Hubannoo waa hunda

23/09/2026

Sirna Seeraa Biyya Keenyaa Keessatti Himanni 'Actio Pauliana' Jedhamu Himannaa Gosa Akkamiitii?
°°°°°√√√√°°°°°°°°√√√√√√°°°°°°°°°√√√√
✅Jechi seeraa 'Actio Pauliana' jedhamu biyyoota sirna seeraa 'Civil Law' hordofan keessatti akka furmaata seeraatti kan tumame yemmuu ta'u, jechichi wayita namni abbaa idaa ta'e tokko gaafataan maallaqaa maallaqa isaa akka hin deebifanneef waliin dhahuun qabeenyota isaa garee 3ffaatti dabarsu ykn gurguru himannaa gaafataan maallaqaa gochicha mormuuf ykn diigsiisuuf dhiyeessu kan ilaallatudha.

✅Furmaatni seeraa kun gochi ykn waliigalteen waliin dhahuuf raawwatame diigamee qabeenyichi akka deebi'u ykn gaafataan maallaqaa akka kabachiifatu taasisuun wanta gaafataan maallaqaa akka seeraatti abbaa idaa irraa eegu akka milkaa'u kan taasisudha.

✅Haala kanaan, himannichi dhiyaachuuf gaafataan maallaqaa gaafficha dhiyeessu jiraachuu qaba. Abbaan idaa gocha seeraa (gurgurtaa, kennaa ykn wabummaadhaan qabsiisuu) yaada waliin dhahuutiin raawwachuu qaba. Daangaan yeroo seeraan taa'e yoo jiraate daangaa sana keessatti dhiyaachuu qaba. Garee 3ffaa yaada gaarii qabuufis sirna seeraa irratti hundaa'ee eegumsi seeraa taasifamuufii ni danda'a jechuudha.

✅Akka biyya keenyaatti, dhimmi 'Actio Pauliana', seerota adda addaa keessatti bittinnaa'ee kan argamu yemmuu ta'u, Seerri Hariiroo Hawaasaa (Kutaan seeraa dhimma waliigalteewwanii hogganu) Kwt 1994fi 1995 jalatti waa'ee waliigaltee fakkeessaadhaaf raawwatamanii (Simulation Contract) fi waa'ee gochoota waliin dhahuu abbaa idaatiin raawwatamanii tumeera.

👉Bu'uura tumaalee kanaatiin, waliigaltee fakkeessaa ykn gocha waliin dhahuu dantaa gaafataa maallaqaa irratti raawwatame ilaalchisee gaafataan maallaqaa (Creditor) mormuu akka danda'u ibsameera. Seerichi kwt 1997fi 1998 jalatti immoo garee 3ffaa yaada gaariidhaan qabeenya abbaa idaa bitateef eegumsa kan taasise ta'uunifi himannichi waggaa lama keessatti dhiyaachuu kan qabu ta'uu tumeera.

👉Gama birootiin, seerri HH kun dhaaltummaadhaan walqabsiisuun kwt 993, mata duree 'Actio Pauliana' jedhu jalatti: Namoonni dhaalaa dhaaltummaa keessatti hirmaachuuf akka fedhii hin qabne labse irraa maallaqa qaban (Creditors), guyyaa dhaalaan sun fedhii akka hin qabne ibse irraa eegalee waggaa lama keessatti, fedhii hin qabu jechuun dhaaluu barbaaduu dhabuun isaa kan miidhuun yoo ta'e, mana murtiitti iyyachuun jecha inni dhaaluu hin barbaadu (fedhu) jechuun ibse san haqsiisuu kan danda'an ta'uu tumeera.

👉Seera Daldalaa haarayaan, Labsiin Lakk.1243/2013s adeemsota kasaaraatiin walqabsiisee, kwt 671fi 672 jalatti gochoonni waliin dhahuu yeroo shakkisiisaa (suspect period) keessatti abbaa idaatiin raawwataman kan diigaman ta'uu tumeera.

