ديوان المحاماه

14/06/2024

جدول خير يوم طلعت علية الشمس يوم #عرفة

1. نام ليلة عرفه مبكرا لتتقوى لطاعة الله..

2. قم قبل الفجر لتتسحر قبل الفجر بنية صوم هذا اليوم .

3. ثم صل ركعتين او اربع على الأقل وادع ربك وأنت ساجد بخيري الدنيا والآخره واحمده أنه بلغك يوم تنزل فيه الرحمات والمغفرة ..

4. قبل الفجر اقض وقت في الإستغفار حتى تكتب عند الله من المستغفرين في الأسحار .

5. استعد لصلاة الفجر قبل الآذان بخمس دقائق واستشعر أن ذنوبك تخرج مع آخر قطرة أثناء الوضوء..

6. ثم قل دعاء ما بعد الوضوء..

7. صل الفجر واجلس في مصلاك إلى ما بعد الشروق ب 15 دقيقة..

8. ابدأ التكبير بعد السلام مباشرة كما ورد في أول الرسالة..

9. أنت الآن في مصلاك حتى الشروق تقرأ القرآن وتسبح وتهلل وتحمد الله ولاتنس أذكار الصباح..

10. الساعة 6:10 دقيقة صل ركعتي الشروق لتكتب لك اجر حجة وعمرة مع رسول الله صلى الله عليه وسلم إياك أن تضيعها..

11. أنت الآن مخير إن استطعت ألا تنام اليوم كاملا فلا تضيع ثانية واحده الا وأنت في ذكر ودعاء وكن على يقين بالإجابة..

12. أو تنام ساعة تنوي بها ان تتقوي على طاعة الله..

13. ثم تقوم من النوم_تتوضأ وتصلي 4 ركعات على الأقل صلاة الضحى وتنوع في الطاعات حتى لاتمل..

تكبير، ذكر، تلاوة، وأكثر من لاإله الا الله وحده لاشريك له الملك وله الحمد وهو على كل شئ قدير..

14. صل الظهر وكبر وسبح واقرأ شيئا من القرآن..

15. اسمع خطبة عرفات بكل جوارحك ولتكون هذا العام أفضل من كل عام في التطبيق إن شاء الله..

16. صل العصر وكبر وقل أذكار المساء..

17. إقرأ القرآن إلى قبل المغرب بساعة تقريبا_ابدأ الدعاء بخشوع واذكر وقوفك أمام الله_لاتنس الدعاء لاخوانك المسلمين في كل مكان..

18. أدع الله أن لا تغرب شمس عرفة الا وأنت من عتقائه..

19. الله يوفقنا جميعا لصالح الأعمال ونسأل الله لنا و لك القبول..

20. آذان المغرب،
إبدأ الإفطار ولاتنسي أن للصائم دعوة لاترد..

ذكر بها أهل بيتك ومن تحب..
جعلني الله وإياكم من عتقائه من النار ومن المقبولين..
جزا الله من قام بارسالها لي خيرا وجزا الله من ذكر بها أهله واخوانه كل خير

13/05/2024

🟠 اهم بوست ها تشوفه علي: 🏭
-----------------------------
وهايكون فيه الخلاصة والخير لك ان شاء الله
ها حاول بصورة مبسطة اجاوبك علي كتير من الاسئلة اللي شاغلة دماغك
خليك بقي معايا وماتسرحش مني وركز وجهز كوباية القهوة☕ علشان هنبدأ الرحلة ..

⬇️
🔸️️بعد رحلة طويلة من التخبط امتدت ل 5 سنوات صدر قانون جديد للتصالح برقم 187 لسنة 2023 وإلغاء القانون القديم 17 لسنة 2019 وتعديلاته بالقانون 1 لسنة 2020 ..

