https://www.facebook.com/100774202760837/

Lawyer Ahmed Abdallah-الاستاذ/احمد عبدالله المحامي, فيصل, Giza (2026)

10/09/2022

عندك حكم جنائي... وبيظهر في الكماين أو المطارات أو الفيش والتشبيه والموانئ وعايز تزيله عشان ترتاح ؟
—————————————————————
بداية يجب توضيح أن الأحكام الجنائية ثابته في ثلاث أماكن تابعة لوزارة الداخلية وهي :
اولا : شبكة وزارة الداخليه التابعه للسجل المدني ودي بيظهر عليها الاحكام النهائية.
ثانيا : شبكة إدارة تنفيذ الاحكام التابعه للامن العام ودي بتظهر عليها اي قضية اخدت فيها حكم ( حتي لو مانفذش فيها المتهم ) ودي اللي موجودة فالكماين والاقسام بس مابتنزلش في( الفيش الجنائي )
ثالثا : شبكة المعلومات الجنائية او كارت التسجيل الجنائي ودي بتبقي عبارة عن كارت معلومات للمتهم فيه اسمه واسم والدته وشهرته وسوابقه ودرجه خطورته ومواصفاته الجسديه وده هما عاملينه عشان يقدروا يعرفوا المسجلين خطر وده بيبقي عن طريق لما متهم بيخرج كفاله او برءاة بيطلع في عرض المباحث بيبعتوا المتهم لمديرية الامن عشان يتسجل انه متهم في القضيه الفلانية
للاستشارات القانونية 01098778026

31/08/2022

أنواع التحقيق الجنائي
---------------------------
تقسم تحقيقات الجرائم الجنائية إلى أنواع مختلفة يهتم كل منها بجرائم محددة عبر سلسلة من العمليات يتولاها محققون مختصون لتقديم المشتبه بهم للعدالة والحفاظ على أمن وسلامة المجتمع،ومن هذه الأنواع الآتي:
_جرائم القتل: يتولّى هذا النوع الوحدة المسؤولة عن التحقيق بجرائم القتل، ويبدأ عملها بوصول معلومات تُفيد بوقوع الجريمة والذهاب لمكان الحادث، ويقوم رجال الشرطة بجمع الأدلّة اللازمة للتحقيق، وتصوير مكان وقوع الجريمة، والبحث عن شهود محتملين، ورفع البصمات، وجمع أكبر قدرٍ ممكن من المعلومات للوصول لمرتكبي الجريمة.
_المخدرات :تختصّ وحدة مكافحة تعاطي وتجارة المخدّرات التحقيق بالجرائم المتعلّقة بتهريب المواد المخدرة، وبيع وشراء المخدرات، وزراعة وإنتاج المخدّرات، كما تختصّ بالبحث عن المتورطين بجرائم المخدرات كالحصول على وصفات علاجية مزوّرة للحصول على المواد المخدرة، ومكافحة الطرق غير القانونية للحصول على المخدرات وغيرها من الجرائم التي تهدّد أمن المجتمع.
_جرائم الاحتيال :يهدف التحقيق في جرائم الاحتيال البحث عن الأشخاص المتورطين في عمليات تزوير المعلومات الشخصية بهدف خداع الآخرين لتحقيق مكاسب مادية عبر الدخول لحسابات الأشخاص المالية أو الاحتيال على الشركات، ويقوم المحققون بجمع المعلومات والأدلة للوصول إليهم.
_جرائم السرقة: يهدف التحقيق بجرائم السرقة وتخريب الممتلكات المادية للآخرين الوصول للأشخاص المتورطين وتقديمهم للعدالة، ويقوم المحققون بالذهاب لموقع السرقة وتقييمه وجمع الأدلة اللازمة وجمع المعلومات عن وقت حدوث الجريمة والبحث عن الشهود لأخذ إفاداتهم اللازمة.
_ جرائم العنف والاعتداء :يهدف التحقيق بهذا النوع من الجرائم إلى الوصول للأشخاص المسؤولين عن جرائم العنف الأسريّ والاعتداء الجنسيّ وإساءة معاملة الأطفال، ويشمل التحقيق مقابلة ضحايا العنف وجمع المعلومات الكاملة وعرضهم على الطب الشرعي للحصول على تقريرٍ مفصّل، كما يحتاج ضحايا العنف والاعتداء لمراجعة مختصّين بالشؤون الاجتماعية والأسرية لتقديم الدعم اللازم.
الجرائم الإلكترونية :يُعتبر قسم الجرائم الإلكترونية من الأقسام الجنائية الجديدة التي تهدف لمحاربة الجريمة عبر شبكة الإنترنت، ومن هذه الجرائم القيام بالأعمال غير المشروعة كتجارة الأسلحة والمخدرات وعمليات القرصنة ومضايقة الآخرين وسرقة معلوماتهم وخداعهم، ويحتاج هذا النوع من الجرائم لمحقّقين مختصّين بالتكنولوجيا ويمتلكون المهارات اللازمة للتعامل مع أجهزة الحاسوب.

