RahmaAshraf-رحمه أشرف

RahmaAshraf-رحمه أشرف حوتيه�

​⚖️ الأستاذة/ رحمة أشرف - المحامية
📜 باحثة بالدراسات العليا (دبلوم القانون العام) - جامعة عين شمس
💼 تقديم الاستشارات القانونية والترافع في كافة القضايا.
نلتزم بالأمانة المهنية لحماية حقوقكم وصون مصالحكم.
📩 للتواصل والاستفسار، يرجى إرسال رسالة خاصة

🛑 متتوسلش لموظف الاستقبال ومريضك بيموت.. اضرب القانون في وشهآسفين..مفيش سرير رعاية، خدوه وامشوا!​تخيل المشهد ده.. تكون و...
03/04/2026

🛑 متتوسلش لموظف الاستقبال ومريضك بيموت.. اضرب القانون في وشه
آسفين..مفيش سرير رعاية، خدوه وامشوا!
​تخيل المشهد ده.. تكون واقف في عز الليل، قلبك بيتحسر وأنت شايف حد غالي عليك بين الحياة والموت، وبتسمع الرد ده ببرود تام!
​في اللحظة دي أغلب الناس بتاخد مريضها وهي بتبكي وتلف بيه في الشوارع.. بس(بصفتي محامية) ، بقولك: أوعى تمشي! .. لأن حركتك دي ممكن تنهي حياته، وقعدتك في المستشفى دي هي اللي هتنقذه بقوة القانون! ⛔
​إليك الخلاصة القانونية اللي المستشفيات بتخبيها عليك
​🔴 أولاً: السند القانوني اللي بيحميك
المرجعية هنا هي قرار رئيس مجلس الوزراء رقم 1064 لسنة 2014.والذي تم تعزيزه وتأكيده بالقرار رقم 1726 لسنة 2024 الصادر مؤخراً).
القرار ده بيُلزم جميع المستشفيات في مصر بلا استثناء (حكومي، خاص، استثماري) بتقديم خدمات الطوارئ والعلاج لأي حالة طارئة بالمجان تماماً لمدة 48 ساعة على الأقل، أو لحد ما تستقر الحالة تماماً ويتم توفير مكان بديل بمعرفة وزارة الصحة.

​🔴 ثانياً: خطوات التصرف السريع على الأرض
لو واجهت تعنت من إدارة المستشفى.....
​اتسمر مكانك: متخرجش من باب المستشفى. خروجك بالمريض يعني تنازلك ومخاطرة بحياته.
​اطلب تقرير عدم إمكانية الاستقبال: اطلب من الطبيب المسؤول يكتب تقرير رسمي يفيد بأن الحالة طارئة وتحتاج لرعاية مركزة، وأنهم غير قادرين على استقبالها. (التقرير ده بيثبت مسؤوليتهم الجنائية لو حصل للمريض حاجة).
​هددهم بالقانون: قول لمدير الطوارئ بوضوح: أنا متمسك بتطبيق قرار رئيس الوزراء 1064 لسنة 2014، ورفضكم ده مخالفة صريحة وجريمة امتناع عن إسعاف مريض.
​🔴 ثالثاً: أرقام الاستغاثة الفورية (اتصل بيها وأنت داخل الطوارئ)
​📞 (137) طوارئ وزارة الصحة: عشان ينسقوا ويوفروا أقرب سرير رعاية مركزة شاغر.
​📞 (16528) منظومة الشكاوى الحكومية بمجلس الوزراء: أبلغ فوراً عن مخالفة المستشفى لقرار رئيس الوزراء الصريح.
​📞 (123) الإسعاف: المسعفون ليهم شبكة تواصل فورية وبيعرفوا الأماكن الشاغرة.
​💡 امتناع المستشفى أو الطبيب عن إسعاف شخص في حالة خطر هو جريمة يعاقب عليها القانون. احتفظ دايماً بأسماء الأشخاص اللي بيرفضوا التعامل مع الحالة عشان توثق حقك.
​معرفتك بالقانون هي حمايتك الحقيقية. شير عشان تنقذ حياة إنسان!
​تحياتي،
⚖️ أ / رحمة أشرف أبو الفتوح
💼 المحامية
📞 للتواصل والاستفسارات: [01550055725]
​ #المحامية