#السؤال بقي :
1️⃣ايه مصير 2 مليون و 800 الف ملف أتقدم في ظل القانون السابق❓
2️⃣وايه الفرق بين قانون التصالح الجديد عن القانون القديم ❓
3️⃣هل التقديم في التصالح الزامى ولا لا ولو ماقدمتش ايه يعنى ممكن تعمله الدولة فيا❓
4️⃣ايه مصير المباني المتعدية على خطوط التنظيم❓
5️⃣ايه مصير العقارات ذات البناء المتميز ؟
6️⃣هل لو العقار بتاعى متجاوز قيود الارتفاع والطيران المدنى اقدر اتصالح فيه❓
7️⃣لو العقار خارج الحيز العمرانى سواء كان سكنى او غير سكنى اقدر اتصالح عليه❓
8️⃣طيب هو لو عندى مخالفة ماينفعش تتزال اقدر اتصالح عليها ؟
9️⃣مين اللى هيعاين المكان لجنة من الدولة ولا ممكن مكتب استشارى وتمشى الأمور❓
🔟هادفع كام جدية وهادفع كام لسعر المتر وهادفع قد ايه ولو دفعت كاش ليا تخفيض❓
1️⃣1️⃣ايه الأوراق المطلوبة للتقديم وازاى طلبى يقبل❓
1️⃣2️⃣لو انا بانى أعمدة اقدر استكمل اعمال❓
1️⃣3️⃣لو انا بنيت خلال الأيام اللى فاتت في هوجة البنا اقدر اقنن وضعى❓
1️⃣4️⃣لو الأرض مملوكة للدولة اقدر اتصالح على المبنى اللى عليها❓
1️⃣5️⃣ طيب لو معايا نموذج 10 نهائي اقدر اصب السقف علي الدور اللي اتصالحت فيه علي الأعمدة أو الحوائط❓
1️⃣6️⃣ طيب هو انا امتي اعمل إحلال أو تجديد او تعلية للمبني بتاعي❓
،،،،،،،،،،،،،،،،،،،،،،،،،،،،،،،
🔹️يلا نجاوب ⬇️
📌خلينا نبدأ ونقول ان احنا داخلين القانون الجديد ب2 مليون و800 الف ملف في رقبتنا من القانون اللى فات ده اللى ظاهر لكن اللى ماحدش يعرفه ان 4% بس من اللى قدموا في ظل القانون اللى فات هم اللى يقدروا يكملوا على القديم باسعاره ونظامه طالما انهم دفعوا كامل مبلغ التصالح
و 96% لم يبت في طلبهم ودول يقدروا يكملوا علي القانون الجديد فحضرتك كل المطلوب منك ان توصل للمركز التكنولوجي وتقدم علي شهادة بيانات وماتخافش على الفلوس اللى دفعتها في طلبك القديم كده ولا كده هيحصل مقاصة بين الطلبين وحتتحسبلك فلوسك اللى دفعتها

📌طيب ايه الفرق مابين قانون التصالح الجديد والقديم❓
الفرق كبير طبعا تقريبا كده كل المخالفات اللى ممكن تتخيلها دلوقتى تقدر تتصالح عليها في القانون القديم كان فيه محظورات كان لايمكن باى حال من الأحوال انك تتصالح عليها ..
كل ده اتشال في القانون الجديد حتي الطلب اللي هايترفض تقدر تتظلم عليه والقانون سمح بالتصالح عليه بعد موافقة مجلس الوزراء ولكن بقيمة 3 اضعاف سعر المتر للتصالح وكمان اجاز لمجلس الوزراء يخفض القيمة

📌و طبيعى بعد اللى حصل في قانون التصالح قبل كده والناس اللى قدمت هايجى في دماغك سؤال منطقى جدا وهو:
انا ايه اللى يخلينى ادفع فلوس واتصالح ده كل اللى محتاجاه الدوله ان تاخد مننا فلوس والدولة ماتقدرش تعمل معايا حاجة ❓

📌هاقولك كان ممكن افهم كلامك ده لو ماكنش فيه نص المادة 10 اللى بتقول ان حضرتك محظور عليك توصيل المرافق ولا مايه ولا غاز ولا كهربا طالما ماقدمتش على التصالح ...
هاتيجى تقولى ان العقار عندى فيه مرافق بالفعل حقولك كمل ارجع للمادة لانهم هايغلوا عليك الكهربا والماية والغاز وهايشيلوا من عليك الدعم المستحق عليك
وده يعنى حاجة كبيرة ❓

📌خلينا اشرح لسيادتك الدولة بتدعمك تقريبا في الكهرباء بنسبة 60%
يعنى لو بتدفع شهريا 400 جنية يبقى حتدفع 1000 جنيه شهرى ده في الكهرباء بس

📌وطبعا وفى ظل الظروف اللى احنا فيها دى وتخفيف الاحمال الدولة ما ها تصدق أصلا انها تعمل كده وحيكون عندها سند قانونى لده ..

