Enas Affan Law Firm

18/11/2024

#شقق الإسكان الاجتماعي
سعر الشقة ال 90متر
650 الف * 20% = 130000ج
يعنى لحد ما تروح البنك هتبقي دافع
130000ج كالتالى
30 الف مقدم
96 دفعات علي 3 سنين
4000ج عند مع البنك
المبلغ دا كله بيروح للصندوق
-----------------
باقي تمن الواحدة إللى هو
682,500ج شامل الصيانه - 130000ج المقدم
=552,500ج
دا المبلغ اللي هتدفع منه جزء مقدم للبنك
والباقي هيصرفلك علية القرض بفائدة 8%
ومقدم البنك بيتحسب علي حسب سنك ومرتبك

02/11/2024

النيابه العسكريه تعفي الهاربين من موقف التجنيد
تقوم إدارة السجلات العسكرية علي إنهاء موقف جميع المجندين الهاربين من وحداتهم العسكرية...
ممن بلغوا سن ٣٦ عام وإنهاء جميع إجراءاتهم وتسليمهم شهادة تأدية الخدمة العسكرية بدون توقيع غرامه مالية بعد تقديم المستندات الأتية...
١- فيش جنائي حديث موجه لإدارة السجلات العسكرية...
٢- عدد ٢ صورة من بطاقة الرقم القومي سارية...
٣- صورة من قسيمة الزواج الورقيه في حالة الزواج...
٤- الكارنيه والرخصة في حالة توافرهم...
٥- عدد ٢ صوره شخصية حديثة بيضاء...
٦- أصل شهادة الميلاد مميكنة وحديثة...
لذالك علي كل الأفراد الهاربين أستكمال أوراقهم والتوجة إلي إدارة السجلات العسكريه لأنها موقفهم التجنيدي...

27/10/2024

رسميا تم نزووول تفاصيل الاعلان 18
سكن لكل المصريين (5)
👈من يوم الاثنين 2024/11/18
👉الي يوم الاثنين 2024/11/25
🔴(للمواطنين من ذوي المهم فقط)
👈من يوم الثلاثاء/2024/11/26
👉الي يوم الثلاثاء 2024/12/24
🔴(لكافة المواطنين متضمنين ذوي المهم)
سعر كراسة الشروط
300ج
مصاريف ادارية
355ج
بنظام التمويل العقاري
منخفضي الدخل بفائدة8%
متوسطي الدخل بفائدة12%
لمدة تصل الي 20 عاما
والمقدم يبدا من 20% من إجمالي ثمن الوحدة
مقدمة جدية الحجز
للمحافظات 20الف
بالمدن الجديدة 30الف

طرح ((78730)) وحدة سكنية لمنخفضي ومتوسطي الدخل
مساحة تتراوح بين 75م الي 90م

((((((((((((((🎗️2395🎗️)))))))))))))))
وحدات سكينة جاهز للتسليم لمنخفضي ومتوسط الدخل
اسعار بيع تتراوح بين
184الف الي 400الف

بالمحافظات التالية.🏢🏢🏢🏢🏢
الجيزة / الشرقية / المنوفية
الفيوم/ الإسماعيلية /البحيرة
مطروح/ شمال سيناء/بني سويف / المنيا/سوهاج/جنوب سيناء/ سوهاج/قنا
اسيوط /الاقصر/اسوان

((((((((((((((((🎗️12990🎗️)))))))))))
وحدات سكنية جاهز للتسليم لمنخفضي الدخل
اسعار تتراوح بين
415الف الي 530الف

بالمدن الجديدة التالية .🏢🏢🏢🏢 🏢
اكتوبر الجديدة/العاشر من رمضان / برج العرب الجديدة /السادات/ اخميم الجديدة/ سوهاج الجديدة/المنيا الجديدة/ قنا الجديدة/ غرب قنا/طيبة الجديدة/اسوان الجديدة

((((())))))))(🎗️41782🎗️))))))))))))