👌Akka waliigalaatti, gaafataan maallaqaa haaldureewwan seerichaan tumaman hubachiisuu kan danda'u yoo ta'e, himannaa 'Actio Pauliana' jedhamu dhiyeessuudhaan waliigaltee fakkeessadhaan raawwatame ykn gocha waliin dhahiinsaaf raawwatame diigsisuun, qabeenyicha deebisiisuu kan danda'u ta'a jechuudha. Haala kanaan, gosti himannaa kun mirgootafi dirqamoota bu'uuraa irratti murtiin akka kennamu kan taasisudha jechuudha.

23/09/2026

Mirga ofirraa ittisuu

Dhimma Yakkaa Keessatti Mirga Ofirraa Ittisuu Himatamaa Ilaalchisee MM Itti gaafatamummaa Akkamii Qaba? Ofirraa Akka Ittisu Akkamitti Ajajamuu Qaba?

Heera Mootummaa kwt, 13(1&2), kwt 20(4); SDFY kwt 142; Seera Seemsa Falmii Yakkaa fi Tumaalee Seera Ragaa Labsii Lkk 1410/2018 kwt 289(2) fi Murtii Dhaddacha Ijibbaataa MMWF glme Lkk 100860 (Jildii 18ffaa) waliin xiinxala taasifame.

Namni yakkaan himatame tokko mirgoota namoomaa heeraan eegumsi godhameef keessaa inni tokko yakka ittiin himatame ifatti beekuu, ragaa irratti dhiyaate qorachuu fi ragaa ittisaa dhiyeeffatee dhageessifachuun ofirraa falmachuun isaan ijoodha. Jecha waliigalaatiin mirga waan ittiin himatame beekee dhagahamuu guutuun heeraan eegameefii kan jiru yemmuu ta’u kunis Heera Mootummaa kwt 20(4) jalatti bal’inaan tarreeffamee jira. Mirgoota kanneen keessaa mirgi waan ofirraa ittisuu qabu beekuu fi ragaa ittisaa dhiyeeffachuu isa tokko yemmuu ta’u Manneen Murtii qabatamaan mirga kana kabajuu fi kabachiisuu keessatti gahee akkamii qabu kan jedhu xiyyeeffannoo barbaada.
Kanaan walqabatee qabxiin inni jalqaba of-eeggannoon ilaalamuu qabu madaallii falmii Abbaa Alangaa yemmuu ta’u kunis hojiin ijoo fi guddaan sadarkaa qulqullina himannaa mirkaneessuu fi ragaa Abbaa Alangaa sirritti madaaluu ta’a. Qulqullina himannaa mirkaneessuun himannaan dhiyaate ifa ta’uu fi ulaagaalee bu’uraa kan guutuu ta’uu isaa , keessaayyuu otuu himatamaa bira hindhaqqbin Manni Murtii mataan wanta/yakka himatamaa irratti dhiyaate maal akka ta’e adda baasee beekuu ykn hubachuu danda’uu gaafata. Wanta ofii isaayyuu adda baafatee hinbeekne irratti himatamaa falmiif waamuun haqa qabeessa hinta’u.
Kunis himannaan dhiyaate ulaagaa yakkaa sadiin (kutaa yaadaa, gochaa fi seeraa) haala ifatti agarsiisuun akkaataa firiiwwan gochaa yakka tumaa seeraa caqafame bu’ureessan calaqqisiisuun (SdFY kwt 111-112) dhiyaachuu isaa MM gamanumaan dursee qulqulleeffachuu kan qabu yoo ta’u yoo tarii akkam ture akkaataa SDFY kwt 130(1)tiin himatamaan jecha mantaa ykn waakkii gaafatamuun duratti ilaalamee mirkanaa’uu akka qabu nihubatama. Egaa, mirga ofirraa ittisuu waan ittiin himatame ifatti dursee beekuu kan gaafatu waan ta’eef asumarraa kan jalqabu ta’a.
Qabxiin inni 2ffaan himatamaan akkaataa himannaa dhiyaateen yakka ittiin himatame ifatti beekee hubatee yoo amanuu baate ykn amanus mirga isaa kan eeggate ta’e ykn sababa biroo Manni Murtii itti amaneen ragaan Abbaa Alangaa kan dhagahamu yoo ta’e ragaan Abbaa Alangaa Gita mirkaneessa ragaa seeraan barbaadamuun (haala ifaa fi amansiisaa akka SDFY kwt 141 fi 142; shakkii sababi qabeessaan olitti akkaataa Labsii Lkk 1410/2018 kwt 288(1)) dhimmicha hubachiisuu isaa mirkaneeffachuun qabxii ijoo himatamaan ofirraa akka ittisu jechuun dura of-eeggammoon ilaalamuu/hojjetamu qabudha.
Egaa hojiin sadarkaa kanatti hojjetamu hedduu murteessaa fi asitti hanqini ykn dogongorri takka uumamnaan of-duubaa deebi’amee sadarkaa mana Murtii sanatti sirreessuun kan hindanda’amnee fi dhaqee immoo mirga himatamaa kan miidhu akka ta’e kanaan dura barreeffama birootiin ilaaluun Kenya niyaadatama. Kanaan walqabatee Seera Deemsa Falmii Yakkaa hanga ammaa hojii irra jiru kewt 142 ilaalchisee hiikkoo fi hojmaanni garaagaraa akka jiru ni beekama.

