مؤسسة آل نوفل للمحاماه الاستاذة /إيمان سيد نوفل

  • Home
  • Egypt
  • El Marg
  • مؤسسة آل نوفل للمحاماه الاستاذة /إيمان سيد نوفل
Call Directions Website

مؤسسة آل نوفل للمحاماه الاستاذة /إيمان سيد نوفل نحن مكتب محاماه واستشارات قانونيه مصرى
يضم فريق من كامل المحامين

(1)

مثال العطاء والمحبة.. وزير التعليم يكرم الأبلة صالحة مديرة مدرسة كفر الجزار
09/09/2026

مثال العطاء والمحبة.. وزير التعليم يكرم الأبلة صالحة مديرة مدرسة كفر الجزار

محافظ القليوبية يقيل مدير ووكيل الإدارة التعليمية بكفر شكر من منصبيهما ويعين جددًا بحسب صحف محلية
09/09/2026

محافظ القليوبية يقيل مدير ووكيل الإدارة التعليمية بكفر شكر من منصبيهما ويعين جددًا بحسب صحف محلية

08/09/2026

هل صليت على النبي اليوم؟

صباحكم كله رزق 🧡✨

"ليل محمد صلاح" .. اسم مولود قائد منتخب مصر الجديد❤️بركوله يا جماعة ❤️
03/09/2026

"ليل محمد صلاح" .. اسم مولود قائد منتخب مصر الجديد❤️
بركوله يا جماعة ❤️

🔴 الصين بتعمل دلوقتي حاجة عظيمة عمرها ما هتخطر في بالك... ولما تعرفها هتفهم ليه الصين بقت قوة عظمى، وليه أمريكا نفسها بق...
02/09/2026

🔴 الصين بتعمل دلوقتي حاجة عظيمة عمرها ما هتخطر في بالك... ولما تعرفها هتفهم ليه الصين بقت قوة عظمى، وليه أمريكا نفسها بقالها سنين بتحاول توقف صعودها ومش عارفة... لإن طريقة تفكيرهم وطموحاتهم نفسها مختلفة تمامًا عن باقي شعوب العالم...

تخيل إن الصينيين بدأوا يحطوا صور وأسماء العلماء والباحثين بتوعهم على آلاف الشاشات واللوحات الإعلانية الضخمة في قلب الشوارع والميادين ومحطات المترو، بدل صور المطربين والفنانين والمؤثرين!

يعني لو نزلت الشارع دلوقتي في مدن صينية زي "تشنغتشو" و"هفي" و"شنزن" مؤخرًا، هتلاقي ان شاشات العرض (اللي عندنا بيتعرض عليها إعلانات عقارات أو مطرب أو ممثل أو إنفلونسر بيعلن عن موبايل أو برفان) عندهم بيعرضوا عليها صورة عالم نووي أو مهندس صواريخ أو باحث أنقذ ملايين البشر!

والأجمل إنهم اختاروا فعلًا ناس تستحق إن أجيال كاملة تعرف أسماءهم،زي اللي في الصور تحت دول 👇

هتلاقي مثلًا في وسط الشاشات، صورة واحد اسمه "تشيان شيويه سن Qian Xuesen"... الراجل ده واحد من أهم العلماء في تاريخ الصين الحديث، وبيتوصف عندهم بإنه أحد الآباء المؤسسين لبرنامج الصواريخ والفضاء الصيني...

وهتلاقي على شاشة تانية صورة "دينغ جياشيان Deng Jiaxian"، الفيزيائي النووي اللي لعب دور محوري في تطوير البرنامج النووي الصيني... وجنبه هتلاقي صورة "يوان لونغ بينغ Yuan Longping"، العالم اللي أبحاثه قدرت تطور الأرز الهجين ورفعت إنتاجيته، وتأثير أبحاثه انتشر خارج الصين وساهم في تعزيز الأمن الغذائي لدول كتير حول العالم!

