08/09/2022
انا اسمي صلاح العديبى , شغال محامي حر ، بعشق المحاماه جدا جدا 👇
👈 ف ٢٠٠٢ تقريبا كنت في مكتب استاذ كبير قعدت فيه ثلاث سنوات وبعدها فتحت مكتب لوحدي ، في بداية طريقي مكنتش بقبل اي قضايا غير القضايا اللي احس ان صاحبها مظلوم ولو فيها شبهه بس مجرد شبهه ابعد عنها ، بس بعد كدا لقيت اني هشحت ومش هلاقي حتي ثمن ايجار المكتب اللي انا قاعد فيه فقولت اني هقبل اي قضايا هتجيلي
👈وفي ليله شتاء غربيه وقبل ما اقفل مكتبي وكنت حوالي الساعه 12 بالليل دخلت عليا ست كبيرة ف الخمسينات كدا معاها ورق قضية وقالتلي انها راحت لاكتر من عشر محامين عشان حد فيهم يقبل القضية بس كلهم رفضوا مسكت ورق القضية لقيتها قضية قتل وكل الادلة بتشير علي قاتل واحد ، القاتل دا يبقي حد من عيلتها وهي عايزة بكل الطريق تبرأ الشخص ده وهتدفع اي اتعاب انا اطلبها ،بس ف حاجه غريبه جدا جدا أنه جميع التواريخ مش باينه ومشوشه في الملف ، بعد ما حكتلي مجمل القضية حسيت فعلا انها قضية لا يمكن تتحل فقولت اجرب اشوف اي ثغرة في القانون عشان اطلع قريبتها دي من القضية
وطلبت رقم كبير جدا والست بكل سهولة وافقت علي المبلغ وقالت انا كمان هديك ضعفه لو خليتها خدت برأءة وعشان اصدقها دفعت ربع المبلغ وهو كان مبلغ كبير جدا بس ف شئ غريب جدا ان الفلوس كلها قديمه جدا كاد تكون من سنين طويلة عدت
👈انا طمعت ووعدتها بكل مقدرتي اني هطلع قريبتها , الست مشيت وانا انكفيت علي ورق القضية فضلت شغال علي ورق القضية ليل نهار ، علشان اشوف اي مخرج او ثغرة اطلع بيها الست دي حكم الاعدام ليها صحيح مية في المية " تم ضبط المتهمة في مكان وقوع الجريمة وبيدها مسدس به ثماني طلقات وطلقة فارغة تم اطلاقها علي زوجها فاردته قتيلا في تمام الساعة التاسعة ليلا سمع اشرف محمد قاسم حارس العقار صوت طلق ناري في الدور الثالث وتبين انها شقة الدكتور خالد ريان 65 سنة وزوجته امنية محمد يوسف 51 سنة وبعد ان اجتمع سكان العقار وفتحوا باب الشقة وجدوا الزوج يرقد قتيلا اثر طلق ناري اصابته به زوجته براسه وعليه اعترفت المتهمة فيما بعد امام النيابة انها قتلته مع سابقة تدبير عملية القتل اي قتل عمد مع سبق الاصرار والترصد ,قريت القضية مرة واتنين وتلاتة وعشرة عشان اشوف اي مخرج منها للست دي لدرجه اني كنت بسمع القضيه وأنا نائم
👈المبلغ كان قدامي في كل ثانية وكان هو المحفز اني احرق نفسي عشان القي مخرج من القضية دي فضلت افكر في مخرج من القضية وملقيتش الا حل واحد بس وهو اني اضربلها شهادة معاملة اطفال (شهادة مرضية تثبت انها تعاني من مرض عقلي ) من اي مستشفي بتاريخ قديم وساعتها لما يتقدم للمحكمة هيكون ده مانع من موانع المسؤلية والعقاب
👈واستغربت اني وصلت للحل دا في حين انها قالت انها راحت لناس كبيرة وانا عارف ان الناس دي ليها في السكك دي مفكرتش في الموضوع كتير وكلمت واحد صاحبي يعرف دكتور في مستشفي هيقدر يطلع الشهادة وهياخد مبلغ معين
بعدها علطول الست دي جات تاني المكتب في نفس التوقيت هو كان توقيت غريب والأغرب لما كانت بتخرج من المكتب وابص عليها م البلكونه كانت بتختفي مش بلاقيها فحضرت للمكتب وقولتلها ابشري انا لقيت حل للقضية وقريبتك مش هتتعدم
فرحت ووشها اتهلل وقالت اتاكدت انها بريئة بصيتلها واستغربت وقولت بريئة ازاي دا قتل عمد مع سبق اصرار وترصد واعتراف؟ انا لقيت مخرج ليها يطلعها وينقذها من الاعدام غضبت وقالت بس هي بريئة قولتلها لا هي مش بريئة والمخرج الوحيد اللي لقيته انها مريضة نفسية لازم نثبت انها مريضة نفسية ومعاها شهادة معاملة اطفال قالت لا هي بريئة ولازم انت تثبت برائتها قولتلها مش بريئة وهي مصرة انها بريئة مش عارف ازاي اخر ما زهقت من زنها قولتلها انا مش هترافع في القضية دي ورميت الورق في وشها وطردتها من المكتب وأنا بطلع الفلوس من درج المكتب عشان اديهلها رفضت ونزلت جرى من المكتب نزلت وراها جرى فجاه اختفت !