28/03/2026

ماتمضيش على بياض.. حتى لو هتاخد كنوز الدنيا✍️🚫
​يا جماعة، لسه فيه ناس بتقع في فخ إيصال الأمانة على بياض فاكرين إنهم كدة بيضمنوا حقهم أو بيسهلوا أمورهم.كبنت قانون، خلوني أقولكم إن الورقة دي قنبلة موقوتة ممكن تفرقع في وش اللي مضاها.. وفي وش اللي خدها كمان!
​ليه التوقيع على بياض خطر؟
1️⃣ للموقع (المدين): الشخص اللي خد منك الإيصال ممكن يكتب فيه رقم خيالي (مليون جنيه وأنت مستلف 10 آلاف بس). وبكرة الصبح تلاقي نفسك قدام جنحة تبديد وضياع مستقبل.
2. للدائن (صاحب الحق): لو المحامي بتاع الخصم شاطر، هيطلب خبير طب شرعي. ولو ثبت إن (التوقيع في زمان.. والصلب في زمان تاني) أو (القلم مختلف)، الإيصال بياخد براءة فوراً لأن ركن التسليم بيتشكك فيه، والقاضي بيعتبرها مدنية نزاع.
نصيحتي ليك النهاردة:
لو مضطر تمضي إيصال أمانة عشان قسط أو شغل:
✅ اكتب المبلغ بالحروف والأرقام بنفسك.
✅ استخدم نفس القلم اللي وقعت بيه عشان تملى البيانات.
✅ اكتب اسم الشخص اللي هيستلم (الطرف الثالث) ويكون حد حقيقي.
✅ أهم حاجة: لو الإيصال ضمان لعقد بيع أو قسط، لازم تذكر رقم الإيصال في العقد الأصلي عشان تثبت إنه ضمان مش أمانة.
​القانون مش بس نصوص.. القانون حماية ليك قبل ما تقع في المشكلة. ⚖️
​ #المحامية

27/03/2026

معلومة قانونية عالماشى.. عشان محدش يضحك عليكي!
​🏠 لو بتشتري شقة (عقد البيع):
​فخ التوكيل: بلاش نضحك على بعض ونقول "معايا توكيل بيع لنفسي وللغير يبقا الشقة بقت بتاعتي خلاص. التوكيل ده وسيلة، لكن الأصل هو عقد البيع الابتدائي. والأهم من ده كله، لازم تعملي صحة توقيع فوراً، والأضمن طبعاً هو التسجيل في الشهر العقاري عشان تبقي نايمة ومطمنة إن الشقة مش هتتباع مرتين!
​العدادات مش مجرد حديدة: وإنتي بتكتبي العقد، خليكي "ناصحة". اكتبي بند صريح إن البائع ملزم يتنازل لك عن عدادات (الكهرباء، المياه، والغاز) في كل الجهات. بلاش تلاقي نفسك بكره الصبح بتلفي ورا وصولات قديمة مش بتاعتك!
​🔑 لو بتأجري أو بتأجر (عقد الإيجار):
​كلمة مشاهرة دي فخ: مفيش حاجة في القانون الجديد اسمها إيجار مفتوح أو مشاهرة. لو كتبتي مشاهرة، المالك ممكن يمشيكي بعد شهر واحد بس! لازم تكتبي تاريخ واضح وصريح (من.. إلى..). حددي المدة بالسنة واليوم عشان حقك وحقه يكونوا محفوظين.
​الضربة القاضية (الصيغة التنفيذية): دي أهم نصيحة! بدل ما تكتبي العقد وتمضي وخلاص، خدي المالك واطلعوا على الشهر العقاري واعملوا إثبات تاريخ ومعاها الصيغة التنفيذية. ليه؟ عشان لو المستأجر مدفعش الإيجار أو رفض يخرج بعد المدة، مش محتاجة محاكم وقضايا سنين.. بالمحضرين فوراً تقدري تاخدي حقك.
​✅ الخلاصة اللي تنهي أي حوار:
​في أي عقد بتكتبيه، لازم تحطي الجملة دي: يعتبر العقد مفسوخاً من تلقاء نفسه. الجملة دي سحرية، لأنها بتخليكي مش محتاجة تستني حكم محكمة عشان تنهي العقد لو الطرف التاني أخل بوعوده

#قانون


#خدبالك

26/03/2026

معلومة تهمك وأنت بتشتري (شقة أو أرض) 🏠⚖️
​ناس كتير فاكرة إن بمجرد ما يمضي عقد بيع ابتدائي ويدفع الفلوس، كدة خلاص بقى صاحب المكان.. الحقيقة إن الموضوع فيه "تريكة" قانونية مهمة!

