أ/ عبدالرحمن طلعت - المحامي

20/12/2025

المتهم الوحيد الذي لم يحتاج الي محامي 👌🏼

ازاي تخرج من محاولة تلفيق تهمة
بس على طريقة احمد فؤاد نجم....
قديما .. استدعى ضابط كبير الشاعر احمد فؤاد نجم وطلع من درج مكتبه كمية كبير من الحشـ.يش ودار الحوار التالي

- المرة دي يا نجم مش قضية رأي ولا اعتقال ، المخدرات دي بتاعتك
= نجم فهم اللي فيها و رد ايوه يافندم
- الضابط باستغراب يعني انت معترف ومش هتنكر
= هيفيد بأيه الانكار ايوه بتاعتي
- دي اتجار ولا تعاطي
= اتجار طبعا هو حد هيشرب كل ده
- وشغال لوحدك
= لا يافندم تشكيل عصابي كبير
- بس المخدرات دي جاية من كيان الاحتلال وده تخابر مع العدو وفيها اعدام
= ايوه العدو هو المورد الرئيسي بيورد لزعيم العصابة وهو بيوزعها علينا
- الضابط بتردد هو مين الزعيم
= اخو الرئيس عبدالناصر بيستلم البضاعة ويوزعها علينا ، انا ماسك وجه بحري والست ام كلثوم وجه قبلي (نجم مش بيحب ام كلثوم)

الضابط انصدم وحس ان محاولة تلفيق التهم هدخله في مصايب وطرد احمد فؤاد من القسم 🤣

18/09/2025

https://www.facebook.com/share/r/16art7Ms4M/

27/08/2025

بعد تصديق الرئيس عبد الفتاح السيسي وحرصه على حقوق الموظفين.. قانون العمل الجديد يضمن مستقبل أفضل للعاملين!

أولاً لازم نفهم إن القانون اتعدل لصالح الموظفين بشكل كبير جداً، والقانون ده ملزم للجميع ومينفعش أي شركة أو موظف يخالفه خصوصاً القطاع الخاص.

أهم التعديلات:

1️⃣ اعتراف رسمي بالوظائف عن بُعد والفريلانس.

2️⃣ إلغاء "استمارة 6".. والفصل لا يتم إلا بحكم محكمة مختصة.

3️⃣ التأمين الاجتماعي والصحي إجباري من أول يوم عمل.

4️⃣ 15 يوم إجازة سنوية تبدأ من أول يوم شغل (مش بعد 6 شهور).

5️⃣ إجازة الوضع للنساء: 4 شهور مدفوعة الأجر وتتكرر 3 مرات خلال الخدمة.

6️⃣ الحد الأدنى للأجور إلزامي.. ومفيش مرتبات أقل منه.

7️⃣ الحد الأقصى لساعات العمل: 8 ساعات يومياً + راحة أسبوعية 24 ساعة متواصلة (إجمالي 48 ساعة أسبوعياً).

8️⃣ تعريف واضح للتنمر والتحرش مع عقوبات منفصلة وصارمة.

9️⃣ فترة الاختبار 3 شهور فقط، ويحق لأي طرف إنهاء التعاقد خلالها فوراً.

🔟 العقد محدد المدة: لو الشركة أنهته قبل موعده.. لازم تدفع للعامل شهر عن كل سنة متبقية.

1️⃣1️⃣ الشركات ملزمة بحفظ أوراق الموظف 5 سنين كاملة.

1️⃣2️⃣ العمل في الإجازات الرسمية باختيارك فقط.. ولو اشتغلت تاخد 3 أضعاف أجر اليوم.

1️⃣3️⃣ مواعيد عمل السيدات بين 7 صباحاً و7 مساءً (أي تعديل لازم يكون بموافقتها).

1️⃣4️⃣ ممنوع الشغل 5 ساعات متواصلة.. لازم ساعة راحة ضمن الـ 8 ساعات.

1️⃣5️⃣ في حالات الطوارئ فقط: ممكن اليوم يوصل 10 ساعات شغل.. لكن بشرط موافقة الموظف.

04/08/2025

أنه في يوم الاثنين الموافق 4/ 8 / 202
#قانون الايجار القديم

03/04/2025

قال ابن القيم -رحمه الله-:
"إن العبد ليأتي يوم القيامة بحسنات أمثال الجبال فيجد لسانه قد هدمها عليه كلها،
ويأتي بسيئات أمثال الجبال فيجد لسانه قد هدمها؛ من كثرة ذكر الله تعالى وما اتصل به."

