أحمد كبريت للمحاماة والاستشارات القانونية

19/03/2026

10/03/2026

اول مرة اشوف نيابة بتترافع عن متهم في حين انها كانت ممكن تستبعده من الاتهام وتأمر بالا وجه لإقامة الدعوى
بس المخرج عاوز كده !

09/03/2026

مسلسل إفراج لعمرو سعد مبني على ( ثغرة قانونية) تليق بعالم سمسم وليس بعمل فني يحترم عقل المشاهد.. عمرو سعد في المسلسل قت.ل زوجته و بناته ومع ذلك أخد ١٥ سنة سجن ( وهو طلع بعد ١٢ سنة حسن سير و سلوك ) .. مستحيل واحد أزهق ٣ أرواح ياخد حكم زي دا .. كتبت التفصيلة دي من يومين و جمهور عمرو سعد كان عنده تبرير إنهم وجدوا مادة مخد..رة في جسمه و دا أدى لتخفيف الحكم ..

و أنا ردي بسيط جدا : المادة المخد..رة لا تخفف من الحكم إلا لو تناولها المتهم رغما عنه كما لو حقنها أحدهم عنوة في جسده.. و حاجة زي دي من الصعب بل من المستحيل بنسبة كبيرة إثباتها في أي قضية إلا بمعجزة .
جزء تاني من محبي عمرو سعد كانوا بيقولوا إن المسلسل متاخد عن قصة حقيقية.. و الأب في الحقيقة اتحكم عليه ب ١٥ سنة فقط .. و يؤسفني أقولك إن القصة اللي متاخد منها المسلسل لواحد اسمه ( خالد الفرجاني) أنهى حياة أسرته في الفيوم سنة ٢٠١٩ .. و القاضي حكم عليه بالاعد..ام كما هو متوقع .. و توفى قبل تنفيذ الحكم .. لكن مخدش ١٥ سنة زي ما البعض بيقول .

ناس تانية تقولك ماهو فيه واحد قت..ل مراته و خد سبع سنين.. يؤسفني أقولك برضو إن الجرا.يم دي بتقيد ( ضرب أفضى إلى موت) .. و دي جرائم مافيهاش إع..دام أصلا .. هتقولي: ايه الفرق ؟ .. ماهو المجني عليه مات في النهاية .. هقولك إن ألقت..ل العمد هو شخص خطط و عقد العزم ينهي حياة إنسان .. أما الضرب المفضي إلى الموت.. هو جريمة لم لتحدث لو تغيرت الظروف .. بمعنى أنا مثلا راكب عربيتي .. واحد خبط فيا.. نزلنا مسكنا في بعض .. أثناء ما بنتخانق أنا ضربته ضربة غبية .. توفى على أثرها .. بمعنى : هل لو أنا مشيت من طريق تاني و مقابلتش المجني عليه كنت هقتل.ه ولا فعل القتل حصل رغما عني ؟ .. هنا القضية مش بتكون قت..ل عمد .

من حقك تدافع عن أي نجم.. و تتفرج على اللي يعجبك.. بس متسمحش لعمل فني يستخف بعقلك للدرجة دي 🙏

12/02/2026

يا جماعة دة تقرير المفوضين ودى توصية وليست حكم.
لم يصدر الحكم بعد
تقرير هيئة المفوضين مرحلة من مراحل تجهيز الدعوى قبل صدور الحكم فيها من المحكمة.
أخيرا هذا التقرير يصبح نافذا وجاهزا للعمل بة إذا اخذت بة المحكمة واصدرت حكمها في القضية بناء على هذا التقرير..
ننتظر حتى تصدر محكمة الموضوع حكمها النهائى..
ماضاع حق وراؤة مطالب وأن شاء الله تعالى يصدر حكم القضاء الذى يعيد الأمر إلى نصابة ويتم إلغاء هذا القانون الجائر ١٦٤لسنة ٢٠٢٥