علي الريفي المحامي - 𝐀𝐥𝐢 𝐀𝐥-𝐑𝐞𝐞𝐟𝐲

Directions

علي الريفي المحامي - 𝐀𝐥𝐢 𝐀𝐥-𝐑𝐞𝐞𝐟𝐲 محامٍ يؤمن بأن الحقوق لا تُمنح ولاتُطلب ، ولاتُستجدى بل تُنتزع بالقانون وتُحسم بالعقل. ⚖️
للتواصل | 01019771975 📲

27/09/2026

♦️ بفضل الله وتوفيقه ... من ٤ سنوات حبس إلى البراءة ♦️

تحصلت أمس أمام محكمة جنح قسم أول كفر الشيخ (دائرة السبت) في الحصول على حكمين بالبراءة لموكلي(أ. أ. ع . غ) (رول 90 ، 91)في جنحتين (إيصالين أمانة بقيمة ربع مليون جنيه).
القضية صدر فيها أحكام سابقة بالحبس ٤ سنوات (سنتين لكل قضية).
ولكن بفضل الله، ومن خلال تقديم الأوراق والمستندات الدالة علي براءة موكلي، ووضحت للمحكمة حقيقة الأمر:
أن الإيصال الأول(كان توقيع على بياض) وتم استغلاله خلافاً للحقيقة،(والإيصال الثاني مزور بالكامل.)
وإستجابت المحكمة الموقرة واقتنعت وترسخ في وجدانها براءة المتهم وأستمعت لدفاعي وقضت بإلغاء الحكم المعارض فيه وقضت ببراءة المتهم من الإتهام المسند إليه في القضيتين.
تحياتي/ علي محمد الريفي
المحامي
لأعمال المحاماة والاستشارات القانونية
📍 عنوان المكتب: الشارع الكبير - دمرو - سيدي سالم - كفر الشيخ
📞 تليفون وواتساب: 01019771975

♦من ثلاث سنوات حبس للبراءة ♦بفضل الله وتوفيقه، أنصفت العدالة موكلتي (إ . م . م . ع) رول رقم 158حيث تحصلت يوم الأحد على ح...
21/09/2026

♦من ثلاث سنوات حبس للبراءة ♦
بفضل الله وتوفيقه، أنصفت العدالة موكلتي (إ . م . م . ع) رول رقم 158
حيث تحصلت يوم الأحد على حكم بالبراءة من أمام محكمة جنح مستأنف سيدي سالم.
وتعود تفاصيل الدعوى إلى أن محكمة أول درجة كانت قد أصدرت حكماً بالإدانة والعقاب بالحبس ثلاث سنوات، بتهمة تبديد مبلغ نقدي وذلك دون تمحيصٍ كافٍ لأوراق الدعوى أو ردٍّ سائغ على دفوع الدفاع.
وبعد الترافع أمام محكمة جنح مستأنف سيدي سالم، وتقديم حوافظ المستندات القاطعة الدلالة التي فندت الاتهام وأثبتت حسن نية المتهمة وقدمت دليل براءتها؛ إستجابت المحكمة الموقرة لدفاعنا وقضت بإلغاء حكم الإدانة المستأنف والقضاء مجدداً بالبراءة.
تحياتي/ علي محمد الريفي المحامي
لأعمال المحاماة والاستشارات القانونية
📍عنوان المكتب: الشارع الكبير - دمرو - سيدي سالم - كفر الشيخ
📞 تليفون وواتساب: 01019771975

05/07/2026

♦في مفهوم مغلوط عند البعض محتاج يتصحح فوراً عن دور المحامي ومكانته الطبيعية.
​أنا كمحامي دوري الحقيقي وشغلي بيبدأ وينتهي بقوة القانون داخل قاعة المحكمة دخولنا للأقسام ليه حدود واضحة وصارمة؛ بنمشي في إجراءاتنا الرسمية، بنحرر محاضرنا، وبنثبت حقوق موكلينا.. وبس!
​❌ المحامي اللي بيقعد يتحايل، أو يتملق، أو "يتملص" عشان يمشي مصلحة بالود، ده مش بيفقد هيبته الشخصية بس، ده بيفقد ثقه موكله فيه، وبيهدر هيبة مهنة عظيمة حق موكلك بييجي بتمكنك من أدواتك وبقوة القانون، مش بالتمسح في المكاتب.
​لما تقبل على نفسك التقليد من قيمتك أو إلغاء هيبتك عشان تخلص مصلحة، إنت مش بتظلم نفسك وبس.. إنت بتسحب من رصيد المهنة كله، وبتسيء لكل زميل محترم وموقر بيتعب ويشقى عشان يحافظ على وقاره ووقار الروب الأسود اللي لابسه.
​التصرفات دي بتدي انطباع غلط عن مهنة قوامها الكبرياء والشموخ المحامي اللي داخل أي مكان وعارف هو بيعمل إيه، هيبته وعلمه بيسبقوه، ويجبر الجميع على إحترامه. ✨⚖️
​علي الريفي المحامي

#♦أسرار النصب الإلكتروني: كيف تتجنب أن تكون ضحية؟»​«احذر! النصب الإلكتروني يستهدف أموالك وبياناتك»⬛زمان كنا بنخاف من ال...
03/07/2026

#♦أسرار النصب الإلكتروني: كيف تتجنب أن تكون ضحية؟»
​«احذر! النصب الإلكتروني يستهدف أموالك وبياناتك»

⬛زمان كنا بنخاف من الحرامي التقليدي اللي بينط من الشباك أو النشال اللي بيخطف المحفظة في الزحمة، وكان عمالقة الفقه والقانون بيشرحوا جريمة النصب على إنها استخدام طرق احتيالية لسلب مال الغير حتة بحتة، والمشرع المصري حط الكلام ده في قانون العقوبات وتحديداً المادة 336 الشهيرة اللي بتعاقب النصاب القديم، لكن تعال بقى نشوف النصب اتطور في العصر بتاعنا، لما النصب ميبقاش محتاج مواجهة وش لوش، والنصاب مش محتاج حتى ينزل من بيته، لا دا قاعد ورا شاشة كمبيوتر أو موبايل بينشف ريق ضحاياه بمليون حيلة وحيلة اللي بيحصل دلوقتي في المحاكم كل نصاب ماسك كيبورد أو تليفون هو المهاجم اللي بيدور على ثغرة

⬛والقانون والقضاء ومعاهم أجهزة وزارة الداخلية متمثلة في "إدارة مكافحة جرائم الحاسبات وشبكات المعلومات" (مباحث الإنترنت) هما درع الدفاع اللي بيحاول يسد الثغرات دي عشان يحمي الجمهور الغلبان، ومحكمة النقض المصرية بدأت تطلع أحكام تاريخية في الحتة دي وحسمت الليلة وقالت إن استخدام وسائل الاتصال الحديثة أو الإنترنت لتسهيل النصب هو جريمة كاملة الأركان وتعتبر من قبيل "الطرق الاحتيالية الحديثة" اللي بتدلس على الضحية وتوهمه بمشروع كاذب أو ربح وهمي.

