Shukri Law Office

08/10/2026

.

Jiraattoota Aanaa Gursum maraaf akka Aanaa keenyaatti haalli kafaltii Gibira Lafa Baadiyyaa baroottan darban bu'uura seeraa kan hin hordofin waan taheef komiin ballaan kan ture yommuu tahu

Bara 2019 ammoo Namni Lafa xiqqoo fi guddoo qabu walqixa kafaluun haqaa miti jechuudhaan kafaltiin gibira lafa baadiyyaa hafuura seeraa akka qabaatuuf Qaamoleen dhimmi ilaalatu adda adda qindoominaan hojjachuudhaan kafaltiin gibira lafa baadiyyaa;
1. Ballina Lafaa
2. Gosa oomishaa laficharatti misoomuu
3. Akkaataa oomishaa; Roobaa fi Jallisii
Giddu Galeessa godhachuudhaan

Lafti keessan saffaramee, Akkataa fi Gosti oomishaa lafa keessan irratti misoomaa jiru adda baasuudhaan Gibirri kafaluu qabdan adda bahee tokkoon tokkoo Qonnaan Bulaa fi Horsiisee bulaa karaa Bulchinsa Ganda keesaniitiin Waajjirri Galii Aanaa Gursum isin dhaqqabsiisee waan jiruuf Gibira isin irraa barbaadamu Diinagdee Ganda keesanii irraa qulqulleefatanii Misooma Aanaa keenyaa deegaruuf yeroon akka kafaltan isin Beeksisaa.

Bara kana Jiraattoota Aanaa keenyaatiif Wanti Dhaamuu Barbaannu Kafaltiin Mootummaa Gosa Kamiyyuu
1. Gibira Mootummaa
2. Buusaa Gonofaa
3. Kafaltii Kenna T/Lammummaa
4.Buusiilee Adda Addaa yeroo sassaabamu Nagaheen itti muramuu waan qabuuf Hojjataa Sassaabaa Galii Gosa Kamiyyuu osoo Nagahee isiniif hin murre maallaqa isinirraa sassaabu yoo jiraate karaa Fuula Facebook keenyaa (inbox) fi karaalee biroo isiniif Mijjateen akka nu beeksiftan isiniif dhaamna yeroo Eeruu nuuf kennitan.

1. Maqaa Hojjataa Qarshii isinirraa fuudhee.
2. Hojjataa Bulchinsa Gandaa (Araddaa) kamii akka tahe.
2. Kafaltii Dhimma Maaliitiif Akka isinirraa fuudhe.
3. Hanga Qarshii Isinirraa Fuudhe.
4. Nagahee isiniif itti muruu fi muruu dhabuu isaa.
Nuuf ibsuudhaan kan nuun geessan yoo tahe salphumatti hojmaata seeraan alaa isinirraa hambisuu fi Galiin mootummaas Qisaasamaa fi Hannarraa Baraaruu kan dandeenyu waan taheef Hawaasni Aanaa Keenyaa kana hubatanii Deegarsa isin barbaachisu akka nuuf Gootan isin Gaafanna.

Haqaan Haqaaf Hojjanna

08/09/2026

05/09/2026

.

Mindaan Hojjataa Mootummaa Deegarsa Adda Addaatiif Fedhii hojjatichaa qofaan muramuu akka qabu labsii hojjattoota mootummaa Lakk. 215/2011 kwt. 9(2(A)) jalatti tumee jira Fedhiin sun ammoo barreefamaa fi mallattoo hojjatichaatiin mirkanaa'uu akka qabu tumee jira seera ifaan jiru kana bira darbamee deegarsa adda addaatiif kan irraa muramu yoo tahe hojjatichi karaa Laman mirga isaa kabachiifachuu danda'a.

1. Akkaataa Labsii Hojjattoota Mootummaa Lakk. 215/2011 kwt. 79 hanga 82tiin mana murtii Hojjattoota mootummaatti ol iyyachuun mirga isaa kabachiisuu danda'a. Keewwata olitti ibsame kanarraa hubatamutti manni murtii Bulchinsaa bifa hariiroo hawaasaatiin ol iyyata hojjataa ilaala malee dhimma yakka ilaaluu aangoon ifaan kennameef hin jiru.

