24/02/2026
كان عبء… وخلصنا منه
خلّيك صريح مع نفسك
قبل ما الدنيا تبقى صريحة عليك.
الإدمان مرض مزمن
آه…
بس المجتمع مش شايف مرض
المجتمع شايفك:
حرامي
كذاب
متشرد
شخص غير مسؤول عن أفعالة الغير محسوبة
خطر لازم يبعد عنة
أمك؟
قلبها اتقطع عليك لحد ما بقى حجر
بتنام وهي خايفة عليك ومنك
وتصحى وهي مرعوبة
أبوك؟
اتكسر
مش من الفقر
من العار
أختك؟
بتدارى وشها
علشان اسمك
بقى وصمة
عيالك؟
هيدفعوا تمن ذنب
ما عملوهوش
وإنت؟
واقف في إنكار
شايف نفسك ضحية
شايف الدنيا ظالمة
شايف الكل غلطان
غيرك.
الحقيقة القاسية:
إنت بقيت عبء.
مش على المجتمع
على أقرب الناس ليك.
الطريق اللي ماشي فيه
مالوش لف
ولا رجوع
ولا مفاجآت:
قبر…
أو زنزانة.
وساعتها
مش هتسمع بكاء
مش هتسمع حزن
هتسمع جملة
تقطع النفس:
خلصنا منه.
كان عبء وارتحنا منة .
مش لأنك ما كنتش إنسان
لكن لأنك
ضيّعت كل فرصة
واتأخرت
وأصريت
تكمل.
لسه فيك نفس؟
يبقى لسه فيه باب
بس الباب ده
ما بيفضلش مفتوح كتير.
الحق نفسك
قبل ما تبقى عبء
وتتحذف من الحياة
من غير ما حد يفتقدك.
وسواء كنت مسلم أو مسيحي فربنا واحد
استعن بربك وتوكل علية وتحلي بالارادة كالرجال.
منقول بتصرف