ولو بصيت على شاشة تالتة خالص، هتلاقي عليها صورة "تو يويو Tu Youyou"، العالمة الصينية الحاصلة على جائزة نوبل، واللي اكتشافها لمادة "الأرتيميسينين" غيّر علاج الملاريا وساهم في إنقاذ أرواح ملايين البشر!

تخيل بقى طفل عنده 7 أو 8 سنين، رايح المدرسة كل يوم، وكل ما يعدي من الشارع يشوف على أكبر شاشة في مدينته عالم صواريخ... ولما ينزل في محطة المترو يشوف عالمة حاصلة على نوبل... ولما يطلع من المترو ويمشي في ميدان؛ يشوف عالم أبحاثه ساهمت في إطعام شعوب كاملة... تفتكر الطفل ده هيتعلم أيه أو دماغه وتكوينه هيبقى عامل ازاي؟

هيتعلم ببساطة ومن غير ما حد يقعد يلقنه كلام فاضي أو يقوله شعارات، إن النجاح مش معناه شهرة وتريند وفولورز... النجاح معناه تعمل حاجة حقيقية تغيّر بلدك وتنفع العالم... على العكس تمامًا من الأطفال في المجتمعات الغربية وللأسف المجتمعات العربية...

وده مش كلام نظري... في بالفعل استطلاعات مهمة اتعملت خلال السنوات اللي فاتت على أطفال في دول مختلفة، وبتبين بشكل عملي الفرق الكبير في الطموحات والأهداف والعقليات...

نسبة كبيرة جدًا من الأطفال الصينيين لما اتسألوا نفسهم يطلعوا إيه لما يكبروا، الإجابات بتاعتهم كانت: عايز أطلع عالم، أو باحث، أو رائد فضاء... لكن في المقابل وعلى الناحية التانية؛ الأجيال الجديدة في معظم المجتمعات التانية مش شاغل بالها أي حاجة غير الفلوس والشهرة السريعة... لو سألت طفل أو شاب مراهق نفسك تطلع إيه؟ هيقولك فورًا عايز أطلع بلوجر أو انفلونسر أو يوتيوبر مشهور وعندي فلوس وعربيات وخلاص!

وقيس ده بقى وطبقه على جميع المجتمعات الرأسمالية اللي ماشية بشكل كامل ورا النموذج الغربي في تعظيم الترفيه على حساب القيمة، وفكر في دلالة الموضوع...

طفل بيكبر وهو نفسه يبقى رائد فضاء أو عالم أو مهندس... وطفل تاني بيكبر وهو حلمه الأساسي يبقى مشهور ومعاه فلوس بأي طريقة وخلاص... بعد 20 سنة، متستغربش لما المجتمع الأول يبقى عنده شركات فضاء ومفاعلات نووية ومصانع روبوتات وذكاء اصطناعي... والمجتمع التاني يبقى أهم سؤال عنده النهارده: مين تريند رقم واحد؟ ويبدأ يظهر عنده المناظر والأشكال اللي بنشوفها عندنا دي...

وهنا بقى ييجي السؤال... هو احنا ليه منعملش حاجة زي دي في مصر؟

إحنا عندنا آلاف العلماء والباحثين والأطباء والمهندسين والمخترعين المصريين في كل المجالات تقريبًا... عندنا علماء في الفضاء والطاقة والطب والأحياء والهندسة والفيزياء والكيمياء والزراعة؛ وناس كتير منهم حققوا إنجازات عالمية، ومع ذلك المواطن العادي ممكن يعيش عمره كله وهو ميعرفش أسماءهم أصلًا!