📌ده غير ان ربط التسجيل في الشهر العقارى بالتصالح في القانون الجديد بمعنى اننا احنا على أبواب الزام الجميع بالتسجيل لاعتراف الدولة بيك كمالك شقة مش هاتعرف تسجل عقدك لو كنت مش مقدم تصالح

📌فلو فكرت انك هاتوفر المبلغ اللى هاتدفعه في التصالح ها تلاقي نفسك دافع اضعافه سنويا في الدعم اللى هايتشال من عليك والجزاء ده بقى ها يستمر معاك ومع اولادك ومع احفادك لاقدر الله..

📌 وفيه حاجة مهمة لازم تكون فاهم ان القانون بيتصالح علي المخالفة مش علي محضر المخالفة يعني يجوز التصالح علي المباني اللي مفيش محضر مخالفة لها
ولازم تكون عارف ان نموذج التصالح ده هو زي بطاقتك الشخصية و انه بمثابة ترخيص للاعمال القائمة فقط واي اعمال جديدة بعد التصالح بتكون برخصة علي قانون المباني 119 لسنة 2008..

📌لوكان العقار بتاعك متعدى على خطوط التنظيم او كان عقار مميز يعنى كان ليه طابع معمارى مميز وحضرتك بوظته
او كان متجاوز قيود الارتفاع والطيران المدنى تقدر تتصالح عليه زيك زى غيرك بس مشروطة بموافقة جهة الولاية ( هيئة عمليات القوات المسلحة...الخ ) وده طبعا من مميزات القانون الجديد لان قانون التصالح السابق كان بيحظر كل ده لكن الوضع اختلف في القانون الجديد

📌طيب ايه هي الحالات اللي القانون بيرفضها ❓
🔹️شوف اول حالة هو المبني الغير سليم انشائيا وده علشان نحافظ علي الارواح
🔹️وتاني حاالة الجراجات ( البدرمات )
علشان الشوارع إتملت عربيات..
🔹️وتالت حالة التعدي علي النيل لان النيل له قدسية عند المصريين وحياتهم
🔹ورابع حالة ️التعدي علي الآثار لانها تاريخ كل المصريين

📌طيب لو كانت الأرض بتاعتك خارج الحيز العمرانى بس قريبة منه تقدر وفقا للقانون انك تتصالح عليها طالما انها قريبة:
طيب مين اللى هيحدد انها قريبة من عدمه❓
شوف فيه لجنة ها تتشكل بقرار المحافظ من كل وحدة محلية مع التخطيط العمراني والزراعة وها تعرض تقريرها باحداثيات الكتل القريبة علي السيد المحافظ اللي هايرفعه الي وزير الزراعة وبدوره هايعرضه علي رئيس الوزراء للموافقة عليه
بس خلينا نقول ان تقريبا كل الناس خارج الحيز العمرانى هتتصالح ومش ها يكون فيه مشكلة في ده سواء داخل الكتل او خارجها ..

📌برضه فيه نقطة مهمة وهي تغير الاستخدام بمعنى انك لو عندك مكان كان سكنى وبقى ادارى او بقى تجارى او العكس حتقدر دلوقتى تقدم على طلب بالتصالح زيك زى غيرك في المناطق اللي مفيش فيها مخطط تفصيلي ولو فيها مخطط نبقي محتاجين موافقة الجهة الإدارية بس ها تتصالح ..

📌طيب ايه الأوراق المطلوبة علشان تقدم على التصالح ❓
1/ صورة بطاقة الرقم القومى
2/ صورة عقد ملكيتك للمكان
3/ ها تسدد رسم الفحص
4/ ها تسدد جدية التصالح
4/ ها تعمل نسختين من الرسم المعمارى والانشائي للمكان عندك
5/ ها يكون معاك تقرير هندسى عن السلامة الانشائية
6/ شهادة قيد مؤمنة من نقابة المهندسين للمهندس مصدر التقرير
7/ لو كنت مرخص هتحتاج صور من الرسومات للى طلع بيها الترخيص وصورة من الترخيص لو موجود معاك
8/ شهادة بيانات من المركز التكنولوجى بعد موافقة جهة ولاية واحداثيات الارض بتاعتك من المتغيرات المكانية..
9/ لو الأرض دى ارض مملوكة للدولة لازم تجيب ما يفيد انك خلصت مع الدولة فيها وقننت وضعك او علي الاقل قدمت ومعاك مايثبت ده ..
10/ لو انت خارج الحيز العمراني ها تقدم مستند ان تاريخ مخالفتك قبل 15/10/2023
ولو انت داخل الحيز العمراني حتي تاريخ 17/12/2024
وده عن طريق إيصال من مرافق ( مياه & كهربا & غاز & تليفون ) او شهادة من الضرائب العقارية او عقد صحة توقيع

