With Omar Taher - مع عمر طاهر

Page d'Accueil
France
Paris
With Omar Taher - مع عمر طاهر

Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de With Omar Taher - مع عمر طاهر, Service de passeport et de visa, 5ème arrondissement, Paris.

أنا عمر طاهر مصري مقيم فى فرنسا و بلجيكا
عشت ودرست واشتغلت في 🇬🇧🇮🇹🇪🇬🇧🇪🇫🇷
اقتصادي ومحلل بيانات، مرشد سياحي سابق ✈️
خبرة في السفر، الفيزا والهجرة 🌎
تابعني واسألني ❤️

09/06/2026

واحدة عربية ( من غير ذكر أسماء ) بتشتغل في التنجيم والأبراج قالت "توقعاتها" بخصوص الهجرة والأوضاع في فرنسا 😁

حسب كلامها
فرنسا داخلة على تغيير كبير بالرئاسة وهايجي رئيس جديد قوي
بس نهجه هادئ يعيد الأمن والاستقرار تحسين الأوضاع الاقتصادية و الظروف المالية للمواطنين و المقيمين..

أما بالنسبة للمهاجرين في فرنسا ؛ قالت

1- ترحيل جزء كبير من المهاجرين غير الشرعيين، خصوصا من العرب والأفارقة ( حسب كلامها)

2- استقدام عمالة أجنبية بإقامات عمل منتظمة حسب احتياج سوق العمل و ده هايفتح مرحلة جديدة لمزيد من التطوير و الاستقرار أكتر في فرنسا..
---
●● أنا شايف :
إنها ماجبتش حاجة جديدة من عندها و ده كلام كله متوقع و كل الصحف بتقوله فيما عدا الجزء الخاص بتحسين الأحوال الاقتصادية ( ده مبهم و ماحدش يقدر يتوقعه في ظل الأحداث العالمية الغير مستقرة )

بغض النظر عن إني مش بصدق الناس دي ، بس ايه رأيكم في التوقعات دي ؟ و هل فرنسا بلد مناسبة لأي حد بيفكر ينقل لها؟

08/06/2026

من جولة تمشية النهارده بعد الشغل في لييج 🇧🇪

08/06/2026

تعرف إن فيزا أمريكا ممكن تتلغي بعد ماتحصل عليها و يجيلك ايميل إنها اتلغت ؟
طيب تعرف إن فيزا أمريكا ممكن تتلغي من غير حتى ماتعرف و من غير ايميل ؟

الكلام ده حقيقي و حصل مع ناس كتيرة و أعداد كبيرة أكتر مما تتصور.. و خصوصا الفترة اللي فاتت..

فيه ناس عرفت بالإيميل من السفارة الأمريكية و ناس تانية للأسف حجزت طيران و فندق و اتمنعوا من السفر في المطار و عرفوا إن الفيزا ملغية و خسروا تكاليف الرحلة على الفاضي ..

الأسوأ إن واحد شفت حالته كان مسافر من مصر و اكتشف في الترانزيت في ألمانيا في المطار هناك إن الفيزا ملغية و رجعوه مصر في أقرب رحلة ..

----

📌 طيب تعمل ايه عشان تعرف إن الفيزا اللي معايا مش ملغية؟

هاتدخل على الموقع ده و تدخل البيانات اللي مكتوبة على الفيزا اللي معاك

https://ceac.state.gov/CEACStatTracker/Status.aspx?

● هاتدخل البيانات المطلوبة و هي
- رقم الفيزا Control Number
- رقم الباسبور
- بلد إصدار الفيزا
- أول خمس حروف من الأسام العائلي
و تدوس Submit

هايظهرلك لك شاشة مكتوب فيها حالة status الخاصة بالفيزا و امتى آخر تعديل update تم عليها..

✅ لو الحالة مكتوب فيها Issued يبقى الفيزا لسه سارية ومفيش مشكلة ظاهرة عليها.
❌ لو الحالة مكتوب فيها Cancelled يبقى الفيزا اتلغت
مهم جدا: لو وصلك إيميل رسمي من السفارة الأمريكية بإن الفيزا اتلغت، يبقى تعتبر ملغية حتى لو الموقع لسه ماحدّثش الحالة.

