喺不同角度考慮下我先決定咁做：-1. 由我行出嚟做平權到而家，支持我嘅人會私底下同我講加油。大部份支持者話港人組織會反對，甚至乎想杯葛我。所以佢哋唔敢出聲，...
06/06/2026

意料之外地竟然警察有回覆, 叫到冇理由唔配合。可能有人話大家都係香港人，相煎何太急。

喺不同角度考慮下我先決定咁做：-

1. 由我行出嚟做平權到而家，支持我嘅人會私底下同我講加油。大部份支持者話港人組織會反對，甚至乎想杯葛我。所以佢哋唔敢出聲，只好係見到我嘅時候講聲支持。但出面無論係有我定冇我嘅公海，每次有打手出現又有咩人為我發過半句聲？大家知係打手但只會食花生。既然冇人仗義相助，咁保護自己自然理所當然。又既然由始至今都冇人為我留一綫，俾港人組織同香港權力組織同時夾擊，我知道一件事，對某些人仁慈就係對自己殘忍。呢一綫冇人為我留過，我都冇必要留。

2. ⁠讀書唔叻，際遇不佳，生活唔如意等等唔係網上攻擊人嘅藉口。世界上有無數人努力生存。鬥慘無意思，但永遠呢啲故仔先有流量。我每月有出會計報告，一路希望盡一己綿力多做實事同好多人得把口講但唔會真係做嘅善事。cap一兩張相就喺網上亂講以為係無成本無代價咁去詆毀人，自己就可以逃避失敗者之名。呢類人由一開始就唔應該助長。當人人以 ’don’t make stupid people famous’ 為由懶理，其實就係助長佢哋歪風。那怕專頁一撳入去就知道係一班losers圍爐 typical無線後宮勾心鬥角劇情，但過咗火就係過咗火。我一直主張提高民智，但就有一堆一事無成嘅人出嚟潑婦罵街。不只用字市井，內容更多係無中生有，更去到滋擾他人及無辜家庭嘅正常生活，實在係影衰香港人之名。

3. ⁠大家見得多，造謠抹黑唔成功，就會開始人身攻擊取笑外貌身形。我哋唔介意，但考慮到我哋一直都以菩提心名義進行關懷情緒病嘅義務工作並持續資助精神健康活動。我哋有必要令大眾理解，情緒藥嘅副作用就係會令人有有身形上嘅改變。唔係每一個人都可以同我哋一樣咁堅強面對，藉此帶出一個訊息，即使因為藥物問題產生副作用，外間有多無理無知無質素嘅恥笑聲音，請患病嘅人都堅強活下去。你哋過得好，就係對呢班渣滓最有力嘅回應。

4. ⁠世上好人愈嚟愈少，因為觀看群魔亂舞而以為事不關己嘅人佔大多數。相信大家都知道有幾多公眾人物遭到無理批評，被揭發係老屈後就當冇事發生過但傷害已造成。喺現今世代訊息可以低成本快速傳遞，人人睇片頭三十秒已作評論嘅世界，一個九唔搭八好無利用價值嘅𡃁仔都可以變成高級間諜。眼見倫敦經貿辦案阿袁sir 衛sir 初頭聽落以為係間諜頭目，點知原來只係一個月得三幾千鎊水腳嘅炮灰。我唔知啲人平時將腦力用咗去邊，但係時候要好好反思一下。

5. ⁠網上世界，今日close個page 過一排又可以開一另一個借屍還魂; 假account只要時間多，輕輕鬆鬆就開到一百幾十個。我哋好清楚，今日我哋令到某一啲人暫時唔做某一啲事，但呢類人對世界對其他人唔會變得友善; 只會變得更加憤世嫉俗，認為係我哋利用法律去欺凌佢哋。佢哋永遠唔會覺得錯。道德嘅尺從來我冇捉緊過，但踩到我底線我就一定要出聲。世界除左上帝冇人有權進行道德審判。本來大家河水不犯井水，人人各安其位做好自己本份就可以。如果要虛偽地用自己標準去掩飾得不到得認同嘅失敗，我就只好拆穿。
6. ⁠本身世界就係色彩繽紛，咩立場都應該可以和而不同，取得良好平衡。如果只因我唔同立場就用「壞人」一詞去誣衊抹黑我，再出言恐嚇同我所有有合作關係嘅人同佢哋嘅家人。此乃無賴無恥無品。
7. ⁠大家知我呢期好多煩惱，但因為專業同個人價值觀原因，我深知冇人有需要體諒我。不過唔代表我會容忍挑釁行為。
8. 最後一點係老生常談。己所不欲勿施於人，稍為有少少修養同家教嘅人應該知道的。