⬛المشرع المصري عشان يلحق التطور المرعب ده وميسبش النصابين يخلعوا بالفلوس، طلع قانون خاص وصارم جداً وهو "قانون مكافحة جرائم تقنية المعلومات" رقم 175 لسنة 2018، وحط فيه مواد بتعاقب على اختراق الحسابات، وسرقة البيانات البنكية، والنصب الإلكتروني والقوانين دي ميزتها إنها خلت القاضي يقدر يصدر أحكام مش بس بحبس النصاب، لكن كمان بغرامات خيالية بتوصل لمئات الآلاف وتعويضات ضخمة للضحايا، ولو النصاب ركب دماغه ومسددش، الفلوس مش بتسقط بل بيتحجز على أملاكه وأمواله يد في يد ومع ذلك، في المحاكم " انتحال الهوية الحقيقية ونفي صلة المتهم بالخط أو الحساب"، تلاقي النصاب شغال بحساب وهمي باسم بنك شهير أو شركة شحن، أو مستخدم خط موبايل مجهول الهوية مش متسجل باسمه في شركة الاتصالات، ويطلع محاميه في المحكمة يدفع بـ "انتفاء صلة المتهم بالواقعة وعدم جدية التحريات"، وهنا بيظهر دور محاميك الشاطر لو أتنصب عليك بتعمل محضر في مباحث الإنترنت وبيتعمل تتبع لعنوان الـ "IP Address" الفعلي وجهاز الموبايل نفسة من خلال السيريال نمبر (IMEI) عشان يجيبوا النصاب ويثبتوا إنه هو اللي كان بيدير الحساب ده وقت وقوع الجريمة بالظبط.

⬛الثغرة التانية اللي بتدور بقا هي " النصب عبر منصات التداول والعملات الرقمية الوهمية"وأغلبها علي التليجرام" يجي النصاب يطمعك بأرباح خيالية ويسحب رجلك لغاية ما تحول له مبالغ ضخمة كاش عبر كروت الشحن أو محافظ الموبايل الإلكترونية (زي فودافون كاش وغيرها)، وبعد ما يستلم الفلوس يعملك بلوك ويختفي، والثغرة هنا إن بعض الضحايا بيتأخروا في الإبلاغ أو بيروحوا يعملوا محضر في قسم الشرطة العادي اللي مش متخصص، فالقضية بتاخد وقت وتتحفظ وبتضيع معالم الجريمة الرقمية، والحل وعلاج الحتة دي إنك فوراً وبدون أي تأخير تطلع على مقر "مباحث الإنترنت" في مديرية الأمن التابع ليها ومعاك سكرين شوتس واضحة لكل المحادثات، وأرقام المحافظ اللي حولت ليها، وتطلب تفريغ رسمي وربط الخطوط ببعضها لأن شركات الاتصالات ملزمة قانوناً بتقديم بيانات أصحاب المحافظ دي للمحكمة، وطالما الفلوس ثبت خروجها من محفظتك ودخولها محفظته، القاضي بيقفل عليه باب التهرب ويقوله ادفع الفلوس كاملة يا إما الحبس والغرامة مستنياك.

وعشان نختم النصايح القانونية والعملية للطرفين ولو هنصح أي حد بيتعامل على الإنترنت عشان يحمي شقا عمره من الفخاخ دي:

⬛ أولاً: أوعى تحت أي ظرف تدي كود الـ OTP (رمز التحقق) اللي بيجيلك في رسالة على الموبايل لأي حد، مفيش موظف بنك في العالم هيطلبه منك، والرمز ده هو المفتاح اللي النصاب بيسرق بيه حسابك البنكي أو محفظتك إيد في إيد.
⬛ ثانياً:أوعى تشتري أو تحول فلوس لصفحات مجهولة على السوشيال ميديا بتبيع بأسعار رخيصة بشكل وهمي، دايماً خلي التعامل "الدفع عند الاستلام" وبعد المعاينة عشان تقفل ثغرة النصب التجاري.

⬛ ثالثاً: لو وقعت ضحية للنصب، احتفظ بالدليل فوراً (الروابط الخبيثة، الأرقام، إيصالات التحويل) واطلع على مباحث الإنترنت قبل ما المدة القانونية لتقديم الشكوى تعدي.
♦ أما لو هنصح أي حد بيفكر يستسهل الطريق ويفتكر إن الشاشة مخبياه، فبقوله فوق وافتح مخك، مباحث الإنترنت في مصر دلوقتي عندها أجهزة وتقنيات تتبع متطورة جداً وبتجيب أدق التفاصيل، وقانون تقنية المعلومات الجديد مفيش فيه هزار والعقوبات فيه بتدمر مستقبل أي حد بيفكر يلعب بالبيانات أو يسرق فلوس مش من حقه، فالقانون في النهاية معمول كـ ميزان حساس يحمي الضعفاء ويجيب حقوق الناس من تحت طقاطيق الأرض، والشاطر دايماً هو اللي بيمشي إجراءاته رسمي وموثق ومبيسبش خطوة واحدة للظروف.


علي الريفي المحامي
موبايل وواتساب/ 010 19771975

♦الدليل الشامل لأحكام حبس متجمد النفقات في محكمة الأسرة والثغرات، والحلول، والنصائح القانونية والعملية"⬛ بص يا سيدي، افت...
02/07/2026

♦الدليل الشامل لأحكام حبس متجمد النفقات في محكمة الأسرة والثغرات، والحلول، والنصائح القانونية والعملية"

