محمد ماهر _Mohamed Maher

Directions

محمد ماهر _Mohamed Maher المستشار محمد ماهر القرعاني المحامي لدي المحاكم الجنائية والمدنية والعسكرية ومجلس الدولة وعضو اتحاد المحامين العرب
وتس/01090522022

أخطر جريمة في المحكمةتسرق فلوسي ماشي... تاخد القلم بتاعي؟ دي بقا فيها سجن 😂فيه حاجات كتير بتستفز المحامي في المحكمة منها...
03/10/2026

أخطر جريمة في المحكمة

تسرق فلوسي ماشي... تاخد القلم بتاعي؟ دي بقا فيها سجن 😂

فيه حاجات كتير بتستفز المحامي في المحكمة منها مثلا
التأجيل أو الموظف الرخم او الزحمة أو الحر

بس أكتر حاجة بتجيب جلطة للمحامي؟
لما حد يقوله: يا أستاذ ممكن القلم لحظة ... وميرجعوش

سيناريو الكارثة بيحصل كده 👇
انت : قاعد بتكتب في مذكرة مهمة أو بتخلص شغل معاك و دمك محروق وفجأة
زميل : ممكن تسلفني القلم ثانية
انت : عيوني خد يا باشا
بعد ساعة : بتدور على القلم ... اختفى واللي خده منك اختفي
انت : بتقلب الدنيا تسأل السكرتير بتسأل الحرس🤣
النتيجة : اعصابك باظت و خسرت القلم ابو الـ 20جنيه اللي شاريه من شهر

يا جماعة القلم ده مش مجرد قلم.. ده فيه توقيعات ناس ...ده سلاح المحامي

قانون المحكمة الغير المكتوب 📜
القلم اللي تاخده لازم يرجع في نفس الثانية
لو ضاع القلم ... انت مطالب بقلمين بداله🤣
اللي بياخد القلم ومبيرجعوش... محدش بيسلفه تاني طول عمره








إرجاء قانون الإجراءات الجنائية الجديد... ليه وهنستفيد ايه؟الدولة قررت تأجل تطبيق قانون الإجراءات الجنائية الجديد الي أجل...
01/10/2026

إرجاء قانون الإجراءات الجنائية الجديد... ليه وهنستفيد ايه؟

الدولة قررت تأجل تطبيق قانون الإجراءات الجنائية الجديد الي أجل غير مسمى
القرار ده عامل زلزال في الوسط القانوني

طيب الاول يعني ايه إرجاء؟
يعني القانون اللي كان المفروض يطبق خلاص استنى فترة من الزمن عشان يتم تنفيذه يعني هنفضل شغالين بالقانون القديم زي ما احنا لحين تنفيذ القانون الجديد وإقراره

طيب ليه اتأجل؟

اول حاجة المحاكم مش جاهزة لتنفيذه
القانون الجديد فيه التحقيق الإلكتروني و الجلسات عن بُعد و ملف الدعوى الرقمي
المحاكم والنيابات لسه البنية التحتية بتاعتها متستحملش

تاني حاجة المحامين كانوا معترضين عليه
القانون 500 مادة نصوص اتغيرت
لو طبقناه من بكره المحامين والقضاة والموظفين عايزين تدريب وتكاليف ....الخ

تالت حاجة الخوف من الفوضى
ناس بتقول لو طبقناه دلوقتي المتهمين هيطلعوا عشان الإجراءات اتغيرت
وناس تانية بتقول التأجيل ده تعطيل للعدالة

طيب القانون الجديد هيجيب ايه؟
للمتهم ضمانات اكتر محامي من أول لحظة القبض مدد حبس احتياطي أقل
للنيابة صلاحيات أوسع في التحقيق الإلكتروني
للمحامي شغل اكتر بس مسؤولية اكبر

*السؤال هنا انت مع التأجيل ولا ضده؟
مع التأجيل... نطبقه صح احسن ما نطبقه غلط ونظلم ناس
ولا ضد التأجيل