我會將所有證據譯成英文交俾警察，預咗佢哋唔會做啲乜。但at least 所有證據都會有份back up。

非常感激會計出咗五月份報告。喺呢段時間，感恩每一位嘅付出同體諒。我哋已經有三位原告人;第一位已經進行緊第一階段。適逢六四，少少感言;於個人感覺，六四並非一個討論香港人係唔係中國人，中國會否有一日能夠得到民主嘅子; 而係三十七年前，香港人民智...
05/06/2026

非常感激會計出咗五月份報告。
喺呢段時間，感恩每一位嘅付出同體諒。

我哋已經有三位原告人;
第一位已經進行緊第一階段。

適逢六四，少少感言;
於個人感覺，六四並非一個討論香港人係唔係中國人，中國會否有一日能夠得到民主嘅子; 而係三十七年前，香港人民智未開，不懂得利用自身條件求助；三十七年後，以國際金融中心自居嘅香港人，卻落得失去討論時政自由嘅下場；移民到海外依然以煉蠱為樂。

三十七年，學懂了什麼？爭取了什麼？犧牲了的人又值得麼？

#呢段時間大家應該好清楚我立場
#對某啲人不作容忍因為佢哋唔尊重真正民主自己嘅意義
#爭取民主唔係欺凌別人嘅藉口
#我為人小氣
#好惡黑白分明

我唔care我有冇律師vibe, overall 最重要係我有冇做到律師應該做嘅事。講過好多次，我係litigation lawyer, 靠諗計食腦搵食。如果冇律師vibe 令我可以感覺人畜無害，I take it as a complim...
05/06/2026

我唔care我有冇律師vibe, overall 最重要係我有冇做到律師應該做嘅事。

講過好多次，我係litigation lawyer, 靠諗計食腦搵食。如果冇律師vibe 令我可以感覺人畜無害，I take it as a compliment.

如果再有下次，我擔保唔只報警。

一個lay person唔知律師樓嘅consultant係咩意思係可原諒，但唔識扮識仲要妄言誹謗就係人格問題。

What I’m doing now goes beyond simply being a consultant solicitor; I consider myself a coach, guiding you to improve as a person.

本人日行一善，已經俾機會你賺多幾蚊打手費。原本都冇打算再貼堂。但見到叫我捐巴勒斯坦真係笑了，都話咗唔識睇我嘅嘢唔好勉強。我嘅立場好鮮明，我嘅行動都好實際。同我講捐五百蚊，我每個月捐助動物都唔只呢個數。用宏福苑同巴勒斯坦比，真係未讀懂我一直嘅...
05/06/2026

本人日行一善，已經俾機會你賺多幾蚊打手費。
原本都冇打算再貼堂。但見到叫我捐巴勒斯坦真係笑了，都話咗唔識睇我嘅嘢唔好勉強。

我嘅立場好鮮明，我嘅行動都好實際。

同我講捐五百蚊，我每個月捐助動物都唔只呢個數。

用宏福苑同巴勒斯坦比，真係未讀懂我一直嘅主張但又要衝出嚟為反駁而反駁。

#自己國家都未搞得掂就理人哋嘅事
#要講幾直白呢類人先了解何謂顧掂自己先
#唔夠人講就拎美國以色列
#唔係自己水平又何必勉強

講咗好多次，睇唔明我寫嘅嘢就唔好睇。唔識睇又要扮識仲要留言，都係想出位啫。反正account private唔怕我貼堂啦。我奉勸呢位人士-:1. 學下何謂思考邏輯2. ⁠人性係一個深奧嘅題目，我都唔期望留呢啲低水平留言嘅人會明。網上世界換一...
04/06/2026