طب ليه ميكونش عندنا مشروع قومي حقيقي لتعريف الناس بيهم؟

ليه متبقاش الشاشات العملاقة في القاهرة والإسكندرية والعاصمة الجديدة وباقي المحافظات، ولو حتى لفترات محددة من كل يوم، عليها صور علماء مصر وباحثيها ومخترعيها؟

مبقولش نلغي الفنانين والمطربين.. لأ عادي الفن وجوده مهم للمجتمع أكيد وهو جزء من القوة الناعمة لأي دولة، بس احنا ليه مش بنهتم غير بيهم هما وبس؟ ليه الطفل المصري ميبقاش ماشي في الشارع فيشوف عالم مصري، وتحت صورته الإنجاز اللي حققه، ويروح البيت يسأل أبوه وأمه "هو الراجل ده عمل إيه؟"... مش يمكن السؤال البسيط ده يغيّر حياة الطفل كلها، ويعالج المشاكل اللي وصلنا ليها؟

القانون مش بس حل للمشاكل... القانون حماية وأمان من البداية. ⚖️✨​كتير بنفتكر إن اللجوء للمحامي بيحصل بس لما نوقع في مشكلة...
01/09/2026

القانون مش بس حل للمشاكل... القانون حماية وأمان من البداية. ⚖️✨
​كتير بنفتكر إن اللجوء للمحامي بيحصل بس لما نوقع في مشكلة أو نزاع، لكن الحقيقة إن الاستشارة القانونية الصح قبل أي خطوة هي اللي بتحميك من خسائر كبيرة ممكن تحصل بعدين.
​سواء بتأسس شركتك، بتوقع عقد عقار جديد، أو بتنظم أمورك الأسرية والمالية؛ مؤسسة النوفل للمحاماة والاستشارات القانونية بتقدم لك الدعم الكامل للحفاظ على حقوقك وضمان استقرارك.
​خدماتنا المتميزة:
✔️​صياغة ومراجعة العقود والاتفاقيات التجارية.
✔️​تأسيس الشركات وحماية العلامات التجارية.
✔️​التمثيل القضائي في مختلف القضايا (مدني، تجاري، أحوال شخصية، وجنائي).
✔️​تقديم الاستشارات القانونية الشاملة للأفراد والشركات.
​لا تترك مستقبل عملك أو أسرتك للظروف، ابدأ خطواتك اليوم على أرض صلبة.
📍 المقر : شارع مؤسسة الزكاة أمام حي المرج أعلي هايبر موسى
tell :
01222416160
01069857373
0224977065
web : linktr.ee/Eman.nofall1

* المواعيد :
متواجده جميع ايام الاسبوع عدا الخميس والجمعه
من الساعه ٨ م وحتي ١٢ مساء

✨ "وما أرسلناك إلا رحمة للعالمين" ✨بمناسبة حلول ذكرى المولد النبوي الشريف، تتشرف مؤسسة آل نوفل للمحاماة والاستشارات القا...
21/08/2026

✨ "وما أرسلناك إلا رحمة للعالمين" ✨
بمناسبة حلول ذكرى المولد النبوي الشريف، تتشرف مؤسسة آل نوفل للمحاماة والاستشارات القانونية
تحت قيادة الأستاذة إيمان نوفل
بأن تقدم للجميع أسمى آيات التهاني والتبريكات.
نسأل الله عز وجل أن يعيد هذه المناسبة العطرة علينا وعليكم وعلى الأمة الإسلامية بالخير واليمن والبركات، وأن يديم علينا نعمة العدل والأمان.
كل عام وأنتم بألف خير وسعادة! 🌙✨

#محاماة

كشف مصدر طبي بمستشفى سوهاج العام أن جثامين الضحايا لا تزال داخل المستشفى حتى الآن، بعدما رفض ذووهم الحضور لاستلامها تمهي...
17/08/2026

كشف مصدر طبي بمستشفى سوهاج العام أن جثامين الضحايا لا تزال داخل المستشفى حتى الآن، بعدما رفض ذووهم الحضور لاستلامها تمهيدًا لدفنها.

وأوضح المصدر أن إدارة المستشفى تواصلت مع الأهالي فجر اليوم، وطالبتهم بالحضور لاستلام الجثامين، إلا أنهم لم يتوجهوا إلى المستشفى حتى الآن.

