عمران للاستشارات القانونية

21/06/2021

21/06/2021

حقوق المسجون الخاصة بالتراسل ولقاء ذويه ومحاميه وفقًا للقانون.. تعرف عليها

حدد القانون رقم ٣٩٦ لسنة ١٩٥٦ بإصدار قانون تنظيم السجون، حقوق المسجون فيما يتعلق بالتراسل والاتصال التليفوني، ولقاء ذويه ومحاميه، وجاء ذلك كالآتي:

مادة رقم 38

بمراعاة أحكام قانون الإجراءات الجنائية، يكون لكل محكوم عليه الحق في التراسل، والاتصال التليفوني بمقابل مادي، ولذويه أن يزوروه مرتين شهرياً، وذلك كله تحت رقابة وإشراف إدارة السجن ووفقاً للضوابط والإجراءات التي تحددها اللائحة الداخلية.

وللمحبوس احتياطياً هذا الحق ما لم يصدر قرار من النيابة العامة المختصة أو قاضي التحقيق المختص بغير ذلك، وذلك وفقاً للإجراءات التي تحددها اللائحة الداخلية.

وتعمل إدارة السجن على معاملة زائري المسجونين المعاملة الإنسانية وتكفل لهم الأماكن الملائمة للانتظار والزيارة.

مادة رقم 38 مكرر

لمساعد الوزير لقطاع مصلحة السجون التصريح لممثلي السفارات والقناصل بزيارة المسجونين المنتمين لجنسية الدول التي يمثلونها أو التي ترعى تلك السفارات مصالحها، وتقديم التسهيلات اللازمة لهم بشرط المعاملة بالمثل.

مادة رقم 39

يُرخّص لمحامي المسجون في مقابلته على انفراد بشرط الحصول على إذن كتابي من النيابة العامة، ومن قاضي التحقيق في القضايا التي يندب لتحقيقها سواء أكانت المقابلة بدعوة من المسجون أم بناءً على طلب المحامي.

مادة رقم 40

للنائب العام أو المحامي العام ولمدير عام السجون أو من ينيبه أن يأذنوا لذوي المسجون بزيارته في غير مواعيد الزيارة العادية إذا دعت لذلك ضرورة.

مادة رقم ٤١

لضباط السجن حق تفتيش أي شخص يشتبه في حيازته أشياء ممنوعة داخل السجن سواءً كان من المسجونين أو العاملين بالسجن أو غيرهم.

مادة رقم 42

يجوز أن تمنع الزيارة منعاً مطلقاً أو مقيداً بالنسبة إلى الظروف في أوقات معينة وذلك لأسباب صحية أو متعلقة بالأمن