#العدالة
#المحاماة

ورقة المعارضة بـ 10 جنيه... والمحامي بياخد 2000 جنيه مثلا ؟ ردا علي أحد التعليقات تعالى افكلك الحسبة اللي كتير من الناس ...
24/09/2026

ورقة المعارضة بـ 10 جنيه... والمحامي بياخد 2000 جنيه مثلا ؟ ردا علي أحد التعليقات

تعالى افكلك الحسبة اللي كتير من الناس مش فاهمينها

قبل ما تقول نصب وخلافه ... احسبها معايا 👇

الـ 10 جنيه بتوع ايه؟
دي اسمها رسوم خزنة تابعة للدولة يعني تمن الورقة من غير الدمغة و تصوير الملف والضرائب و مستندات و زيادة الرسوم ده مش أتعاب

طب الـ 2000 جنيه بتوع ايه؟
انت مش بتدفع تمن الورقة بس انت بتدفع تمن حوالي 4 حاجات:

الأولي تمن الغلطة
لو المحامي كتب تاريخ غلط المعارضة اترفضت و الحكم اتأيد هوب ابنك يلبس 3 سنين الـ 2000 دول تمن تركيزه

الثانية تمن اللف والجري 🏃
محكمة و نيابة وجدول و خزنة و قلم كتاب و وقفة من 8 الصبح لـ 2 الضهر يوم كامل ضايع و بنزين ومواصلات وانتظار الجلسات بالساعات ومتابعة القرارات ...الخ ومكتب وتكاليف وانك دائما بتقعد تتصل عليه وعايزه يطمنك كانه مش معاه قضايا تاني

ثالث حاجة تمن المسؤولية اللي بتكون علي عاتق المحامي
هو اللي هيقف قدام القاضي ويتكلم
هو اللي هيتسال فين الدفوع؟ ولو فيه مذكرات وترتيب
لو خسرت القضية بسببه انت ممكن تتحبس هو شايل اسمك على رقبته

رابع حاجة تمن الخبرة
انت ممكن تروح تعملها بـ 10 جنيه... بس القاضي هيسألك سؤالين تتلخبط
هو دافع 7 سنين كلية و تدريب محاماة و بهدلة عشان يعرف يرد

في النهاية انت مابتدفعش 2000 عشان الورقة ... انت بتدفع 2000 عشان الورقة دي متتقلبش ضدك

زي الدكتور... الحقنة بـ 5 جنيه بس الكشف بـ 500 ج ما بدفعش تمن الحقنة بدفع تمن التشخيص

امتى نقول ده تاجر فعلاً؟
لما ياخد 2000 وميحضرش أو ميشتغلش غير كده؟ ده اسمه رزق وشغل





#المعارضة
#المحاماة

المحامي مش بيبيع كلام... المحامي بيبيع وقت  فرق ساعة واحدة ممكن تطلعك براءة... أو تلبسك 3 سنينناس كتير فاكرة المحامي بيت...
19/09/2026

المحامي مش بيبيع كلام... المحامي بيبيع وقت
فرق ساعة واحدة ممكن تطلعك براءة... أو تلبسك 3 سنين

ناس كتير فاكرة المحامي بيترافع وبس لكن الحقيقة المحامي درعك وامنك 👇

5 حاجات المحامي بيعملها وانت نايم

اولا بيحسبلك الميعاد الطعن
يوم زيادة يعني حقك سقط
يوم بدري قضيتك اترفضت
المحامي هو اللي بيجري عشان القطر ميفوتكش

ثانيا بيترجم القانون لك وبيفهمك المادة 234 عقوبات دي حبس ولا غرامة؟ غيابي يعني ايه؟ شكلاً يعني ايه؟
هو المترجم الوحيد بينك وبين القاضي مش تسمع للناس علي القهوة والمفروض تعمل او كذا

ثالثا بيشيل عنك التوتر وبيتحمله هو
هتروح القسم تقول ايه؟ هتمضي على ايه؟ هترد ازاي؟
غلطة كلمة معناها اعتراف
المحامي بيقولك اسكت في الوقت الصح