📍 نصيحة مهمة: قبل ما تحجز طيران أو فندق، وقبل السفر بأيام قليلة، ادخل اتأكد من حالة الفيزا. الموضوع مش هياخد منك دقيقة، لكنه ممكن يوفر عليك خسارة كبيرة ومفاجآت أنت في غنى عنها.

08/06/2026

فيزا السعودية عند الوصول و أونلاين و العمرة للمصريين .. مع أمثلة حقيقية -بوست شامل✈️
موضوع مهم لأعضاء كتير هو فيزا السعودية و أنواع الفيزا، و هاكتب تفاصيلها كلها مع أمثلة حقيقية 👇
---

📌 أولا: الفيزا عند الوصول 🛬

🔹 شروطها:
يبقى معاك فيزا
شنجن 🇪🇺 أو
أمريكا 🇺🇸 أو
المملكة المتحدة 🇬🇧
✔️ سارية و مستخدمة وقت الوصول من غير شرط مدة صلاحية
** و بالتالي أسهل بكتير من فيزا الأونلاين

🔹 فيزا أمريكا
تقدر تثبت الدخول و الخروج من خلال موقع I-94

🔹 فيزا شنجن
✔️ تجون مستخدمة بس مش شرط تكون مستخدمة من بلد الإصدار ؛ دلوقتي إثبات استخدام عامل مشكلة بعد إلغاء الأختام
( عرضت حل في بوست امبارح )

🔹 الإقامات
المفروض تكون دائم لكن عمليا ناس كتير بإقامات مؤقتة أخدوها
بس أنا ما بنصحش بالمجازفة دي خالص و هاشرح ليه في الأمثلة

📍 مدة الفيزا:
سنة كاملة و متعددة الدخول و لك ٩٠ يوم إجمالي إقامة خلال السنة

📍 السعر:
395 ريال للفرد و الدفع بالفيزا فقط 💳

✈️ هل فيه طيران محدد؟
حسب تجارب الأعضاء أي طيران ينفع عادي

** و بالتالي فيزا الوصول أسهل و متعددة و مدتها أطول
مقارنة بالأونلاين (سنجل + مدتها أقصر)

🔺️ لو سألت Visit Saudi هيدوك شروط الفيزا الأونلاين فقط
مش فيزا عند الوصول

🔺️ أي فيزا فيهم اونلاين أو عمد الوصول غرضها السياحة أو الزيارة أو العمرة
❌ أما الحج ماينفعش و له فيزا منفصلة و عن طريق شركة مكتب أو شركة فقط
---

📌 ثانيا: الفيزا الأونلاين للسعودية

🔹 للحصول عليها:
لازم يبقى عندك فيزا
شنجن 🇪🇺 أو
أمريكا 🇺🇸 أو
المملكة المتحدة 🇬🇧
✔️ سارية و مستخدمة
✔️ فيها صلاحية لا تقل عن ٩٠ يوم وقت التقديم

** بالنسبة لفيزا شنجن
لازم تكون مستخدمة و عليها أختام دخول و خروج من نفس بلد إصدار الفيزا. ( دلوقتي بعد إلغاء الأختام بنصح بالحصول على فيزا عند الوصول )

** بالنسبة لفيزا أمريكا
لازم يبقى فيه أختام دخول و خروج على الباسبور
❌ و ده مش ممكن في الغالب لأن معظم مطارات أمريكا بتسجل الدخول و الخروج إلكترونيا

🔹 لو عندك إقامة في أي بلد منهم لازم تكون إقامة دائمة (١٠ سنوات)
❌ ماينفعش إقامة مؤقتة

⚠️ بالتالي فيزا السعودية الأونلاين صارمة جدا في الشروط
و ده سبب ارتفاع نسبة الرفض و أحيانا عدم الرد و في الحالة دي المتقدم بيخسر الرسوم لو اترفض..