24/09/2020

✋✋✋
بخصوص رسائل حضراتكم علي الخاص بشأن تسجيل الوحدات العقارية ، وما تردد مؤخراً من أن الرسوم لن تقل عن خمسمائة جنيه ولن تزيد عن ألفي جنيه 🤭🤭
- بص بقي يا عم الحاج علشان اريحك وتريحني 🧐🧐🧐🧐🧐
حضرتك بتروح تقدم طلب للشهر العقاري بتدفع فعلا رسم الطلب حسب مساحة الوحده
يعني لو أقل من ١٠٠ متر هتدفع خمسمية جنيه فعلا
اه والله
ولو اكتر من ١٠٠ هتدفع الف ⁦☺️⁩
-- كده سجلنا ؟🤔
- لأ طبعا😊
ده لسه في تصديق نقابه المحامين علي العقد بنسبة ١٪ من قيمة العقد
يعني لو شقتك مثلا ب ٢٠٠٠٠٠ جنيه هتدفع الفين جنيه لنقابة المحامين
-- ماشي يا سيدي ، كده سجلنا ؟🤔
لأ لسه ، في ضريبة التصرفات ٢.٥٪ من قيمة العقد
-- مش دي علي البائع ؟😏
- ايوووون ، ادفع وابقي طالبه بيهم😔
-- اااه ، طيب كده نبقي سجلنا ؟🤔
-لا ، ده فيه لسه رسم المساحة ١٩٠ جنيه لو أقل من ١٠٠ متر و ٣٨٠ لو اكتر من ١٠٠ ، ولو اكتر من ٢٠٠ متر ٥٧٠ .. وهكذا😊
--وكده خلص سجلنا ؟🤔
-يا عم اصبر😳😳
لسه في رسم هندسي يعني رينج الف جنيه ، وقدامك حل من اتنين
أما تعمله في مكتب هندسي معتمد ، وتمشي حالك مع البيه بتاع المساحه علشان يعتمده
أو تتفق مع مهندس المساحه يعمله ويعتمده بمعرفته وتدفع مره واحده
يعني اعمل حسابك في الفين جنيه
--لاااااا بقي كده كتير ، خلاص مش هندفع اكتر من كده 😟😟😟😟
-اصبررررر 🙂
بعد ما المساحة تخلص وتعمل كشف تحديد هتروح ترفع الدعوي في المحكمة
هتدفع رسوم حسب قيمة العقد
ضريبه ودمغه واتعاب محاماه ورسم دعوي في حدود من ٥٠٠ جنيه لألف جنيه حسب قيمة العقد
وبعدين تروح الشهر العقاري تدفع الامانه القضائية
--ودي ايه دي كمان القضائية أن شاء الله ؟ 😫😫😫
-دى رسوم تحت حساب شهر الحكم ، تدفع ٧٥٪ منها والباقي عند تسجيل الحكم
__طيب دي قيمتها كام ؟ 😭😭
-دي قيمتها ٤٥ جنيه علي كل الف
يعني لو عقدك ب ٢٠٠ الف ، هتدفع ٩٠٠٠ جنيه ، منهم ٦٧٥٠ في الشهر العقاري و ٢٢٥٠ بعد الحكم
--هاااااا 😟😟😟
كده سجلنا ؟
-لا طبعا ، اصبر 😄😄
لو ربنا كرمك وخلصت القصه دي في أقل من سنه ورفعت الدعوي واخدت حكم ، هتروح تسجل الحكم وتدفع باقي الأمانة القضائية زي ما قلنا
ولو لا قدر الله مخلصتش في سنه هتعيد الكره من جديد ، عدا التصديق على العقد في نقابة المحامين
--طيب خلصنا وخدنا حكم خلاص كده ؟ 😏😏🤔🤔
-لأ طبعاً
--ايه تااااني 😱😱😱
-لسه الأتعاب🙄🙄
--ودي كام بقاااااا😭😭😭😭
-هقولك خاص 🤭🤭
#الحقيقة والواقع لمن يعتقد ان رسوم التسجيل من ٥٠٠ الى ٢٠٠٠ جنيه فقط ⁦⚖️⁩⁦

