عبدالله عطية ابو شامه- محامي ومستشار قانوني

14/09/2026

اللي مش عامل توكيل لمحام من دلوقتي ..🖐️
هيندم 🫥 بعد ١ / ١٠ وتفعيل قانون الإجراءات الجنائية الجديد ..

عزيزي المواطن ..⚖️
بدءًا من 1/10/2026 سوف يتم تطبيق قانون الإجراءات الجنائية الجديد الذي نص على:

“إن في حالة صدور حكم غيابي ضدك، سواء بحق أو حتى بباطل أو بسبب تشابه اسمك مع شخص مسجل ، هيترتب عليه حرمانك من كافة الخدمات الحكومية ، وكذلك حرمانك من التصرف في أموالك، ولا يكون لك الحق في التمتع بالخدمات أو التصرف في الأموال إلا بعد إنهاء ذلك الموقف القانوني.”

هتقف في كمين، هتتحبس، هاتحل المشكلة دي إزاي؟ 🤔

لازم تعمل توكيل لمحامي قبل البدء بالعمل بذلك القانون ..

لكن بعد تطبيق القانون وصدور حكم ضدك، مش هتعرف تعمل توكيل لأنك محروم من الخدمات يا عزيزي المواطن.

“الحل بقى إيه؟”

اعمل التوكيل حاليًا وقبل تطبيق القانون لأي محام تعرفه وتثق فيه، وخليه في البيت مع زوجتك أو عيالك في ظرف، ومعاه مبلغ مالي.😊😄

اعتبر ده نظام تأمين على حياتك ومصالحك الشخصية 🤝
وبكده تكون وفّرت على نفسك أيام وشهور من التعب

16/08/2026

16/08/2026

⚖️"سلكة من ورا العداد ممكن تسجنك" ⚡️*

أنا والله ما سرقت، أنا مأجر الشقة من سنة، وشكل المستأجر كان سارق كهربا ومشي. دلوقتي المحضر باسمي أنا عشان العداد باسمي.

*القضية ماشية إزاي وأعمل إيه؟*

*الخطوات القانونية اللي تنقذك:*
1. *أول حاجة: اعمل معارضة فوراً*
تروح المحكمة الجزئية اللي تبعك وتعمل معارضة. دي بتوقف تنفيذ الحبس مؤقتاً ويتحددلك جلسة جديدة. هتدفع الكفالة اللي في الحكم.

2. *تاني حاجة: روح شركة الكهربا "اتصالح"*
ده أهم خطوة. تروح الإدارة التجارية وتطلب *"مصالحة"*. هما هيحسبوا "متوسط استهلاك" للفترة اللي فاتت + غرامة. ممكن المبلغ يبقى 5 آلاف لـ 20 ألف حسب المدة.
بعد ما تدفع هتاخد *"شهادة مصالحة"* مختومة.

3. *تالت حاجة: قدم الشهادة للقاضي*
في جلسة المعارضة بتقدم شهادة المصالحة. القاضي بيحكم *بانقضاء الدعوى الجنائية بالتصالح*. يعني كأن مفيش حكم أصلاً وبيتشال من الكمبيوتر.

*طيب لو أنت فعلاً مظلوم والمستأجر هو اللي سارق؟*
1. قدم عقد الإيجار في الجلسة.
2. اطلب من القاضي "إحالة للخبراء" أو "تحريات مباحث" تثبت إنك مكنتش ساكن.
3. بس *التصالح أسرع وأضمن 100 مرة*. لأن القاضي ممكن ميدينكش جنائياً بس هيدفعك فلوس الكهربا برضو.

*الخلاصة:*
*التصالح مع شركة الكهربا = بيمسح الجنحة كلها.*
*متستناش لما يتمسك عليك في كمين*، لأن فيها حبس فعلي لو الحكم نهائي.

*تكلفة التصالح أرحم بكتير من بهدلة سنين + حكم حبس.*


---

*معلومة زيادة: الفرق بين "سرقة تيار" و "مخالفة شروط تعاقد"*
**سرقة تيار = جنحة**
**مخالفة شروط = غرامة بس**
**السبب**
توصيلة من ورا العداد، لعب في العداد
مديت سلك لشقة تانية، أحمال زيادة
**العقوبة**
حبس + غرامة 10 لـ 100 ألف
غرامة إدارية 500 لـ 5000 جنيه
**بتتسجل؟
** أيوه جنحة على الكمبيوتر
لأ، مخالفة بس
*نصيحة أخيرة:*
لو جالك "ضبطية قضائية" من الكهربا ولقيته كاتب "تلاعب" = اجري اتصالح تاني يوم. لو كاتب "مخالفة" = ادفع الغرامة وخلاص
⚖️
📍وتقدر تزور مكتبنا
العنوان:- ميدان العروبة اول بلوك الدور الثالث ديرب نجم محافظة الشرقية
#تليفون
01014120475

والله الموفق والمستعان ❤️
⚖

11/08/2026

إحالة شركات المحمول الأربعة إلى النيابة بشأن مخالفات تسجيل خطوط بأسماء مستخدمين دون علمهم
المصدر: جهاز تنظيم الاتصالات

09/08/2026

تم فتح القانون الخاص بتقنيين اراضى املاك الدولة مرة اخرى وينتهىرالعمل به فى ٢٠٢٧/١/٢٥

09/08/2026

الشركات بتنصب على الناس وتقول تعالى اعمل إنكار ملكية
هذه صيغة الإقرار
إلى المعلقين الذين يقولون اذهب للشركة واعمل إنكار ملكية
ده إقرار انك صاحب الخط ومسؤول عنه لإخلاء مسؤولية الشركة 😎😎☝️👎👎
والخطوط باسمك

26/05/2026

لبيك اللهم لبيك، لبيك لا شريك لك لبيك، إن الحمد والنعمة لك والملك، لا شريك لك لبيك.
لبيك يا رب، قد منحتني شرف الوقوف بين يديك، أدعو الله أن يتقبل مني ومنكم، وأن يعيدني وإياكم إلى هذه البقاع الطاهرة. اللهم تقبل منا جميعاً.