Ogeessota hedduu biratti ragaan Abbaa Alangaa himatamaan yakka raawwachuu isaa malee yakka tumaa seeraa isa kam jalatti akka raawwate yeroo ifa ta’uu hafu ykn shakkisiisu duuchumatti himatamaan akka ofirraa ittisu, gariin immoo sadarkama itti ragameen akka ofirraa ittisu yeroo ajajanogeessonni tokko tokko immoo ajajuuyyuu hinbarbaachisu himatamaan ragaa akka dhiyeeffatu qofa afaaniin itti himamuu akka qabu falmu.

Garaagarummaan mul’atu kun sadarkaa bu’aa dhumaatti tokkuma yemmuu ta’u innis himatamaan yakka maal ofirraa ittisuu akka qabu Manni Murtii ykn abbaan seeraa mataan isaa beekuu waan hindandeenyeef ykn waan rakkateef duuchumatti ykn sadarkama itti ragameen akka ofirraa ittisu ykn immoo duuchumatti ragaa akka dhiyeeffatu jedhamuu isaati.

Egaa asirratti ragaan Abbaa Alangaa yakka maal himatamaa irratti mirkaneesse ykn himataman maal irratti ragaa dhiyeeffata, maal ofirraa ittisa kan jedhu deebii ifa ta’e waan hinqabneef garaagarummaa olitti ibsame kan uume yemmuu ta’u haalli kun mirga waan ittiin himatame beekee ofirraa falmachuu hmatamaa heeraan eegumsi godhameef ifatti akka hojii irra hinoolle kan taasisudha. Manneen Murtii immoo mirga kana kabajuu fi kabachiisuuf itti gaafatamummaa akka qaban immoo heericha kwt 13(1) irraa ni hubatama.

Rakkoo olitti ibsame kana furuu haala dandeessisuuni fi hanqina iftoomina tumaa seera SDFY kwt 142n walqabatee ture ifa gochuun Labsii Seera Deemsa Falmii Yakkaa fi ragaa Lkk 1419/2018 kwt 289(2) jalatti tumaa ifa ta’e kaahee jira. Bu’uruma kanaan ragaan Abbaa Alangaa dhagahamee eega xumurame booda Manni Murtii wantoota gurguddoo lama ifatti mirkaneeffachuu akka qabu labsicha kwt 289 irraa kan hubatamu yoo ta’u inni duraa himatamaan yakka ittiin himatame ykn yakka biroo kan ittiin himatame gadi ta’e garuu himatamaa adabsiisuu danda’u raawwachuu isaa ragaan Abbaa Alangaa shakkii sababi qabeessaan olitti hubachiisuu isaa sirritti mirkaneeffachuu fi inni lammataa immoo qabxii firii dubbii himatamaan ofirraa ittisuu qabu maal akka ta’e ifatti adda baasee himatamaan akka ofirraa ittisu ajajuudha. Kana gochuun ittigaafatamummaa mana Murtii akka ta’e ifatti hunatama.

