Ouf law group

01/07/2020

https://www.youtube.com/watch?v=crkuuc9-r_U&feature=youtu.be

أقدر اصيغ عقد بشكل مهني ويبني اسم وسمعة جيدة لي..أه .. تابع سلسلة مهارات صياغة العقود علي قناة عوف للقانون

19/05/2020

قررت محكمة النقض الفرنسية إعادة تكييف العلاقة التعاقدية التي تجمع بين شركة أوبر والسائق على أساس أنها عقد عمل. لأنه عند الاتصال بالموقع الرقمي أوبر ، يوجد رابط تبعية بين السائق والشركة، وعليه فالسائق لا يؤدي الخدمة المطلوبة بصفته عامل مستقل بل بصفته أجير ، ومن ثم أقرت للسائق حقه في المطالبة بالتعويض في حالة منعه دون وجه حق من الدخول على الأبليكيشن الخاص بالشركة باعتبار ذلك إنهاء تعسفي لعقد العمل.

و من حيثيات الحكم ” الحرية التي يتمتع بها السائق في اختيار توقيت دخوله على الأبليكيشن و كذا ساعات عمله لا تدل في حد ذاتها على عدم وجود علاقة العمل التبعية ، لأن السائق بمجرد إتصاله بالأبليكيشن أصبح جزء من نظام خدمي منظم من قبل الشركة…”

وأن سائق الدراجة الذي ينقل الطلبيات بإشراف وإدارة شركة أوبير Uber ، ليس عامل مستقل بل أجير في علاقة تبعية مع الشركة .

وعنصر التبعية يرتكز أساساً على قدرة وسلطة المشغل في إصدار الأوامر والتوجيهيات، ومراقبة التنفيذ ومعاقبة عدم احترام التوجيهات الصادرة عن إدارة العمل.

وكون السائق ليس ملزماً بالاتصال او الدخول الى الموقع، ومدة غيابه، وكونه لا يعاقب على ذلك، أمور لا تدخل في تقدير مسألة وجود علاقة التبعية من عدمها .

#نقض فرنسي جلسة ٤ مارس ٢٠٢٠

الحكم باللغة الفرنسية على موقع محكمة النقض الفرنسية على الرابط التالى

https://www.courdecassation.fr/jurisprudence_2/chambre_sociale_576/374_4_44522.html

الحكم باللغة الإنجليزية على موقع محكمة النقض الفرنسية على الرابط التالى

https://www.courdecassation.fr/IMG/20200304_arret_uber_english.pdf

15/05/2020

فيديو بسيط من صفحة عوق للقانون لشرح شروط قبول الدعوي لطلبة كلية الحقوق والمحامين المتدربين.. تحياتي

حكمت المحكمة بعدم قبول الدعوى .. عبارة تكره تسمعها .. ازاي تتفادى هذا الحكم الجلسة التدريبية دي بتشرحلك شروط قبول الدعوى

07/05/2019

رمضان كريم

30/04/2019

المشروع مربح بس انا خسرت!!
فكرة حلوة ... ننفذ .... المشروع يخسر؟؟
(2)
في المرة اللي فاتت اتكلمنا علي راس المال لأهميته، وبكرر تاني رأس المال اهم مقوم من مقومات أي مشروع، لكن المشروع أي مشروع يقوم علي فكرة وكل ما كانت الفكرة جديدة ولامعة بتكون فرص نجاحه كبيرة، ولو هتبدأ مشروع جديد اسمع مني ابعد عن التقليد والتكرار اللي يتمتع به المجتمع المصري خصوصا في المشاريع، لكن خالي بالك عشان الفكرة الجديدة تنجح لها عدد من المقومات يجب أن تتوافر لها.
التجربة الفاشلة اللي معانا النهاردة بالرغم من ان فكرة المشروع كانت ممتازة والسوق محتاجها لانها بتقوم علي التجارة الالكترونية اللي بتتوسع كل شوية، لكن التجربة فشلت وتعالوا نسمع منه التجربة.