📌انت هتتصالح علي4 خطوات:
🔹️الاولي انك هاتزور المركز التكنولوجي علشان تحصل علي شهادة البيانات
🔹️و الزيارة التانية بعد استلام شهادة البيانات علشان تكمل اوراقك ويرفع الملف الي اللجان الفنية المشكلة بقرار المحافظ ودي موجود في كل مجلس مدينة بأعضاء من مهندسي الجهاز الاداري ومهندسي نقابة المهندسين وتدفع جدية التصالح
🔹️الثالثة بعد موافقة اللجنة الفنية علشان تكمل باقي مبلغ التصالح
🔹️الرابعة علشان تستلم النموذج ان شاء الله

📌انت ممكن تحس ان كل ده كتير بس ده مش صح ولو صعب عليك تعامل مع حد مختص واعمله توكيل وكل ده هيخلص بسرعه جدا

📌نيجى بقي لاهم نقطة احنا هندفع كام❓
اول ها تقدم الورق ده للملفات الجديدة ها تدفع حاجة اسمها رسم فحص وده متحدد في اللائحة التنفيذية بجدول علي حسب كل حالة ( الخطوة الاولي )

📌بعد كده ها تدفع جدية التصالح بتاعتك ودى الدولة برضه محدداها لك علشان متتعبش في حسابها وبحد اقصي حسب الجدول اللي في اللائحة التنفيذية وتعتبر من ضمن فلوس التصالح يعني ماتقلقيش ( الخطوة التانية )

📌طيب فيه رسوم تانية❓
اه طبعا كل الأوراق والمستندات اللى احنا ذكرناها من شوية وكمان بقية مبلغ التصالح ..

📌سؤال دارج .. لو انا ساكن في عمارة مكونة من عدة أدوار اقدم مع نفسى احسن ولا العمارة كلها تقدم في طلب واحد توفيرا للنفقات❓
الصح انك تقدم لوحدك لان نموذج التصالح بيطلع باسم واحد بس واخرون وبيطلع مرة واحدة فالافضل ان تكون شقتك ليها نموذج تصالح خاص بيها بس لو ده اكتر من امكانياتك مش حيكون قدامك غير انك تقدم مجمع ..

📌 تقديمك للتصالح للطلب الجديد هاتكون قدامك فترة لا تتعدى 6 شهور بس تخلص كل الأوراق بتاعتك ودي هايتم تجديدها بقرار من مجلس الوزراء واحد اقصي 3 سنوات
والطلبات القديمة لازم تروح تقدم علي شهادة بيانات علشان تدرج الطلب بتاعك علي المنظومة الالكترونية وده خلال شهر يبدأ من 7/5/2035 ولو اتاخرت هاتبدا تقدم طلب من جديد خالص

📌حتروح تدفع بعد مراجعة اللجان الفنية حسب المخالفة بتاعتك
لو كانت مخالفتك هي التعدى على خطوط التنظيم او لو متعلقة ان المبنى بتاعك ليه طابع معمارى متميز او لوكنت متعدى على قيود الارتفاع المقدره للطيران المدنى او كنت بانى بدون ترخيص ومتجاوز كمان الاشتراطات التخطيطية والبنائية او كان البناء بدون ترخيص بس مطابق للاشتراطات التخطيطية والبنائية او تغيير الاستخدام كل حالة متحدد لها نسبة من قيمة سعر المتر للتصالح بالزيادة او النقص حسب كل حالة..
فمثلا لو المكان عندك مرخص وكل مخالفتك هي مخالفة رسوم انشائيةومعمارية بس حتدفع 15% بس من المخالفة
طيب لو مطابق الرسوم المعمارية ومخالف الرسوم الانشائية حتدفع 10% من المخالفة
طيب لو مطابق الرسوم الانشائية ومخالف الرسوم المعمارية حتدفع 5% بس من المخالفة
طيب لو عندك كذا مخالفة من دول حتكون كل مخالفة بنسبتها ونجمع في الاخر

📌وفى كل الأحوال لو قررت تدفع كاش حيتخصملك 25 % من قيمة المخالفة

📌ولوتقدر تسدد على 3 سنين بدون فوائد
او تسدد على خمس سنين بس هيتحاسبوا
5 % فايدة لو التقسيط على 4 سنين
7% فايدة لو التقسيط على 5 سنين