👨‍👩‍👧‍👦 مسموح لأقارب الدرجة الأولى يقدموا معاك على الفيزا و الإقامة الداعمة اللي معاك
(الزوج / الزوجة / الأبناء / الأب / الأم)
يقدموا معاك بضمان الفيزا أو الإقامة و يسافروا معاك
❌ لو الشروط مش متوفرة → يترفضوا

📍مدة الفيزا الأونلاين:
٩٠ يوم (٣ شهور) و دخول مرة واحدة (Single Entry)

🔺️ ملحوظة
أصحاب الإقامات في دول الخليج
كان متاح لهم الفيزا الأونلاين
❌ لكنها بقت غير متاحة

---
❓ طيب لو مافيش أي فيزا أو إقامة داعمة سارية و متاحة؟

➡️ لازم ساعتها فيزا عادية للسعودية عن طريق شركة و لغرض العمرة

-----

📌 أمثلة واقعية 👇

1️⃣ أحمد
عنده فيزا شنجن سارية و مستخدمة
و عايز يسافر مع مراته و حماته
✅ هو و مراته ينفع
❌ حماته لا
لأنها مش من أقارب الدرجة الأولى بالنسبة له

🔁 لو الزوجة هي صاحبة الفيزا
كان ينفع كلهم يسافروا عشان هاتدخل جوزها و مامتها..

---

2️⃣ عماد

عنده إقامة مؤقتة في إيطاليا
❌ اترفض أونلاين ( القانون بيطبق بكل صرامة)
✅ أخد فيزا عند الوصول هو و مراته

⚠️ رغم إنها مش قانونية عشان لازم إقامة دائمة
لكن حصلت
** ماينفعش تعميم التجارب دي و مش بنصح بيها و الأحوط فيزا للسعودية مع شركة في الحالة دي

---

3️⃣ من غير اسم حالة اتنقلت لي

إقامة مؤقتة شنجن نوع Visa D
❌ اتمنع من الدخول و اتحجز و رجع على نفس الطيارة
⚠️ عشان كده بقول: الإقامة المؤقتة = مخاطرة و قانونا مش صح

---

4️⃣ فاطمة

جوزها أمريكي الجنسية
❌ هي ماينفعش تحصل على فيزا عند الوصول لإن لازم يكون معاه فيزا أمريكا سارية و مستخدمة أو إقامة دائمة
❌ الجنسية لوحدها لا تكفي حتى لو منطقيا وثيقة أقوى
** لكن طبعا هو ممكن يحصل على فيزا عند الوصول بجنسيته الأمريكية..
⚠️ رغم إن ناس في نفس التجربة زي فاطمة الموضوع عدّى
لكن غير قانوني و مش بنصح بالمخاطرة.
---

5️⃣ أسامة

متجوز كندية
هي ممكن تحصل على فيزا عند الوصول عشان جنسيتها الكندية لكن أسامة ماينفعش لسببين

❌ كندا مش من الدول الداعمة
❌ الجنسية مش شرط كافي

⚠️ رغم ده هو راح معاها و الموضوع عدّى
لكن برضو مش بنصح بده عشان مش متوافق مع القانون و لو كانوا رفضوا الفيزا و رجعوه ماكنش هايبقى عليهم غلط..
---

6️⃣ إبراهيم
معاه فيزا أمريكا سارية
❌ الأونلاين مخاطرة عشان مافيش أختام دخول و خروج
✅ أخدها عند الوصول
و أثبت الدخول و الخروج من خلال موقع I-94

---

7️⃣ إيمان
فيزا شنجن إصدار هولندا
دخلت فرنسا
✅ أخدت فيزا عند الوصول
❌ أونلاين كانت غالبا تترفض عشان الأختام مش من بلد.إصدار الفيزا
---

8️⃣ محمد
قدّم أونلاين
صلاحية الشنجن أسبوع
❌ اترفض
لأن لازم ٩٠ يوم صلاحية وقت التقديم
✅ كان يقدر ياخدها عند الوصول طالما فيزا شنجن سارية و مستخدمة.
---

📌 الخلاصة

✔️ اختار فيزا عند الوصول دايما
✔️ فيزا شنجن / أمريكا / بريطانيا سارية و مستخدمة وقت الوصول
✔️ لو عندك إقامة تكون دائمة بلاش تجازف بإقامة مؤقتة
✔️ معاك فيزا بنكية للدفع
✔️ الأقارب: الزوج – الزوجة – الأبناء مسموح لهم الحصول على نفس فيزا عند الوصول .