02/04/2025

لما تيجي تشتري شقه
- حاول تروح الشقة مرتين مرة الصبح ومرة بالليل.
- طول في المعاينة على قد ماتقدر وسيب الباب مفتوح.
(لو الشقة عليها مشاكل..العصفورة هتبلغ انها اتفتحت )
- مافيش بائع هيعرفك بعد ماياخد كل فلوسه.
- لازم تبقى جزء من قيمة الشقة لو فيه اى حاجه ناقصة.
- الشقة اللى مافيش فيها عداد كهرباء .. ماتاخدهاش.
- التوكيل بالبيع لوحده مش كفاية..لازم عقد بيع.
- مش لازم خالص توقيع شهود على العقد.
- لو هتخلص ثمن الشقه لازم تستلمها فى نفس يوم دفع الفلوس.
لازم تكون عارف ومتأكد انك انت واسرتك هتعرفوا تعيشوا في المكان ده ومع نفس الجيران دول وان ولادك كل يوم هيمشوا من الشارع ده او قدامهم او تحتهم المحل ده لازم تعرف هتعيش فين عشان متشتريش وتندم

:
☆ ماتشتريش من وكيل عن صاحب الشقة بتوكيل عام الا اذا كنت عارفهم كويس جدا.
☆ صاحب الشقة يعملك توكيل خاص بالبيع حتى لو مسافر.
☆ لو البائع فوق ٦٥ سنه ولاده يوقعوا شهود على العقد.
☆ لو هتشترى من ورثة لازم كل الورثة يوقعوا على العقد
لو حد من الورثه قاصر لازم الوصى عليه هو اللى يوقع عنه ولازم يطلع قرار بموافقة النيابة الحسبية على البيع .
☆ لازم التوقيع على كل صفحات العقد.
☆ لازم التوقيع يكون امامك مافيش توقيع مسبق.
☆ اوعي تسيب اي فراغات فى نسختين العقد ويفضل العقد يكو من ثلاث نسخ.
☆ ممنوع اي تعديل بخط الأيد فى العقد.
☆ الأفضل ان العقد كله يكون مكتوب كمبيوتر.

: اوعي تمضى على إيصالات امانه، أكتب الاقساط فى العقد [ القيمة وميعاد القسط ].
#لااااااااازم : تشوف زوجة المالك حقك جداً .. احسن يكون مطلقها ومعاها قرار تمكين
ً : انك تدخل لجار واتنين فى العماره، وتسألهم عن الشقة المهم تديهم الأمان وفهمهم ان الكلام بينكم سر .. علشان يقولوا الصراحة

يبقي مهم وانت بتشتري شقة لازم تتأكد من سند ملكية البائع وتسلسل الملكية حتى آخر مشتري وكمان عقد للأرض سواء عرفى أو مسجل وتتأكد من صحته
تكتب عقد يضمن الثمن وبنود تضمن حقك وشرط جزائي وتوكيل في الشهر العقاري بالبيع للنفس أو للغير والتنازل للنفس أو للغير ولكافة التصرفات الناقلة للملكية امام كافة الجهات والمصالح الحكومية ومصلحة الشهر العقاري والتوقيع علي عقود البيع الابتدائية والنهائية
وفي كافة اجراءات التعامل مع الكهرباء والمياه والتليفون والضرائب العقارية والغاز الطبيعي والتعاقد ورفع وتركيب والتنازل عن عدادات هذه المرافق
ولا يحق لأي من الطرفين إلغاء هذا التوكيل إلا بحضور الطرفين ويسري هذا التوكيل في حالة الوفاه .

ً يكون معاك محامى ثقة بلاش تستخسر وتوفر اتعاب المحامى .. وجود المحامى هيأمنك ويمنع عنك بلاوى كتير دور المحامى مهم علشان يتأكد من صحة مستندات الملكية وتسلسل العقود ويتأكد ان الشقة مفيش عليها اي مشاكل.
والله الموفق

24/02/2025

تنويه هام
على جميع المتعاملين مع شركة FBC
يلزم تقديم البلاغ في مباحث أمن المعلومات الكائن مقرها بمديرية الأمن التابع لها محل إقامة المجني عليهم .

07/01/2025