زينب على الجداوى-Zeinab Ali Elgdawy

زينب على الجداوى-Zeinab Ali Elgdawy للمحاماة والإستشارات القانونية
القانون يعمل لصالحك⚖️

الحق ما يزعلش.. وعلشان كده بنقول بوضوح وهدوء: - المفروض أن استضافة الأب لأولاده بعد الانفصال هي الأصل في القانون، وده ...
25/04/2026

الحق ما يزعلش..
وعلشان كده بنقول بوضوح وهدوء: -
المفروض أن استضافة الأب لأولاده بعد الانفصال هي الأصل في القانون، وده حق للأب وللطفل؛ لأن محدش يقبل إن وجود الأب في حياة أولاده يختصر في 3 ساعات في الأسبوع، ده ظلم، وميرضيش حد... ومش معنى ان فيه حالات شاذة لسلوك بعض الآباء.. إن الحرمان يكون الأصل.
وكمان ما أعتقدش إن أي أم حريصة فعلًا على مصلحة أولادها هتعترض على فكرة زي دي؛ لأن وجود الأب بشكل طبيعي في حياتهم معناه التزام أكبر منه تجاههم، وده في النهاية بيحقق مفهوم الحضانة والرعاية المشتركة والتربية السوية بشكل متوازن.
المقترح اللي بنقدمه ببساطة بيقول إن الاستضافة تكون هي الأساس، مع إمكانية اتفاق الطرفين على إن الرؤية تبقى البديل في حالة تعذر شروط الاستضافة.
وطبعًا الاستضافة لها شروط واضحة، أهمها حماية مصلحة الطفل:
مينفعش أب يتعاطى المخدرات يستضيف أولاده،
ومينفعش أب مدان في قضايا مخلة بالشرف يستضيفهم،
ومينفعش أب غير قادر على توفير مسكن مناسب وآمن يستضيفهم.
بمعنى أوضح، في أي حالة فيها ضرر على الطفل، بتسقط شروط الاستضافة، وساعتها يكون البديل هو الرؤية.
وبالنسبة للرؤية، فالمقترح كمان بيشمل وضع عقوبة مناسبة على الأم الممتنعة عن تنفيذ حكم الرؤية.
بالشكل ده نقدر نحافظ على وجود الأب والأم معًا في حياة أولادهم، ونحقق قدر من التوازن الحقيقي في العلاقة الأسرية، بما يضمن مصلحة الطفل قبل أي اعتبار آخر.

لو الأب رفض يثبت ابنه الطفل مش هيضيع بس الغلطة هنا ممكن تضيّعك إنت اسمع الكلام ده كويس 1) أول خطوة: محضر في القسمالقانون...
20/04/2026

لو الأب رفض يثبت ابنه الطفل مش هيضيع بس الغلطة هنا ممكن تضيّعك إنت اسمع الكلام ده كويس

1) أول خطوة: محضر في القسم
القانون هنا بيقولك حاجة مهمة لو الأب امتنع عن تسجيل الطفل ده يتثبت رسمي تعمل إيه ؟ تروح أقرب قسم شرطة وتحرر محضر إثبات حالة بامتناعه ليه دي خطيرة؟ لو ما عملتش المحضر كأنك ساكت والسكوت هنا يضعف موقفك لو عملت كده
انت بدأت تحمي حق الطفل رسمي

2) خد الإفادة مش أي ورقة وخلاص
مش كفاية تعمل محضر وتمشي لا خد إفادة مختومة بشعار الجمهورية القانون بيعترف بالأختام مش بالكلام الغلطة دي بتضيع حقوق ناس كل يوم ناس بتفتكر المحضر لوحده يكفي
لو عملت كده صح بقي معاك مستند “يتكلم” قدام أي جهة

3) قبل ما تروح مكتب الصحة ركّز المطلوب:
صورة بطاقة الزوج
صورة وثيقة الزواج (مع الأصل)
إخطار الولادة من المستشفى

4) مكتب الصحة - هنا بتكسب الجولة
تروح بالإفادة + الأوراق
تسلمهم والقانون يجبرهم يسجلوا الطفل فورًا ...أيوه… فورًا
حتى لو الأب مش موجود

لو وصلت لحد هنا يبقى أنت فهمت حاجة ناس كتير مش عارفاها وفي غيرها كتير أخطر منها وأغلى بكتير
تابعني عشان الجهل بالقانون في مصر مش عذر وأحيانًا بيكلفك كتير جدًا .