08/06/2026

صباح العجل تحت المطر 🌧️🚴
من جولة سباق والونيا 🇧🇪

07/06/2026

فيزا السعودية عند الوصول: حل مشكلة إثبات استخدام فيزا شنجن

📌 دلوقتي فيه حل ممكن تثبت به استخدام فيزا شنجن حتى بعد إلغاء الأختام..
طبعا لازم فيزا شنجن سارية و مستخدمة وقت السفر للسعودية للحصول على فيزا عند الوصول لكن فيه مشكلة الأيام دي و هي إثبات استخدام فيزا شنجن بعد إلغاء الأختام في دول شنجن بسبب النظام الجديد في الدخول و الخروج و اللي اسمه EES..

📌 الخطوات

📍 هاتدخل على الموقع ده الخاص ب EES و هاتملى البيانات دي

https://travel-europe.europa.eu/ees/check-how-long-you-can-stay

● رقم الباسبور اللي عليه الفيزا ( زي اللي في الصورة 1)
Number of travel document

● دولة إصدار الباسبور
Issuing country

● تاريخ الدخول في شنجن
Intended date of entry

● تاريخ الخروج في شنجن
Intended date of exit

● الدولة الزيارة في شنجن
Member state of destination

🔹 و هتلاقي ظهرلك زي اللي في صورة 2

- عدد الأيام المسموح نقضيها في شنجن وقت الدخول
- عدد الأيام المسموح تقضيها في شنجن دلوقتي أو عند الخروج

📌 طيب تفهم ايه من ده ؟

🔹 إن لو عدد الأيام المسموح تقضيه في دول شنحن دلوقتي أقل من عدد الأيام اللي كان مسموح تقضيه في شنجن وقت الدخول؛
ده معناه إنك استخدمت الفيزا

🔹 لو عدد الأيام زي بعض في الخانتين، يبقى الفيزا غير مستخدمة

●●●ممكن تطبع الورقة دي و بالتالي ده إثبات إنك استخدمت فيزا شنجن و الأحسن من إنك تطبعه هو إنك تسيب الموقع مفتوح على الموبيل و الموظف في الكاونتر يشوف بنفسه من الموقع الرسمي EES

♥️نصيحة :لو ماعندكش أختام استخدم الحل لو حجزت خلاص .. لكن لو لسه ماحجزتش الأفضل الانتظار لحد ما يطلع تصريح من الخارجية السعودية يبقى فيه حل أحوط..

📌 طيب هل الطريقة دي مضمونة 100% ؟

في الحقيقة مافيش حاليا مضمونة من غير وجود أختام لإثبات استخدام الفيزا لكن الطريقة دي تفضل طريقة قوية للإثبات

📌هل EES عمل الموقع ده مخصوص عشان فيزا السعودية؟

لأ طبعا ، الموقع ده معمول مخصوص عشان تعرف تحسب فاضل ليك كام يوم مسموح ليك تقضيه في دول شنجن خلال صلاحية الفيزا و عشان تسهل عليك حساب عدد الأيام و في نفس الوقت تحسب صح نظام 90/180 يوم في حالة لو عندك فيزا شنجن طويلة و ده شرحته في البوست ده بالتفصيل في بوست رقم 25
من سلسلة الخاصة بي تحت هاشتاج

25- فيزا مالتي ٦ شهور و أكتر 90/180

https://www.facebook.com/share/p/1CZCf3jAHi/

📍ملحوظة
أي عدد أيام سافرتها قبل 10 أبريل 2026 مش محسوبة في حساب الأيام عشان ده قبل تطبيق السيستم الجديد EES

اللي عنده أسئلة يسألني في التعليقات 😊

07/06/2026

أكتر من 24 دولة حول العالم فرضت قيود أو حظر على النقاب في الأماكن العامة، وفرنسا من الدول اللي طبقت القانون ده من سنين و فيها حظر عام للنقاب..

