الافوكاتو

03/06/2025

وَلٰكِنْ تَبْقَى لَذَّةُ اِسْتِخْدامِكَ
مِنْ قِبَلِ المَوْلَى
فِي تَفْعِيلِ أَمْرٍ كانَ مَقْضِيّاً مُقَدَّراً
لِنُصْرَةِ مَظْلُومٍ
أَوْ سَيْراً لِقَضاءِ حَوائِجِ الناسِ
هِيَ أَفْضَلُ عَطِيَّةٍ تُمْحَى بِها أَيُّ سَلْبِيَّةٍ.

إحنا بنشتغل شغلانة ...
من أصعب أنواع الشغل على وجه الأرض ...

شغلانة بتاكل من روح المحامي وصحته وشبابه

شغلانة بتخلي قلبك على طول حاسس بالخوف واليأس والتعب

شغلانة الرزق فيها واقف على النتيجة ... اتحققت .. رزقت .. لم تتحقق .. ممكن تكون صرفت من جيبك

شغلانة بتمس أموال الناس وأعمارهم وحياتهم وهو شيء لو تعلمون عظيم

شغلانة بتخليك بعيد ...
عن أولادك .. أهلك .. أصحابك .. حبايبك

شغلانة بتخلي العشم فيك كبير قوي قوي ... ولا كأنك رئيس جمهورية

شغلانة بتخلي الأمل اللي محطوط عليك ... يشعرك بالحمل والثقل والوجع وقبضة القلب

شغلانة بتخلي الناس تخاف منك .. وتخاف تتعامل معاك .. بتخاف تأجرلك .. بتخاف تقسطلك .. بتخاف أصلا من مجرد وجودك

شغلانة كل أطرافها ... بيعتبروك عدوهم ... وبيحاربوا مجهودك بكل ما أوتيت من قوة

في القسم ... بيعتبروك من الأعداء
في النيابة ... بيعتبروك من الأعداء
في المحكمة ... بيعتبروك من الأعداء
في دواوين الحكومة ... بيعتبروك من الأعداء

في كل مكان بتدخله أو بتتعامل معاه ...
بيعتبروك كذاب وأفاق ومدلس ومزور حتى يثبت العكس

حاجة تخلي الروح في الحنجرة

أصعب حاجة ممكن يعملها إنسان في الدنيا ... إنه يمثل المتهم في المحاكمة الجنائية

دور ... قاتل
دور ... صعب جدا
دور ... حساس جدا
دور ... مؤلم جدا

شغلانة ... بتجيب
القلب
والسكر
والضغط

كفاية بس ....
إحساسك بالألم والجزع والخذلان واليأس والعجز وقلة الحيلة

لما متهم ياخد حكم ...
وانت متأكد زي اسمك ...
إنه بريء

وربك هو العالم بخفايا الصدور

أنا تعبت ... والله المستعان
😔
#العرَّاب

03/04/2025

مطلوب محامين و محاميات للعمل بحدائق حلوان

17/09/2024

تنص المادة ٥٨ من الدستور المصري على أن (للمنازل حرمة، وفيما عدا حالات الخطر، أو الاستغاثة لا يجوز دخولها ولا تفتيشها، ولا مراقبتها ولا التنصت عليها، إلا بأمر قضائي مسبب، يحدد المكان، والتوقيت، والغرض منه، وذلك كله في الأحوال المبينة في القانون، وبالكيفية التي ينص عليها، ويجب تنبيه من في المنازل عند دخولها أو تفتيشها، وإطلاعهم على الأمر الصادر في هذا الشأن).
**يعنى تفتيش المنازل لازم يكون بإذن مسبق من النيابة العامة ولسبب معين
*واى إجراء مخالف لذلك باطل ويبطل كافة الإجراءات التالية له مهما كانت النتيجة التى آلت إليها.