26/07/2024
انا كمحامي بقولك ... وانت رايح مصلحة حكومية علشان مترجعش..
احتياطي خد معاك صورة البطاقة وشهادة الميلاد ووصل كهرباء و وصل غاز، وصورة من مؤهلاتك وشهاداتك والاصل للاطلاع، وذكرياتك الحلوة و خططتك المستقبلية،
و قسيمة جواز امك وابوك،
وفلوس فكة وفلوس مجمدة وفلوس لا هي فكة ولا هي مجمدة وفلوس فى الفيزا،
والخيل والليل والبيداء والسيف والرمح وسنجة ومفتاح الشقة وسلم المنور و مفتاح فرنساوي ومفتاج انجليزي وقلم جاف ازرق وواحد تاني احمر وواحد للموظف وعيش لبناني وخبز سوري،
وشهادة 100 مليون صحة وبكرا احلى وبعده عادي، وبكرا تعرف قيمتي يا ناكر خيرى ،وامة نعيمة نعمين، وكمامة و كحول و طقمين تلاتة على الاقل تغير فيهم علشان الجو حرق وملذق ..
وشهادة الجيش وشهادة التطعيم وشهادة من اتنين موظفين انك على قيد الحياة، وكارنية مدرستك الابتدائي بتاع التامين الاصفر دا،
وتبقى عارف جدك الله يرحمه كان اتاخر ربع ساعة على شغله سنة 1954 قولنا موقف الشركة منه كانت اية وشهادة انك وقتها مكنتش اتولد وتروح بدرى الساعة 6 الصبح قبل الفراش حتى ما يصحى من بيتهم و ويبقى معاك ساعة رقمية وساعة عقارب وساعة لقلبك وساعة لربك وساعة حظ علشان لعل وعسى ربنا يكرمك و حد يحن عليك ويبص فى ورقك،
ودعوة من كل واحد تقابله، وحصوة فى عين كل اللى شافوك ولا صلوش على النبي.
او تسيبك من كل دا وتسبلنا طلبك او وتنورنا فى مكتبا #سيدالحنفي 😁😁 وكله هنخلصه وانت نايم😁