زينب على الجداوى للمحاماة والاستشارات القانونية.
01030595724 - 012 70608986

اهم ماجاء بمشروع قانون الأسرة الجديد 2026 .1- قضايا النفقات وتشمل النفقة الزوجية نفقة الصغار نفقة اجر مسكن وحضانةنفقة عل...
14/04/2026

اهم ماجاء بمشروع قانون الأسرة الجديد 2026 .

1- قضايا النفقات وتشمل

النفقة الزوجية
نفقة الصغار
نفقة اجر مسكن وحضانة
نفقة علاج
نفقة مصاريف دراسية
نفقة علاج

سيتم تجميعها بقضية واحدة لتصبح قضية واحدة تشمل جميع النفقات وتقديرها 40٪ من دخل الزوج
فى حال عدم ثبوت عمل للزوج يتم احتساب 40٪ من الحد الأدنى للأجور ويتبع فى حال زيادة الحد الأدنى للأجور طبقا لقانون العمل الدورى .
التنفيذ بفيزا للمطلقة تسمى Children visa من أحد البنوك المصرية (البنك الاهلى /بنك مصر / بنك ناصر الاجتماعى )
سيتم وضع المبلغ اول كل شهر بجد أقصى 10ايام من كل شهر بمجرد حكم المحكمة درجة اولى ولا يوجد استئناف للحكم بمجرد تسليم مفردات المرتب للمحكمة يتم الحكم بنسبة 40٪ من دخل الزوج المثبت بالمفردات المقدمة للمحكمة .

2-قضايا المنقولات الزوجية والذهب

التنفيذ
تسليم المنقولات كاملة طبقا للقائمة التى تم التوقيع عليها من جانب الزوج وفى حال عدم التسليم يتم سداد المبلغ المذكور بقائمة المنقولات على سنة على أن يتم السداد شهريا ووضع المبلغ بحساب Children visa
بالنسبة للذهب يسقط الحكم تلقائيا وكأن لم يكن حيث يعتبر الذهب لصيق للزوجة ولا يعتد بالدعوى المرفوعة فى الذهب .

3-قضايا الرؤية

الغاء تنفيذ الرؤية بمركز الشباب على أن يتم تنفيذ
حكم الاستضافة والاصطحاب
على إن يتم التنفيذ يومين بالاسبوع وحضور كلا من الزوج والزوجة والصغار فقط بدون حضور اى أطراف أخرى لمركز الشباب
قبل التنفيذ سيتم استدعاء كلا من الزوج والزوجة وتحديد يومين من كل أسبوع لا يشترط ايام محددة على أن يتم الحكم من جانب القاضى بعد تقديم ما يثبت مصلحة الصغار اولا وتحديد اليومين محل الاستضافة والاصطحاب للاب ويكون أيام متتالية وليست متقطعة
التنفيذ كالاتى بعد تحديد الايام من جانب القاضى
مثال الخميس والجمعة
يتم حضور الأطراف المعنية فقط لمركز الشباب الأقرب للطفل
الزوج / الزوجة / الصغار
امضاء الزوج على إقرار باستلام الصغار بالساعة المحددة من جانب القاضى وتسليمهم مساء اليوم التالى بمركز الشباب بالساعة المحددة من جانب القاضى
بند اضافى
*شهر رمضان المبارك إجازة عيد الفطر وعيد الأضحى المبارك*
يتم تنفيذ اول يوم إجازة فقط بدون الحاجة للجوء للقضاء كبند أساسى وعلى الاب استلام الصغار الساعة العاشرة صباحا والتسليم للمركز الساعة السادسة مساءا .
فى حال التقصير بالبنود وعدم التنفيذ بالساعات المحددة
كل من الأطراف سيتم توقيع غرامة لا تقل عن 10الاف جنيها مصري ولا تزيد عن 80 الف جنيها مصري . وفقا لتقدير القاضى وإثبات ما يثبت التقصير من أحد الأطراف .

