Al Anany Law Firm

02/03/2021

تعرف علي طرق تنفيذ أحكام النفقة
طرق لتنفيذ أحكام النفقات:

أولاً: عن طريق جهة عمل الزوج، إذا كان موظف في الحكومة، وذلك حينما يصدر حكم النفقة، يتم إعلان الصيغة التنفيذية في جهة عمل الزوج، والتي تقوم بدورها بخصم مبلغ النفقة الشهري من مرتبه في حدود نسب معينة مذكورة في القانون.

ثانياً: عن طريق بنك ناصر الإجتماعي، وذلك إذا كان الزوج يعمل في الأعمال الحرة، ففي هذه الحالة يتم صرف النفقة من البنك، ولكن البنك أكبر مبلغ نفقة يقوم بصرفه هو ٥٠٠ جنيه شهرياً.

ثالثاً: التنفيذ عن طريق المحضرين بالمحكمة، وذلك بالحجز على أموال الزوج، أو ممتلكات، أو أمواله بالبنوك.

رابعاً: رفع دعوى حبس على صاحب النفقة المحكوم بها، ويعاقب الزوج في حالة امتناعه عن السداد بالحبس لمدة شهر.

06/08/2020

ازاي تكتب بيانات ايصال الامانة بشكل قانونى سليم

الموضوع بسيط جدااا لكن بعض الناس بتغلط فيه للاسف فحبيت اوضحه في نقاط بايجاز شديد.
- فيه دفاتر بتتباع في المكتبات فيها ايصالات مطبوعه ( زي اللي في الصوره ) وتقدر برضه تكتبه في ورقه عاديه لو مكنش معاك ايصال مطبوع.
ونقدر نحدد اهم العناصر وفق الترقيم اللي في الصوره كما يلي :-
- خانه ( ١ ) بتكتب فيها اسم الشخص اللي انت هتمضيه على ايصال الامانه ، يعني الشخص اللي خد منك الفلوس.
- خانه ( ٢ ) بتكتب فيها عنوانه بالتفصيل من واقع بطاقة الرقم القومي بتاعته.
- خانه ( ٣ ) بتكتب فيها رقم بطاقته بالكامل ( ١٤ رقم ).
- خانه ( ٤ ) بتكتب فيها تاريخ صدور البطاقه ، وده بيكون في اعلى اليسار في خلفيه البطاقه ، عباره عن الشهر والسنه.
- خانه ( ٥ ) بتكتب فيها اسم حضرتك.
- خانه ( ٦ ) بتكتب فيها المبلغ بالارقام ثم بالحروف.
- خانه ( ٧ ) بتكتب فيها اسم الشخص التابع ليك ، اللي المفروض هيستلم الفلوس من الشخص الموقع علي الايصال.
- خانه ( ٨ ) توقيع الشخص رقم ١ اللي استلم منك الفلوس.
- خانه ( ٩ ) البصمة بتاعت نفس الشخص اللي استلم الفلوس ، رقم ١.
- الخطوط الحمراء دي المكان اللي بتقطع منه اصل الايصال عن كعب الايصال رقم ( ١٠ ) وده المفترض انه بيكون موجود في دفتر ايصالات الامانه ، زي الشيكات كدا.
ملحوظات هامه :-
الافضل ان الايصال كله يحرر بخط من وقعه.
ضروري جداا ان الايصال كله يتملي في ذات لحظة كتابته ، وبنفس القلم ، يعني متمضيهوش ايصال على بياض وتيجي انت تكتب الصُلب بعدها بشهور.
ضروري تحتفظ بصورة بطاقة الرقم القومي لشخص الموقع علي الايصال.
متكتبش تاريخ على الايصال لانك لو كتبت تاريخ ومر عليه ثلاث سنوات لم ترفع الايصال خلالها هتكون الدعوى سقطت بالتقادم ، وانا عارف ان فيه رأي فقهي بيقول ان العبره بتاريخ الامتناع عن تسليم المبلغ وليس بتاريخ تسلمه شبيه بقايمه المنقولات كدا لكن الاتجاه الغالب في المحاكم انه بعد ثلاث سنوات من تاريخ الايصال المحكمه بتحكم بانقضاء الدعوي فالافضل عدم كتابة تاريخ بدلا من الدخول في جدل فقهي.