رابعا بيدور على الثغرة القانونية ويذاكر قضيتك والمراجع القانونية القاضي نسي سبب في الحكم؟
الظابط كتب المحضر غلط؟ دي اسمها براءة عندنا

خامسا بيحميك من نفسك
أصل انا هشرح للقاضي انا مظلوم
= أكبر غلطة
المحامي هو اللي بيتكلم عشان كلامك ميتقلبش ضدك عشان القانون ملهوش صالح بنيتك وانما بالورق

طيب امتى بقا تحتاج محامي؟
مش لما تتحبس .... لا لا لا
تحتاجه قبل ما تمضي
قبل ما تشتري
قبل ما تتجوز
قبل ما تطلق
قبل ما تشارك حد في شغل

الوقاية خير من العلاج ...المحامي مش مصروف زيادة
المحامي تأمين على حريتك وفلوسك وسمعتك



#المحاماة



3 جمل لو قلتها في القسم هتوديك في داهيةناس كتير بتروح القسم بنية سليمة... وبتطلع متهمة ليه؟ عشان الكلام 👇اوعى تقول الـ 3...
17/09/2026

3 جمل لو قلتها في القسم هتوديك في داهية

ناس كتير بتروح القسم بنية سليمة... وبتطلع متهمة ليه؟ عشان الكلام 👇

اوعى تقول الـ 3 جمل دول

اول حاجة اوعي تقول الجملة دي "انا معملتش حاجة بس كنت موجود" دي اسمها "اعتراف بالمشاركة"
القانون بيقول: اللي واقف وساكت معناه شريك في ارتكاب الجريمة حتى لو متفرج

تاني حاجة اوعي تقول اصلي "مضيت عشان أطلع بس"
الإمضاء معناه إقرار
حتى لو قالولك "دي إجراءات" اوعى تمضي على محضر انت مقريتوش كلمة كلمة من حقك تطلب محامي من أول دقيقة بالقانون الجديد

تالت حاجة متقولش "سيبوني أتصالح معاه ودي"
الصلح الودي مينفعش في كل القضايا
فيه قضايا اسمها "حق المجتمع" زي الضرب تفضي الي موت والسرقة دي النيابة لازم تكملها حتى لو اتصالحتوا

طب أقول ايه لو روحت القسم؟🤔

قاعدة ذهبية واحدة من حقي أتكلم في وجود محامي
بس واسكت أي كلمة زيادة ممكن تتقلب ضدك

فقبل ما تفتح بوقك... فكر 3 مرات






#المحاماة

⚠️ تنبيه هااام جداً لكل الناس ⚠️  تعديل قانون الإجراءات الجنائية الجديد هيبدأ 1 / 10 / 2026لو عندك حكم أو قضية... ركز في...
16/09/2026

⚠️ تنبيه هااام جداً لكل الناس ⚠️
تعديل قانون الإجراءات الجنائية الجديد هيبدأ 1 / 10 / 2026

لو عندك حكم أو قضية... ركز في الكلام ده كويس 👇

ايه اللي هيتغير وممكن يضرك؟

بسبب تطبيق القانون الجديد هيحصل 2 كارثة:

الأولي وهي حرمان المحكوم عليهم غيابياً
مش هتعرف تعمل أي معاملة حكومية ولا قانونية زي بطاقة، شهر عقاري، بنك... كله هيقف

التانية وهي التوكيلات كده يعتبر باظت
مبقاش ينفع تعمل توكيل للمحامي ويحضر مكانك لازم انت بنفسك تحضر في كل الإجراءات وده بيضاعف المخاطر عليك جداً عند الطعن على الأحكام.