4-قضايا الحضانة

انتقال حضانة الصغار للاب لتصبح المرحلة الرابعة .
المرحلة الأولى/ الام
المرحلة الثانية/ ام الام
المرحلة الثالثة/ ام الأب
المرحلة الرابعة/ الاب

5-قضايا المؤخر والعدة والمتعة

التنفيذ طبقا لقرار المحكمة
فى حال الخلع/ تسقط حقوق الزوجة كاملة.
فى حال طلاق الضرر والشقاق والهجر وعدم الانفاق
طبقا لتقدير القاضى والاثبات والأدلة وبناءا عليه
اما بالحكم بكافة الحقوق أو نصف الحقوق .
تحديد المتعة طبقا لتقدير القاضى بحيث لا تقل عن 24الف ولا تزيد عن 100الف جنيها .
والتنفيذ بيتم على Children visa للمطلقة والتنفيذ على عام وايداع المبلغ شهريا
مثال إجمالى الحقوق للمطلقة 120 الف
يتم إيداع مبلغ كل شهر 10الاف لحين الانتهاء من تسديد المبلغ الإجمالى
المدة المسموح بها اول 10ايام من كل شهر
للعلم يوجد غرامة تأخير على كل شهر عن المدة المتفق عليها عن العشر ايام الاولى من كل شهر 10٪ من إجمالى مبلغ 120الف ويتم ايداع مبلغ الغرامات نهاية السنة .

مكتب أ / زينب على الجداوى للمحاماه - والإستشارات القانونية .
01030595724 - 012 70608986

مع كامل الاعتزاز والاحترام، ومع خالص الاعتذار لأسرانا الفلسطينيين في السجون الإسرائيلية الذين يواجهون جرائم مخجلة ضد الإ...
31/03/2026

مع كامل الاعتزاز والاحترام، ومع خالص الاعتذار لأسرانا الفلسطينيين في السجون الإسرائيلية الذين يواجهون جرائم مخجلة ضد الإنسانية، ويواجهون في الوقت نفسه خذلانًا من بعض الدول العربية، مضطرة أشرح الوضع القانوني للجريمة الإسرائيلية الجديدة المسماة قانون إعدام الأسرى الفلسطينيين.
الأصل في الأمور أن الأسرى الفلسطينيين في السجون الإسرائيلية يُعامَلوا معاملة أسرى حرب وفقًا لاتفاقية جنيف لحقوق الأسرى، لأنهم مقاومون يدافعون عن حق شعبهم في الوجود، وليسوا قطاع طرق أو لصوص يسرقون أرض غيرهم بالقوة المسلحة كما يفعل الاحتلال.
لكن حتى لو تجاوزنا هذه النقطة وعاملناهم بالقانون الجنائي، فإن قانون إعدام الأسرى الفلسطينيين يُصنَّف تاريخيًا كواحد من أشد صور الانحراف بسلطة التشريع في العصر الحديث، لدرجة أنه يبتعد عن الحد الأدنى من الضمانات الأساسية والواجبة لعدالة العقوبة.
أي دارس قانون في أي مكان في العالم يعلم جيدًا أن عقوبة الإعدام هي أقسى العقوبات، وبيسموها بالإنجليزي the capital punishment، ولهذا، المستقر قانونيًا في أغلب النظم القضائية أن هذه العقوبة لا تُصدر إلا بإجماع هيئة المحكمة، لأنها تُفضي إلى إزهاق روح، وده أمر لا يمكن التراجع عنه، ومن المسلّمات والبديهيات القانونية.
تخيّل أن الكنيست يضرب بكل هذا عرض الحائط، ويقرّ مشروع قانون يسمح بإصدار عقوبة الإعدام دون اشتراط إجماع القضاة، وده في القضايا الخاصة بالأسرى الفلسطينيين، وكمان هناك مقترحات تمنع تخفيف العقوبة في درجات التقاضي اللاحقة، حتى لو صدر الحكم من أول درجة.
الكلام ده مش بس يفتقد لأبسط معاني العدالة وضمانات التقاضي التي تحترم حقوق المتهم، لكنه كمان يحوّل المحاكمات إلى مجرد مسرحية هزلية، ويحوّل العقوبات الجنائية إلى أداة إرهاب في يد الدولة.
والاكنى من كل ده أن دولًا بتقدّم نفسها راعية لحقوق الإنسان، وتطالب غيرها بإلغاء عقوبة الإعدام أصلًا، لكنها تُغمّض عينيها تمامًا عن ما يحدث، بل إن وزارة الخارجية الأمريكية صرّحت في موقف رسمي أن هذا حق لإسرائيل.
إحنا فعلاً نعيش في زمن تتداخل فيه المعايير، لدرجة تجعل المشهد كله أقرب للمهزلة، ومع ذلك، أنا على قناعة أن الدولة الصهيونية العنصرية إلى زوال بإذن الله.