التجربة بدأت من مشكلة تعرض لها احد التجار في توزيع بضاعته اللي بيتم بيعها علي الانترنت، وبعد ما سمعت المشكلة، فكرة لي ما يبقاش في شركة تحل المشكلة دي للتجارة ، عملت بحث علي الانترنت عن الشركات اللي بتشتغل في المجال ده وشوفت المشاكل اللي بيشتكي منها الناس في التعامل معاهم علي اختلاف حجم تلك الشركات، وعملت شبه دراسة جدوي صغيرة للمشروع واشتغلت، وواجهت كم من المشاكل في التشغيل والتعامل غير طبيعي وبعد فترة توقفت وأغلقت المشروع بعد ما خسرت كل رأسمالي.
وقبل ما تقول انه ممكن الفكرة تكون سيئة أو مش جديدة والسوق مش محتاجها؛ حابب اقولك لا؛ لان في شركات كتير ظهرت خلال الفترة اللي بدأت فيها المشروع ومازالت تعمل وبتكسب ودي معلومات بارقام.

يبقي السؤال ليه نجحوا؟ ومشروعي فشل مع نجاح الفكرة ، الحقيقة انا اكتشفت ده بعد التجربة، اني فشلت لعدة أسباب.

أولا: الفكرة حلوة لكن لا توجد خبرة كافية؛
الفكرة وحدها غير كافية حتي ولو جديدة ولامعة وممتازة ومربحة ..... مشكلتي كانت عدم الخبرة في المجال ده، والخبرة عامل مهم اه ممكن تكتسبها بس هتدفع ثمن ده من راسمالك يعني هتتعلم في راس المال زي انك تشتري عربية جديدة تتعلم عليها السواقة، الخبرة دي مش ممكن تكتسب كمان من خلال أبحاث او دراسات لازم تكون عارف تفاصيل الشغل يعني نظام التشغيل الفني، واكثر الأفكار الناجحة هي الأفكار اللي بتطلع من المجال اللي بتشتغل فيه بمعني الفكرة الجيدة هي الفكرة اللي تحل مشكل واجهتها او واجهها غيرك في مجال عملك فاقرب فكرة نجاحه هي الفكرة اللي نابعة من خبرتك، اوعي تفتكر لما تسند ضهرك علي الكنبة وتشرب فنجان قهوة مع سجارة وتسرح في ملكوت الله هتطلع أفكار مبدعة انسي.
ومش بطلب من كل شخص عاوز يعمل مشروع وعنده فكرة جديدة انه ما يحاولش لكن عشان تنجح وما تخسرش لازم تشتغل في المجال اللي انت عاوز تبدأ مشروعك فيه الأول. قبل ما تنفذ مشروعك، أو انك تشتري الخبرة بمعني تكون مجرد صاحب رأسمال والخبراء في المجال هما اللي يقوموا بالعمل وده اعتقد في الشركات الصغيرة ومنتاهية الصغر صعب لانه مكلف.

ثانيا: الفكرة جديدة عشان كده ثقة الناس فيها اقل؛
الناس في مصر بقت مشكلتها في التعاملات التجارية عدم الثقة في الاخر، ودايما بياخد شكل دفاعي كل ما عرض عليه تجربة أو منتج أو خدمة جديدة، وخصوصا لو انت شركة صغيرة، الثقة بتقل كتير وبتنعدم بقي لو فيها تعاملات مادية مسبق علي استلام المنتج او الخدمة؛ وكلنا فاكرين ازاي الناس كانت بتبص لشركات بتقدم خدمات التوصيل عبر التطبيقات الذكية في الأول ومع مرور الوقت والتجربة، بتزيد الثقة.
او ازاي بتبذل الشركات مجهود كبيرة عشان تكسب ثقة العملاء، والحقيقة دي ما انتبهتش ليه، الناس عشان تثق فيك وتتعامل مع فكرتك لازم تكون شيفاك في كل حتة وفي كل وقت وفي الأماكن اللي بتطلب منها الخدمة او المنتج وده يفكرنا بالمقال الأول عن رأس المال، كل فكرة جديدة محتاجة رأس مال يروج لها ويكسب العميل ثقة فيها.

