https://www.facebook.com/979332652219796/

البركة للمحاماة والاستشارات القانونية, Shubra El Kheima (2026)

08/12/2025

08/12/2025

هاحكيلكم حكاية تكسف وتوجع القلب
بنت لسه عروسة بقالها شهر ونص. الدورة اتأخرت فروحت لدكتور واضح إنه قليل خبرة أو مش بيعرف يتعامل مع كل أنواع البشر. قال لجوزها: مبروك يا باشا المدام في الشهر التاني.

جوزها خرج من عنده زي الطور الهائج وبدون ما يفهم ولا يسأل ولا يعقل الكلمة. بدأ يتهمها: حامل في مين وإزاي. وفضل يصرخ ويفضحها قدام أهله وخصوصًا أمه الكبيرة اللي المفروض تكون عاقلة. لكن الجهل للأسف بيعمل أكتر من كده.

مع إن أي حد فاهم كان هيعرف إن الحمل حصل في أول أيام الجواز وإن الأطباء بمجرد ما الحمل يعدي أربع أسابيع بيقولوا مجازًا إنها دخلت في الشهر التاني. بس مفيش عقل.

الصدمة الأكبر إن أهلها اللي المفروض يبقوا سندها استسلموا لكلامه بدل ما يقفوا له وقفة رجالة ويدافعوا عن بنتهم. وافقوا يعملوا لها البشعة علشان تثبت شرفها. أيوه نفس الطقوس الجاهلة اللي فيها بيكوي لسانها بالنار علشان يشوفوا هتتلسع ولا لأ.

البنت وهي مقهورة ومكسورة ومرعوبة وافقت. وقعدت ترتعش وعيونها بتبرق من الخوف وقلبها حرفيًا هيقف علشان بس تثبت إنها شريفة. وبعد ما اتلسعت واتعذبت نفسيًا وجسديًا الشيخ قال البنت بريئة. فبدأت أمها تزغرط والبنت منهارة وعمالة تعيط من الذل والقهر.

ربنا يعافينا من الجهل ويحمينا من سواد القلوب وضيق العقول. 💔