20/10/2024
جات لي مكالمه تليفون من فتره من واحد صاحبي عزيز عليا قوي كلمني وقال لي ازيك يا استاذ خالد عامل ايه دلوقتي احنا معانا مشكله كبيره محتاجين استشاره قانونيه طبعا قلت له اتفضل قال لي ان في واحده قريبته من البلد ابوها مصمم يجبرها على الجواز من ابن شيخ البلد وانا رديت عليه وقلت له يوم كاتب الكتاب خلي البنت ترفض ترفض الجواز قدام الماذون قال لي الكلام ده عندكم في القاهره وبس اما عندنا في البلد الماذون ممكن يكتب عرفي عادي ومش هيسجل العقد قلت له طيب خليها ترفض التوقيع قال لي ان الماذون معدوم الضمير اللي موجود في البلد دي على اتفاق مع الاب وان مستعد يكتب الكتاب حتى مع عدم توقيع البنت على عقد الجواز قال لي ما تشوف لنا حل كده طبعا زيي زي اي محامي ممكن يخطر في باله اول حل وهو ان البنت تحاول تكلم اي حد من قرايبها و تحكي له مشكلتها الا ان هو قال لي ان الاب ده اب متسلط جدا وناس كبيره قوي من العيله بتاعتهم حاولوا يتدخلوا ويقنعوه ويعرفوه ان اللي بيعمله ده غلط وحرام شرعا وان حتى لو من حقه تزويج بنته زي ما هو بيقول فربنا ما امرناش بالتعسف في استخدام الحق اللي ادهولنا لان هيجي يوم القيامه وهيتسال عليها قلت له كده ما قدامكش غير حل واحد اديني البنت اكلمها رديت عليها وقلت لها كده ما قدامناش غير حل واحد بس هل انتي علي استعداد تقفي قدام والدك في المحكمه قالت لي ما قداميش حل تاني انا ما بطلبش غير حقي انا عايزه حقي وبس من اللحظه دي انا قررت اساعد البنت وطلبت منها انها تعملي توكيل بسرعه جدا وبمجرد ما انا استلمت منها التوكيل وباقي المستندات توجهت فورا على محكمه الاسره اللي هم تابعين ليها ورفعت🔴 دعوي(عضل الولي) ودي اللي معناها باختصار علشان ما اطولش عليكم في البوست هي اني بطلب من محكمه الاسره تحل محل الاب وتبقى هي الولي مكانه ويتم تزويج البنت رسمي شرعي قانوني
وحتي الان احنا قدام القضاء وعندنا إصرار علي حل هذا النزاع مهما كلفنا الأمر
لو حد حابب يستفسر عن الدعوي دي او حد عنده مشكله زي البنت دي يكلمني فورا 01062227336📞
أ/ خالد علي المحامي
