የሰሜን ሸዋ ዞን ከፍተኛ ፍርድ ቤት/North shoa zone high court/

26/09/2026

ለመላው የክርስትና እምነት ተከታዮች በሙሉ እንኳን ለ2019 ዓ.ም የደመራ እና የመስቀል በዓላት አደረሳችሁ!

26/09/2026

የሰሜን ሸዋ ዞን ከፍተኛ ፍርድ ቤት ቤት ለመላው ህዝበ-ክርስቲያን በሙሉ እንኳን ለ2019 ዓ/ም የመስቀልና የደመራ በዓል በሰላም አደረሳችሁ እያለ በዓሉ የሰላም፤ የጤናና የመተሳሰብ እንዲሆን ከልብ ይመኛል፡፡
መልካም በዓል!!!

24/09/2026

የፈተና ውጤት ስለመግለጽ፤

በአማራ ክልል ጠቅላይ ፍርድ ቤት የአይ.ሲ.ቲ ዳይሬክቶሬት ዳይሬክተር ቦታ ለመቀጠር ነሐሴ 18 ቀን 2018 ዓ.ም የጽሑፍ ፈተና የወሰዳችሁ ተወዳዳሪዎች፣ ውጤታችሁ ከዚህ በታች በየመለያ ኮድ የተገለጸ ሲሆን፣ ለቀጣይ ዙር ፈተና ያለፋችሁ ተወዳዳሪዎች በ18/01/2019 ዓ. ም ከጥዋቱ 2፡30 ጠቅላይ ፍርድ ቤት (ባሕር ዳር) በአካል በመገኘት የቃለ-መጠይቅ ፈተና እንድትወሰዱ እናሳውቃለን፡፡

19/09/2026

የሰሜን ሸዋ ዞን ከፍተኛ ፍርድ ቤት የ2019 በጀት አመት የመጀመሪያው የዳኞች የህግ ውይይት አደረጉ፡፡
ደ/ብርሃን፡ መስከረም 09/2019 ዓ/ም (ሰሜን ሸዋ ዞን ከፍተኛ ፍርድ ቤት)

የሕግ አተረጓጎም ወጥነትን ለማስፈንና የዳኝነት አገልግሎት አሰጣጡን ይበልጥ ውጤታማ ለማድረግ በ2018 በጀት ዓመት በስፋት ሲሰራበት የቆየው የዳኞች ሙያዊ መደበኛ ህግ ውይይት በያዝነው በጀት አመት የመጀመሪያውን የህግ ውይይት በዛሬው እለት አድርገዋል፡፡

በዕለቱ የውይይት መነሻ ፅሁፎችን ያቀረቡት ክቡር ዳኛ ተኮላ ዳኛቸው እና ክቡር ዳኛ አያሌው ነብዩ ሲሆኑ፣ በሁለት ዋና ዋና አበይት ላይ ያተኮሩ ርዕሰ ጉዳዮች በማዘጋጀት ለውይይት አቅርበዋል።

ለውይይት የቀረቡ ሀሳቦችም በተሻሩና በተሻሻሉ የወንጀል ጉዳይ ውሳኔዎች ላይ ክቡር ዳኛ ተኮላ ዳኛቸው ሊያወያዩ የሚችሉ በርካታ ጥያቄችዎን አቅርበው ሰፊ ውይይት አድርገዋል፡፡
ሌላው የፍትሐብሔር ሙግት አመራር ሥርዓት ከህግ እና ከተግባር አንጻር ትኩረት በሚሹ ጉዳዮች ላይ ክቡር ዳኛ አያሌው ነብዩ ሰነድ ለመወያያ የሚሆን ሰነድ አዘጋጅተው ጥልቅ ውይይት አድርገዋል፡፡

ይህ መድረክ የሕግ ክፍተቶችን በጋራ ለመረዳትና በችሎቶች መካከል ወጥ የሆነ የሕግ አተረጓጎም ሥርዓት ለመዘርጋት ትልቅ አቅም እንደሚፈጥር ዳኞች ተገልፀዋል።

በመጨረሻም የከፍተኛ ፍርድ ቤቱ ፕሬዚዳንት ክቡር አቶ ዮሐንስ ወንድሙ የዳኝነትን ብቃት የማሳደግ ስራ ተከታታይነት ያለው ሂደትን የሚጠይቅ እንደመሆኑ መሰል የህግ ውይይቶችን ተጠናክረው መቀጠላቸው የውሳኔን ጥራት ለማምጣት በመድረኩ የሚቀሰሙ ልምዶችና ግንዛቤዎች በተግባር ላይ ሲውሉ በፍትህ ስርዓቱ ውስጥ የሚጠበቀውን ለውጥ ለማምጣ ከፍተኛ አስተዋፅኦ ይኖረዋል ብለዋል ፡፡

በዛሬው እለት በቀረበው ነሰድ ላይም ጥልቅ ውይይት እንደተደረገና አስተማሪ ውይይት እንደነበረ የከፍተኛ ፍርድ ቤቱ ፕሬዚዳንት ክቡር አቶ ዮሐንስ ወንድሙ በማጠቃለያቸው ላይ ገልፀዋል፡፡
ለበለጠ መረጃ
Telegram:- https://t.me/nszhc
Facebook:- https://web.facebook.com/nszhc
Website https://www.nszhcourt.gov.et
Linkedin:- https://www.linkedin.com/in/north-shoa-zone-high-court-
x-page:- https://x.com/owimu1
Youtube:- https://www.youtube.com/
Tiktok:- https://tiktok.com/