⬛ بص يا سيدي، افتح مخك معايا عشان الكلام اللي هقولهولك ده "كلام بفلوس" تعاله نطول النفس شوية ونحكي القصة من أولها بأسلوب بسيط يفهمه أي حد، سواء كان محامي لسه بيبدأ طريقه أو راجل وست داخلين المعمعة دي وعاوزين يفهموا راسهم من رجليهم.
⬛لما نيجي نتكلم عن قوانين الأحوال الشخصية وعمالقتها اللي شربوا الصنعة وفككوا نصوصها حتة بحتة، م ينفعش نعدي من غير ما نذكر أساطير وفطاحل القضاء الـمصرى اللي كتبهم بتعتبر أهم كتب في محاكم الأسرة، وعلى رأسهم المستشار الفاضل **أشرف مصطفى كمال** (رئيس محكمة استئناف شؤون الأسرة) صاحب أقوى موسوعة عملية في قوانين الأحوال الشخصية، ومعاه المستشار مصطفى كامل الجارحي والراحل العظيم المستشار أحمد نصر الجندي.
⬛الناس دي سابت للمكتبة القانونية موسوعات تعتبر هي "المرجع والأب الروحي" لكل قاضي ومحامي شغال في قضايا الأسرة، وكلامهم دايماً بيكون السند اللي بنقف عليه في المحاكم مع كلام أساطير الفقه التانيين زي الإمام محمد أبو زهرة والشيخ أحمد إبراهيم.
⬛القصة كلها بتبدأ من عند دعوى حبس متجمد النفقات، الدعوى دي في محاكم الأسرة مش مجرد قضية عادية، دي بتعتبر "الـمسمار الأخير" وأقوى سلاح تنفيذ قهرى في إيد الست عشان تاخد حقها وحق عيالها من جوزها، بس الشغلانة دي عملياً عاملة زي ماتش الكورة الشديد الممتع، الفقهاء دول لما أصلوا الموضوع شرعاً، قالوا إن النفقة دي أصلها وجوب الكفاية، يعني الراجل ملزم يكفي بيته وعياله، وطالما هو قادر ومقتدر وبينشف ريقهم يبقى بيعمل حاجة اسمها "الـمَطْل"، والنبي عليه الصلاة والسلام قالها واضحة: "لَيُّ الْوَاجِدِ يُحِلُّ عِرْضَهُ وَعُقُوبَتَهُ"، والواجد هنا هو الشخص اللي جيبه عمران وميسور الحال بس بيعاند ويمتنع عن الدفع لمجرد الكيد والنكاية.

⬛المشرع المصري أخد الفكر الشرعي ده وصاغه في المادة 76 مكرر من القانون رقم 1 لسنة 2000، وحط شروط صارمة زي السيف عشان القاضي يقدر يصدر حكم بحبس الراجل:
أولاً :لازم يكون فيه حكم نفقة نهائي مش لسه درجة أولى وبيقبل الطعن
ثانياً لازم الزوج يمتنع تماماً بعد ما ينذر بإنذار رسمي على يد محضر يفيد التكليف بالوفاء،

وثالثاً :وثلاثين خط تحتها، لازم تثبت قدرته المالية على السداد (اليسار). وهنا محكمة النقض المصرية حسمت الليلة دي كلها وقالت في أحكامها إن حكم الحبس الصادر في متجمد النفقة ده مش عقوبة جنائية بالمعنى اللي يخلي الراجل "سوابق" أو ينزل في الفيش والتشبيه كأنه حرامي أو نصاب، لأ، ده وسيلة "إكراه بدني" بحتة غرضها زجر المدين المماطل وإجباره إنه يفتح جيبه ويدفع، وعشان كده لو الراجل ركب دماغه واتنفذ عليه الحكم واتحبس الـ 30 يوم بتوع الحبس، الحبس ده مش بيسقط دين النفقة أبدأً، بيفضل الدين راكبه وفي ذمته لغاية ما يدفع آخر مليم!

♦تعالي بقى ندخل المحاكم واللي بيدور فيها، ونكشف الثغرات اللي بيلعب عليها الطرفين:
أول وأشهر ثغرة بيعملها بعض الرجالة هي "لعبة الإعلانات والهروب من المحضرين"، تلاقي الراجل بذكاء شديد يغير محل إقامته من المحافظة كلها أو يتلاعب مع المحضرين عشان الإنذار بالسداد يرجع للمحكمة "لم يستدل عليه" أو "مغلق"، وده إجراء جوهري لو باظ، القضية كلها بتاخد رفض وبتقع كأنها لم تكن. الحل هنا إيه؟

⬛الست الواعية ومحاميها الشاطر ما يسبوش المحضر يروح لوحده، لازم تتبع الإعلانات حتة بحتة، وتعلن الزوج على جهة عمله الرسمية لو كان موظف، أو تطلب من القاضي تصريح بعمل تحري ميداني شديد اللهجة عن طريق مباحث قسم الشرطة اللي هو تابع ليه عشان يجي الإعلان في نص جبهته.
الثغرة التانية وهي "مسرحية ادعاء الفقر والإعسار"، يروح الزوج يسيب شغله مؤقتاً، أو يتفق مع صاحب الشغل يجيب مفردات مرتب ضعيفة متدنية تظهره كأنه شحات ومعدم قدام القاضي، بس المحكمة هنا مش ساذجة وما بتمشيش ورا شوية ورق مصطنع، ومن أكتر الحاجات اللي ركز عليها المستشار **أشرف مصطفى كمال** في موسوعته هي كيفية إثبات اليسار وتتبع أملاك الزوج؛ عشان كده من حق الست وجوباً تطلب تحريات مباحث كاملة عن أملاكه الحقيقية وسجلاته التجارية، أو تطلع شهادات من المرور لو باسمه عربيات، أو السجل العقاري، وتثبت "اليسار الفعلي" بكل الطرق القانونية المتاحة وحتى بجلب شهود يشهدوا في المحكمة إنه عايش في مستوى عالي.
⬛وفيه كمان ثغرة تانية بتنرفز القضاة، وهي إن الراجل يروح يوم الجلسة ويدفع "جزء عبيط ومستفز" من المبلغ (مثلاً يكون عليه 50 ألف فيدفع 500 جنيه) عشان بس يعقد لواء الخصومة ويطلب التأجيل لإطالة أمد التقاضي ونشفان ريق المطلقة، وهنا القاضي الذكي بيكون ليه سلطة تقديرية واسعة، لو شم ريحة مماطلة وكيد بيقفل باب التأجيل ويقوله "ادفع المبلغ اللي يقنعني يا إما هصدر حكم بحبسك حالاً".