16/07/2020

فى دعوى اجر المسكن لو الزوجه ماجرة شقه قانون جديد الزوج غير ملزم بدفع القيمه الايجاريه اذا كانت لا تتناسب مع دخله فاجر المسكن يقدر على حسب يسر وعسر الزوج

11/07/2020

اذا لم تقم الحاضنه بتنفيذ حكم الرؤيه اكثر من ثلاث مرات من حق الاب اقامه دعوى باسقاط الحضانه عنها

11/07/2020

أسس شركتك لو بتفكر
هنخلص كل الإجراءات ولو كنت بتفكر تعمل مشروع فردي أو شركة خاصة أو شركة تضامن أو شركة مساهمة وبتسأل نفسك ايه الوضع القانوني وازاي أضمن حقوقي وبدون مخاطر نحن في العناني للمحاماة والاستشارات القانونية معك منذ بداية الفكرة وحتى إنهاء جميع إجراءات الترخيص زورونا في مكتبنا أو راسلونا على الصفحة لمزيد من التفاصيل .
العناني للمحاماة والاستشارات القانونية
من أجل وعي قانوني

تـــ 01120992663

11/07/2020

في دعوى النفقة يكون التحرى عن دخل الزوج من جهه عمله اذا كان يعمل بشركه واذا لم يكن يعمل بشركه يكون التحرى عن قسم الشرطه التابع لمحل اقامته

09/07/2020

اي حد عنده مخالفة بناء قديمة أو جديدة لازم يعمل تصااااالح من سنة 2008 لحد انهاردة ..
التصالحات للمباني المخالفه ... سؤال وجواب
➖➖➖➖➖➖➖➖➖➖➖
🔹 امتى اعرف انه ينفع اعمل تصالح ؟
🔸 في الحاله دي بنشوف تاريخ المخالفه اذا كانت خارج الحيز العمراني حتي تاريخ 22-7-2017
داخل الحيز العمراني حتي تاريخ 8-4-2019
➖➖➖➖➖➖➖➖➖➖➖
🔹 طيب لازم يكون اتعمل اي محضر ؟
🔸 مش لازم يكون اتعمل ليك محضر عشان تقدم علي تصالح
➖➖➖➖➖➖➖➖➖➖➖
🔹 طيب انا لو متعملش ليا محضر هستفاد ايه من التصالح ؟!
🔸هتقنن وضعك .. مش معني ان انت متعملش ليك محضر لسبب ما سواء كوسه او اهمال يبقي حضرتك مش مخالف لا مخالف ومش هتقدر بعد كده تعلي طوبه واحده في البيت عشان انت ما عندكش اساسا رخصه وما قدمتش علي تصالح
➖➖➖➖➖➖➖➖➖➖➖
🔹 طيب لو اتعمل لي محضر والحمد لله خد براءة فيه وضعي ايه دلوقتى ؟
🔸 محضر البناء بدون ترخيص له شقين .. شق جنائي وشق اداري
البراءة بخصوص الشق الجنائي دا خاص بشخصك
اما الشق الاداري فانت ما زلت مخالف ومش هتعرف تعمل تعليه او تبني ادوار تاني
ولو حبيت ترفع دور ونعمل بورم هيتعلم عليك
هيتعملك
١) محضر مباني بدون ترخيص
٢) محضر استئناف اعمال
٣) محضر عدم تنفيذ قرار ازاله
➖➖➖➖➖➖➖➖➖➖➖
🔹 انا هستفاد ايه من التصالح ؟
🔸 التصالح يعتبر انك بتشتري رخصه للبيت حتي لو البيت خارج الكردون المباني يعني اصبحت داخل الكاردون وليك حق في جميع المرافق
➖➖➖➖➖➖➖➖➖➖➖
🔹 طيب التصالح بيكون ازاي ؟؟
🔸 هتقدم بصوره البطاقه وصورة عقد البيت والمحامي بعد كده عارف شغله
➖➖➖➖➖➖➖➖➖➖➖
🔹 طيب القضايا اللي شغاله اعمل فيها ايه يا استاذ ؟؟
🔸 لما بتروح تقدم علي تصالح والمحامي بيقدم المستندات المطلوبه بياخد حاجه اسمها نموذج 3 الي بيتقدم للمحكمه وتوقف القضيه تعليقا لحين الفصل في التصالح
➖➖➖➖➖➖➖➖➖➖➖
🔹 طيب بصراحه كده انا خايف ادبس وادفع فلوس كتير في التصالح ده اعمل ايه ؟
🔸 بص يا سيدي انت ممكن تعمل حسبه بسيطه كده تعرف هتدفع حوالي كام تقريبا
هتحسب مساحه البيت الاجماليه ( الطول في العرض)
يعني مثلا عندك بيت 100 متر هيبقي التصالح 100 متر في عدد الادوار المخالفه
وسعر المتر من 50 الي 125 في القري وبيتحسب سعر المتر علي اساس الشارع والمنطقه الي انت فيها
➖➖➖➖➖➖➖➖➖➖➖
🔹 اخر ميعاد للتقديم علي التصالحات امتى ؟؟
🔸هو يوم 2020 / 9 / 30 يعني مش هتعرف تقدم علي تصالح بعد الميعاد ده
➖➖➖➖➖➖➖➖➖➖➖
🔹 طيب معلش نسيت حاجه مهمه اسال عليه بالنسبه لموضوع التواريخ والتصالح علي المخالفات قبل 2017 / 7 / 22 خارج الحيز وانا بصراحه المحضر معمول بعد التاريخ ده بكتير ايه الحل؟؟
🔸 بسيطه باذن الله ليها ثلاثه حلول
١) شهاده كربونيه
٢) تصوير الجوي
٣) اي صوره تعاقد علي اي مرفق كهرباء أو مياة
طيب التكلفة
هيكون : - اقل من الغرامه بتاع المحكمه
واقل من الازاله للبيت
واقل من كفاله النيابه العسكريه التي تصل الى مليون ولا تقل عن 15 الف
وكمان قيمه المصالحه بتتقسط بتدفع 25 ٪ والباقي علي ثلاث سنوات