أتقدم لحضراتكم بأصدق التهاني وأطيب الأمنيات بمناسبة عيدالفطرالمبارك.كل سنة وأنتم طيبين، وربنا يجعل أيامكم كلها أعياد وفر...
20/03/2026

أتقدم لحضراتكم بأصدق التهاني وأطيب الأمنيات بمناسبة عيدالفطرالمبارك.
كل سنة وأنتم طيبين، وربنا يجعل أيامكم كلها أعياد وفرحة وسعادة، ويتقبل منا ومنكم صالح الأعمال.
عيد مبارك عليكم وعلى أسركم الكريمة، وربنا يديم عليكم الصحة وراحة البال.

سؤال وجواب❓ "ينفع أجيب نموذج عقد جاهز من النت وأستخدمه لشراء أرض؟"✅ الإجابة: خطر جدًا!العقود الجاهزة ما بتراعيش تفاصيل ا...
17/03/2026

سؤال وجواب

❓ "ينفع أجيب نموذج عقد جاهز من النت وأستخدمه لشراء أرض؟"

✅ الإجابة: خطر جدًا!

العقود الجاهزة ما بتراعيش تفاصيل الملكية أو شروط الاتفاق بينك وبين الطرف التاني.

📌 الحل: صياغة عقد مُخصص لحالتك يضمن كل حقوقك ويتوثق رسميًا.

مكتب الأستاذة/ زينب على الجداوى - للمحاماة والاستشارات القانونية.
📞 01030595724
012 70608986

“متستقلّش بـ Screenshot…🤷🏼عشان في ثانية ممكن يبقى دليل، وممكن يقلب دُنيا.”في زمن الجرائم الإلكترونية، الحركة الصغيرة بتس...
17/03/2026

“متستقلّش بـ Screenshot…🤷🏼
عشان في ثانية ممكن يبقى دليل، وممكن يقلب دُنيا.”

في زمن الجرائم الإلكترونية، الحركة الصغيرة بتسيب أثر… والكلمة اللي بتتقال على السوشيال ساعات تمنع حق… وساعات ترجع حق أكبر منه.

ومع المستشارة زينب على الجداوى ⚖️
هتعرف دايمًا تتصرف إزاي… وتاخد قرارك صح… قبل ما يحصل الغلط.

لو عندك موقف، تهديد، ابتزاز، حد سرّب حاجة… أو حتى شك بسيط
اتعامل بوعي… وسيب الباقي على حد شايف الصورة كاملة.
مع مكتب الأستاذة/ زينب على الجداوى – للمحاماه والاستشارات القانونيه
📞 0130595724
012 70608986

14/03/2026

﴿ ۞ لَّيْسَ الْبِرَّ أَن تُوَلُّوا وُجُوهَكُمْ قِبَلَ الْمَشْرِقِ وَالْمَغْرِبِ وَلَٰكِنَّ الْبِرَّ مَنْ آمَنَ بِاللَّهِ وَالْيَوْمِ الْآخِرِ وَالْمَلَائِكَةِ وَالْكِتَابِ وَالنَّبِيِّينَ وَآتَى الْمَالَ عَلَىٰ حُبِّهِ ذَوِي الْقُرْبَىٰ وَالْيَتَامَىٰ وَالْمَسَاكِينَ وَابْنَ السَّبِيلِ وَالسَّائِلِينَ وَفِي الرِّقَابِ وَأَقَامَ الصَّلَاةَ وَآتَى الزَّكَاةَ وَالْمُوفُونَ بِعَهْدِهِمْ إِذَا عَاهَدُوا ۖ وَالصَّابِرِينَ فِي الْبَأْسَاءِ وَالضَّرَّاءِ وَحِينَ الْبَأْسِ ۗ أُولَٰئِكَ الَّذِينَ صَدَقُوا ۖ وَأُولَٰئِكَ هُمُ الْمُتَّقُونَ﴾

بمناسبة مسلسل "أب ولكن" المعروض حالياً ويتناول قضية حق الآباء في الرؤية، ودى من المرات النادرة ان الدراما المصرية تفتح ف...
12/03/2026