طيب الحل ايه؟ نعمل ايه دلوقتي؟

لو راغب في توقيع المعارضات والطعون القانونية لازم تسرع وتعمل التوكيل الرسمي للمحامي قبل 1/10/2026

عشان تلحق تخلص ورقك قبل ما مصالحك القانونية كلها تتعطل
القانون الجديد بيقولها الحق نفسك قبل فوات الأوان واظبط ورقك

شير البوست ده عشان توصل لأي حد عنده قضية 👇
ومنشن صاحبك اللي عليه أحكام غيابي

مع تحيات
محمد ماهر القرعاني المحامي
للاستشارات القانونية وأعمال المحاماة
للتواصل 010 90522022






#محامي

ازاي قضية واحدة تجيبلك حكمين؟⚖️  حكم بالحبس  وكمان حكم بالفلوساه والله... غلطة واحدة ممكن تدمرك مرتين 👇المحامين مسمينها ...
13/09/2026

ازاي قضية واحدة تجيبلك حكمين؟⚖️
حكم بالحبس وكمان حكم بالفلوس
اه والله... غلطة واحدة ممكن تدمرك مرتين 👇

المحامين مسمينها التوأم الملعون 😂

القصة ببساطة: فعل واحد ممكن يجيب عليك قضيتين

الدولة شايفة الغلط من زاويتين:

الزاوية الأولي عن طريق القانون الجنائي ودا بيكون عن حق المجتمع في الجريمة المرتكبة بمعني انت كسرت القانون
العقوبة بتكون لاما الحبس أو الغرامة أو كليهما
اللي بيرفعها وبيتكلم باسم المجتمع والدولة فيها النيابة العامة
الهدف بيكون احنا نعاقبك عشان متعملش كده تاني

الزاوية التانية عن طريق القانون المدني ودا بيكون عن حق الشخص اللي هو انت أذيتني
العقوبة هنا مش بتكون تعويض عبارة عن فلوس وليس حبس
اللي بيرفعها هو المجني عليه اللي وقع الضرر عليه
الهدف منها نعوضك عن الضرر اللي حصلك

من الأمثلة الواقعية هتفهمك كل حاجة

✍️ حادثة العربية
خبطت واحد بعربيتك واتوفي
القانون الجنائي هنا هيعاقبك بتهمة قتل خطأ وعقوبته لتصل حتي 3 سنين حبس
طيب والقانون المدني هو أن أهل المتوفي رفعوا تعويض مثلا بمبلغ 500 ألف جنيه كتعويض
النتيجة بقا انت دخلت السجن وكمان طلعت عليك فلوس تعويض

✍️ أهم قاعدة لازم تعرفها
أن الجنائي بيحكم الأول... والمدني بيستناه
القاضي المدني مينفعش يحكم غير لما الجنائي يخلص
ليه؟ عشان لو الجنائي قال "براءة" يبقى المدني هيطير

بس لو الجنائي قال إدانة يبقا انت لبست في المدني 99%

يعني انت ممكن تغلط غلطة في 10 ثواني...تاخد حكم يحبسك + حكم يفلسك

عشان كده بنقول: فكر قبل ما تمد ايدك أو تمضي

مكتب المستشار محمد ماهر المحامي
للتواصل واتس 010 90522022


#المحاماة

لو اتعرضت للقبض غير القانوني تعمل ايه؟  احفظ البوست ده ممكن تحتاجه في أي وقتالقبض غير القانوني أو أي حد يقبض عليك من غير...
10/09/2026

لو اتعرضت للقبض غير القانوني تعمل ايه؟
احفظ البوست ده ممكن تحتاجه في أي وقت

القبض غير القانوني أو أي حد يقبض عليك من غير أمر نيابة ولا حالة تلبس ده يعتبر جريمة

خطة النجاة في خطوات

✍️ وانت بيتقبض عليك
خليك هادي ومتقاومش عشان متتقلبش ضدك جريمة مقاومة سلطات المقاومة مش هتنفعك
اسأله الأسئلة دي حضرتك مين؟ سبب القبض ايه؟ فين أذن النيابة؟ لو مفيش إجابة كده القبض يعتبر فيه بطلان
قول الجملة دي عايز أكلم محامي او عايز أبلغ أهلي


✍️ طيب لو انت محجوز
اسكت من حقك متتكلمش غير بحضور محامي أي كلام هتقوله ممكن يتكتب ضدك
و متوقعش على أي ورق ولا محضر ولا اعتراف إلا والمحامي بتاعك موجود
اطلب دكتور لو اتعرضت لضرب اطلب توقيع كشف طبي فوراً