وحدات سكنية تسليم خلال 36شهر لمنخفضي الدخل
بالمدن الجديدة التالية.🏢🏢🏢🏢🏢
حدائق العاصمة /15مايو /اكتوبر الجديدة/حدائق اكتوبر
العاشر من رمضان/برج العرب الجديدة/السادات/المنيا الجديدة/اسوان الجديدة
(((((((((معلومة تهمك جدا ))))))))

من اول سحب كراسة الشروط من البريد
لحد استلام الشقة
اعلان 18
سكن لكل المصريين (5)

حضرتك بتسحب كراسة الشروط ب٣٠٠ ج ل ٥٠٠ ج كحد اقصى
وبعد كدة بتدفع للشقة ال٩٠ متر جدية الحجز من ٣٠ ل٣٥ الف ....تقريبي
وبعد كدة بتجهز الأوراق وترفعيها على الموقع الإلكتروني
وبعد شهر من غلق الموقع من التقدم بتظهر النتيجة من 3الي 6 اشهر .......................................................
📢📢📢تنبيه هام جدا

🚫في ناس بتشتري كراسه الشروط وبعد كده بترجع في قرارها وتقول لاء مش هتقدم وهتبيع الكراسة لأي حد وبسعر اقل
نصيحة اوعا تشتريها منه نهائي ولو ببلاش .
علشان الكراسات بتتسجل علي السيستم باسم ورقم البطاقة ورقم موبيل صاحبها
يعني لو اشترتها من حد خارج مكتب البريد اسمك مش هيكون متسجل علي السيستم وكده ربنا يعوض عليك😌
.......................................................

🔴ماينفعش تسحب كراسة الشروط وانت خارج البلاد لأن لو بعد كده اطلب منك شهادة تحركات هيتم رفض الملف.
ولو انت داخل البلد بس مفيش وقت تروح تسحب الكراسة بنفسك
وهتبعت حد لازم يكون معاة اصل بطاقة الرقم القومى الخاصة بصاحب الطلب.......................................................
🔴لابد من تواجد صاحب الطلب وقت سحب كراسة الشروط من البريد (بالبطاقة الشخصية)
طب لو مش فاضى تعمل اية ؟؟
ممكن اى حد يروح يسحبلك كراسة الشروط بس لازم يكون معاة اصل البطاقة الشخصية 🙋‍♂

🔴قبل ما تشتري كراسة الشروط لازم رقم الموبيل بتاعك اللى هتسجله في البريد
وفي كراسة الشروط وعلي الموقع الإلكتروني يكون بأسمك لانة الوسيلة الوحيدة للتواصل معك من قبل الاستعلام والبنك
علشان الرقم لو مش باسمك وضاع او اتوقف وحبيت تغيرة هتتسوح وهتتعطل مدة طويل لحد ميتم تغير الرقم على السيستم😌.......................................................
🔴لو منطبق
هتبدأ تدفع اقساط ربع سنوية لمدة ٣٦ شهر
يعنى ٦ الف كل ٣ شهور لمدة ٣٦ شهر باجمالى ٧٢ الف جنية ....تقريبي
بعد ال٣ سنوات بينزلك استعلام من الصندوق للتاكد من الاوراق اللى تم تقديمها وقت نزول الاعلان
او لتبليغة باى مستجدات مثل تغير الوظيفة او السكن او تغير الحالة الاجتماعية
مع تجهيز المستندات الدالة على ذلك
وبعد كدة بتتحول للبنك الممول لتمويل الشقة

بعد كدة البنك بيعمل عليك دراسة ائتمانيه
لتحديد المقدم والقسط الشهرى
ودول بيختلفو من شخص لآخر ومن بنك لاخر وبيتحسب على حسب السن والدخل الشهرى والوظيفة وفترة التمويل
.......................................................