01/09/2020

اي حد عنده مخالفة بناء قديمة أو جديدة لازم يعمل تصااااالح من سنة 2008 لحد انهاردة ..
التصالحات للمباني المخالفه
٠٠٠٠ سؤال وجواب ٠٠٠٠٠
➖➖➖➖➖➖➖➖➖➖➖
🔹 امتى اعرف انه ينفع اعمل تصالح ؟
🔸 في الحاله دي بنشوف تاريخ المخالفه اذا كانت خارج الحيز العمراني حتي تاريخ 22-7-2017
داخل الحيز العمراني حتي تاريخ 8-4-2019
➖➖➖➖➖➖➖➖➖➖➖
🔹 طيب لازم يكون اتعمل اي محضر ؟
🔸 مش لازم يكون اتعمل ليك محضر عشان تقدم علي تصالح
➖➖➖➖➖➖➖➖➖➖➖
🔹 طيب انا لو متعملش ليا محضر هستفاد ايه من التصالح ؟!
🔸هتقنن وضعك .. مش معني ان انت متعملش ليك محضر لسبب ما سواء كوسه او اهمال يبقي حضرتك مش مخالف لا مخالف ومش هتقدر بعد كده تعلي طوبه واحده في البيت عشان انت ما عندكش اساسا رخصه وما قدمتش علي تصالح
➖➖➖➖➖➖➖➖➖➖➖
🔹 طيب لو اتعمل لي محضر والحمد لله خد براءة فيه وضعي ايه دلوقتى ؟
🔸 محضر البناء بدون ترخيص له شقين .. شق جنائي وشق اداري
البراءة بخصوص الشق الجنائي دا خاص بشخصك
اما الشق الاداري فانت ما زلت مخالف ومش هتعرف تعمل تعليه او تبني ادوار تاني
ولو حبيت ترفع دور ونعمل بورم هيتعلم عليك
هيتعملك
١) محضر مباني بدون ترخيص
٢) محضر استئناف اعمال
٣) محضر عدم تنفيذ قرار ازاله
➖➖➖➖➖➖➖➖➖➖➖
🔹 انا هستفاد ايه من التصالح ؟
🔸 التصالح يعتبر انك بتشتري رخصه للبيت حتي لو البيت خارج الكردون المباني يعني اصبحت داخل الكاردون وليك حق في جميع المرافق
➖➖➖➖➖➖➖➖➖➖➖
🔹 طيب التصالح بيكون ازاي ؟؟
🔸 هتقدم بصوره البطاقه وصورة عقد البيت والمحامي بعد كده عارف شغله
➖➖➖➖➖➖➖➖➖➖➖
🔹 طيب القضايا اللي شغاله اعمل فيها ايه يا استاذ ؟؟
🔸 لما بتروح تقدم علي تصالح والمحامي بيقدم المستندات المطلوبه بياخد حاجه اسمها نموذج 3 الي بيتقدم للمحكمه وتوقف القضيه تعليقا لحين الفصل في التصالح
➖➖➖➖➖➖➖➖➖➖➖
🔹 طيب بصراحه كده انا خايف ادبس وادفع فلوس كتير في التصالح ده اعمل ايه ؟
🔸 بص يا سيدي انت ممكن تعمل حسبه بسيطه كده تعرف هتدفع حوالي كام تقريبا
هتحسب مساحه البيت الاجماليه ( الطول في العرض)
يعني مثلا عندك بيت 100 متر هيبقي التصالح 100 متر في عدد الادوار المخالفه
وسعر المتر من 50 الي 125 في القري وبيتحسب سعر المتر علي اساس الشارع والمنطقه الي انت فيها
➖➖➖➖➖➖➖➖➖➖➖
🔹 اخر ميعاد للتقديم علي التصالحات امتى ؟؟
🔸هو يوم 2020 / 9 / 30 يعني مش هتعرف تقدم علي تصالح بعد الميعاد ده
➖➖➖➖➖➖➖➖➖➖➖
🔹 طيب معلش نسيت حاجه مهمه اسال عليه بالنسبه لموضوع التواريخ والتصالح علي المخالفات قبل 2017 / 7 / 22 خارج الحيز وانا بصراحه المحضر معمول بعد التاريخ ده بكتير ايه الحل؟؟
🔸 بسيطه باذن الله ليها ثلاثه حلول
١) شهاده كربونيه
٢) تصوير الجوي
٣) اي صوره تعاقد علي اي مرفق كهرباء أو مياة
طيب التكلفة
هيكون : - اقل من الغرامه بتاع المحكمه
واقل من الازاله للبيت
واقل من كفاله النيابه العسكريه التي تصل الى مليون ولا تقل عن 15 الف
وكمان قيمه المصالحه بتتقسط بتدفع 25 ٪ والباقي علي ثلاث سنوات
#عمران #للاستشارات #القانونية