بمناسبة مسلسل "أب ولكن" المعروض حالياً ويتناول قضية حق الآباء في الرؤية، ودى من المرات النادرة ان الدراما المصرية تفتح فيها الملف ده بشكل مباشر، أنا شخصياً شايفة إن الحق ده في غاية الأهمية، مش للآباء بس لكن للأبناء من قبلهم، وكمان مهم للحفاظ على قدر من السلام الاجتماعى داخل الأسرة المصرية، وعشان كده عندى شوية ملاحظات على قضية الرؤية وفقا للقانون الحالي ..

أولاً: السبب الرئيسي لأزمة الرؤية في مصر إن مفيش عقوبة رادعة بتعاقب الأم اللى بتمتنع عن تنفيذ أحكام الرؤية، في حالات كتير، لو الأم قررت – لأسباب نفسية بحتة أو بسبب كرهها لطليقها – إنها تحرمه من إنه يشوف أولاده، أقصى حاجة ممكن تتعرض لها غالباً غرامة زهيدة جداً لا تكاد تتجاوز ألف جنيه، وده وضع ماينفعش يستمر ولازم يتغير.
والمطلوب تعديل تشريعى يقرر عقوبات حقيقية على الامتناع عن تنفيذ حكم الرؤية، وقد يصل الأمر لإسقاط الحضانة، لأن ببساطة إذا كانت الحضانة حقاً للأم فالرؤية أيضاً حق للأب، والاتنين فى النهاية هدفهم مصلحة الطفل ورعايته.

ثانياً: سمعت تعليقات قانونية بتقول إن مفيش عقوبة بتجرم إن الأب يخطف أبناءه، والكلام ده غير صحيح بالمرة، عندنا نص صريح فى المادة 292 من قانون العقوبات، بيقضى بمعاقبة أى من الوالدين أو الجدين إذا امتنع عن تسليم الطفل الصغير لمن له الحق فى حضانته بناءً على حكم قضائى، أو قام بخطفه، بالحبس مدة لا تتجاوز سنة أو بغرامة لا تزيد على خمسمائة جنيه، وفعلاً صدرت أحكام كتير ضد آباء تورطوا فى خطف أطفالهم.

ثالثاً: عندى ملاحظات كتير على أماكن تنفيذ أحكام الرؤية، لأن فى أغلب الأحوال بتكون أماكن غير مناسبة خالص إن أب يقضى فيها وقت طبيعى مع أولاده، وعشان كده مش قادرة أفهم ليه مفيش نص قانوني حتى الان ينص صراحة على حق الأب فى استضافة أبنائه وينظم موضوع الاستضافة بشكل واضح، خصوصاً إن القانون نفسه بيعاقب الأب لو خطف ابنه، وكمان ما يقدرش يسافر بالطفل خارج البلاد طالما ان الطفل مش في حضانته.. وصدر أمر بمنع الصغير من السفر إلا بصحبة الحاضنة.
ويبقى تنظيم الاستضافة قانوناً مسألة منطقية وممكن تحقق توازن أفضل.

أخيراً، أنا مقتنعة أن جزءاً كبيراً من مشاكل الأسرة المصرية ممكن يتحل لو الآباء والأمهات قدروا يبعدوا أبناءهم عن صراعاتهم النفسية مع بعض، ويحطوا مصلحة الأطفال فوق أى خلافات شخصية بينهم بدون مطامع وانتقام .. كفاية أجيال مشوهة نفسيا من غير ذنب.

3 جنيه زيادة في لتر البنزين... ليه؟في دول في قلب المعركة نفسها، والصواريخ رايحة جاية عليها، ومع ذلك لتر البنزين ما زادش ...
11/03/2026

3 جنيه زيادة في لتر البنزين... ليه؟

في دول في قلب المعركة نفسها، والصواريخ رايحة جاية عليها، ومع ذلك لتر البنزين ما زادش فيها قرش، والأسوأ والأمر إن الزيادة عندنا بتحصل بعد حوالي عشرة أيام فقط من اندلاع الحرب، يعني هل معقول مفيش عندنا مخزون من السلع البترولية يكفينا حتى الأيام القليلة دي؟