ثالثا: الفكرة جيدة لكن مقدرتش اعرضها بشكل كويس؛
تسويق الأفكار والمشروعات والمنتجات والسلع والخدمة هي مشكلة أي مشروع ، وللأسف مفيش في مصر ناس متخصصة في مجال التسويق وبقول متخصصين يعني دارسين دراسة متخصصة مش مجرد شاب خريج أي كلية اخد كورسات بشكل نظري عن التسويق، والتسويق للسلعة او الخدمة محتاج حملة ممنهجة مدروسة وعلي مراحل ومختلفة في اساليبها، تقدر تستهدف الجمهور وصحيح الفلوس وراس المال مهم لكن أيضا التسويق الجيد مهم ولو لفت نظرك مثلا اسم ماركة تليفون علي قميص احد الأندية المصرية- وده معناه فلوس كتير اندفعت - لكن ولا حد شاف المنتج اللي مصروف عليه كتير ده، في حين شركة اخري تستهدف محالات الموبايلات وواجهتها منتجها اقرب واشهر وفي وقت اقل...( ده مش حكم ده مجرد مثل).
ونصيحتي خطط لحملتك التسويقية جيدا وشارك فيها فريق عمل متخصص وله خبرة سابقة في نفس مجال عملك، واعتمد عليهم بدوام كامل وبلاش والنبي شركات التسويق الالكتروني اللي مغري الانترنت وبتعمل اللي بيعمله أي حد لسه بيدأ حياته.

24/04/2019

تدريب لموظفي الموارد البشرية والتوظيف وبعض مديري المشروعات بشركة درة للمقاولات بمقرها بالقرية الذكية علي قانون العمل والقرارات المنفذة له . الجهة المنفذة مكتب الثقافة العمالية بالسادس من اكتوبر ، قام بالتدريب أ. عبد الحميد عوف وذلك علي مدار يومين.

17/04/2019

المشروع مربح بس انا خسرت!!
سلسلة تجارب لاصحاب مشاريع صغيرة ومتناهية الصغر في السوق تعرضوا لخسارة رغم افكارهم المبدعة وبذلهم الجهد ... ممكن تكون مفيدة لمن يبدأو مشروعهم