​⚠️ العقد الابتدائي لوحده مش بينقل الملكية
في القانون المصري، الملكية في العقارات مش بتتنقل غير بالتسجيل. العقد اللي في إيدك ده "وعد" بالبيع، لكن مش بيخليك مالك رسمي قدام الدولة والغير بنسبة 100%.
​✅ 3 حاجات لازم تعملهم قبل ما تمضي:
​ورق المكان: اتأكد من تسلسل العقود (يعني المكان ده جيه من مين لـ مين لحد ما وصل للي بيبيعلك).
​صحة التوقيع: مفيش عقد يتشال في الدرج! لازم تبدأ فوراً في إجراءات دعوى صحة توقيع أو صحة ونفاذ عشان تضمن حقك.
​الديون: اتأكد إن المكان عليهوش ديون أو حجز أو مشاكل في المحاكم.
​افتكر دايماً: استشارة المحامي قبل ما تمضي، بتوفر عليك سنين من المشاكل في المحاكم.
​⚖️ أ/ رحمة أشرف أبو الفتوح
المحامية
​📱 للتواصل والاستفسار (واتساب): [01550055725]
​ #المحاماة

أهلاً بكم في الصفحة الرسمية⚖️أ/ رحمة أشرف ابو الفتوحللمحاماة والاستشارات القانونية. يسعدنا استقبال كافة استشاراتكم وقضاي...
26/03/2026

أهلاً بكم في الصفحة الرسمية⚖️
أ/ رحمة أشرف ابو الفتوح
للمحاماة والاستشارات القانونية. يسعدنا استقبال كافة استشاراتكم وقضاياكم والعمل عليها بدقة علمية وعملية.
​📍 للتواصل والاستفسار:
يسعدنا استقبال رسائلكم عبر الصفحة (Messenger)
أو من خلال الواتساب مباشرة: [01550055725]
#المحاماة #العدالة

24/03/2026

🫡 يعني التحرش الإلكتروني؟
​هو كل مضايقة أو ملاحقة أو فعل غير مرغوب فيه يتم عبر الوسائل التقنية (واتساب، فيسبوك، إنستجرام، أو حتى المكالمات)، سواء كان:
​رسائل خادشة للحياء أو صوراً غير لائقة.
​تعليقات مسيئة أو تنمر يحمل إيحاءات معينة.
​التهديد بنشر صور أو معلومات خاصة (الابتزاز)

👌​كتير من البنات بتتردد تبلغ عشان المتحرش لحق مسح الرسائل(Unsend) أو عمل (Delete for everyone)، وبتقول خلاص مفيش دليل. الحقيقة إن المسح ده مجرد وهم!
​🔍 ليه المسح مش معناه إن الجريمة اختفت؟

​1️⃣ الأثر الرقمي (Digital Footprint):
أي حركة بتعملها على الإنترنت بتسيب بصمة . مباحث الإنترنت عندها أجهزة وفنيين بيقدروا يوصلوا لبيانات الدخول والخروج (Logs) وسجلات النشاط، يعني حتى لو الكلام اتمسح، واقعة الإرسال نفسها متسجلة بالثانية والدقيقة.

​2️⃣ السكرين شوت سيد الأدلة:
أول ما تشوفي كلام مش تمام، خدي سكرين شوت فوراً قبل ما يلحق يمسح. الصورة دي مع لينك البروفايل بتاعه هي أول خيط بيجيبه، والمباحث بتقدر تطابق توقيت الصورة مع نشاط الحساب وتثبت صحتها.