👈بعدها بيومين وانا قاعد في المكتب جت علي بالي فجأة مش عارف ليه وحسيت بالذنب اني طردتها بالشكل دا وفكرت ادور عليها واساعدها خصوصا انها بتتكلم بثقة ان قريبتها دي بريئة بس هدور فين وانا مش عارف طريقها قولت اروح مكتب من المكاتب اللي هي راحتلهم ورفضوا القضية بتاعتها روحت المكتب الاول وسالت عليها وعلي قضيتها اللي اترفضت المحامي قالي محدش بالاسم دا جالي ,تاني مكتب قالي نفس الكلام وتالت مكتب ورابع مكتب كلهم قالوا نفس الكلام يعني الست دي كدابة ومراحتش حد امال قالت كدا ليه ؟؟!!! استغربت جدا من موقفها دا ؟وفكرت شويه في انها ليه عملت كدا ليه ؟وبعدين افتكرت اني عندي مرافعة في المحكمة فجريت علي المحكمة بسرعة المرافعة خلصت وانا طالع من القاعة افتكرت انها نفس القاعة اللي كان المفروض محاكمة قريبة الست دي السكرتير كنت اعرفه معرفة شخصية كان بلدياتي روحت وسالته علي قضية اتحكم فيها من مدة كدا قالي لا قولتله افتكر قالي مفيش اي قضايا اتحكم فيها بالاعدام او الاحالة للمفتي من مدة قولتله ازاي قولتله خلاص مش مهم ،بس ليا عندك طلب ياريت تنفذهولي قالي ايه ؟
قولتله في ملف واحدة اسمها امنية محمد يوسف في قضية قتل جوزها انا عايز الملف دا عشان اطلع عليه قالي انت عارف انه مش قانوني بس انا هجيبهولك بس استني شوية ياما انت روح البيت وانا هبعتهولك قولتله ماشي روحت البيت وعلي العشاء كدا لقيت الباب بيخبط فتحت لقيت واحد من طرفه ومعاه الملف اللي طلبته دخلت اوضة المكتب وفتحت الملف لقيت تاريخ القضية يناير 1987 استغربت جدا جدا
👈ولقيت تفاصيل القضية كالاتي " في يوم الاثنين الموافق 5/1/1987 في تمام الساعة التاسعة ليلا سمع اشرف محمد قاسم حارس العقار صوت طلق ناري في الدور الثالث وتبين انها شقة الدكتور خالد ريان 65 سنة وزوجته امنية محمد يوسف 51 الخ "
طب لما القضية عدي عليها اكتر من 30 سنة الست دي عايزة منها ايه
👈ولقيت في اخر الصفحة الاولي من تحت " وتم تنفيذ الحكم علي المتهمة في 22/3/1987 "!!!!
يعني كمان قريبتها دي ميتة غريبة امال بتقول بريئة ازاي ؟قولت في دماغي ست كبيرة وحاسة ان قريبتها دي مظلومة ودماغها لسعت بفتح الصفحة التانية لقيت صورة الست الكبيرة اللي جابتلي القضية ومكتوب ع الصورة المتهمة امنية محمد يوسف قلبي وقف ومصدقتش عينيا الست الكبيرة اللي جابتلي الورق بتاع القضية هي اللي اتعدمت بفتح درج المكتب بسرعه لقيت الفلوس ورق ابيض يااااه أي دا غمضت عيني وببص قدامي لقيتها واقفة بتقولي هتترافع عني انا بريئه أنا بريئه............................
هذه الرواية الغريبة يرددها احد مرضي مستشفي العباسية بشكل يومي وتقول احدي الممرضات انها تراه وهو يتحدث الي شخص غير موجود ويناقشه وكانه في قاعة محكمةويردد اسم امنية محمد يوسف كثيرا😁
copied