講咗好多次，睇唔明我寫嘅嘢就唔好睇。

唔識睇又要扮識仲要留言，都係想出位啫。反正account private唔怕我貼堂啦。

我奉勸呢位人士-:
1. 學下何謂思考邏輯

2. ⁠人性係一個深奧嘅題目，我都唔期望留呢啲低水平留言嘅人會明。網上世界換一個身份唔會使真實世界嘅自己有返人性。

3. ⁠搞掂自己國家人權問題再去管其他國家。閣下住嘅地方可能係下一個宏福苑。如果閣下唔係住香港，請唔好再犯法翻牆; 如果係住海外，請回港擁抱新香港。

4. ⁠伊朗問題我成日都話要睇英文新聞（如果睇得明）。睇新聞同時要多思考，唔好人講乜就信乜。

5. ⁠若然做唔到或唔打算做一個好人，最起碼嘗試做個正常人。世界唔需要咁多噪音。

最後，美國領事館做戲又好乜都好，最起碼，佢哋喺香港仲可以發聲。Thank you。


#冇叫我唔可以出聲
#你們不是狗不要侮辱狗
#你們只是沒有人性的權力組織
#我為你們禱告但我信佛的

既然藍絲入嚟留言，今日就講吓 art of reasoning。大學有上過呢堂嘅人都知道，現實世界比戲劇更荒誕，人性比恐怖片更黑暗。在此世道下，我會形容呢個世界係癲咗:-1. 歐洲本來就係白人嘅地方，就係因為平等主義矯枉過正，竟然令白人係自...
04/06/2026

既然藍絲入嚟留言，今日就講吓 art of reasoning。

大學有上過呢堂嘅人都知道，現實世界比戲劇更荒誕，人性比恐怖片更黑暗。

在此世道下，我會形容呢個世界係癲咗:-

1. 歐洲本來就係白人嘅地方，就係因為平等主義矯枉過正，竟然令白人係自己嘅地方變成一個歧視性嘅存在，發展到只要係白人就自帶原罪。如果唔係 Elon Musk揭發Henry Nowak 事件，覺醒只會更遲。
2. ⁠喺俗世，金錢就如流水一樣，要不停運轉先會有生氣。任何工具都係中性，包括金錢。明明操控工具嘅係人類，但當人類開始迷失嘅時候卻將罪名加諸於中性嘅工具上。
3. ⁠有商業活動先有收入，有收入先有稅交，有稅交先有稅收，有稅收先有錢俾福利。極端福利主義者卻認為賺錢就係萬惡但同時要求增加福利。
4. ⁠承上，一班食福利嘅人會追擊任何唔支持福利主義嘅人並冠上罪人之名。就同當年文革一樣，又要喺人哋身上拎著數又要欺壓人, 自己不事生產卻又要打著正義旗號去搶奪擄掠。
5. ⁠「###是要管的」。睇到一班對六四嘅留言就知道，佢哋渴望被管被限制人生, 因為呢類人本質就冇人生可言。自己得唔到嘅，佢哋要人哋一齊得唔到。齊齊被管，代當權者實行如何箝制思想，人人平庸咁自己就算幾無用都唔會落後人哋太多。
6. ⁠有一班留喺香港嘅人甘於擦鞋一齊去打壓無權勢嘅人以為咁就可以上位或者鞏固既得利益/地位。但現實係，呢班人根本唔清楚大陸人思維。大陸人表面上對你點好都好，唔係自己人呢世都唔會係自己人。喺佢哋世界，只要有香港人身份就係外人，無論經歷幾多試煉你都只係一個幫手完成任務嘅二打六。
7. ⁠然而走出去嘅香港人又有一批喜歡劃地為王。為咗能夠成王，就先將其他聲音打壓。諷刺又可笑嘅係，又想成王但又想食幾家茶禮，最後什麼都不是。
8. ⁠大家明明係英藉，唔想爭取平等待遇嘅可以收聲坐埋一邊食花生。用不著替英政府擔心究竟成唔成事，急於為英政府考慮用咩方法去抵制呢啲聲音。

總括嚟講，呢個世界唔係需要大量精英，只係需要將正常價值觀傳承落去。過往三十年嘅安逸養出一大堆無所事事，一事無成但又藉道德之名拎著數嘅現實生活逃避者。網上世界嘅法律未進步到可以管束人性醜惡一面時又開始發展AI，只會科技更進步同時無奈地亦更顯出人性嘅醜陋。