التحقيق الجنائي يسمّى عملية جمع المعلومات والأدلة الجنائية بغرض التحقيق بالجرائم بالتحقيق الجنائي، ويختلف الوقت اللازم لإتمام التحقيق بحسب نوع الجريمة وتوفّر أدلة كافية للإدانة، وتشمل عملية التحقيق إثبات تورط المشتبه بهم بالجريمة واعتقالهم وتقديمهم للمحكمة المختصة للنظر بقضيتهم وتحديد مدة العقوبة ضمن أحكام القانون

22/08/2022

أنواع البراءة
الفرق بين البراءة الشكلية وبين البراءة الموضوعية
متي يحق للمحكوم له بالبراءة ان يطالب بالتعويض؟
ماذا يعني عدم كفاية الادلة والفرق بينه وبين بطلان اجراءات القبض والتفتيش؟

كثيراً ما نسمع بتلفيق الاتهام وكيديته، لذلك يعد من أخطر الاتهامات التي تؤذي البريء لما فيه من معاناة شخص بريء من رهبة الإجراءات الجنائية التي تتخذ ضده، سواء تفتيشا وقبضا وحبسا احتياطيا ومهانة واهدارا للكرامة ومثوله امام المحاكمة مكبلا بلباس السجن او بحضوره امام المحاكمة بعد خروجه بكفالة مادية، وتلك الحالات موجودة في الواقع للأسف لوجود بعض الأشخاص المجحفين الظالمين دون خلق يمنع او دين يردع.
فهل يحق للمتهم البريء أن يرجع بالتعويض لمن أدانه باتهام كيدي؟
قبل الإجابة عن ذلك السؤال نوضح ان هناك ثلاثة انواع من البراءة:
1 - براءة موضوعية كاملة.
2 - براءة موضوعية لعدم كفاية الأدلة.
3 - براءة شكلية لبطلان في الإجراءات.
فالأولى تثبت عدم توافر أركان الجريمة كما ذكرها نص التجريم في حق المتهم، فالبراءة هنا تغني المتهم من وقوع التعسف او التسرع او الإجحاف في إدانته واتهامه ومحاكمته، فيحق للمتهم البريء بالنوع الأول الرجوع على الشاكي او من كاد له بالتعويض الجابر للضرر، كون سوء حظه العاثر وبغير ذنب جناه وقع في مركز اتهام.
اما الثانية فهي البراءة التي تكوّنها عقيدة المحكمة بسبب عدم كفاية أدلة الاتهام، ولأن الشك دائما يفسر لمصلحة المتهم فالمحكمة تبرّئ المتهم لعيب في الإثبات، وتكون براءته تامة وله التعويض.
اما الثالثة ببطلان الإجراءات التي تؤسس قاعدة شرعية مستقرة، ما بني على باطل فهو باطل، ولا خلاف حول تلك القاعدة كون البراءة هنا جاءت بسبب اجراء باطل اقدم عليه أفراد الشرطة من قبض وتفتيش وعدم وجود حالة تلبس وغيرها من الدفوع الشكلية والإجرائية والموضوعية التي تؤثر في سلامة الإجراءات التي كان على أفراد الامن او المباحث او النيابة او التحقيق الأخذ بها، فغاية المشرع هنا ضمان صيانة الحقوق والحريات الفردية ضد إجراءات رجال الأمن، فالعدالة القضائية لا يضيرها إفلات مجرم من العقاب بقدر ما يضيرها تجاوز حقوق الناس وحرياتهم، والقبض عليهم ومعاقبتهم بغير وجه حق.
وهذه البراءة لا تلزم المتهم البريء تعويضا.
#البراءة

مكتب الاستاذ احمد عبدالله للمحاماة والاستشارات القانونية 0109877026

18/08/2022

ليه المحكمة ممكن تحكم على متهم مع إيقاف التنفيذ، ما تديه براءة على طول؟

مبدئيا لازم نعرف إن إيقاف التنفيذ بيكون في حالة لو كان الحكم يقضي بالحبس مدة سنة أو أقل، يعني مينفعش يصدر حكم بالحبس ثلاث سنوات مثلا مع الإيقاف.

طيب نجيب الموضوع من اوله، في كام سؤال منطقيين غير المتخصص اكيد هيسألهم

ليه القاضي يحكم بحبس المتهم مع إيقاف التنفيذ، ما يديه براءة على طول، وهو ايه الفرق بينهم؟
إيقاف التنفيذ معناه انك مدان، والجريمة ثابته، لكن المحكمة راعت إعتبارات معينه زي اخلاق المحكوم عليه أو ماضيه أوسنه أو ظروف ارتكاب الجريمة فحكمت بالحبس مع الايقاف، لذلك هو غير البراءة.