(1)
بعد مرور اكثر من 20 سنة في العمل المهني قررت اعمل مشروع خاص لاهداف اعتقد انها متكرره عند ناس كتير، عاوز اخرج من اطار الوظيفة الضيق للعمل الحر مع اني كنت بعمل في مهنة حرة بطبيعتها، وعاوز كمان اعمل دخل إضافي ينفعني بدل الاعتماد علي الراتب المحدد اللي بيصرف قبل ما يقبض.
فتحت مشروعي، اثنين ، ثلاثة خلال ثلاث سنوات أطول مشروع كان مدته سنتين والمشروعين الثانين كان متوسطهم 6 شهور، المشروعات كلها ربحت بس انا خسرت!!! ايو خسرت المشروعات كانت مربحة لكن انا مقدرتش اكسب منها وقولكم ازاي ودي خلاصة تجربتي اللي ممكن تتعلم منها مجانا بدل ما تدفع فيها فلوس.
معكش فلوس متدخلش مشروع
ومن غير استغراب اكيد بيبقي معاك فلوس لكنها غير كافية، راس المال مش بس انك تقدر تشتري المقر او الماكينات او المواد الخام وخلافه (راس المال الثابت) لكن أيضا بتحتاج راس مال يغطي تكلفة المنتج او الخدمة الي ان تأتي بمردودها ومتنساش راس مال يغطي نفقاتك طوال هذه الفترة لان دخلك سيتوقف علي الأرباح ودي في الغالب بتكون بعد اول سنة لو مشروعك أتقدم.
كمان اقصد براسمال كافي انك تقدر تقف امام متغيرات السوق ومش هقول تعويم الجنيه او ارتفاع أسعار الوقود – دي لوحدها كفيلة انك تقفل- لكن ذي المصروفات غير المتوقعة أو ظهور منافس بيقدم خدمة افضل.
ولو معاك جزء من راس المال ومش معاك الباقي ارجوك ما تقترضتش لان البنوك مش بتقرض الا اللي معاه فلوس، وبتفرض فوائد اكثر كل ما المبلغ اقل، وامامي نماذج لمشاريع ناجحة ومبتكرة ويحتاج فقط لاموال لزوم مصاريف التشغيل ومعاه كل الضمانات والبنوك مبهدلها، علي خلاف شركة اخري بتقترض عشان تجمع أرباحها وتدفعها لكل شريك عشان يعمل مصلحة. فانسي موضوع القروض كمان عشان الفوائد بتاعته هترهقك جدا.
وبلاش تدخل شريك بس عشان الفلوس لانه هيقرفك خصوصا لو مش فاهم او مؤمن بفكرتك، ولو عاوز تعمل كده اتفق مع الشريك انه فقط ممول للمشروع، اعرض عليه الفكرة والمشروع من خلال نموذج ابتكار، دراسة جدوي زي ما تحب تسميها سميها، واعرضه بامانة يعني دي مقومات النجاح ودي المخاطر اللي ممكن تقابلنا وفي كتير أصحاب أموال بيدورا علي أفكار جديدة، لكن ما تقترضتش مش مصدق جرب ارفع سماعة التليفون علي ايه واحد صاحبك في أي بنك مش فارقة هتسمع العجب.
معكش فلوس متدخلش مشروع تاني وثالث، لان هتلاقي منافسين قدرين يصرفوا ويخسروا في اول سنة عشان يستحوذ علي السوق، ومش غريب تلاقيهم بيشتري الموظفين اللي عندك والسستيم بتاعك كله ممكن ياخدوا علي الجاهز بالفلوس، وانا اعرف شركة كانت تعبانه لدرجة ان اللوجو بتاعها سرقاه من موقع من مواقع الانترنت وبيخص شركة تانية، قدرت تحصل علي تمويل كبير نزلت أسعار الخدمة للنص وبدأت تسرق الموظفين من الشركات الكبيرة وكانت بتدفع مرتبات ضعفين وثلاث اضعاف، عشان توفر علي نفسها الوقت، وتقدر تقدم خدمة زي الشركات الكبرة من اول تعامل ، وفي ظرف 6 شهور قدرت تستحوذ علي جزء كبير من السوق.
كمان هتلاقي ناس بتبيع نفس المنتج او بتقدم نفس الخدمة باقل منك لانها بتشتغلها بشكل فرد من غير شركة ولا مصاريف ولا يحزنون، يعني لو تكلفة الخدمة عندك 10 بالنسبة لهم التكلفة النصف، وكمان في معاملوتهم اتصال مباشر بالعميل ودي ميزة بتفتقدها الشركات، وعشان تقدر تتغلب عليهم لازم تقدم خدمة فوق الممتازة وكمان سعر منافس، وده برده محتاج فلوس، فالمنافسة قوية فلو معكش فلوس مش هتقدر تنافس.
لو معاك رأس المال الكافي هتقدر تحدد أولويات الانفاق وترتيبها دون الدخول في دوامة راس المال الغير كافي مشروعي الأخير كان لا يتطلب اكثر من 100 الف جنيه ليخرج بالشكل الكامل، ومع اننا انفقنا اكثر من 200 الف جنيه الا اننا لم نستطيع ان ننفذ المشروع بالشكل الناجح، حيث بدأنا بمبلغ 40 الف جنيه ثم تسربت الأموال شيء فشيء حتي انفقنا ضعفي المبلغ المطلوب ولم نصل الي نصف ما كنا نريده.
كمان توفر رأس المال الكافي هيخيلك تكسب اكثر بمفهوم التجار كل ما يكون معاك رأسمال اكثر تكسب اكثر من خلال التخفيضات اللي حتصل عليها في كل مواد الإنتاج او مستلزماته ، حتي ولو بتقدم خدمة.

06/04/2019

06/04/2019

19/03/2019

ورشة عمل حول وضع خطة العمل الاستراتيجية لمشروع الاسرع بقضاء علي عمل الاطفال في سلاسل توريد القطن

20/11/2018

تشرفت بالتعاون مع المنتدي المصري لعلاقات العمل في اعداد هذا الاصدار .. أرجوا أن يكون مفيد للجميع

(السلامة والصحة المهنيتين)
إصدار من "سلسلة المعايير الدولية"

السلامة والصحة المهنية وتأمين بيئة العمل من أهم المجالات التي يجب وجودها في أي منشأة وذلك لحماية العاملين بالمنشأة من الحوادث المحتمل حدوثها والتي قد تتسبب في حدوث إصابات عمل أو حالات وفاة، وبجانب حماية العاملين حماية من حولهم.

وقد خضعت المعايير الدولية المنظمة لأحكام السلامة والصحة المهنية إلى تطور، حيث انتقلت من التركيز على السلامة الصناعية إلى التركيز على السلامة والصحة في مكان العمل وتكييف بيئة العمل بما يناسب العامل، ومن الحماية إلى الوقاية وتقييم المخاطر.

وسوف يعرض الإصدار المفاهيم الخاصة بالسلامة والصحة المهنية وتطور المعايير الدولية الخاصة بها والتزامات أطراف العمل (الدولة-أصحاب العمل-العمال) بها.

للقراءة يرجى زيارة الموقع: bit.ly/2OTd7kc

10/04/2018