Avocat for Legal Advice

28/08/2022

27/08/2022

لللمتدربين والمحامين الجدد.
ازاي تمسك محضر وتطلع منه ثغرات وتتكلم بالقانون..
لما تمسك محضر ضرب
لازم تقرا ساعة وتاريخ ويوم المحضر وتقارنها بين الواقعة اللي حصلت من خلال اقوال المجني عليه ولو فيه تفاوت بين حدوث الواقعة وساعة وتاريخ المحضر هايكون موقف المجني عليه هنا ضعيف جداً
مثال"أقر المجني عليه ان الاعتداء قد تم في الساعة٢:٣٠م وساعة وتاريخ المحضر كان الساعة٩:٠٠م"
هنا هاتدفع بالتراخي في الابلاغ
والدفع ده مهم جدا جدا جدا
لحد هنا وتمام جداً
نيجي بقا للنقطة التانية الاهم
لو المجني عليه اقر حالة تعدد المتهمين ان الاعتداء تم من قبل المتهمين وانهم احدثوا اصابته دون ان يحدد دور كل متهم فيهم في الاعتداء هنا هاتدفع بشيوع الاتهام
يعني ايه الكلام ده
يعني سيادتك المجني عليه اقر ان فيه اعتداء من المتهمين لكن ماحددش مين بالظبط اللي اعتدي عليه ولا حتي حدد دور كل واحد فيهم
كان اولي انه يقول اللي ضربني فلان بواسطة عصا والتاني مسكني والتالت ركلني وهكذا
لحد هنا تمام
نيجي بقا للتقارير الطبية
جايز جدا يكون فيه تناقض بين اقوال المجني عليه وبين التقرير الطبي
يعني مثلا
المجني عليه اقر في المحضر ان المتهم ضربه بعصا والتقرير ورد واكد ان هناك جروح قطعية هنا هاتدفع بالتناقض البين بين الدليل القولي والدليل الفني
ثالثاً
ممكن جدا يكون فيه اصطناع للتقرير الطبي ازاي نعرف انه مصطنع
حكم المحكمة اشترط الاتي👇
ارست محكمة النقض المصرية انه يجب ان تتوافر البيانات اللازمة في التقرير الطبي مثل بيان الاصابة وسبب الاصابة ومدة العلاج وتحديد الاداه التي احدثت الاصابة وتاريخ حدوث الاصابة وان يكون صادر من طبيب مختص ويسبغ عليه الشكل الرسمي الذي يجعله مقبولاً لدي عدالة المحكمة
ونعلم جيداً ان الدليل الفني ما هو الا قرينة علي الاصابة وليس قرينة علي الاتهام وانه لا يعدو كونه دليل علي الاتهام بل يجب ان يُدعم بادلة اخري كشهادة الشهود
"الطعن رقم١٥٤٠لسنة٥٣ق"
وان الاحكام الجنائية تُبني علي الجزم واليقين لا علي الظن والاحتمال
"الطعن رقم٥١٤لسنة٤٦ق"
أ/دينا زكى⚖

Lawyer & Law Firm