2. Karaan lammaaffaan kun ammoo ijoo fi kaayyoo hubannoo seeraa keenyaati inniis hojjataan mindaan isaa deegarsa adda addaatiif fedhii isaatiin ala yoo kan irraa muramu tahe yakki raawwatamee jira waan taheef Eeruu yakkaa Abbaa Alangaa fi qorataa poolisiitiif kennuun namni fedhii hojjatichaa malee mindaa mure yakka malaamaltummaatiin akka gaafatamu gochuudha itti gaafatamummaa kana hordofsiisuuf Abbaan Alangaa bu'uura Labsii Lakk. 214/2011 kwt. 10tiin aangoo kan qabu tahuu seeraan tumamee jira. Akkasumaas Waajjira poolisitti Qorataan yakkaa bu'uura Dambii Lakk. 250/2016 kwt. 26 (15 fi 16)tiin aangoo kan qabu tahuu tumamee jira.

Kanaaf Namni fedhii hojjataa mootummaatiin ala mindaa mure yakka malaamaltummaa aangoo garmalee fayyadamuu kan raawwate tahuu Labsii Malaamatummaa Lakk. 881/2015 kwt. 9 jalatti tumame Dantaa fi mirga nama biroo aangoo fayyadamanii miidhuun yakka tahuu fi Adabbii hidhaa hanga waggaa 10 gahuu fi Adabbii maallaqaa hanga Qr. 10,000 gahuun akka adabamu seerri ifaan tumee jira.
KANAAF
Walumaagalatti wanti hubatamuu qabu hojjataan mindaan isaa Deegarsaa adda addaatiif fedhii isaatiin ala muramuun kan hin danda'amne tahuu hubatee yoo kan jalaa muramu tahe namticha seeraan ala jala mure Qorataa eeruu kennuun yakka malaamaltummaa hanga waggaa 10 fi Adabbii maallaqaa hanga Qr. 10,000 tahu akka adabamu gochuun mirga isaa kabachiifachuu danda'a.

Kanaaf mindaan Hojjataa Mootummaa qabeenya dhunfaa isaa fi maatii isaa waan taheef deegarsa adda addaaf irraa muruun dura hojjaticha yaadaan barbaachisummaa deegarsa akka fudhatu amansiisanii fedhii isaan muramuu qaaba malee fedhiin isaan ala muruun yakkaan adabbii kan hordofsiisu tahuu seeroota olitti caqasame kanarraa ni hubatama.

Waajjira Abbaa Alangaa Aanaa Gursum Hordofaa

HAQAAN HAQAAF HOJJANNA!!

04/09/2026

.

Hojjataa Mootummaa Fedhii isaatiin alatti Mindaa isaa Deegarsaa fi Buusiilee Adda Addaatiif Humna Aangootti Fayyadamuun yoo mindaan kan irraa citu yoo tahe

1. Eessatti Himachuu Qaba?

2. Eenyuutu mirga isaa sarbame kana kabachiisaaf?

3. Yakki Nama fedhii hojjataa malee mindaa muree maali?

Waajjira Abbaa Alangaa Aanaa Gursum Hordofaa

31/08/2026

30/08/2026

Hawaasni ummanni godina Harargee Bahaa baga gammaddan
Waajjirri Abbaa Alangaa Godina Harargee Bahaa raawwii ol aanaa galmeessuun akka Oromiyaatti 1ffaan xumure

29/08/2026

Manni Barnootaa Ijaaraa Turre Guututti Xumurameera!
​Waajjirri Abbaa Alangaa Aanaa Gurawaa qindeessummaa isaatiin daree barnootaa haaraa lama (2) mooraa Mana Amala Sirreessaa Gurawaa keessatti tajaajila lammummaatiin ijaaree xumuree jira. Manni barnootaa kun guutumaan guutuutti tajaajila kennuuf qophaa'ee jira.
​Piroojektiin kun rakkoo dhiphina daree fi dulloomuu kutaalee mana barnootaa kana keessa ture furuun barattoota haala gaariin kan simatu fi istaandardii isaa kan eeggatedha.
​🙏 Galata Guddaa:
Kaka'umsa boonsaa hojjettoota waajjira keenyaa, tumsa Hoggansaa fi Poolisii Mana Amala Sirreessaa, akkasumas Bulchinsa Aanaa Gurawaa fi qaamolee deeggarsa nuuf gootan hunda onneerraa galatoomfanna!
Waajjira Abbaa Alangaa Godina Harargee Bahaa Addatti ulfaadhaa
​Dhaloota qaruun biyya ijaaruudha! 🇪🇹
Oromia Attorney General Bureau-Biiroo Abbaa Alangaa Waliigalaa Oromiyaa
​

28/08/2026

Jiilli Abbootii Alangaa Godina Harargee Bahaa Yaa'ii marsaa 6ffaa Abbaa Alangaa Naannoo Oromiyaa Magaalaa Adaamaatti gaafa 23-24/12/2018 gaggefamuuf jiru irratti hirmaachuuf imala turan imala isaanii xumurun magaalaa Adaamaa gahaniiru.