✍️ لو حد من أهلك هو اللي اتقبض عليه تتصرف ازاي
1- اعمل تلغراف فوراً للنائب العام ووزير الداخلية
2 - بلاغ للمجلس القومي لحقوق الإنسان 16000
3 - شوفله محامي يحضر ويتخذ الإجراءات القانونية المناسبة

القانون في صفك الدولة بس هي اللي من حقها تحبسك وبأمر نيابة غير كده اسمه خطف

احفظ الرقم ده المجلس القومي لحقوق الإنسان 16000






#المحاماة

اسأل أي محامي السؤال ده:  يا تري تاخد مليون جنيه وتسكت عن مظلوم؟"90% هيقولك: ولا بفلوس الدنيا عشان احنا مش بنبيع كلام......
07/09/2026

اسأل أي محامي السؤال ده:
يا تري تاخد مليون جنيه وتسكت عن مظلوم؟"

90% هيقولك: ولا بفلوس الدنيا

عشان احنا مش بنبيع كلام...
احنا بنأجر وقتنا بالساعة عشان نطمنك بعد ربنا 💪
مش بنبيع ضمائرنا

المحامي ده مين؟

هو اللي الموكل بتاعه يقوله يا أستاذ أنا غلطان
فيقوله تعالى.. هنحاول نخف عنك مش يلا بره ممكن تلحقه من بدايته وتعرف تصلحه

هو اللي يبات في القسم عشان واحد ميعرفوش
بس عشان الغلط مينفعش يتسكت عليه

هو اللي يدخل قاعة المحكمة جيبه فاضي
ويطلع منها شايل دعوات أم المتهم لحد ما يموت

الروب الاسود ده تقيل ... تقيل مسئولية ...تقيل سهر ... تقيل ظلم ناس بنشيله من عليهم

فـ متجيش تقولي المحامين بتوع فلوس وتسكت
تعالى شوف بنسهر ازاي عشان كلمة براءة

تحدي للمحامين اللي هنا 👇
اكتب في كومنت أصعب قضية دخلت قلبك و يلا نشوف مين فخور بمهنته بجد ❤️


إعلان مطلوب قاضي وظابط سابق بمرتب 50 ألف طيب وانا المحامي الغلبان اروح فين؟ 😭قريت الإعلان بتاع مطلوب رئيس محكمة سابق ب50...
06/09/2026

إعلان مطلوب قاضي وظابط سابق بمرتب 50 ألف طيب وانا المحامي الغلبان اروح فين؟ 😭

قريت الإعلان بتاع مطلوب رئيس محكمة سابق ب50 ألف جنيه قعدت حسبتها كده

القاضي السابق هياخد 50 ألف
ضابط مكافحة مخدرات برتبة عميد هياخد 50 ألف
طيب وأنا المحامي اللي طالع عيني من2016 وبيقولوا هيصل 20 ألف يعني ممكن يصل وممكن ميصلش صح

يعني انا اللي بلف في المحاكم وبشيل القضايا ويجيلي الضغط وهو يجي يقعد على المكتب وياخد الضعف؟
فين العدل يا أساتذة انا معاكم أن إعلان زي ده فيه رفعة شأن المحاماة والمحامين

الإعلان ده مش مجرد توظيف ده إعلان إن المكتب معاه فلوس اللي هو بصوا يا جماعة انا بدفع 50 ألف حتى لو محدش هيقدم 😂

بس بجد... لو حد يعرف القاضي أو الظابط اللي هيوافق يقعد يكتب مذكرات ب50 ألف يقولي عليه عشان أروح وأتعلم منه الرضا 😂

المحامين اللي هنا انت بتاخد كام؟ بصراحة 👇
واللي شايف نفسه يستاهل 50 ألف يعمل كومنت أنا





Address

Nag Hamadi

Website

Alerts

Be the first to know and let us send you an email when محمد ماهر _Mohamed Maher posts news and promotions. Your email address will not be used for any other purpose, and you can unsubscribe at any time.

Shortcuts

Share