Destiny Law Office

28/04/2026

20/04/2026

𝐃𝐡𝐚𝐝𝐝𝐚𝐜𝐡𝐢 𝐈𝐣𝐢𝐛𝐛𝐚𝐚𝐭𝐚𝐚 𝐃𝐡𝐢𝐦𝐦𝐚 𝐑𝐚𝐠𝐚𝐚𝐧 𝐖𝐚𝐥𝐪𝐚𝐛𝐚𝐭𝐮 𝐀𝐤𝐤𝐚𝐦𝐢𝐭𝐭𝐢 𝐊𝐞𝐞𝐬𝐬𝐮𝐦𝐦𝐞𝐞𝐬𝐬𝐮𝐮 𝐃𝐚𝐧𝐝𝐚‘𝐚?
•••
𝗔. 𝗪𝗮𝗮‘𝗲𝗲 𝗔𝗮𝗻𝗴𝗼𝗼 𝗗𝗵𝗮𝗱𝗱𝗮𝗰𝗵𝗮 𝗜𝗷𝗶𝗯𝗯𝗮𝗮𝘁𝗮𝗮
Akka biyya keenyaatti aangoon dhaddacha ijibbaataa Mana Murtii Waliigalaa Federaalaa fi kan naannoolee heera mootummaa irraa kan madduudha. Haaluma kanaan heera mootummaa federaalaa bara 1987 bahe keewwata 78 (3) jalatti Manni Murtii Waliigalaa Federaalaa murtiiwwan dhumaa dogongorri bu’uura seeraa keessatti raawwatame kamuu irratti aangoo ijibbaataa (power of cassation) akka qabuu fi bifuma wal fakkaatuun Manneen Murtii Waliigalaa Naannolee dhimma naannoo isaanii ilaalchisee murtiiwwan dhumaa dogoggora bu’uura seeraa qaban irratti aangoo ijibbaataa akka qaban tumamee jira.

Labsii aangoo Manneen Murtii Federaalaa murteessuuf bahe lakk. 1234/2013 keewwata 10 jalatti murtiiwwan dhumaa dogoggorri bu’uuraa seeraa keessatti raawwataman akkamii irratti Manni Murtii Waliigalaa Federaalaa aangoo ijibbaataa akka qabu tarreeffamee jira. Kana malees, dogogorri bu’uura seeraa maal maal akka ta’uu danda’u labsicha keewwata 2 (4) jalatti tarreeffamee jira.

Gama biraatiin, labsii aangoo fi Hojii Manneen Murtii Oromiyaa irra deebiidhaan murteessuuf bahe lakk. 216/2011 keessatti aangoo ijibbaataa Manni MurtiiWaliigalaa Oromiyaa erga kaa’ee fi tarreessee booda tumaa addaa labsii Manneen Murtii Federaalaa keessatti hin tumamne hammateera. Kunis keewwata 26 (3) yoo ta’u dhimmoota dhaddacha ijibbaataatti dhiyaachuu hin dandeenye tarreessee kan jiru yoo ta’u kanneen keessaa tokko murtii dhumaa dogoggora firii dubbii ykn hir’ina/dogoggora ragaa fuudhuu ykn madaaluu irratti raawwatame kan ilaallatuudha. Akka labsii Manneen Murtii Oromiyaa kanatti hanqinni ragaafuudhuu ykn madaaluun wal qabatu dogoggora bu’uura seeraajedhamee fudhatamuu hin danda’u.

𝗕. 𝗠𝗮𝗱𝗮𝗮𝗹𝗹𝗶𝗶 𝗥𝗮𝗴𝗮𝗮 𝘃𝘀 𝗔𝗮𝗻𝗴𝗼𝗼 𝗗𝗵𝗮𝗱𝗱𝗮𝗰𝗵𝗮 𝗜𝗷𝗶𝗯𝗯𝗮𝗮𝘁𝗮𝗮
Haa ta’u malee dhaddachi ijibbaataa dhimma madaallii ragaa gonkumaa hin ilaalu jechuu akka hin taanee fi dhimmootni armaan gadii gaafa mudatan ofitti fuudhee keessummeessuu akka qabu dhaddachi ijibbaataa MMWF galmee lakk. 220292 ta’e irratti murtii dirqisiisaa kenneen ibseera.
1. Manneen Murtii jalaa qabiyyee ragaalee dhiyaataniifsirnaan osoo hin madaaliin hafuun murtii yoo kennan;
2. Firiin dubbii/dhugaan ragaadhaan mirkanaa’e waan biraata’ee isa cinaatti dhiisuun guduunfaan Manneen Murtiijalaa irra gahan qajeeltoo madaallii ragaa kan cabse yoota’ee fi
3. Jecha ragaan hin dubbanne dubbatame jedhamee jecharagaa ykn qabiyyee isaa jijjiirruun dogoggora seeraaraawwatamuudha.
𝗖. 𝗚𝘂𝗱𝘂𝘂𝗻𝗳𝗮𝗮
Tumaalee seeraa fi murtii dhaddachi ijibbaataa MMWF galmee olitti ibsame irratti kenne bakka tokkotti cuunfinee gaafa ilaallu isa labsiin aangoo Manneen Murtii Oromiyaa dogoggorri madaallii ragaa dhaddacha ijibbaataaf hin dhiyaatu jedhus ta’ee kanneen dhadadchi ijibbaataa daangaa kamuu malee dhimma madaallii ragaa dogoggora ta’etti ilaaluu qaba jedhanis sirrii akka hin taanee fi dhimmaa dhimmaan (case by case) ilaalamuu kan qabu ta’u hubanna.