​3️⃣ الشركات مش بتمسح فوراً:
تطبيقات زي "واتساب" و"فيسبوك" بتحتفظ بسجلات النشاط لفترة. وبناءً على طلب رسمي من النيابة، البيانات دي بتتقدم وبتكون دليل قاطع قدام القاضي.
​💡 نصيحة "ذهبية" لكل بنت:
​صوري الشاشة فوراً: قبل ما تفكري تردي أو تعملي بلوك، السكرين شوت هو سلاحك.
​لينك البروفايل (URL): أهم من الاسم، خدي لينك حسابه عشان لو غير اسمه أو قفله، اللينك ده هو اللي هيجيبه من وسط الملايين.
​ماتخافيش من الرسايل اللي بتختفي: لو بعت صورة بتتمسح (View Once)، حاولي تصوريها بموبايل تاني لو جنبك، أو بلغي فوراً وهما هيعرفوا يوصلوا للنشاط ده.

⚖️👌​القانون المصري (قانون مكافحة جرائم تقنية المعلومات) بقى متطور جداً، والتحريات الفنية بتقدر تجيب "صاحب الجهاز" حتى لو بيكلمك من أكونت وهمي أو ماسح كل حاجة.
​الحق مش بيموت بالـ "Unsend".. الحق بيرجع بالقانون


22/03/2026

⚖️ جوزك مخبي دخله؟.. تعرفي إن المحكمة تقدر تستعلم إلكترونياً عن أرصدته في كل البنوك؟ 🛡️

دايماً أول سؤال بيشغل بال أي زوجة في قضايا النفقة: أنا مش عارفة دخله كام بالظبط، وأهله مخبيين. زمان كان الموضوع محتاج "تحري مباحث" وشهود بس، لكن حالياً الوضع اتغير للأفضل وبقى فيه "رقمنة قانونية".
القضاء المصري دلوقتي بقى بيعتمد بشكل كبير على "الاستعلام الإلكتروني"، ودي معلومة مهمة جداً:
​الحسابات البنكية: المحكمة بتقدر تخاطب "البنك المركزي" رسمياً للاستعلام عن أرصدة وحسابات الزوج في كل البنوك (مش محتاجة تعرفي البنك بالاسم).
​السجل التجاري الرقمي: لو الزوج صاحب بيزنس أو شريك في شركة، المحكمة بتستعلم إلكترونياً عن حصته وأرباحه.
​الممتلكات العقارية: الربط بين المحاكم والشهر العقاري بقى أسرع بكتير لإثبات العقارات المسجلة باسمه.
​نصيحة⚖️
ماتخليش جملة (معيش مفردات مرتبة) توقفك. القانون بقى عنده "عيون رقمية" بتعرف توصل للحقائق أسرع بكتير من التحريات التقليدية. المهم يكون معاكي محامي بيعرف يستخدم الأدوات دي صح قدام المحكمة. ​

فك اللبس.. يعني إيه حرمان "الممتنع عن النفقة" من الخدمات الحكومية؟​⚠️ سمعنا عن قرار وزير العدل رقم ٨٩٦ لسنة ٢٠٢٦، وفي ن...
15/03/2026

فك اللبس.. يعني إيه حرمان "الممتنع عن النفقة" من الخدمات الحكومية؟
​⚠️ سمعنا عن قرار وزير العدل رقم ٨٩٦ لسنة ٢٠٢٦، وفي ناس فاهمة الموضوع غلط وفاكرين إن أي حد عليه قضية نفقة هيتحرم من الخدمات فوراً. تعالوا نفهم الحقيقة ببساطة عشان محدش يوهمك:
​🔍 مين المقصود بالقرار ده؟
​القرار مش بيطبق على كل أحكام محكمة الأسرة العادية.. الموضوع محدد جداً!
القرار بيستهدف الممتنع جنائياً، يعني الشخص اللي صدر ضده حكم نهائي في (جنحة عدم تنفيذ حكم نفقة) طبقاً للمادة ٢٩٣ من قانون العقوبات.
​◀️المشوار بيمشي إزاي؟ (الخطوات القانونية)
​عشان العقوبة دي تتنفذ، لازم المسار يكون كده:
1️⃣ ترفعي دعوى نفقة عادية ويطلع لك حكم.
2️⃣ الشخص يرفض الدفع رغم إن الحكم واجب النفاذ.
3️⃣ ترفعي ضده جنحة عدم تنفيذ حكم نفقة (عقوبات).
4️⃣ يصدر ضده حكم جنائي نهائي.. هنا بس بيبدأ الحرمان من بعض الخدمات الحكومية كنوع من الضغط عشان يدفع حق الأولاد..
والقرار ده وسيلة ردع قوية، لكنها مرتبطة بصدور حكم "جنائي" مش مجرد قضية في محكمة الأسرة