⬛أما الثغرة اللي بيقع فيها الرجالة بغشومية تضيع مستقبلهم، فهي إنه يدفع الفلوس لطليقته يد في يد أو يبعتهالها مع حد من قرايبهم "حُبّي" من غير ورق ومستندات، فتروح هي بكل بساطة رافعة عليه قضية بالمتجمد وتطالبه بالفلوس تاني! القانون أعمى وما بيعترفش بالنيات الطيبة، القانون لا يعتد إلا بالوفاء الثابت كتابةً.
⬛وعشان نكون منصفين وبنرضي ربنا، لازم نوزن النصايح للطرفين عشان المركب تسير:
♦لو هنصح الرجالة عشان يحموا نفسهم من بهدلة الحبس وضياع الحقوق:
أولاً، أوعى ثم أوعى تدفع قرش ساغ واحد لطليقتك أو لمرتك برة المحكمة من غير ما تمضيها على مخالصة كتابية واضحة ومبصومة، أو الأضمن والآمن ليك إنك تدفع عن طريق "إنذار عرض رسمي" على يد محضر، أو حوالة بريدية في البوسطه يثبت فيها في خانة الملاحظات ديباجة واضحة: "سداد متجمد نفقة زوجية أو صغار عن الفترة من يوم كذا لشهر كذا لسنة كذا"، عشان الورقة دي هي درعك وسيفك في المحكمة.

ثانياً: لو ظروفك المادية اتدمرت بجد وشغلك وقف أو حصلك عجز، ما تقعدش حاطط إيدك على خدك مستني لما المتجمد يركب عليك ويبقى أرقام فلكية وتلاقي نفسك على قوائم الترقب والضبط والإحضار؛ بادر فوراً وارفع دعوى "تخفيض نفقة" عشان تثبت وضعك الجديد والقاضي ينزل بالرقم للي يتناسب مع جيبك الحالي. وثالثاً، لو اتزنقت وخلاص بقيت جوه قضية الحبس والمبلغ كبير مش قادر تدفعه خبطة واحدة، اعرض قدام القاضي في الجلسة سداد جزء يثبت حسن نيتك (ربع أو نص المبلغ مثلاً) واطلب بطلب رسمي جدولة الباقي على أقساط شهرية تلتزم بيها، القاضي لما بيلمس فيك الجدية ومراعاة مصلحة العيال بيوافق فوراً ويحميك من دخول السجن.
♦أما بالنسبة للستات وعشان تاخد حقها وماتلفش كعب داير في المحاكم:
النصيحة الذهبية ليكي هي إن "التحريات والتقصي هما روح قضيتك"، ما تعتمديش على ورق روتيني مكتبي بيطلع من خلف المكاتب، خلي محاميكِ يتحرك ويوفر للمحكمة أدلة حية وعناوين الشغل الفعلي للزوج، دخله من برة، مستوى معيشته، سفراته برة مصر، أو حتى وصولات مصاريف مدارس اللغات اللي مدخل فيها أولاده، لأن القاضي بيحكم بالقرائن الواضحة دي. كمان لو المتجمد مش رقم ضخم والراجل من النوع المقرف اللي مشاويره كتير وبيهرب، ارفعي العبء والضغط النفسي عن نفسك وافتحي ملف في بنك ناصر الاجتماعي واصرفي نفقتك بانتظام كل شهر في معادها، والبنك بجيشه القانوني هو اللي بيتولى ملاحقة الراجل ده قانونياً وياخد منه الفلوس بمعرفته ويسجنه لو لزم الأمر، وتفضلي أنتِ في أمان وبعيد عن المحاكم.
الخلاصة قانون الأحوال الشخصية مش معمول عشان يخرب البيوت أو ينتقم من حد، هو معمول كـ ميزان حساس يحمي المحضونين والضعفاء، والشاطر في اللعبة دي مش اللي بيعاند، الشاطر هو اللي بيمشي إجراءاته رسمي وموثق ومبيسبش خطوة واحدة للظروف أو للوعود الشفوية!
بقلمي 📝

علي الريفي المحامي
موبايل وواتساب: 010 19771975

# # 📌 قرار الوصاية..وازاي تحمي أموال "القُصّر" قفل ثغرات الميراث ومن واقع أحكام محكمة النقض"طلب قرار الوصاية الموكل بيج...
29/06/2026

# # 📌 قرار الوصاية..وازاي تحمي أموال "القُصّر" قفل ثغرات الميراث ومن واقع أحكام محكمة النقض"

طلب قرار الوصاية الموكل بيجي المكتب وهو لسه مصدوم من وفاة الأب، وبيسألني : "يا أستاذ علي، إحنا محتاسين، البنك مجمد فلوس أبونا المتوفي، ومش عارفين نتصرف في أي مليم من فلوسه عشان نأكل ونشرب ونصرف على الولاد اللي لسه تحت الـ 21 سنة، نعمل إيه؟" وهنا لازم الموكل يفهم إن قرار الوصاية ده هو "المفتاح" اللي بيسمح للوصي (غالباً الأم) بإدارة أموال ومستحقات الأولاد القصر بشكل رسمي وقانوني وتحت رقابة النيابة الحسبية.
وقبل ما ندخل في الإجراءات والثغرات، لازم نأصل للموضوع فقهياً؛ القانون المصري بيستمد أحكامه في الولاية على المال من الراجح في المذهب الحنفي (فيما لم يرد به نص). الوصية هي ولاية اختيارية لغير الولي الطبيعي (الأب أو الجد للأب)، وبتخضع لقانون تنظيم بعض أوضاع وإجراءات التقاضي في مسائل الأحوال الشخصية رقم 1 لسنة 2000 وتعديلاته، والهدف الأسمى هو "المحافظة على مال القاصر" القانون وضع قواعد صارمة عشان يضمن إن مفيش حق يضيع، بس كواليس المحاكم مليانة تفاصيل محتاجة محامي شاطر يقفل ثغراتها.

أولاً: الثغرات القاتلة في قرار الوصاية ( اللي بتوقف التصرف في الأموال)
بنشوف مشاكل كتير بعد صدور قرار الوصاية، أو بسببه، بتوقف حال التركة، ومن أهم الثغرات دي:
1.إغفال أو تأخير تقديم "الجرد":الوصي (غالباً الأم) لما بتستلم قرار الوصاية، بتبقى فاكرة إن كده خلاص لازم تقدم "بيان جرد أموال ومستحقات القاصر" للمحكمة والنيابة الحسبية خلال 30 يوم من تاريخ استلامها للقرار.