••

17/04/2026

14/04/2026

Taateen magaalaa seena qabeettii Amboo fi uummata goota sana irratti raawwatamaa ture akkaan gaddisiisaa fi laphee nama cabsuudha. Anaaf akka galutti waanti Amboo fi bakkeewwan baay’etti raawwatamaa jiru kun rakkoo bu’uuraa osoo hin taane mallattoo (manifestation) rakkoo bu’uuraa keessatti kufnee jirruuti. Rakkoon bu’uuraa kun kabajamuu dhabuu ol’aantummaa seeraa fi laaffachuu ykn laamsha’uu qaamolee seera kabachiisaniiti.

Gaafa ol’aantummaan seeraa bakka dhabu, ol’aantummaa namootatu bakka qabata, alaqaa ganda keessatu heddumaata. Inni humna qabu (humna meeshaa, kan qabeenyaa, kan dinagdee fi kkf) isa humna hin qabne akka barbaade godha. Manguddoo tibba darbe buufata Konkolaataa Magaalaa Roobee keessatti guyyaa saafaa gurmuu dargaggootaatiin tumaman yaadadhaa, namicha suuraa kana irratti hiyyeessa xaarratee bulu kalee irra dhaabbatus ilaalaa. Mee qaamoleen ol’aantummaa seeraa kabachiisuu akka ergama keessaniitti kaawwattanii jirtan maal hojjachaa jirra jedhaa of gaafadhaa. Hundi keenyaa sobnee of jajjabeessina ykn osoo hin jirre jirra jennee haasofna malee kisaaraa haamilee hamaa keessa jirra, kanaaf duuriyyeen garee ijaarrattee uummata fayyaalessa jireenyi dararutti taphachaa jirti. Ammas uummata dabalatee qaamni hunduu of ilaalee ol’aantummaa seeraa kabachiisuuf hin socho’u taanan, qaamoleen haqaas itti gaafatamummaa uummataa fi seeraan itti kenname hin bahatan taanaan rakkoo hamtuun kana caalu as deemaa akka jiru hubachuuf PHD qabaachuu nama hin gaafatu. Hunduu sobee kokkolfuun of sossobaa jira malee rakkoo jabduun akka jiru ni hubata. Dhaabbannee of ilaaluu, tarkaanfii hadhaawaa fudhachuu yeroo feesisu irra jirra. Yoo hin taane wal qabatanii gara allayyaatti imaluun waan hin oolle.

12/04/2026

𝐒𝐮𝐩𝐞𝐫 𝐒𝐮𝐧𝐝𝐚𝐲 (Edited)
•••
Arsee, Chelsii fi Spurs’f barri baranaa xuruu miti😄😄

01/09/2025

Manni Murtii Waliigalaa Federaalaa Qajeelfama sirna iyyatni mala elektoroonikaan itti dhiyaatuu fi falmiin itti gaggeeffamu hoogganuuf oolu mirkaneessee jira.

Qajeelfamichi lakk. 25/2017 jedhamee kan mirkanaa'e yoo ta'u abbaan dhimmaa kamuu lakkoofsa addaa waraqaa eenyummaa (Faayidaa) isaa fi lakkoofsa bilbilaa achirratti galmeessise fayyadamuun hayyama darbii fudhachuu kan danda'uu ta'uu, sana fayyadamuun bakka jiru taa'ee iyyata isaa ergachuu fi falmii gaggeessuu akka danda'u ibsameera.

Guutuu qajeelfamichaa asiin argachuu dandeessu: https://t.me/GonfaLawyer