📌وطبعا لو المصالحة بتاعتك حتترفض لسبب اولاخر تقدر تتقدم للجنة التظلمات

📌اخر نقطة ان القانون بيسمحلك تصب السقف وتكمل الدور المتصالح في علي الأعمدة أو المباني وده بشرط ان معاك نموذج 10 نهائي حتقدم طلب منفصل فيه اصل النموذج بتاعك والرسومات المعمارية والانشائية للدور ده وشهادة من مهندس انشائي بيسمح بالتعلية

📌طيب اهم سؤال هو انا اقدر اعمل إحلال وتجديد او اعلي بعد ما احصل علي نموذج 10 علي القانون القديم او نموذج 8 علي القانون الجديد ❓
شوف ياصديقي .. بعد حصولك علي نموذج 10 نهائي علي القانون القديم اللي هو اسمه نموذج 8 علي القانون الجديد وعلشان تعمل إحلال وتجديد او تعلية
🔹️لو كنت داخل الحيز العمراني يبقي مفيش اي مشكلة أتقدم من تاني يوم وسيتم الترخيص لك حسب قانون البناء 119 لسنة 2008 في القرية وحسب الاشتراطات الجديدة في المدن اللي يارب يلغوها
🔹️لو انت خارج الحيز يبقي لازم يتغير قانون الزراعة علشان يسمح بالاحلال والتجديد او اصدار حيز عمراني جديد يشمل بيتك

📌 فيه نقطة كمان قبل ما اسيبك انك تقدر تقدم علي التصالح عن طريق 3 طرق:
🔹️تطبيق علي الموبايل وده تنزله من جوجل بلاي
🔹️او من بوابة مصر الرقمية وده علي موقع وزارة التنمية المحلية
🔹️او عن طريق زيارتك المركز التكنولوجي في مجلس المدينة اللي انت تتبعه ..
-------
#بالتوفيق 🤲
منقول

✅تطبيق تصالح
لاتمام اجراءات المبانى المخالفه👇
https://play.google.com/store/apps/details?id=com.ndm.reconciliation

03/05/2024

لله الحمد والفضل والمنه
بعد العمل الشاق والمتواصل لثلاثة ايام متتاليه واجتهاد الاساتذه المحامين بالمكتب ( ديوان المحاماه )

✅تم اخلاء سبيل طالب بأخر المراحل الدراسيه قد اتهم ظلما بالاتجار بالعمله ( النقد الاجنبى ) داخل مدينة الفيوم ....................
نتمنى ل ( ع أ ) التوفيق بالامتحانات ونبشرك بالبراءه بإذن الله
كل التحيه والتقدير للاخوه الزملا والجميع وجزاكم خير الجزاء .

03/05/2024

قضايا النقد الاجنبى ( تجارة العمله )

24/10/2023

نحن مجموعة من السادة المحامين المهتمين بالشأن القانونى فى مجال الرياضة .
#اهدافنا
✍️- توعية اللاعبين بحقوقهم وواجباتهم وتعزيز الوعي القانوني لديهم.
✍️- محاربة كل أشكال استغلال اللاعبين والتمييز ضدهم في البيئة الرياضية.
✍️- تقديم الاستشارات القانونية للاعبين والوقوف بجانبهم في حالة مواجهة أي مذشاكل قانونية، سواء كانت مع النادي الرياضي الذي يلعبون له أو مع وكيل اللاعبين.
✍️- تنظيم الندوات والمؤتمرات التوعوية والقانونية للمهتمين بالشأن الرياضي، بهدف زيادة الوعي والمعرفة بالقوانين المتعلقة بالرياضة.
✍️- تأسيس الجمعيات الرياضية ودعمها في تطوير برامجها وأنشطتها، بهدف تعزيز المشاركة الرياضية وتوفير فرص متساوية للجميع.
✍️- تأسيس الشركات الرياضية وتقديم الدعم الفني والقانوني لها، بهدف تطوير البنية التحتية الرياضية وتعزيز صناعة الرياضة.

https://www.facebook.com/groups/171160049392683/?ref=share&mibextid=NSMWBT

24/10/2023

02/10/2023

الساده الزملاء المستشارين
بعد قرار التزام الحضور بالروب للاساتذه المحامين المحترمين والوشاح للقضاه المحترمين
مرفق صوره لبيان معرفه درجة القاضي من الوشاح
#ديوان المحاماه
مسامحين في سرقه البوست 😉

28/06/2023

كل عام وانتم بخير

10/06/2023