01/05/2026
أول واهم درس #تسويق
منذ حوالي 3,700 سنة او يمكن اكثر ⌛️…!
في ناس كتير بأقابلهم وأناقشهم واحياناً يجمعنا الشغل وبشوف انهم بيشوفوا التسويق والترويج علي انه لعبة 🧸…!
اعتقد ان عندنا Masterclass في التسويق والاستراتيجية والأخلاقيات التجارية والتنافسية مهم لازم نتعرض له…!
هنربط فيه قصة قوم مديَن من القرآن مع النبي شعيب عليه السلام بكل العناصر اللي بتهم أي Marketer أو Business Owner النهارده.
تخيل بقي الدروس المهمة في البيزنس والتسويق من القرن السابع عشر قبل الميلاد
لما القرآن يعلّمنا الماركتينج الصح…!
قصص القران، لو قريناها بعين العقل وتدبرنا معانيها كما امرنا الله، ممكن تطلع منها بـMBA في التسويق والإدارة.
خلينا نتكلم عن قوم مدين، وكانوا من أسوأ الناس معاملة…!
ونبي الله شُعيب عليه السلام، والذي وصفه النبي محمد ﷺ بانه خطيب الأنبياء واللي ربنا ذكر قصته في أكتر من سورة، وفي حوالي 11 موضع في القرآن …
بس هنركّز النهارده على سورة الأعراف لإنها الأكثر تفصيلًا
يقول الله تعالي:
﷽
﴿وَإِلَىٰ مَدْيَنَ أَخَاهُمْ شُعَيْبًا ۚ قَالَ يَا قَوْمِ اعْبُدُوا اللَّهَ مَا لَكُم مِّنْ إِلَـٰهٍ غَيْرُهُ ۖ قَدْ جَاءَتْكُم بَيِّنَةٌ مِّن رَّبِّكُمْ ۖ فَأَوْفُوا الْكَيْلَ وَالْمِيزَانَ وَلَا تَبْخَسُوا النَّاسَ أَشْيَاءَهُمْ﴾ [الأعراف: ٨٥]
إيه اللي حصل في مديَن؟
مديَن كانت مدينة مزدهرة جدًا. شغالة في البيع والشراء، وعندهم حركة سوق نشيطة.
بس كان عندهم مرض خطير…!
الغش التجاري بكل اشكاله.
كانوا مثلاً:
بيقللوا في الوزن والميزان
بيرفعوا الأسعار من غير اسباب ولا وجه حق
بيظلموا الناس في التسعير ويغشوا في الجودة
ويعلنوا عن المنتجات كأنها premium وهي أقل من كده بكتير
هل ده اللي بيحصل النهارده؟
خلينا نشوف…
طبعًا!
Shrinkflation (تقليل حجم او وزن المنتج والبيع بنفس السعر)
False Advertising (إعلانات مضللة علشان الترند)
Hidden Fees (تكاليف مش واضحة للعميل أو مستخبية)
Promising more than delivering (الوعد بالكثير وتقديم قليل)
النبي شُعيب عليه السلام طلع ينصحهم نصيحة من ذهب،
﴿أوفوا الكيل ولا تكونوا من المخسرين. وزنوا بالقسطاس المستقيم. ولا تبخسوا الناس أشياءهم﴾
يعني باختصار ادّي الناس حقها.
علشان كده سيدنا ونبينا محمد ﷺ وصفه بانه خطيب الأنبياء، لمراجعته قومه…!
زي ما تلاقي حد النهارده بدل ما يجري وراء الترند يقول علي الغلط غلط …!
في #التسويق، هو ده الصح وبنطلق عليه اسم Value Proposition علشان يبقي شغلك بجد Value-Based – التسويق لازم يبقي قائم على تقديم القيمة، مش على الخداع ولا الإبهار الكاذب والتضليل ومخالفة القانون والاعتداء علي القيم الانسانية والاجتماعية والأخلاقية والثقافية.
علم الاقتصاد السلوكي النهارده بيحكي نفس القصة
لما السوق يحس إنك بتغشه، بتحصل ٣ حاجات:
اولاً: Loss Aversion – الزبون بيزعل أكتر لما يُخدع، أكتر بكتير من فرحته لما ياخد حاجة كويسة.
ثانياً: Trust Erosion – الثقة بتنهار بسرعة، والسمعة بتنهار وبالتالي البراند.
ثالثاً: Consumer Retaliation – الزبون مش بس بيبعد، ده ممكن ينتقم (Bad Reviews، فضايح على السوشيال ميديا، Boycotts أو مقاطعة)
زي ما حصل مع شركات كتير كانت ترند في يوم من الايام وبعدين …. الانهيار كان سريع ومفاجئ
قوم مديَن عملوا ايه؟
نفس اللي بيحصل من شركات وبراندات ومديرين بنشوفهم النهارده …!