Kanaaf walumaagalatti himatamaan akka ofirraa ittisu qofa otuu hintaane yakka ykn qabxii firii yakkaa maal akka ofirraa ittisuu qabu ifatti adda bahee but bsamuufiin ajajamuu akka qabu labsiin haaraan ifa godhee jira. Qabxiin inni dhumaa mirga ofirraa ittisuun walqabatee ilaalamuu qabu kan biroo mirgi ragaa ittisaa dhiyeeffachuu sirnaan kabajamuu isaa Manni Murtii of-eeggannoon mirkaneeffachuu kan qabu yoo ta’u kunis wantoota gurguddoo sadii hamachuu mala; ragaa ittisaa akka dhiyeeffatu ifatti itti himuu/ajajuu, beellama gahaa kennuu fi akka dhiyeeffatu deeggarsa haqaa gochuufii fi, aababa gahaa malee bira darbuu dhiisuudha.
Ragaa akka dhiyeeffatu ifatti ajajuu fi beellama kennuu kan jedhu himatamaan akka ofirraa ittisu ajajamuu isaa ifatti beekuun ragaa isaa adda baasee lakkaa’achuun, dursaa ofeessaa fi ragoota waliin walargee mari’achuuni fi qophii barbaachisu gochuun akka dhiyeeffatu yeroo gahaa barbaachisu kennuu irraa kaasee akkuma haala isaatti jijjiirraa beellamma haqa qabeessa kennuu kan ilaalu yoo ta’u sababiin humna himatamaatii oli ta’e yoo jiraate fi haqa qabeessa ta’ee yoo argame Manni Murtii ragaa ittisaa akka dhiyaataniif deeggarsa barbaachisu gochuufinis tumaa heeraa kwt 20(4) fi 13(1) irraa nihubatama. Fakkeenyaaf himatamaan mana amala sirreessaa akka jiru otuu beekamu ragaa ittisaa guyyaa afur keessatti akka dhiyeeffatu jechuun gahaa kan hintaanee fi haqummaa kan hinqabne ta’uu fi mirga ragaa ittisaa bira darbuufis sababa gahaa ta’uu akka hin dandeenye Dhaddachi Ijibbaataa xiinxala glme Lakk 100860 ta’erratti taasiseen ibsee jira.

Akkaataa kanaan himatamaan ragaa ittisa akka dhiyeeffatu mirgii heeraan eegameef kabajamuu isaa mirkaneessuun ittigaafatamummaa mana Murtii ta’uu isaa fi sababa gahaa fi ifa ta’e galmee/Murtii keessatti ifaan ibsamuun malee bira darbamuu akka hinqabne Dh, Ijb MMWF glm Lkk 100860 (Jld 18) irratti hiikkoo dirqisiisaa kennee jira. Sababiin gahaa fi ifa ta’e mirgi ragaa ittisaa dhiyeeffachuu bira itti darbamuu malu maal akka ta’e Mana Murtiin kan murtaa’u ta’us iftoomina akka qabaatu fi komiin yoo ka’es Manneen Murtii ol’iyyannooilaalan dabalatee qaama biroo rogummaa qabuun too'atamuu akka danda’u galmee keessatti ifaan galmeeffamuu akka qabu garuu dagatamuu hinqabu.
Dhimmi Dhaddacha Ijibbaataan glmee Lkk 100860 (Jld 18) olitti caqafame irratti ilaalame Naannoo Saboota, Sablammootaa fi Ummatoota Kibbaa Aanaa MMA Daarraatti jalqaba kan murtaa’e yemmuu ta’u himatamaan yakka gowwoomsuutiin SY kwt 692(1) jalatti himatamuun ragaan Abbaa Alangaa namoonni sadii dhagahamuu isaa Garagalchi murtii mana murtii Aanichaa kan agarsiisu ta’uu Dhaddachi Ijibbaataa murtii isaa keessatti ibsee jira.