ومحكمة النقض أكدت في الطعن رقم 3215 لسنة 91 قضائية (جلسة 2024/02/11) على إن: التراخي في تقديم بيان الجرد يعرض الوصي للعزل، ويوقف أي أذن تصرف في أموال القاصر لحين تقديم الجرد المعتمد"
2. التصرف في الأموال بدون "إذن مسبق" (دا بقي يامعلم السلاح ذو الحدين): كتير من الأمهات بتتصرف في فلوس القُصر (زي سحب مبلغ من البنك لعلاجه، أو دفع مصاريف مدرسة) من غير ما تطلب إذن المحكمة الحركة دي قلب طاولة قانوني؛ لأن محكمة النقض استقرت في الطعن رقم 988 لسنة 92 قضائية (جلسة 2024/04/18)على إن: "تصرفات الوصي في أموال القاصر العقارية أو المالية (زي بيع شقة، أو سحب مبالغ كبيرة) بدون إذن سابق من محكمة الأسرة والنيابة الحسبية هي تصرفات باطلة بطلان مطلق، ولا يعتد بها أمام الغير"
3. عدم التفرقة بين "الولاية" و"الوصاية": ساعات بتحصل خناقة بين الأم (الوصية) والجد للأب (الولي الطبيعي في حالة وفاة الأب)، وكل واحد فاكر إنه هو اللي ليه الكلمة الأولى محكمة النقض وضحت إن الجد للأب هو الولي الطبيعي على مال حفيده ما لم يثبت عدم أهليته أو عزله، وقرار الوصاية للأم بيكون في حالة عدم وجود جد للأب، أو عزله.
ثانياً: علشان تستلم قرار الوصاية وتبدأ بصرف الأموال من أول جلسة هتعمل قرار وصاية "متقفل بالمسطرة" وما يترفضش، أو يوقف التصرف، لازم تمشي على الـ 3 خطوات دول:

لو فية قُصر مينفعش ترفع إعلام الوراثه علطول منغير ماتعمل قرار وصاية الأول علشان اعلام الوراثه هيفضل يتأجل لحد ماقرار الوصاية يطلع ويتقدم فالجلسه
1. تجهيز الأوراق الرسمية: صورة بطاقه المتوفي ،شهادة الوفاة كمبيوتر مميكنة حديثه ،شهادات ميلاد الأولاد القصر، أو بطايقهم لو معاهم بطايق وصورة بطاقة الأم طالبة الوصاية، وأي عقود أملاك للأب أو أفادات برصيد فالبنوك للمجلس الحسبي أو النيابة الحسبيه.

2. كتابه الطلب والإعلان: بيتقدم طلب قرار وصاية لرئيس محكمة الأسرة ،وبتقدم شهاده وفاه الجد لأب ،أو يجي يتنازل عن ولايته للأم، بيتأشرلك عالطلب وبتدفع رسوم فالخزنه وبيتم تحديد جلسة، ولازم يتأعلنوا باقي الورثة البالغين (لو فيه).
3. جلسة النيابة الحسبية بتبحث أهلية الأم للوصاية، وبتبص على مصلحة القاصر بعد أسبوع هنا المحامي الشاطر بيجهز طلبات عاجلة زي إذن سحب مؤقت لمصاريف المدرسة وبنقدمها فوراً مع طلب الوصاية عشان تطلع الأذن مع قرار القاضي بيصدر قرار الوصاية وتحديد الوصي.
عشان تتكلم بثقة قدام قاضي الأسرة والنيابة الحسبية، دي

1. **الدفع بـ "انتفاء الضرر" في دعاوي العزل لو حد رفع الـ دعوى دي لعزل الوصي (الأم) بسبب تصرفات معينة، هو الدفع بـ "انتفاء الضرر المباشر على القاصر"، وبنقدم مبررات واقعية تثبت إن التصرف ده كان لمصلحة القاصر أو إن النقص تافه وطبيعي نتيجة الاستهلاك، ومحكمة النقض أكدت على مبدأ "تقدير مصلحة القاصر" في الطعن رقم 1414 لسنة 92 قضائية (جلسة 2024/06/10)
2. الدفع بسقوط الحق في طلب الوصاية: في طلب قرار الوصاية من أشخاص آخرين (غير الأم)،هو إثبات إن الأم هي الأقدر على رعاية ابنها ومصالحه، ونقدم مستندات تثبت أهلية الأم وأمانتها، وبنطلب إحالة الـ دعوى للتحقيق لبيان مدى كفاءة الأم طبقاً للمادة 29 من قانون الولاية على المال.

علي الريفي المحامي

📞 للتواصل: 010 19771975

📌 إعلام الوراثة.. المفتاح السحري للتركات وثغرات تقسيم الميراث" بيجيلي الموكل وهو محتار، ويقولي: "يا أستاذ علي، والدي توف...
27/06/2026

📌 إعلام الوراثة.. المفتاح السحري للتركات وثغرات تقسيم الميراث"
بيجيلي الموكل وهو محتار، ويقولي: "يا أستاذ علي، والدي توفى وساب بيت وأموال في البنك وأراضي، وعايزين نقسم الميراث بس مش عارفين نتحرك رسمي، وبنسمع إن إعلام الوراثة ده فيه حوارات ومشاكل لو حد سقط من الورثة!"
وهنا لازم يفهم الموكل إن إعلام الوراثة مش مجرد إجراء روتيني، ده الشهادة الرسمية الوحيدة اللي بتحدد مين هما الورثة الشرعيين ونصيب كل واحد فيهم بالملّيم، ومن غيره شقا السنين كله بيفضل مجمد في البنوك والشهر العقاري.

ولو فتحت المجلدات الفقهية، هاتجد أن إعلام الوراثة بيخضع لقانون تنظيم بعض أوضاع وإجراءات التقاضي في مسائل الأحوال الشخصية رقم 1 لسنة 2000 القانون هنا وضع قواعد صارمة عشان يضمن إن مفيش حق يضيع، بس كواليس المحاكم مليانة ثغرات لازم المحامي الشاطر يقفلها.

أولاً: الثغرات القاتلة في إعلام الوراثة .. "
بنشوف إعلامات وراثة بتبطل بعد ما تطلع بسبب تفاصيل وتلاعب من بعض الورثة، وأخطر الثغرات دي هي:
1. إغفال أو إسقاط وارث (الثغرة الكبرى) ساعات تلاقي أحد الورثة يروح يرفع الـدعوى ويطنش يذكر اسم أخوه من الأب، أو أخته، أو حتى زوجة تانية للمتوفى عشان يستأثر بالتركة.

