محامي

22/10/2024

05/06/2023

انت اخدت براءة ليه ؟
= القاضى كان كويس
يعنى ما يمشيش معاك ان المحامي شاطر
= لا يا عم القاضى كان كويس يا عم
طب لو كنت اخدت حكم كان هيبقي القاضى وحش
= لا يعم اكيد المحامى مكنش شايف شغله صح 😜

12/02/2023

القانون لا يحمي المغفلين، جملة نسمعها بشكل يومي ردا علي ما يتعرض له البعض من عمليات نصب، سواء عن طريق المستريحين الذين ظهروا مؤخرا، وكذلك النصب في بعد الاماكن التي تبيع سلع مغشوشة، وفى ظل ازدياد عمليات النصب، ووقوع الكثيرين ضحايا لها، والدخول فى متاهة إثبات حقوقهم دون جدوى، يقدم اليوم السابع شرحا مبسطا لتلك المقولة.
عدم توقيع أي ورقة أو عقد قبل أن تقرأ بنوده جيداً.
- ألا تشترِي أي سيارة خارج دائرة الترخيص والمركبات، إلا لو كنت تسطيع الكشف عن ملف السيارة في القسم التابعة له.
-لا تدفع أجرة المنزل دون أن تأخذ من المالك وصل يفيد بالدفع في حالة الايجار.
- لا تتأخر في تقديم شكري عاجلة إذا تعرضت لأي ضرر، حتي لا يفعلها خصمك قبلك وتفقد حقك.
- إستشارة محامٍ قبل أي إجراء ممكن أن يرتب عليك ضرراً فيه.
- لا توّقع مخالصة من العمل قبل أن تأخذ كافة مستحقاتك القانونية.
- لا تترك بطاقتك الائتمانية لآحد، ولا أي وثائق خاصة بك مهما كانت.
- بلاش تسجل مكالمات هاتفية، لأنها تعرضك للمُساءلة القانونية خاصة وأنها بدون علم المقصود بها.
- يجب الا تسب أحداً على السوشيال ميديا لأنها تعرضك للحبس و للمساءلة القانونية.
- لو تعرضت للتهديد أو الابتزاز ، لا تتأخر عن إخبار قسم الجرائم الإلكترونية التابع له .
- لا تُعطِ أحداً مالاً دون أن توّثق عن طريق وصل أمانة او ورقة مكتوب فيها صياغة مناسبة تثبت أنك قد أعطيته مال.
- يجب آنك تكتب عقودك عند محام، فهو أدرى وأعلم منك بكيفية صياغتها وتوثيقها ، بما يتماشى مع مصلحتك.
- إياك تشتري عقارا على الخريطة قبل أن تتاكد أنه حصل على الموافقات الحكومية والتراخيص مع الضمانات وعليك الذهاب لموقع المشروع بنفسك

29/12/2022

قيمة المبلغ المقرر لصندوق دعم الأسرة المصرية
في هذا الصدد قال المستشار عمر مروان وزير العدل، إن الرسوم التي سيقوم بدفعها المقبلون على الزواج للمساهمة في مصادر تمويل صندوق الأسرة المصرية، «مبالغ زهيدة» ويدفعها المقبلين على الزواج ولن تكون عائقا أمام أي مستوى اجتماعي، وجاري تحديد المبلغ الآن من قبل المختصين عند توثيق الزواج.

وتابع وزير العدل «أن الصندوق لو جمع على سبيل المثال «مليار جنيه» سوف تضع الدولة أمامه «مليار آخر»، مثلا وذلك لضمان الملاءة المستديمة لهذا الصندوق».

وأضاف أن تبعية الصندوق لم تحسم بعد، لكن السيناريو الأقرب هي وزارة التضامن الاجتماعي لاعتبارها منوط بها ضمن الاختصاص بهذه الأمور، أو قد يكون في جهة أخرى، ولكن لم تحسم بعد مسألة تبعية الصندوق حتى الآن.

28/12/2022

لو الجواز بقي برسم ٣٠ الف احنا كمحامين اكتر ناس هتشتغل
هنجوزهم ورسمي ب ٦٠٠٠ بس عقدين عرفي وقدام شهود ونرفع له دعوي قدام المحكمة اثبات زواج عرفي وناخذ حكم ونطلع له قسيمة زواج زيها زي ام ٣٠ الف
#متقلقوش

08/12/2022

٤ شروط لطرد المستأجر بالقانون القديم فى حالة إمتلاكه لعقار أخر هى كالتالى : -

١ - أن يكون المستأجر عنده عقار ثانى مكون من ٣ شقق على الأقل .
٢ - ان يكون العقار مبنى بعد تحرير عقد الإيجار .
٣ - أن يكون العقار سكنى .
٤ - ان يكون العقار فى نفس المحافظة التى بها الشقة المؤجرة إيجار قديم .
وهذا وفقا لنص المادة ٢٢ من القانون ١٣٦ لسنة
#محامي
01003009589

