09/10/2024
الإجراءات اللازمة المتخذة عن موضوع
التصالحات عن مخالفات المباني
📌اولا :_
الناس ال عامله تصالح قديم وواخده نموذج (3) لابد من عمل شهاده بيانات وربط التصالح القديم بالتصالح الجديد واستيفاء باقى الملف .
- طيب هتقولى انا دافع فلوس وضعها ايه هتروح عليا ؟
هقولك لا التصالح الجديد بيكمل ع التصالح القديم وال دفعته مش هيروح وهتكمل عليه.
- هتقولى لازم اعمل شهادة البيانات واستكمل الملف ؟
هقولك ايوه لو ماعملتش كدا وورقك ماكملش هيترفض
- طيب انا واخد نموذج (10) اعمل شهاده بيانات ؟
هقولك والله انت محتاج افاده فمحكمه لازم تعمل شهاده البيانات لان مش هتقدر تاخد اى اثبات من المجلس بان ليك تصالح غير لما تعمل شهاده بيانات ؛ لا مش عايز افاده فمحكمه وعايز تكتفى وماتعملش شهاده بيانات هقولك دى حاجه ترجعلك بس من رايي الشخصى انك تعملها ماحدش عارف بكره فيه ايه
- طيب انا متصالح على دور بس لسه ماصبتش الدور دا
هقولك انه هيتم عمل استكمال للمبنى
- انا عملت تصالح والتصالح بتاعى اترفض اعمل ايه؟
هقولك ليك انك تتظلم
ملحوظه اخر ميعاد للتقديم على شهاده البيانات 7/6/2024
📌ثانيا :_
الورق المطلوب لشهاده البيانات
1- رسم كروكى للمبنى مختوم بختم مهندس
2- صوره بطاقه
3- احداثيات المبنى مختومه بختم مهندس
4 - سند ملكيه حتى لو كان عقد ابتدائي