الحركة دي تقلب الدنيا عليه قانوناً؛ لأن محكمة النقض استقرت على أن: "قرار تحقيق الوفاة والوراثة (إعلام الوراثة) لا يحوز حجية الأمر المقضي به في خصوص نسب الورثة، ويجوز الطعن عليه بالبطلان في أي وقت إذا ثبت إغفال وارث أو إدخال غير وارث"(الطعن رقم 4521 لسنة 91 قضائية - جلسة 2023/05/18)
2. ثغرة "الورثة القُصّر" والنيابة الحسبية:
لو المتوفى ساب أولاد سنهم تحت 21 سنة، م ينفعش تعمل إعلام وراثة عادي وتتصرف! لازم الأول يتعمل "قرار وصاية" وتتدخل النيابة الحسبية لحماية أموال القاصر. لو حد من الورثة البالغين تصرف في نصيب قاصر قبل إعلام الوراثة وقرار الوصاية، التصرف ده باطل بطلان مطلق، ومحكمة النقض حسمت ده وقالت: "أموال القاصر خط أحمر، ولا يجوز للولي أو الوصي التصرف فيها إلا بإذن سابق من المحكمة المختصة"
3. عدم إعلان الورثة إعلاناً صحيحاً:
يروح طالب الإعلام يعلن باقي الورثة على عنوان قديم أو وهمي ويشغل دماغه عشان يخلص الإجراءات في السريع من غير ما يعرفوا دي ثغرة تخلي أي وريث يرفع "دعوى بطلان إعلام وراثة" ويهد كل اللي اتبنى.
ثانياً: الخطوات والتكتيك العملي لإنهاء الإجراءات من أول جلسة
عشان تعمل إعلام وراثة "متقفل بالمسطرة" وما يترفضش، لازم تمشي على الـ 3 خطوات دول:
1. تجهيز الأوراق الرسمية:
شهادة الوفاة كمبيوتر، شهادات ميلاد الورثة، وقرار الوصاية (لو فيه قُصّر)، وصورة بطاقة طالب الإعلام، وصور بطاقات باقي الورثه.
2.تحرير الطلب والإعلان:
بيتقدم طلب لرئيس محكمة الأسرة، وبيتم تحديد جلسة، ولازم تعلن الورثة على عناوينهم الحقيقية علي "يد محضر".
3. حضور الجلسة:"
في الجلسة بنجيب 2 شهود (رجاله، أو رجل وأمرآتان) يشهدوا قدام القاضي إن المتوفى مات وتوفى إلى رحمة الله، وإن هما دول ورثته الحقيقيين ومفيش غيرهم القاضي هنا بيقفل الجلسة ويصدر قرار إعلام الوراثة وتحديد الأنصبة الشرعية.
ثالثاً: الدفوع الذهبية أمام محكمة الأسرة
لو أنت محامي وجالك وريث مظلوم وتم إسقاطه من إعلام الوراثة، دي تتصرف ازاي؟
هترفع "دعوى بطلان إعلام وراثة" (الدعوى الأصلية):
بترفع دعوى مبتدأة أمام محكمة الأسرة بتطلب فيها بطلان إعلام الوراثة الصادر في المادة رقم (...) لسنة (...)، وبندفع فيها بـ "انعدام الإعلان وبطلانه"؛ لأن الموكل متعلنش أصلاً أو اتأعلن على عنوان وهمي ومحكمة النقض وضعت مبدأ صارم في الطعن رقم 4521 لسنة 91 قضائية بتقول فيه إن إعلام الوراثة ملوش أي حجية لو ثبت إن فيه وريث سقط أو دخل فيه حد مش وريث، وبيتلغي فوراً.

​طلب "تعديل الأنصبة والشركاء":
في نفس الـ دعوى، بتطلب إدخال الموكل كوارث شرعي وتعديل نصيب باقي الورثة بناءً على الحسبة الشرعية الجديدة بعد دخول اسم موكلك (سواء كان أخ، أخت، أو زوجة ثانية).
​ "جنحة التزوير والإدلاء ببيانات غير صحيحة":
عشان تضغط على الخصوم وتجيبهم الأرض، بتلوّح أو بترفع جنحة مباشرة ضد الشخص اللي قدم طلب إعلام الوراثة؛ لأنه طبقاً لقانون العقوبات، يعتبر أدلى ببيانات غير صحيحة أمام جهة قضائية وأخفى وريثاً شرعياً بنية الاستيلاء على حقه، والجنحة دي فيها حبس، وده بيخليهم يجوا المكتب عندك يتفاوضوا ويدوا الموكل حقه بالمليم من غير محاكم طويلة.
​إخطار الجهات الرسمية (التجميد الفوري):
بمجرد رفع الـ دعوى، بتاخد شهادة من الجدول وبتطلع بيها على البنك المركزي أو البنوك اللي فيها أرصدة المتوفى، وكمان الشهر العقاري، عشان تعمل "وقف تصرف" وتجمد التركة والفلوس لحد ما يفصل في بطلان الإعلام وتعديله، وبكده بتضمن إن مفيش مليم يتهرب بره وتضمن حق موكلك.

علي الريفي المحامي

📞 للتواصل موبايل وواتساب: 010 19771975

📌 تريند الساعة فخ القايمة وعمرك المهدد بالسجن وشقا عمُرك اللي هيضيع وكواليس محاكم الجنح!الأيام دي السوشيال ميديا في مصر ...
27/06/2026

📌 تريند الساعة فخ القايمة وعمرك المهدد بالسجن وشقا عمُرك اللي هيضيع وكواليس محاكم الجنح!
الأيام دي السوشيال ميديا في مصر مقلوبة بسبب قصة الشاب اللي راح يخطب وبحسن نية وفي يوم قراية الفاتحة والاتفاق، استدرجوه أهل العروسة بحجة "عايزين نضمن حق بنتنا"

ومضوه على قائمة منقولات زوجية على بياض قبل ما يعرف أي حاجة في الشقة! والنهاردة الشاب ده مهدد بالحبس وجنحة التبديد شغالة ضده الواقعة دي مش مجرد حالة فردية، دي "مصيدة" وقنبلة موقوتة بتتحول فوراً لـ "جنحة تبديد" بتودي ورا الشمس لو حصل خلاف، والموكل بيدخل مكتبي مذهول ويقولي: "يا أستاذ علي، أنا مراتي سابت البيت وراحت رفعت عليا دعوى تبديد قايمة منقولات زوجية، وأنا حاجتها موجودة في الشقة ومخدتش منها حاجة، إزاي آخد براءة ومتحبسش؟" وهنا بييجي دور المحامي الشاطر اللي بيعرف يفكك الجريمة دي ويطلع منها بأقوى الدفوع القانونية.

