أشجان البخارى المحامية بالنقض

25/08/2026

هااام جدا
بمجرد حصولك على حكم الولاية تعليمية بسرعة تطلعى تسجلى حكم الولاية التعليمية جوة الادارة التعليمية التابعة لمدرسة الصغير عند ادارة الشئون القانونية عشان تفضل سارية معاكى ومش كل شوية يقولولك جدديها لو هتحتاجى بعد كدة تحولى او تسحبى ملف او تعملى اى اجراء
تتسجل جوة الادارة التعليمية عشان ميقولوش ليكى كل شوية جدديها اصل صلاحيتها انتهت

ولو انتى مطلقة ومش فى امكانياتك ترفعى قضية ولاية
مش شرط تاخدى قرار بالولاية التعليمية من المحكمة تطلبى من الادارة القانونية حصولك عليه بموجب القرار الوزارى رقم ٢٩ لسنة ٢٠١٧

روحى الادارة القانونية بالادارة التعليمية واطلبى منهم كدة
ويكون معاكى الاوراق دى 👇🏼👇🏼👇🏼(اهم حاجة تكونى مطلقة مينفعش تعمليه وانتى متجوزة)
قسيمة طلاقك
شهادات ميلاد الصغار
صورة قيد فردى حديث ليكى يوضح انك مش متزوجة بأخر
صورة حكم اثبات الحضانة
صورة بطاقتك
هيكتبوكى طلب ( منحك ولاية تعليمية ) بموجب القرار الوزارى رقم ٢٩ لسنة ٢٠١٧

لو رفضوا يعملوا كدا اتصلى بالنجدة واقلبى الدنيا واعمليلهم محضر امتناع عن تنفيذ قرار وزارى وهتختصمى ادارة الشئون القانونية كلها لو رفضوا

ده طلب هيكون سارى معاكى طووووول فترة الدراسة ولا محتاج يتجدد ولا محتاجة ليه كل شوية ترفعى قضيه ولاية تعليمية تانى @

13/08/2026

12/08/2026

الإعدام شنقا ان شاءالله

12/08/2026

الخير فيما اختاره الله لك

12/08/2026

اصدار جديد من المكتب الفنى لمحكمة النقض

المكتب الفني لمحكمة النقض يصدر دراسة حول مدى جواز تطبيق الإعلان القضائي الرقمي في التشريع المصري والمقارن

أصدر المكتب الفني لمحكمة النقض المصرية إصدارًا جديدًا بعنوان «مدى جواز تطبيق الإعلان القضائي الرقمي.. دراسة في التشريع المصري والمقارن»، يتناول الإطار القانوني للإعلان القضائي الرقمي، ومدى إمكانية تطبيقه في ضوء أحكام التشريع المصري، مع استعراض الاتجاهات التشريعية المقارنة ذات الصلة، وذلك في إطار مواكبة التطورات التكنولوجية المتسارعة وانعكاساتها على منظومة العدالة وإجراءات التقاضي، وبحث مدى توافق الوسائل الرقمية الحديثة مع الضوابط والضمانات المقررة قانونًا لصحة الإعلان القضائي.
...................................
طالع الإصدار من خلال الرابط المثبت فى أول تعليق 👇

11/08/2026

حق الزوجة في الخلع بدون رضا الزوج*

الخلع هو إن الزوجة تتنازل عن حقوقها المالية وترد المهر للزوج عشان القاضي يحكم بالطلاق حتى لو الزوج رافض.

ده بيحل مشكلة "الزوج المُعَنِّت" اللي رافض يطلق.

*1. شروط الخلع*مش لازم تثبتي ضرر. يكفي إنك "بتكرهي العيشة معاه" وخايفة متقدريش حدود الله.
*السند القانوني*:
المادة 20 من القانون رقم 1 لسنة 2000 - قانون محكمة الأسرة:
_"وللزوجين أن يتراضيا فيما بينهما على الخلع، فإن لم يتراضيا عليه وأقامت الزوجة دعواها بطلبه وافتدت نفسها وخالعت زوجها بالتنازل عن جميع حقوقها المالية الشرعية وردت عليه الصداق الذي أعطاه لها، حكمت المحكمة بتطليقها منه"_

*2. الحقوق اللي بتتنازلي عنها*
نفقة المتعة + نفقة العدة + مؤخر الصداق. وبتردي مقدم الصداق اللي في القسيمة.
*السند القانوني*:
نفس المادة 20: _"بالتنازل عن جميع حقوقها المالية الشرعية وردت عليه الصداق"_
*ملاحظة مهمة*: نفقة الأطفال، وحقهم في المسكن، وحق الحضانة = مش بتسقط بالخلع

*3. مدة الدعوى*
أسرع من الطلاق للضرر. مفيش شهود ولا إثبات. القاضي بيعرض الصلح مرتين وبعدها يحكم.
*السند القانوني*:
المادة 20: _"ولا تحكم المحكمة بالتطليق للخلع إلا بعد محاولة الصلح بين الزوجين... وبعد أن تقرر الزوجة صراحة أمام المحكمة أنها تبغض العيش مع زوجها..."_

*4. حكم نهائي*
حكم الخلع نهائي. لا يجوز استئنافه.

10/08/2026

https://www.facebook.com/share/v/17QffHB4Ca/?mibextid=wwXIfr

02/07/2026