🔴لو بعد التقديم ورفع المستندات

وظهرت النتيجة منطبق

بس يكون المستندات اللى تم تقديمها على الموقع مظبوطة 100% يبقا تطمن ليك شقة وهتستلمها على حسب ترتيب الاولوية .حتى لو اتاخرت بس هتبقا ضامن اولويتك.

🔴لو وقت التقديم كنت شغال قطاع خاص ومرتبك فوق الحد الاقصى (للاعزب او المتزوج) وعملت ناصح وعملت شهادة دخل من محاسب قانونى علشان تظبط دخلك

للاسف هتتكشف وقت الاستعلام لان المستعلم هيطلب منك اثبات دخل حديث مثبت فية مدة عملك فى الوظيفة وطبعا هيطلع انك مزاول للمهنى قبل نزول الاعلان وهيطلب منك اثبات دخل بتاريخ التقديم وهيطلع اعلى من الحد الاقصى وقت التقديم 🏡

وطبعا هيبقا تضارب بيانات وهيتم استبعادك

وناس فى اعلانات سابقة تم استبعادها بسبب زيادة الدخل وقت التقديم ب١٠ جنية فقط😌....................................................

🔴فـي حالـة سـبق الحجـز بإحـدى مشـروعات الإسـكان الاجتماعـي دون التخصيـص والاسـتفادة: يشـترط تقديـم مسـتند يفيـد سـحب مقـدم جديـة الحجـز بالإعـالان السـابق.
....................................................

🔴لو عندك ارباح او حوافز لابد من ذكرها فى اثبات الدخل.

كلمة صافى الدخل لا تكفى.

لابد ذكر الدخل الشهرى او السنوى + الارباح الشهرية او السنوية + الحوافز الشهرية او السنوية.

لو شغال فى محل او سوبر ماركت او اى مكان تجارى

الافضل اعمل اثبات دخل ومدير المكان يمضى ويختمهولك ختم المحل وختم السجل التجارى

بلاش من عند محاسب قانونى

لان الاعمال الحرة اللى بتحتاج شهادة دخل من محاسب قانونى

بتبقا اعمال حرة بدون مكان ثابت (اعمال حرفية)

مش شرط ايصال المرافق يبقا باسم المتقدم

المهم يكون نفس عقد الشقة اللى هيتم تقديمة

🔴ولو كل الايصالات الالكترونية زى (ايصالات فورى) هتروح حضرتك تدفع فى مثلا شركة الكهرباء وتطلب ايصال مختوم مذكور فية عنوان السكن الحالى .

🔴مش مسموح تقديم الزوج والزوجة غير مرة واحدة فقط لان الزوج والزوجة ذمة مالية واحدة وليهم استفادة مرة واحدة فقط من مشاريع الدولة .

🔴مسموح للاخوات حتى لو ٥ اخوات انهم يقدمو فى اى اعلان لشقق الاسكان الاجتماعى حتى انهم ممكن يقدمو فى نفس الاعلان لان الاخوات ذمة مالية منفصلة

اهم شئ يكونو فوق ال٢١ سنة ويكون ليهم دخل ثابت.

🔴طب لو طالب فوق ال٢١ سنة وعايز يقدم ومفيش وظيفة

يقدم ازاى ؟؟؟؟؟

هيعمل شهادة دخل من محاسب قانونى معتمد بوظيفة اعمال حرة

بس خد بالك لابد ذكر انك مزاول للمهنة اكتر من سنة على الاقل

وتكتب دخلك اقل من المذكور فى كراسة الشروط

مع اخذ صورة كارنية المحاسب وشهادة مزاولة مهنة للمحاسب وتكون سارية

🔴سوال مهم
هو لو انا مرتبى زاد بعد التقديم هيتم استبعادى
اقدر اقولك لا طبعا
لان العبرة بالقبول والرفض بالنسبة للدخل وقت التقديم.......................................................

🔴🔴كدة وصلنا لاهم مرحلة🔴🔴

الملف بيمر بعدة مراحل🏡

١ - الاستعلام الميداني من الصندوق بعد مرور فترة الاقساط الربع سنويه.

