23/02/2026
لو فاكر إن "غرفة" يعني سرير وأربع حيطان.. يبقى لازم تقرأ البوست ده! 🏨👇
كتير بنسمع مصطلحات زي "سينجل" و"تربل" وبنحس إننا في امتحان، بس الحقيقة في فنادقنا في مصر الموضوع له "تكات" تانية خالص لازم تعرفها عشان تحجز صح:
أولاً: أنواع الغرف (بالتوزيعة اللي هتشوفها فعلاً) 🛌
Single Room (السينجل): * في الواقع: نادراً لما بتلاقي غرفة مخصصة لشخص واحد بسرير واحد صغير، في أغلب فنادق مصر بيسكنك في "غرفة دبل" فيها سريرين، بس بتدفع سعر السينجل. يعني بيبقى معاك مساحة أكبر وسريرين ملكك!
Double Room (الدبل): * ليها شكلين: يا إما سرير كبير واحد (King Size) للزوجين، أو سريرين منفصلين (Twin).
ملحوظة: لو إنت وصاحبك مسافرين، اتأكد إنك طالب "Twin" عشان ما تلاقوش نفسكم في سرير واحد!
Triple Room (التربل): وهنا بقى اللخبطة!
الوضع الطبيعي: بتبقى غرفة فيها 3 سراير منفصلين (سنجل).
الوضع التاني: الفندق بيسكنك في غرفة دبل (سرير كينج وسرير وسط) أو (سريرين كبار) ويقولك دي تربل.
السرير التالت: أحياناً كتير بيكون "Extra Bed" (سرير إضافي قابل للطي) بيبقى أصغر شوية من السراير الأساسية، فلو أنتم 3 شباب كبار، لازم تتأكدوا من مساحة السراير.
Family Room (العائلية): ودي بتبقى "المنقذ" للأسر، وساعات بتبقى غرفتين مفتوحين بباب داخلي (Connected).
ثانياً: أنواع الـ View (إنت باصص على إيه؟) 🌊🌴
Standard / Garden View: أقل سعر، وباصص على الجنينة أو الشارع.
Pool View: باصص على حمام السباحة، بتبقى "دوشة" شوية بس حيوية.
Partial Sea View: يعني "جانبي".. لو خرجت في البلكونة وبصيت بزاوية هتشوف البحر.
Front Sea View: البحر قدامك "وش" أول ما تفتح الستارة، وده الدلع كله.
ثالثاً: أنواع التسكين 👨👩👧👦
Standard Room: الغرفة العادية.
Superior / Deluxe: غرف مساحتها أكبر وتجهيزاتها أشيك، وساعات بيكون مكانها أقرب للبحر أو البيسين.
💡 نصيحة "TRANSIT": وأنت بتحجز "تربل"، اسأل الفندق: "السراير كلها أساسية ولا فيه Extra Bed؟" عشان تضمن إن مفيش حد منكم ينام على سرير صغير ويقوم ضهره مكسور!
إنت بقى حصل معاك قبل كده وحجزت تربل ولقيت سرير منهم "كنبة بتتفرد"؟ احكيلنا تجربتك في الكومنتات! 👇