و الدول دي هي

الجزائر 🇩🇿- تونس 🇹🇳- أفغانستان 🇦🇫- طاجاكستان 🇹🇯 - أوزبكستان 🇺🇿- تركمانستان 🇹🇲- تركيا 🇹🇷

فرنسا 🇫🇷- بلجيكا 🇧🇪 - النمسا 🇦🇹- هولندا 🇳🇱- الدنمارك 🇩🇰 - بلغاريا 🇧🇬-لوكسمبورج 🇱🇺 - لاتفيا 🇱🇻- سوسيرا 🇨🇭 - النرويج 🇳🇴- كوسوفو 🇽🇰- كندا 🇨🇦- أذربيجان 🇦🇿- التشاد 🇹🇩- الصين 🇨🇳- سريلانكا 🇱🇰 - كيرجيستان 🇰🇬- جابون 🇬🇦

الملفت للنظر إن الدول دي فيها منها دول عربية أو فيها أغلبية مسلمة ..

في رأيي، إن الوجه لازم يكون ظاهر ومعروف في الأماكن العامة. الموضوع بالنسبة لي مش قضية دين، لكنه قضية أمن، وتواصل إنساني، واندماج داخل المجتمع.
أنا شايف إن ده قرار متأخر و حان الوقت إن كل دول العالم تعمل حظر للنقا ب..

مع أو ضد حظر النقاب في بلدك ؟

07/06/2026

تشابه الأسماء في المطارات👮‍♂️

حصلتلي مرة واحدة بس في 2014، وصلت مطار القاهرة
الضابط سألني: "جاي منين؟"
قلتله: "من فرنسا "
قاللي: "طيب استنى دقيقة"
دخل المكتب، وغاب حوالي 5 دقايق، كنت شايفه بيعمل مكالمة
رجع بعدها وقالي.:
> "تفضل، حمد الله على السلامة"

فسألته لو فيه حاجة؟
قاللي بهدوء:
> "لا، مافيش… ده مجرد تشابه أسماء"

الموقف ده اتكرر مع ناس كتير، وفعلاً ممكن يسبب توتر خصوصا لو أنت راجع من سفر طويل..

● طيب، إيه الحل؟
الحل البسيط هو إنك تطلب وثيقة اسمها نشرة تفرقة من مصلحة الجوازات والهجرة.
الوثيقة دي بتثبت إنك شخص مختلف عن الاسم المشابه ليك في القوائم.
المفروض تحتفظ بيها دايما معاك في السفر، عشان تقدمها لو حصل الموقف ده معاك تاني.

** ملحوظة:
واحد من أعرفه حكالي إنه حتى ومع وجود الوثيقة دي، اتأخر شوية في المطار، لكن في رأيي الشخصي هي أفضل وأسرع حل متاح حاليا..

هل حصل معاكم موقف زي ده في مطار قبل كده؟

07/06/2026

بين أزقة أشبيلية 🇪🇸 😍
من تصويري 📷
Sevilla 🇪🇸 💃

06/06/2026

مشكلة المنتخب المصري بس هي
● الأخطاء القاتلة الدفاعية و دي صراحة اتكررت
● فيه مشكلة واضحة في إنهاء الهجمات و الوصول للمرمى بسهولة للتسديد.. يعني هجوم و تمرير كويس جدا بس مش بيعرفوا يخلصوا الهجمات كويس للنهاية ..

و دي حاجتين المفروض المنتخب المصري يشتغل عليهم ..

لكن برافو للمنتخب المصري لعب أحسن من كأس الأمم الأفريقية و فيه تحسن في المستوى و الهجوم و البرازيل مش على المستوى المتوقع أوي رغم الفوز ... تسديداتهم مرتبكة شوية و مش دقيقة لكنهم مهاراتهم عالية جدا جدا بالطبع..

برافو ل شوبير رجل الماتش 💪❤️

Adresse

5ème Arrondissement
Paris
75005

Site Web

https://www.facebook.com/WanderlustOmar

Notifications

Soyez le premier à savoir et laissez-nous vous envoyer un courriel lorsque With Omar Taher - مع عمر طاهر publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.