06/07/2020

من بكرة ٧/٧/٢٠٢٠ ان شاء الله تقدروا تحجزوا في ورشة صياغة ومراجعة العقود بالإنجليزية والعربية اللي هتبتدي من يوم السبت ١١/٧/٢٠٢٠ في فيلا ابداع كابيتال ٢٠ شارع احمد الشاطوري الدقي الجيزه تكلفة ورشة العمل ٦٠٠ ج اربع محاضرات وهيام تدريس ازاي تكتب ايميل فورمال وازاي تقدر تعمل سيرة ذاتية CV تقدم بيه في شركة أو law firm كبيرة للتفاصيل تقدروا تكلمونا علي الرقم ده 01120992663

05/07/2020

لو انت لسه طالب في كلية الحقوق أو حتى خريج جديد وهدفك انك تشتغل في واحد من أكبر مكاتب المحاماة أو الشركات فأنت مطالب أنك يكون عندك خبرة وده صعب لان الدراسة تختلف عن الواقع العملي بكتير
وعشان كده أحنا هدفنا نوصلك للخبرة دي ونخليك تكتسب خبرات الناس اللي شغالين في المجال ده من سنين في المكاتب والشركات الكبرى في مصر
هنبدأ معاك بأهم جزء وهو كيفية صياغة العقود القانونية باللغة العربية واللغة الإنجليزية
وبكده تكون اكتسبت مهارة من أهم المهارات اللي لازم تكون عند أي محامي
فلو أنت نفسك توصل لهدفك في أقرب وقت تقدر تحجز ورشة العمل بتاعتنا اللي هتبتدي الاسبوع الجاي من ٢٠ شارع احمد الشاطوري الدقي الجيزه فيلا ابداع كابيتال أو تكلمنا لو عايز تعرف تفاصيل اكتر علي الرقم ده ٠١١٢٠٩٩٢٦٦٣ سعر ورشة العمل ٦٠٠ جنيه لمدة اربع محاضرات

04/07/2020

عايز تعرف ازاى تصيغ عقد .. ركز معايا

١- الموضوع بيبدأ ب خطاب نوايا او Letter of Intent نتأكد منه ان فى نيه حقيقيه للتعاقد.
٢- بعد كدة بنمضى مع بعض NDA او Non Disclosure Agreement عشان نضمن ان اى بيانات هيتم الكشف عنها فى مرحله ما قبل التعاقد هى بيانات سريه ولا يجوز الكشف عنها للغير.
3- بعد كدة بنصيغ MOU - Memorandum of Understanding او مذكره التفاهم ودى عشان نوضح كل طرف هيقدم ايه للطرف التانى (حقوق والتزامات الاطراف) قبل مانصيغ العقد النهائى بالتزامات الاطراف.
٣- فى المرحله دى بيحصل Negotiation بالتالى بيحصل amending على ال MOU وهنا لازم تكون عارف ايه البنود اللى هتتفاوض عليها وايه البنود اللى مينفعش تقرب منها عشان مصلحه شركتك .
٤- بعد كده بنصيغ العقد النهائى بس هل الموضوع وقف هنا؟؟ أكيد لأ - ودة لان فى مرحله بعد كدة اسمها Contract Management او إدراه العقد واللى من خلالها بتحط اليه لضمان تنفيذ بنود العقد.

- محامى الشركات لازم يكون بيفكر بنفس طريقه ال CEO كبيزنس لنجاح المشروع ومن ناحيه تانيه إزاى يأمن شركته او عميله من الناحيه القانونية .. احنا فى A.H protocol هندربك على كافه مراحل التعاقد وبتدريب عملى على اشهر انواع العقود المتداوله فى سوق العمل.

لمعلومات اكتر عن البرنامج والحجز يرجي الاتصال علي
01120992663
او سيب رقمك علي رسائل البيدج واحنا هنتواصل معاك مدة ورشة العمل اربع محاضرات هتتعلم فيهم صياغة العقود + ازاي تكتب فورمال ايميل وتعمل CV

04/07/2020