وقبل ما ندخل في الثغرات، لازم نأصل للموضوع فقهياً؛ القانون المصري بيُكيّف "القايمة" على أنها "عقد من عقود الأمانة" الخمسة المنصوص عليها في "المادة 341 من قانون العقوبات" (وتحديداً عقد عارية الاستعمال أو الوديعة)، ولو رجعنا لشروحات شيوخ الفقه مثل الدكتور عبد الرزاق السنهوري هاتجد أن العقد يدور وجوداً وعدماً مع التسليم الحقيقي؛ فالزوج بيمضي إنه استلم الحاجة دي على سبيل الأمانة عشان يستعملها ويردها وقت ما تطلبها الزوجة، ولو امتنع أو تصرف فيها، بتتحقق الجريمة بس الشاب بتاع التريند وقع في غلطتين عمر المحامي الذكي ما يخليش موكله يقع فيهم:
* الأولى إنه مضى قبل التسليم الفعلي.
* والتانية إنه سلم توقيعه على بياض واداهم سلطة مطلقة يكتبوا ملايين وغرف مش موجودة في كوكب الأرض!
تعال نعرف إزاي الدعوى دي بنفككها وبنجيب فيها البراءة من واقع كواليس المحاكم وأحكام النقض:
#أولاً: الثغرات القاتلة في القايمة
فيه تفاصيل صغيرة جداً في صياغة القايمة أو في طريقة رفعها، بتنهار بسببها الدعوى في المحكمة، ومن أهمها:
1. انتفاء ركن التسليم الفعلي (ثغرة قصة التريند):
كتير من العائلات بيمضوا الزوج على القايمة قبل الفرح وقبل ما العفش يدخل الشقة أصلاً هنا، لو المحامي أثبت بكافة طرق الإثبات إن الزوج مضى قبل التسليم الفعلي، الركن المادي للجريمة بيقع؛ لأن محكمة النقض استقرت في الطعن رقم 14522 لسنة 86 قضائية (جلسة 2022/11/15) على أن:
*"العبرة في جريمة التبديد هي بالتسليم الفعلي للمنقولات، فإذا انتفى التسليم، انتفت الجريمة ولو كان هناك عقداً مكتوباً"*.
2. الطعن بالتزوير وخيانة الائتمان (سلاح التوقيع على بياض):
إمضاء الزوج على ورقة قايمة فاضية ثغرة قاتلة، في حالة شاب التريند بنطلب إحالة القايمة للمكتب الشرعي (أبحاث التزييف والتزوير) لإثبات أن "التوقيع" قديم ومعاصر ليوم الاتفاق، بينما "صلب القايمة والمبالغ" تم ملؤها في تاريخ لاحق وبخط مختلف، وهنا القاضي بيدي براءة فوراً طبقاً للمادة 340 من قانون العقوبات (خيانة الائتمان على التوقيع).
3. صياغة "ذهب الزوجة" في القايمة:
لو الذهب مكتوب في القايمة بالجرامات، الدفع هنا بيكون إن الذهب لصيق بالمرأة وهي اللي بتلبسه وتتحرك بيه بره البيت ومش في حيازة الزوج الشخصية والمستمرة. ومحكمة النقض حسمت ده في **الطعن رقم 2844 لسنة 88 قضائية (جلسة 2021/02/10) وقالت: "المجرى العادي للأمور أن زينة المرأة من المصاغ الذهبي تلازمها أينما حلت، ولا يصح اتهام الزوج بتبديدها ما لم تثبت الزوجة بالدليل القاطع حيازته لها"
#ثانياً: التكتيك العملي لإبراء ذمة الزوج .
لو الزوج فعلاً في موقف نزاع وعايز يرجع الحاجة أو يثبت حسن نيته عشان يخلص من الشق الجنائي، الخطوات بتمشي كالآتي:
1.العرض القانوني الحقيقي للمنقولات:الزوج بيطلب من المحكمة تمكينه من "عرض المنقولات" عرضاً قانونياً في الموعد والمكان اللي بتحدده المحكمة (غالباً بيكون نقطة الشرطة)، وبيتحدد مأمور ضبط يعاين الحاجة.
2. مطابقة المحتويات وعيوب الاستهلاك:
المأمور بيطابق العفش المعروض باللي مكتوب في القايمة وصفاً ونوعاً لو الزوجة رفضت تستلم بحجة إن فيه حاجات ناقصة أو متبدلة، بيتم إثبات ده وهنا، لو النقص تافه أو طبيعي نتيجة الاستهلاك العادي، المحكمة مش بتعتبره تبديد؛ لأن عارية الاستعمال تبيح الاستعمال المعتاد.
3. عقود الصلح الرسمية:
لو حصل صلح، لازم يتعمل "إقرار استلام منقولات ومخالصة" موثقة وتبصم عليها الزوجة إنها استلمت حاجتها كاملة وإبراء ذمة الزوج، عشان المحضر ده هو اللي بيقفل الشق الجنائي تماماً.
#ثالثاً: الدفوع الجوهرية أمام قاضي الجنح:
عشان تقف في المحكمة وتترافع بثقة، دي الدفوع اللي بتهز الدعوى:
1.الدفع بانتفاء الركن المعنوي (القصد الجنائي ونية التملك): التبديد محتاج "قصد جنائي خاص"؛ يعني انصراف نية الزوج لتملك الحاجة وحرمان الزوجة منها نهائياً ومحكمة النقض أكدت في الطعن رقم 9855 لسنة 89 قضائية (جلسة 2023/04/12)"لا يكفي في جريمة التبديد مجرد التأخر في الرد، بل يجب أن يقترن ذلك بنية التملك وحرمان صاحب الحق"فلو الزوج عرض الحاجة والزوجة هي اللي تعنتت ورفضت تستلم، هنا النية الجنائية منعدمة تماماً والمحكمة بتدي براءة.
2. الدفع بصورية القايمة ومبالغها الخيالية:
لو القايمة مكتوب فيها مبالغ خيالية وحاجات مش موجودة في الواقع (زي كاتبين 4 غرف نوم والشقة مفيهاش غير غرفة واحدة)، بيتم طلب إحالة الدعوى للتحقيق لبيان الصورية وإثبات حقيقة المنقولات اللي دخلت البيت فعلياً، وهو ما يثبت انتفاء تسلم الزوج للأمانة المدونة بالورقة.
حفظ الله بيوت الجميع وحمى الشباب من فخاخ التسرع وجهل القانون.


علي الريفي المحامي
لأعمال المحاماة والاستشارات القانونية ⚖️
📞 للتواصل: 010 19771975

♦ دعوى صحة التوقيع وأهميتها والأسرار القانونية من واقع المحاكم ومن واقع أحكام النقض. من أكتر القضايا اللي بتدخل مكاتب ال...
26/06/2026

♦ دعوى صحة التوقيع وأهميتها والأسرار القانونية من واقع المحاكم ومن واقع أحكام النقض.