طب يا جماعة، ده ترامب نفسه بيقول إن الحرب ممكن تنتهي قريب، كنتم تستنوا شوية؟ مستعجلين قوي ليه على قرارات تخرّب بيوت الناس؟

طب ما فرّقش معاكم إننا في الشهر الكريم، والناس بطبيعة الحال استهلاكها بيزيد؟ ولا المطلوب إن الناس تصوم وتفطر على بصلة؟

الناس بقالها عشر سنين بيتشقلبوا حرفيًا عشان يحافظوا على الحد الأدنى من الستر، ما بقاش عند حد طموح أكبر من إنه يعلّم عياله ويأمّن الاحتياجات الأساسية للبيت: الأكل والشرب والمواصلات، وللأسف الشديد، كل ما الناس تحس إنها وصلت لنقطة فيها قدر من الأمان النسبي، تيجي قرارات حكومية غير مدروسة تسلب منهم الإحساس ده، وكأنهم محكوم عليهم يفضلوا يلفوا في دوامة من الإنهاك بلا نهاية.
الرهان على صبر الناس رهان خاطئ.
لم يعد في قوس الصبر منزع.

ارحموا الناس... يرحمكم رب الناس.

📥*** دعوى فسخ عقد بيع لعدم سداد الثمن*** ما هو الأساس القانوني لهذه الدعوى ؟ الأساس القانونى لهذه الدعوى هو المادة 157 ...
08/03/2026

📥

*** دعوى فسخ عقد بيع لعدم سداد الثمن***

ما هو الأساس القانوني لهذه الدعوى ؟
الأساس القانونى لهذه الدعوى هو المادة 157 من القانون المدني والتي تنص على....
"في العقود الملزمة للجانبين، إذا لم يوفِ أحد المتعاقدين بالتزامه، جاز للمتعاقد الآخر بعد إعذاره المدين أن يطالب بتنفيذ العقد أو بفسخه، مع التعويض في الحالتين إن كان له مقتضى"
ودا معناه قانونا أن ....
--عقد البيع من العقود الملزمة للجانبين
--البائع يلتزم بنقل الملكية والتسليم
--المشتري يلتزم بدفع الثمن
فإذا امتنع المشتري عن سداد الثمن يحق للبائع
** المطالبة بإلزامه بالسداد أو

** طلب فسخ العقد ورد المبيع
مع المطالبة بالتعويض إن وُجد ضرر
*** شروط الحكم بالفسخ***
لكي تحكم المحكمه بالفسخ يجب توافر...
-- وجود عقد بيع صحيح
-- إخلال المشتري بالتزامه بسداد الثمن
-- إعذار المشتري وهو (إنذار رسمي على يد محضر)
-- أن يكون الإخلال جوهريًا
--الإعذار قد لا يكون لازمًا إذا كان الثمن مستحق الأداء فورًا وثابت بالعقد

** هل الفسخ بقوة القانون؟
الأصل أن
الفسخ قضائي أي لا يقع تلقائيًا إلا بحكم المحكمه
لكن إذا كان العقد يتضمن شرطًا فاسخًا صريحًا ينص على أن....
"يُفسخ العقد تلقائيًا عند التأخير في السداد"
فهنا يجوز اعتبار العقد مفسوخًا دون حاجة لحكم، بشرط تحقق الشرط فعليًا
بماذا تقضي به المحكمة؟
إذا ثبت الامتناع عن السداد....
--تحكم بفسخ العقد
--إعادة المتعاقدين للحالة التي كانا عليها قبل التعاقد
--رد المبيع للبائع
--رد ما تم دفعه من ثمن (إن وجد)
--تعويض إذا ثبت الضرر

للتواصل فون:-
01030595724
او واتس اب:-
012 70608986

Address

العشريني امام مجوهرات مكه/الإسماعيلية
Ismailia

Opening Hours

Monday 1pm - 5pm
8pm - 11pm
Tuesday 1pm - 5pm
8pm - 11pm
Wednesday 1pm - 5pm
8pm - 11pm
Saturday 1pm - 5pm
8pm - 11pm
Sunday 1pm - 5pm
8pm - 11pm

Telephone

+201030595724

Website

Alerts

Be the first to know and let us send you an email when زينب على الجداوى-Zeinab Ali Elgdawy posts news and promotions. Your email address will not be used for any other purpose, and you can unsubscribe at any time.

Shortcuts

Share

Category