﴿قَالَ الْمَلَأُ الَّذِينَ اسْتَكْبَرُوا مِن قَوْمِهِ لَنُخْرِجَنَّكَ يَا شُعَيْبُ وَالَّذِينَ آمَنُوا مَعَكَ مِن قَرْيَتِنَا﴾
[الأعراف: ٨٨]
اول رد فعل الظالمين هو التَكبُر
الرد ماكانش حوار منطقي… لأ، كان تعالي واستكبار.
زي ما تسمع النهارده حد من دول بيقول
“إحنا عندنا 30 سنة خبرة وعرفين بنعمل إيه، مين انت عشان تكلّمنا؟!”
أو زي ما بنشوف بعض المديرين في شركات فاشلة، أول ما تيجي تسألهم او تنصحهم تسمعهم بيقولوا “ليه هو حد كان اشتكي لك؟”، او يقولك “العميل بيدلع”، او "هو السوق بيمشي كده!"، او يقول لك مثلاً "اللي انت بتقوله ده حلو بس علي ارض الواقع حاجة تانية" او "الكلام الاكادمي اللي مالهاش علاقة بالواقع ده"
طيب والنتيجة وجزاءهم من ربنا كان ايه؟
﴿فَأَخَذَتْهُمُ الرَّجْفَةُ فَأَصْبَحُوا فِي دَارِهِمْ جَاثِمِينَ﴾
[الأعراف: ٩١]
يعني بلغة النهارده السوق وقع، والفقاعة انفجرت والمدينة اللي كانت عايشة في رفاهية وبتلعب بالفلوس لعب، اصبحت خراب وتدمرت بالكامل.
نهاية أي بيزنس او براند او مجال عمل (او سوق او قطاع كامل) مبني على الغش والكذب وشغل الكارتيلات والممارسات الفاسدة.
النهارده بنشوف ده في collapse بيحصل كل يوم
Collapse of tech startups بسبب تسويق كاذب
انهيار شركات عريقة بسبب تجاهل العميل
Brands بتقع عشان ماكانتش بتسمع feedback
طيب، لو إحنا مكان قوم مديَن… ربنا يعافينا جميعاً، المفروض نعمل إيه؟
الدرس من النبي شعيب (عليه السلام) للمسوقين النهارده والوصية هي التطبيقات الحديث من كتاب الماركتينج
أوفوا الكيل — يعني قدّم قيمة حقيقية للعميل (Product / Service)
الميزان المستقيم — Pricing عادل وواضح – مفيش مفاجآت
لا تبخسوا الناس أشياءهم — متقللش من القيمة اللي العميل بيشتريها، ولا توهمه بحاجة مش حقيقية
لا تسعَ في الأرض فسادًا — متقلبش السوق بسياسات تسويقية مدمرة بحجة الترند وتسخر من المنافسة أو القيم الثقافية أو العملاء.
القرآن مش بس بيدينا عقيدة… بيدينا منهج للحياة وممكن نتعلم منه ماركتينج محترم.
قصة قوم مدين مش قصة في التاريخ وبس، دي blueprint للـ Business Ethics ودرس حيّ في
بناء الثقة — Branding
التسعير العادل — Pricing
احترام المستهلك — Customer Loyalty
فهم السوق — Marketing Analytics
التواضع في الإدارة — Serving Leadership
لو إنت صاحب بيزنس أو مهتم بالتسويق… اقرأ سورة الأعراف، مش بس كعبادة، لكن كـ Manual للتسويق الأخلاقي واللي يرضي ربنا عنك ويبقي دينك منهج عمل ومعاملات وعبادة.
تخيل تكسب حسنات وانت بتكسب فلوس
خلينا كلنا نتعاهد علي التقوي لله في عملنا وفي معاملتنا
وربنا يتقبل منا ومنكم وكل عام وانت بخير
لعلها بداية جديدة لكل من قراء وهو عازم علي العمل الصالح وعدم المراوغة وتبرير الممارسة السيئة اللي مع الاسف في كتير عيونهم وأذانهم اتعودت عليه
يقول الله تعالي في سورة هود
﷽
"فَاسْتَقِمْ كَمَا أُمِرْتَ وَمَنْ تَابَ مَعَكَ وَلَا تَطْغَوْا إِنَّهُ بِمَا تَعْمَلُونَ بَصِيرٌ" [هود: 112]
صدق الله العظيم