من أكتر القضايا اللي بتدخل مكاتب المحامين يومياً هي دعوى صحة التوقيع الموكل بيجيلك وهو فاكر إن بمجرد ما ياخد حكم صحة توقيع على عقد البيع، إنه كده سجل الشقة أو الأرض وبقى المالك الرسمي قدام الدولة وهنا بييجي دور المحامي الشاطر عشان يصحح المفاهيم دي ويفهمه أبعاد الدعوى دي، ويقفلها له صح من غير ما يقع في أي مطب قانوني.
ولو بحثت في المجلدات الفقهية للعلامة الدكتور عبد الرزاق السنهوري في شرح قانون الإثبات، هتلاقيه بيعرّف دعوى صحة التوقيع بأنها "دعوى تحفظية شرعت ليأمن من بيده محرراً عرفياً من أن ينازع فيه من وقع عليه" يعني هي دعوى وظيفتها الأساسية إثبات نسبة التوقيع فقط، دون التعرض لموضوع العقد.
ههقولك إزاي نكسبها بصحيح القانون وأحكام النقض.
#أولاً: الطبيعة القانونية للدعوى (حدود القاضي في المحكمة)
الدعوى دي بتخضع لنص المادة 14 من قانون الإثبات المصري واللي بتتكلم عن حجية المحررات العرفيةالنقطة الجوهرية هنا اللي لازم تفهمها للموكل، هي إن قاضي صحة التوقيع "قاضي أعمى" عن موضوع العقد مش بيبص لموضوع العقد نهائي
1. بحث التوقيع فقط:
القاضي كل شغلته يبص على الإمضاء أو البصمة؛ هل هي بتاعة البائع ولا لأ؟ ملوش دعوة هل البائع ده مالك ولا مش مالك، ولا هل الثمن اتدفع ولا لسه.
2.عقد البيع الابتدائي لا ينقل الملكية:
حكم صحة التوقيع مش بينقل الملكية نهائياً ومحكمة النقض حسمت الموضوع ده في حكم تاريخي وقالت:
دعوى صحة التوقيع دعوى تحفظية الغرض منها حماية صاحب الحق من جحد توقيع خصمه، والحكم الصادر فيها يقتصر أثره على صحة التوقيع ولا يتعداه لبحث موضوع العقد أو نقل الملكية" (الطعن رقم 12054 لسنة 85 قضائية - جلسة 2021/06/16)
#ثانياً: خطوات وتكتيكات إقامة الدعوى
(أولاً وثانياً و1، 2، 3)عشان ترفع الدعوى وتكسبها بأسرع وقت ومن أول جلسة، لازم تمشي على الخطوات دي بالترتيب:
1.تحرير العريضة والإعلان:
بنكتب العريضة وبنرفق معها أصل عقد البيع، ويتم إعلان المدعى عليه (البائع) قانوناً.
2. في حالة حضور البائع وإقراره (أسرع حكم):
لو البائع حضر في أول جلسة وأقر بتوقيعه، القاضي بيقفل القضية ويحكم فوراً بصحة التوقيع، وهنا المصاريف القضائية كاملة بتقع على عاتق المدعي (المشتري طبقاً للمادة 115 من قانون المرافعات.
3.حالة غياب البائع (الحكم الغيابي):
لو البائع أتعلن ومحضرش في الجلسة، المحكمة بتحكم بصحة التوقيع غيابياً بعد ماتعيد إعلانه تاني وهنا لازم المشتري يعلن البائع بالحكم عشان يبدأ ميعاد الاستئناف (40 يوم)، ولو عدا الميعاد ومستأنفش، الحكم بيبقى نهائي وتاخد عليه "شهادة بعدم حدوث إستئناف وبتاخد العقد وعليه حكم محكمة بصحة التوقيع.
#ثالثاً: النقاط القانونية المهمة وإزاي تدافع لو أنت محامي البائع؟
لو جالك موكل (بائع) ومرفوع عليه دعوى صحة توقيع، بس العقد ده فيه تلاعب أو هو موقعش عليه أصلاً، إيه هي أسلحتك في المحكمة؟
1.الطعن بالتزوير (الإنكار والتناكر): طبقاً لـ المادة 30 من قانون الإثبات، البائع أو ورثته من حقهم ينكروا التوقيع
هنا القاضي بيوقف الدعوى وبيحيل العقد لـ مصلحة الطب الشرعي" (قسم أبحاث التزييف والتزوير بطنطا)عشان يتم استكتاب البائع ومقارنة الخطوط.
2. ثغرة "حضور الوكيل في الجلسة":
أوقات بيحضر محامي عن البائع ويكون معاه توكيل عام قضايا، ويقر بصحة التوقيع
ركز هنا جداً! محكمة النقض وضعت مبدأ صارم بتقول فيه:
أن الإقرار بصحة التوقيع علي المحرر العرفي هو تصرف ينطوي على نزول عن حق جحده، وبالتالي لا يملكه الوكيل إلا إذا كان توكيله ينص صراحة على الإقرار بالحقوق أو مصدقاً فيه على هذا التصرف"
(الطعن رقم 685 لسنة 72 قضائية - جلسة 2023/02/05)
(يعني لو التوكيـل مفيش فيه بند "الإقرار" صراحة، الإقرار ده باطل تقدر تطعن عليه بالبطلان!)
3.هتدفع بعدم قبول الدعوى لرفعها من غير ذي صفة:
لو اللي رافع الدعوى مش هو المشتري المباشر، أو ملوش صفة حقيقية في العقد الابتدائي.
؛ :
دعوى صحة التوقيع خطوة أولى ممتازة لحماية العقد من "إنكار البائع" في المستقبل هوا أو ورثته من بعده، وهي بتثبت تاريخ العقد بشكل رسمي قدام الدولة، لكنها مش نهاية المطاف؛ لازم تفهم الموكل إن الخطوة اللي بعدها هي دعوى "صحة ونفاذ" أو "التسجيل في الشهر العقاري" عشان الملكية تتنقل له قانوناً بنسبة 100%.
حفظ الله الجميع وحمى حقوقكم.

علي الريفي المحامي
لأعمال المحاماة والاستشارات القانونية ⚖️
📞 للتواصل: 010 19771975

Address

Kafr El Sheikh

Website

Alerts

Be the first to know and let us send you an email when علي الريفي المحامي - 𝐀𝐥𝐢 𝐀𝐥-𝐑𝐞𝐞𝐟𝐲 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category