#應該有一次會講出心聲
#要抒發一下

最近寫嘅嘢都好少同法律有關今日就搵嘢講吓真正為寫而寫啱啱有人share出嚟So far 我手上佔工作量最多都仲係家事糾紛, 之後係民事商業訴訟, 再之後先到移民。之前講過，移民好多人做但同時唔太enjoyable。就好似呢個case咁，因為...
03/06/2026

最近寫嘅嘢都好少同法律有關
今日就搵嘢講吓
真正為寫而寫

啱啱有人share出嚟
So far 我手上佔工作量最多都仲係家事糾紛, 之後係民事商業訴訟, 再之後先到移民。

之前講過，移民好多人做但同時唔太enjoyable。就好似呢個case咁，因為律師面對嘅只係一個caseworker, 一個唔係律師但擁有直接影響一個人同佢家庭成員人生嘅權力，但又未必一個民眾可以輕鬆負擔到嘅上訴機制，基本上係惡哂（指有權力一方，同喺family court一樣，bar同solicitor最怕係遇上熱心市民做裁判官）。

呢啲case, 冇得administrative review又冇得上訴, 14日內叫Home Office reconsider後照拒絕的話, 就只有JR。咁遇上睇得緊又或者我就係唔批嘅caseworker，只可以講good luck。


#我要考慮加價了
#想出多篇心聲長文
#有好多事不吐不快
#但吐咗又怕血壓升得快

我們看得見的 都是幻象觀自在菩薩 行深般若波羅蜜多時 照見五蘊皆空 度一切苦厄 舍利子 色不異空 空不異色 色即是空 空即是色 受想行識 亦復如是 舍利子 是諸法空相 不生不滅 不垢不淨 不增不減 是故空中無色 無受想行識無眼耳鼻舌身意 無...
03/06/2026

我們看得見的 都是幻象

觀自在菩薩 行深般若波羅蜜多時 照見五蘊
皆空 度一切苦厄 舍利子 色不異空 空不
異色 色即是空 空即是色 受想行識 亦復
如是 舍利子 是諸法空相 不生不滅 不垢
不淨 不增不減 是故空中無色 無受想行識
無眼耳鼻舌身意 無色聲香味觸法 無眼界乃
至無意識界 無無明 亦無無明盡 乃至無老
死 亦無老死盡 無苦集滅道 無智亦無得
以無所得故 菩提薩埵 依般若波羅蜜多故
心無罣礙 無罣礙故 無有恐怖 遠離顛倒夢
想 究竟涅槃 三世諸佛 依般若波羅蜜多故
得阿耨多羅三藐三菩提 故知般若波羅蜜多
是大神咒 是大明咒 是無上咒 是無等等咒
能除一切苦 真實不虛 故說般若波羅蜜多咒
即說咒曰 揭諦揭諦 波羅揭諦 波羅僧揭諦
菩提娑婆訶

圖 Yahoo同一道理，放諸所有民主國家都適用。有冇能力睇到民意方向並揀啱位企，就係所有移民族群民智嘅反映。‐-‐——‐-————福澤喬在文中提到，日本社會對於中國族群的不滿，並非一夕之間形成。他以先前有「愛國網紅」為了流量，公開闖入東京「...
02/06/2026

圖 Yahoo

同一道理，放諸所有民主國家都適用。有冇能力睇到民意方向並揀啱位企，就係所有移民族群民智嘅反映。

‐-‐——‐-————
福澤喬在文中提到，日本社會對於中國族群的不滿，並非一夕之間形成。他以先前有「愛國網紅」為了流量，公開闖入東京「西太后」餐廳滋事為例，質疑當時在日的中國社群選擇了「沉默」。許多人認為只要顧好自己、不惹事就好，卻沒意識到這種態度，反而讓這些破壞規則的行為在社會中持續發酵。

他強調，日本作為民主國家，政策的改變是由民意基礎所驅動，透過民選代議士反映社會共識。
-————————

Address

Nottingham

Website

,

Alerts

Be the first to know and let us send you an email when 黃浚滔律師 Henry Wong Solicitor posts news and promotions. Your email address will not be used for any other purpose, and you can unsubscribe at any time.

Shortcuts

Share

Category