وأكد أن الجثامين وصلت إلى المستشفى أمس بواسطة سيارات الإسعاف، ومنذ ذلك الوقت لم يحضر أي من ذوي الضحايا لاستلامها، مضيفًا: «محدش راضي يستلم الجثامين علشان يتم دفنها».

بقرار من رئيس مجلس الوزراء:الخميس ٢٧ أغسطس إجازة رسمية بمناسبة المولد النبوي الشريف بدلاً من الثلاثاء ٢٥ من الشهر الجاري...
17/08/2026

بقرار من رئيس مجلس الوزراء:

الخميس ٢٧ أغسطس إجازة رسمية بمناسبة المولد النبوي الشريف بدلاً من الثلاثاء ٢٥ من الشهر الجاري

أصدر الدكتور مصطفى مدبولي، رئيس مجلس الوزراء، قراراً بأن يكون يوم الخميس ۲۷ من شهر أغسطس عام ۲۰۲٦ ميلادية إجازة رسمية مدفوعة الأجر، بمناسبة المولد النبوي الشريف، وذلك بدلا من يوم الثلاثاء ٢٥ من شهر أغسطس عام ۲۰۲٦ الموافق ليوم الثاني عشر من شهر ربيع الأول عام ١٤٤٨ هجرية.

ويسري القرار على العاملين في الوزارات والمصالح الحكومية والهيئات العامة ووحدات الإدارة المحلية وشركات القطاع العام وشركات قطاع الأعمال العام، مع استمرار أعمال الامتحانات إن وجدت وفقا للمواعيد المحددة من قبل السلطة المختصة.

شقيق أسامة ضحـ …ـية حا*دث التجمع خلال مداخلة هاتفية مع الإعلامية لميس الحديدي= أول حاجة عايز أقولها إن الإشاعات اللي بتت...
11/08/2026

شقيق أسامة ضحـ …ـية حا*دث التجمع خلال مداخلة هاتفية مع الإعلامية لميس الحديدي

= أول حاجة عايز أقولها إن الإشاعات اللي بتتردد ع الفيسبوك إن مرات أخويا الله يرحمها كانت حا*مل دي مش حقيقية

- كويس إن حضرتك صححت المعلومة دي، طيب عايزة اسألك هو أسامة أخو حضرتك كان يعرف الشخص ده؟

= أولًا أسامة أخويا مكنش واخد فلوس من حد، أسامة عنده مطبعة وعنده شركة تانية بتعمل حاجات الطباعة يعني أخويا كان مرتاح ماديًا ومش محتاج فلوس من حد، بجانب إن المدام عندها شركة، يعني مكنوش محتاجين، بل بالعكس كانوا بيعملوا خير كتير جدًا مع اللي يعرفوه واللي ما يعرفهوش سواء جوا الكنيسة أو برا

- إيه علاقته بالشخص ده؟

= أسامة كان بيورد شغلانة لرئاسة الجمهورية والراجل ده اتعرف عليه، وأسامة من النوع اللي بيصاحب اي حد يعني ممكن يصاحب من أول رئيس الوزراء لحد واحد بيبيع ترمس مثلًا، ف الراجل ده لما شاف أسامة ولقى طريقته شيك وكدة ابتدى يتودد له واسامة مش بيكسف حد

- هل الشخص ده استلف فلوس من أسامة قبل كدة؟

= ممكن الله أعلم، هو أسامة لما بيعمل خير مش بيحب يتكلم عنه

- آخر مكالمة بينك وبين أسامة كانت امتى؟

= أسامة كان سهران معايا أنا واخواتي أول امبارح في البيت عندي وقاعدين بنضحك ونهزر ومفيش أي حاجة خالص، هو الراجل ده ابتدى يتودد لأسامة ويتعرف عليه من حوالي ٥ أو ٦ شهور، يعني مش صديق عمر