Gama biraan ragaan Abbaa Alangaa akkaataa himannaatti himatamaa irratti mirkaneessuu isaa, himatamaan akka ofirraa ittisuu ittihimamuu ykn ajajamuu isaa, ragaa ittisaa akka dhiyeeffatu mirgi ifatti eegameefii rakkoo mataa isaatiin dhiyeeffachuu kan hafe ykn sababa maaliif mirgi ragaa ittisaa isaa akka bira darbame Manni murtii Aanichaa murtii isaa keessatti kan hinibsine ta’uu caalaayyuu Mana Murtii Ol’aanaa fi Dhaddacha Ijibbaataa Naannichaanis murtiin Mana Murtii Aanichaa kan cime ta’uu fi, kunis manni murtichaa mirga waan ofirraa ittisu beekuu fi ragaa ittisaa dhiyeeffachuu himatamaa kabajuu fi kabachiisuu ilaalchisee manneen murtii Naannichaa ittigaafatamummaa Heera Mootummaa kwt 20(4) fi kwt 13(1) jalatti tumame kan hinbaane ta’uu kan agarsiisu akka ta’e Dhaddachi Ijibbaataa bal’inaan xiinxalee jira.

22/09/2026

➡️Eegdummaa_fi_Kunuunsummaa_ilaalchisee_Hubannoo_Seeraa.

Nama umriin isaa guddaa ta’e jechuun qofa isaa “eegduu” ykn “kunuunsaa” jalatti galchuun sirrii miti. Seera Siivilii Itoophiyaa keessatti namni ga’eessi dandeettii seeraa guutuu qaba; garuu haala addaa keessatti, fakkeenyaaf dhibee sammuu ykn hir’ina cimaa ofiin of bulchuu fi qabeenya isaa bulchuu dadhabsiisu yoo qabaate, mana murtiin judicial interdiction jechuun dandeettii isaa daangessuu danda’a.

⚖️ Keewwatoota ijoo
Kwt. 192 – Dandeettii seeraa
Namni uumamaan jiru hundi hojiiwwan jireenya siiviilii raawwachuuf dandeettii qaba, yoo seeraan dandeettii-dhabaa jedhamee hin murtaa’in. Kanaaf, umriin guddaan qofti nama dandeettii-dhabaa hin godhu.

Kwt. 353 – Iyyata dandeettii-dhabummaa (interdiction)
Namni sun mataan isaa, haati/abbaa manaa isaa, firoonni isaa ykn Abbaan Alangaa mana murtiitti iyyachuu danda’u.

Kwt. 354 – Murtii mana murtii
Mana murtiin nama tokko dandeettii-dhabaa jedhutti murteessuu dura, tarkaanfiin kun barbaachisaa ta’uu isaa mirkaneessuu qaba; akkasumas, akka seerichaatti, nama sana ofii isaa ilaaluu qaba ykn yoo kun hin danda’amne ogeessa fayyadamuun qorachuu danda’a.

Kwt. 358 – Eegumsa nama dandeettii-dhabaa
Namni mana murtiin dandeettii-dhabaa jedhamee murtaa’e, nama dhuunfaa isaa fi qabeenya isaa ilaalchisee akka nama xiqqaatti eegumsa seeraa argata.

Kwt. 359 – Eegduu fi tuutarii
Eegduun (guardian) fi tuutaraan (tutor) nama dandeettii-dhabaa ta’eef mana murtiin muudamu.

Kwt. 363 – Galii fi kunuunsa
Galiin nama dandeettii-dhabaa qabeenya eegduu hin ta’u. Galiin isaa irra caalaa nyaata, jireenya fi kunuunsa nama sanaaf ooluu qaba; eegduunis itti fayyadama galii sanaa irratti herrega dhiyeessuu qaba.

Kwt. 371 – Daangaa eegdummaa
Mana murtiin, haala nama sanaa irratti hundaa’uun, dandeettii-dhabummaa isaa daangessuu fi hojiiwwan tokko tokko akka ofii isaatiin raawwatu hayyamuu danda’a. Akkasumas, hojiiwwan tokko tokko tuutaraan nama sana waliin waliigaltee qabaatee

19/09/2026

Faayidaa hin malle

17/09/2026

14/09/2026