٢- الاستعلام البنكي في المنزل والعمل من البنك.

٣- الدراسه الائتمانية (داخل البنك الممول) لمعرفة حالتك الائتمانية وقدرتك علي سداد الأقساط وده بيفرق حسب القطاع (خاص/عام / حر) والسن وفترة التمويل

٤ـ مرحلة التخصيص الوحده وده بعد موافقة البنك علي الدراسة الائتمانية وابلاغك للعرض وموافقتك عليه.

٥- عمل التوكيل بالوحده للبنك وتوقيع العقود

٦- استلام العقد وده في خلال من ٣ الي ٦ شهور.

٧- تقديم الملف للجهاز (صورة العقد وبطاقات الرقم القومي وقسيمة الزواج) بعد استلام العقد واستلام محاضر الاستلام.

٨- التعاقد علي المرافق و امضاء محضر الاستلام واستلام الوحده.

17/08/2024

01/07/2024

16/06/2024

انا لله وانا اليه راجعون
بقلوب مؤمنه بقضاء الله انعي
أستاذي و قدوتي أول من علمني المحاماه رمز من رموز المحاماه بالمنوفية
الأستاذ/ سعيد عوض
الذي وافته المنيه اليوم في الأراضي السعودية
والله ما رأيت منك إلا كل خير كنت ديمآ بتقولي إنتي بنتي قبل أي صله تربطني ب أهلك
خبر وفاتك كان صدمه
ابكيت قلوبنا قبل عيوننا بخبر رحيلك
اللهم اغفر له و أرحمه إنك الغفور الرحيم
💔💔💔

10/06/2024

نفى المركز الإعلامى للأزهر تصريحًا منسوبًا لفضيلة الإمام الأكبر الدكتور أحمد الطيب، شيخ الأزهر الشريف، انتشر فى شكل تصميم على مواقع التواصل الاجتماعى..

14/04/2024

ًا لجميع المجندين الهاربين من وحداتهم العسكرية مِمَن بلغوا سن ٣٦ عام👇👇👇

تقوم إدارة لجميع المجندين الهاربين من وحداتهم العسكرية ممن بلغوا سن ٣٦ عام..
تقوم إدارة السجلات العسكريه إنهاء جميع إجراءاتهم وتسليمهم شهادة تأدية الخدمة العسكرية بدون توقيع غرامه مالية بعد تقديم المستندات الآتيه:
١- فيش جنائي حديث موجه لإدارة السجلات العسكريه.
٢- عدد ٢ صورة من بطاقة الرقم القومي ساريه.
٣- صورة من قسيمة الزواج الورقيه في حالة الزواج.
٤- الكارنيه والرخصة في حالة توافرهم.
٥- عدد ٢ صوره شخصية حديثة بيضاء.
٦- أصل شهادة الميلاد مميكنه وحديثه.
وذلك علي جميع الأفراد الهاربين إستكمال أوراقهم والتوجه إلى إدارة السجلات العسكريه لإنهاء موقفهم التجنيدي.
منقول من صفحة المستشار / عادل عرفات العسكريه بإنهاء جميع إجراءاتهم، وتسليمهم شهادة تأدية الخدمة العسكرية، بدون توقيع غرامه مالية، بعد تقديم المستندات الآتيه:-
١/ فيش جنائي حديث موجه لإدارة السجلات العسكريه.
٢/ عدد ٢ صورة من بطاقة الرقم القومي سارية.
٣/ صورة من قسيمة الزواج الورقيه في حالة الزواج.
٤/ الكارنيه والرخصة في حالة توافرهم.
٥/عدد ٢ صوره شخصية حديثة بيضاء.
٦/ أصل شهادة الميلاد مميكنه وحديثة.

وعلى جميع الأفراد الهاربين إستكمال أوراقهم والتوجه إلى إدارة السجلات العسكريه لإنهاء موقفهم التجنيدي.

ولأجل العلم،،،،