- ابتديت تقلق إن أسامة مش موجود إزاي؟

= أسامة كان متعود يكلمني كل يوم لاني شغال معاه ف المطبعة واليوم ده مكلمنيش، هو مكلمنيش يوم السبت فقلت أسيبه يمكن مشغول ولا حاجة، ف توقعت إنه يكلمني يوم الأحد ف مكلمنيش، ف رنيت عليه تليفونه مقفول، ف رنيت ع مراته تليفونها مقفول، رنيت ع بناته تليفوناتهم مقفولة

ف فيه صديق عزيز لأسامة قالي إن فيه جروب الماميز بتاع المنطقة، لو حد عنده حاجة بينزلوا عليه، ف عرف عن طريق الجروب ده إن أسامة عمل حا*دثة، ف نزلت جري علشان أروحلهم البيت وأعرف فيه إيه، من كتر ارتباكي دخلت بعد شارع أسامة بشارعين ف لقيت عربية أسامة مركونة

ركنت عربيتي ونزلت اشوف فيه إيه، لقيت باب عربية السواق مفتوح نص فتحة والباب اللي وراه مفتوح نص فتحة وفي رصا*صة ع الأرض وفيه د**م على العتب بتاع العربية وفي الكنبة اللي ورا وع أوكر العربية ف طبعًا قلقت ورحت ع البيت مالقتش المدام ولا البنات ولا عربية المدام

ف صاحب أسامة عرف عن طريق الجروب إن الشخص ده كان مع أسامة بالليل وعملوا حا*دثة ع طريق العين السخنة، وبعدها الشخص ده راح للمدام بالليل بعد ما خلص ع أسامة قالها إن أسامة عمل حا*دثة وأنا وديته مستشفى كيان اللي ف العاصمة الإدارية

ف الراجل ده علشان دخل البيت عندهم هو ومراته ف المدام نزلت معاه بحسن نية

- ركب معاها عربيتها؟

= اه وهو اللي قالها هاتي البنات معاكي، فهي كلمت حد من ع جروب الماميز علشان يمشي وراها بالعربية بحيث يبقى فيه حد يونسها ف لما حس ان فيه حد جاي وعلى تواصل باستمرار معاها والشخص ده كان قايلها أنا فاضلي ٧ دقايق وأوصل

ف راح خد منها التليفون وقتـ .…ـلهم وخد العربية ساق هو ورجع ركنها بعد الفيلا بتاعت اسامة بحوالي ٥ أو ٦ فيلات ورا مغطي العربية، والكلام ده كان حوالي ٤ ونص أو ٥ الفجر

وبعد كدة راح علشان يسر**ق البيت معرفش لأن أسامة كان عامل الباب بكود وصور البنات ومعرفش يفتح ف مشي، هو لو كان بغرض السر**قة زي ما اتقال، طيب مخدش ليه العربية اللي أسامة راكبها بحوالي ٤ أو ٥ مليون جنيه؟! ومخدش ليه عربية المدام والدهب اللي كانوا لابسينه

- طيب قتـ ….لهم ليه؟

لو السبب فلوس كان المتهم استولى على سيارة شقيقي أو ذهب الأسرة وباعهم وخلاص.. لكن الواضح أن الواقعة تحت بند الطمع والحقد والغل مش بسبب السرقة بس

- هو كان شغال إيه؟

= هو كان مفهم أسامة إنه ظابط جيش، وشغال في التوريدات لبعض الجهات..

Address

المرج/ش مؤسسة الزكاه/امام حي المرج/أعلى هايبر موسى
El Marg

Opening Hours

Sunday 8pm - 12am
Monday 8pm - 12am
Tuesday 8pm - 12am
Wednesday 8pm - 12am
Saturday 8pm - 12am

Telephone

+201069657373

Alerts

Be the first to know and let us send you an email when مؤسسة آل نوفل للمحاماه الاستاذة /إيمان سيد نوفل posts news and promotions. Your email address will not be used for any other purpose, and you can unsubscribe at any time.

Shortcuts

Share