03/12/2022

خلي بالك وانت بتشترى عربيه او شقه والبائع عملك توكيل خاص بالبيع للنفس وللغير 📄
لازم تضيف للتوكيل عبارة (ووكلته في تحديد ثمن البيع وقبضه لنفسه) 💡
لان الثمن ركن أساسي من اركان عقد البيع 💵
وعدم ذكره او تحديده او تحديد معيار لتحديده يؤدي الي بطلان العقد حتى لو معاك توكيل خاص وده وفقا لنصوص المواد ٤١٨ ، ٤٣٣ ، ٤٢٤ من القانون المدني
محكمة النقض قالت أن الثمن ركن جوهرى من أركان عقد البيع لا يتم عقد البيع بدون الاتفاق عليه ومن المُقرر فى قضاء النقض أن نص المادة ٤١٨ من القانون المدني يدل على أن المُشرع جعل الثمن ركناً أساسياً فى عقد البيع لا ينعقد بدونه باعتباره محلاً لالتزام المشترى الطعن رقم ٩٤٨ لسنة ٥٣ ق
جلسة ٢٧ / ١١ / ١٩٨٦
وقررت أن مفاد نصوص المواد ٤١٨ ، ٤٢٣ ، ٤٢٤ من القانون المدني أنه إذا لم يتفق المتعاقدان صراحة ولا ضمنا على تحديد الثمن أو على جعله قابلا للتحديد ببيان الأسس التي يحدد بمقتضاها فإن البيع يكون باطلا لفقده ركنا أساسيا من أركانه
الطعن رقم ٧٢٠١ لسنة ٧٨ قضائية
مش بس كده ده كمان ممكن للموكل انه يطالبك بتقديم كشف حساب ورد ثمن المبيع الذي باعه لنفسه
عشان كده متكتفيش بعمل توكيل لكن لازم يتم تحرير عقد بيع يتم فيه إثبات أن المشترى قام بسداد الثمن للبائع بالإضافة إلى التوكيل
⚠️متنساش تضغط متابعه للصفحه

آيواتساب ✅ يمكنك من عمل رابط واتساب مباشر بسهولة، تستطيع تحويل رقم الواتس إلى رابط مباشر من خلال واتسابي وذلك بكتابة الرقم وسيتم انشاء رابط واتساب مباشر.

19/08/2022

أهم التعليمات لأي شاب يتم القبض عليه ..
1- لا تستدرج لاى دردشة شفويه حول موضوع اتهامك قبل البدء فى التحقيق المكتوب
2- الاجابات النموذجية (محصلش / معرفش / مش فاكر)
3- مهما اتغيرت صيغة السؤال خلى اجابتك ثابته
4- انكر اى علاقة ليك بالمضبوطات اللى مش بتاعتك
5- لو طلب منك باسورد التليفون او الفيسبوك قول مش فاكر
6- النيابة مسؤولة عن اتهامك والتحقيق معاك فالمفروض تبقى محايده وفى نفس الوقت ترجح ادانتك فى النهاية - عقم فى النصوص اللى بتنظمها - وبالتالى متفتكرش المحقق هيكون فى صفك
7- المحامى ملهوش اى دور لحد التحقيق ما يخلص - طبقا للقانون للاسف - فمتحاولش تساله او تطلب منه اجابات بعنيك لان دا بيوتر المحقق وبيخليه يرجح ادانتك
8- لو اثناء تفتيشك او تفتيش منزلك تم اخذ اى شئ وملقتهوش فى النيابة اذكره فى اقوالك واتهم القائم بالتفتيش بسرقته
9- لو تم التعدى عليك بالضرب او السب - وان كان دا قل مؤخرا - اتاكد انك تذكر دا امام النيابة ولو فيك اصابات اطلب عرضك على الطب الشرعى
10- المواعيد مهمة من حق الجهة اللى قبضت عليك تحتفظ بيك 24 ساعه قبل عرضك على النيابة لو قعدوك اكتر من كدا اتاكد انك تذكر الميعاد الحقيقى اللى اتقبض عليك فيه
11- دايما اول سؤال بيبقى معاك محامى، هنا تجاوب بايوه وتذكر اسمه الثلاثى وتتمسك بحضوره وترفض حضور اى محامى تانى تندبهولك النيابة ومتقلقش هما اللى ملزمين يجيبولك المحامى بتاعك ولو اصروا على انتداب محامى ارفض الاجابة على اسئلتهم ودا حقك
12- السؤال الثانى بيكون هل معاك شهود نفى لو فيه شهود على واقعتك او على القبض عليك وانت متاكد انهم هيشهدوا اذكر اسمائهم لو مش متاكد قول كان فيه ناس كتير موجوده انما متقولش لا الا لو فعلا مكنش فيه شهود
13- هيكون فيه اسئلة من نوعية هل تعرف الضابط فلان لو تعرفه قول اه والسؤال اللى بعده هيكون هل فيه بينك وبينه خلافات لو فيه قول ايوه متخافش لو قلت لا هيكون فيه سؤال بيقول ما تفسيرك لما سطره الضابط فلان فى محضره (يععنى بيقول عليك كدا ليه) هنا ومن وجهة نظرى تجاوب بانه اكيد مطلوب منه عدد قضايا علشان كدا لفقلى الاتهام دا
14- لاحظ انه لا يجوز تحليف المتهم ولا ترهيبه ولا ترغيبه يعنى لو المحقق قالك طب تحلف قوله مينفعش تحلفنى ولو قالك رد بدل ما هحبسك قوله مينفعش تهددنى ولو قالك قول وانا اروحك غالبا بيضحك عليك
15- من حقك تتابع كل اللى بيتكتب فى التحقيق على لسانك او تقراه في النهاية قبل ما توقع عليه ولو مكتوب كلام غير اللى انت قولته اتمسك بتغييره او امتنع عن التوقيع..
ت / ٠١٠٠٣٠٠٩٥٨٩