طيب برضه ايه الغرض من الإيقاف طالما انا مدان؟

الغرض إن القاضي بيحس انك محترم، ولن تعود لإرتكاب الجريمة مره أخرى، فبيحكم عليك بالحبس مدة أقل من سنة مع ايقاف التنفيذ لمدة ثلاث سنوات طبقا للماده ٥٦ عقوبات.

يعني يحصل ايه في خلال الثلاث سنوات وهي فترة الإيقاف؟

السؤال ده هو جوهر الفكرة كلها، انك خلال الثلاث سنوات لو ارتكبت جريمه عقوبتها الحبس اكتر من شهر، بتنطبق عليك العقوبه الاولى اللي القاضي سبق واوقف تنفيذها، وده طبعًا بالإضافة لعقوبة الجريمة الجديدة، لإنك هتكون أثبت إنكك غير جدير بوقف التنفيذ وإنك تميل لإرتكاب الجرائم.

طيب لو عدت الثلاث سنوات ولم ارتكب جريمه؟

هنا هيعتبر الحكم الصادر مع الإيقاف كأن لم يكن ويسقط بكل اثاره الجنائية، وكذلك لايُعتبر سابقة من سوابق المحكوم عليه، وتعود صحيفتك ناصعة البياض.

16/08/2022

أهم التعليمات لأي شاب يتم القبض عليه لاقدر الله
1- لا تستدرج لاى دردشة شفويه حول موضوع اتهامك قبل البدء فى التحقيق المكتوب
2- الاجابات النموذجية (محصلش / معرفش / مش فاكر)
3- مهما اتغيرت صيغة السؤال خلى اجابتك ثابته
4- انكر اى علاقة ليك بالمضبوطات اللى مش بتاعتك
5- لو طلب منك باسورد التليفون او الفيسبوك قول مش فاكر
6- النيابة مسؤولة عن اتهامك والتحقيق معاك فالمفروض تبقى محايده وفى نفس الوقت ترجح ادانتك فى النهاية - عقم فى النصوص اللى بتنظمها - وبالتالى متفتكرش المحقق هيكون فى صفك
7- المحامى ملهوش اى دور لحد التحقيق ما يخلص - طبقا للقانون للاسف - فمتحاولش تساله او تطلب منه اجابات بعنيك لان دا بيوتر المحقق وبيخليه يرجح ادانتك
8- لو اثناء تفتيشك او تفتيش منزلك تم اخذ اى شئ وملقتهوش فى النيابة اذكره فى اقوالك واتهم القائم بالتفتيش بسرقته
9- لو تم التعدى عليك بالضرب او السب - وان كان دا قل مؤخرا - اتاكد انك تذكر دا امام النيابة ولو فيك اصابات اطلب عرضك على الطب الشرعى
10- المواعيد مهمة من حق الجهة اللى قبضت عليك تحتفظ بيك 24 ساعه قبل عرضك على النيابة لو قعدوك اكتر من كدا اتاكد انك تذكر الميعاد الحقيقى اللى اتقبض عليك فيه
11- دايما اول سؤال بيبقى معاك محامى، هنا تجاوب بايوه وتذكر اسمه الثلاثى وتتمسك بحضوره وترفض حضور اى محامى تانى تندبهولك النيابة ومتقلقش هما اللى ملزمين يجيبولك المحامى بتاعك ولو اصروا على انتداب محامى ارفض الاجابة على اسئلتهم ودا حقك
12- السؤال الثانى بيكون هل معاك شهود نفى لو فيه شهود على واقعتك او على القبض عليك وانت متاكد انهم هيشدوا اذكر اسمائهم لو مش متاكد قول كان فيه ناس كتير موجوده انما متقولش لا الا لو فعلا مكنش فيه شهود
13- هيكون فيه اسئلة من نوعية هل تعرف الضابط فلان لو تعرفه قول اه والسؤال اللى بعده هيكون هل فيه بينك وبينه خلافات لو فيه قول ايوه متخافش لو قلت لا هيكون فيه سؤال بيقول ما تفسيرك لما سطره الضابط فلان فى محضره (يععنى بيقول عليك كدا ليه) هنا ومن وجهة نظرى تجاوب بانه اكيد مطلوب منه عدد قضايا علشان كدا لفقلى الاتهام دا
14- لاحظ انه لا يجوز تحليف المتهم ولا ترهيبه ولا ترغيبه يعنى لو المحقق قالك طب تحلف قوله مينفعش تحلفنى ولو قالك رد بدل ما هحبسك قوله مينفعش تهددنى ولو قالك قول وانا اروحك غالبا بيضحك عليك
15- من حقك تتابع كل اللى بيتكتب فى التحقيق على لسانك او تقراه في النهاية قبل ما توقع عليه ولو مكتوب كلام غير اللى انت قولته اتمسك بتغييره او امتنع عن التوقيع..

Lawyer Ahmed Abdallah-الاستاذ/احمد عبدالله المحامي

10/09/2022

31/08/2022

22/08/2022

18/08/2022

16/08/2022

Address

Telephone

Website

Alerts

Shortcuts

Share

Category