​📌 الطريق المختصر (بنك ناصر الاجتماعي)
​لو مش عايزة تدخلي في دوامة المحاكم الجنائية وملاحقة المنفذ ضده:
​بتاخدي حكم النفقة النهائي وتطلعي على بنك ناصر.
​البنك بيصرف ليكي مبلغ شهري (بحدود معينة).
​الميزة: البنك هو اللي بياخد "صفة الدائن" وهو اللي بيطارد الممتنع قانونياً بمعرفته، وانتي بتضمني حق ولادك كل شهر من غير وجع دماغ.

🚫​حقوق الأولاد مش رفاهية ولا مجال للمساومة.. القرار ده جه عشان ينهي عصر المماطلة ويحول النفقة لالتزام فعلي مش مجرد حكم على ورق. مصلحة ولادنا هي الأولوية، والقانون هنا عشان يضمن إن احتياجاتهم الأساسية تكون دايمًا في أمان

خالص تحياتي ،
الاستاذة/رحمة أشرف ابو الفتوح
المحامية ⚖️
​
عشان غيرك يفهم حقه صح ⚖️✨
#النفقة

01/03/2026

فلوس نزلت لك بالغلط في البنك.. رزق ولا كمين؟" 💸

​كتير مننا بيصحى يلاقي رسالة من البنك إن فيه مبلغ دخل حسابه وهو مش عارف جاله منين، أو العكس، يلاقي مبلغ اتخصم منه "غلطة سيستم". الموضوع ده في مصر ليه قواعد قانونية واضحة وصريحة عشان محدش يضحك عليكي:
​1. الفلوس اللي دخلت "بالغلط" (قاعدة 181 مدني) ⚖️
​القانون المصري بيقول مادة صريحة (رقم 181): "اللي ياخد حاجة مش بتاعته لازم يرجعها".
​بالمختصر: لو صرفتي مليم واحد وأنتِ عارفة إنه مش حقك، البنك ممكن يرفع عليكي قضية "استيلاء" أو "تبديد". فبلاش تعتبريها خبطة حظ، اعتبريها "أمانة" لازم تبلغي عنها فوراً عشان تبري ذمتك.

​2. لو البنك "خصم منك" فلوس بالغلط
​هنا القانون في صفك جداً! قانون البنك المركزي الجديد بيقول إن البنك هو "أمين" على فلوسك.
​لو حصل اختراق أو عطل في التطبيق ونقص من حسابك مليم، البنك هو اللي لازم يثبت إنك غلطتي وسربتي رقمك السري. لو مأثبتش ده، هو ملزم يرجع لك فلوسك ومعاها "اعتذار" وتعويض لو اتعطلتي.

​3. السرعة هي "سلاحك" (قاعدة الـ 15 يوم) ⏳
​لو شفتي أي حاجة غلط في حسابك، متسكتيش! القانون بيديكي مهلة 15 يوم بس عشان تعترضي رسمي. لو سكتي أكتر من كدة، البنك ممكن يقول "ده سكوت علامة الرضا" وإنك موافقة على اللي حصل.

​💡 عشان تحمي نفسك:
​صوري الشاشة (Screenshot): أي رسالة غلط أو عملية غريبة صوريها فوراً، دي أهم دليل معاكي.
​رقم الشكوى: لما تكلمي خدمة العملاء، خدي "رقم الشكوى". لو البنك مرجعش حقك خلال أسبوعين، اطلعي فوراً بـ "رقم الشكوى" ده وقدمي بلاغ في (جهاز حماية العملاء بالبنك المركزي).. وده "البعبع" بتاع البنوك في مصر.
​الخلاصة:
الحق مبيضعش، بس محتاج اللي فاهم قانون وعارف مصلحته.

Address

Giza

Website

Alerts

Be the first to know and let us send you an email when RahmaAshraf-رحمه أشرف posts news and promotions. Your email address will not be used for any other purpose, and you can unsubscribe at any time.

Shortcuts

Share

Category