19/09/2026

የፈተና ቀን ስለማሳወቅ፤

የአማራ ከልል ጠቅላይ ፍርድ ቤት በ05/3/2018 ዓ.ም ለተለያዩ የአይሲቲ ክፍል ውድድሮች የፈተና ውጤት ማሳወቁ ይታወሳል፡፡

ስለሆነም፣ ቀደም ሲል የተሰጡትን ፈተናዎች በማለፍ ለቀጣዩ የተግባር እና ቃለ መጠይቅ ፈተና ያለፋችሁ አመልካቾች ከዚህ በታች በተገለጸው ቀን፣ሰዓት እና ቦታ ማንነታችሁን የሚያረጋግጥ መታወቂያ በመያዝ ፈተናውን እንድትወስዱ እናሳውቃለን፡፡

13/09/2026

10/09/2026

እንኳን ለ 2019 አዲስ ዓመት አደረሳችሁ!

የአማራ ክልል ጠቅላይ ፍርድ ቤት ፕሬዝደንት ክቡር አቶ አለምአንተ አግደው፣ በየደረጃው ለሚገኙ የክልሉ ፍርድ ቤቶች ዳኞች እና ሰራተኞች፣ ተገልጋዮች፣ ለመላው የክልሉ ሕዝብ እና ኢትዮጵያውያን በሙሉ እንኳን ለ2019 አዲስ ዓመት አደረሳችሁ ብለዋል።

10/09/2026

የሰሜን ሸዋ ዞን ከፍተኛ ፍርድ ቤት የባህል ፍርድ ቤት ስራዎችን ለማጠናከር ከወረዳ ፍርድ ቤት ፕሬዚዳንቶች ጋር በቨርችዋል ውይይት አደረጉ
ደ/ብርሃን፡ ጳጉሜ 05/2018 ዓ/ም (ሰሜን ሸዋ ዞን ከፍተኛ ፍርድ ቤት)
የሰሜን ሸዋ ዞን ከፍተኛ ፍርድ ቤት ባህል ፍርድ ቤት ስራዎችን ለማጠናከር ከወረዳ ፍርድ ቤት ፕሬዚዳንቶች ጋር በየ15 ቀኑ በቨርችዋል በመገናኘት የተሰሩ ስራዎችን እየገመገሙ ይገኛሉ፡፡

በዛሬው እለትም ይህ ግምገማ ተጠናክሮ የቀጠለ ሲሆን ውይይቱ የባህል ፍርድ ቤቶችን በክረምት ወቅት ያላቸውን የስራ እንቅስቃሴ፣ የታዩ ጥንካሬዎችንና ክፍተቶችን ለመገምገም ያለመ ውይይት መሆኑን ክቡር አቶ ዮሐንስ ወንድሙ ገልፀዋል፡፡
በውይይቱ ላይ የሰሜን ሸዋ ዞን ከፍተኛ ፍርድ ፕሬዚዳንት ክቡር አቶ ዮሐንስ ወንድሙ፣ የከፍተኛ ፍርድ ቤቱ ዳኛ እና የባህል ፍርድ ቤት ፎካል ፐርሰን ክቡር አቶ ትእዛዙ ጌቻቸው እና የሁሉም ወረዳ ፍርድ ቤት ፕሬዚዳንቶች ተሳትፈዋል፡፡

የወረዳ ፍርድ ቤት ፕሬዚዳንቶች በየወረዳውና በየቀበሌው የተሰሩ ስራዎችን በዝርዝር አቅርበው ሰፊ ውይይት አድርገዋል፡፡ በውይይቱ ላይ ለተነሱት ጥያቄዎች ክቡር ፕሬዚዳንት አቶ ዮሐንስ ወንድሙና ክቡር አቶ ትእዛዙ ጌታቸው ምላሽና ማብራሪያ ሰጥተዋል፡፡

በመጨረሻም ክቡር ፕሬዚዳንቱ በማጠቃለያቸው እንደገለፁት የባህል ፍርድ ቤቶችን አሁንም ልዩ ትኩረት ሰጥቶ መስራት ያስፈልጋል ብለዋል፡፡ ሌላው የባህል ፍርድ ቤት ባልተቋቋመባቸው ቀበሌዎች ላይ እና አስቻይ ሁኔታ ባለባቸው ቀበሌዎች ማእከላት እንዲቋቋም ማድረግ፣ ሽማግሌዎች/ዳኞች/ እንዲመረጡ ማድረግ፣ ግብአትን ማሰባሰብ፣ የታዩ ጉዳዮች በአግባቡ ተሰንደውና ተደራጅተው እንዲያዙ፣ እንዲሁም ለህብረተሰቡ የግንዛቤ ፈጠራ በስፋት መሰራት አለበት ብለው የእለቱ ውይይትን አጠናቀዋል፡፡
ለበለጠ መረጃ
Telegram:- https://t.me/nszhc
Facebook:- https://web.facebook.com/nszhc
Website https://www.nszhcourt.gov.et
Linkedin:- https://www.linkedin.com/in/north-shoa-zone-high-court-
x-page:- https://x.com/owimu1
Youtube:- https://www.youtube.com/
Tiktok:- https://tiktok.com/